إعـــــــلان

Collapse

.

,
See more
See less

كيف تتعامل مع البلطجية

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #1

    كيف تتعامل مع البلطجية

    النهاردة كنت ماشى بال 128 فى حالى على اليمين فى أحد الشوارح الجانبية الضيقة فى مدينة نصر وبعدين ميكروباص جاى من ورايا فى نص الشارع بيعدى من شمالى وفجأة كسر على عربيتى .. الباب بتاعه دخل فى بوز الرفرف الشمال بتاعى
    الباب الجرار بتاعه اتطبق والرفرف بتاعى لحسن الحظ اتكرمش شوية
    طبعاً راح وقف بعيد عن مكان التصادم وجاى يقول انت اللى غلطان ... صلح لى العربية زى ما كسرتهالى !!!!

    أنا غلطان ازاى ؟ أنا كنت واقف وانت اللى بتتحرك ... روح بلغ البوليس لو عاوز
    قام مطلع الموبايل وأجرى عدة اتصالات بالسادة المحترمين قيادات البلطجية فرع عزبة الهجانة ... وقد تفضل بالحضور كل من السيد كعبورة سنجة سائق نصف نقل ورئيس شعبة السنج والمطاوى والسيد ابو دبشة الطروبش سائق ميكروباص ورئيس شعبة الدمار الشامل وبعض السادة المعاونين فى ادارات سب الدين وشهادات الزور وتلقيح الجتت.

    وتوالى وصول السادة الأشراف الى موقع الحادث وانا مش فاهم حاجة من اللى بيحصل.
    اللى يقول حانطلع ........ واللى يقول حانكسر لك العربية واللى ماسك حجر عشان يكسر العربية ...

    المهم اتصلت بأحد اصدقائى لاقيته فى آخر الدنيا ومش ممكن يلحقنى ... قال لى اكسب وقت وخدهم على أى سمكرى يقدر المشكلة على ما اجيلك.

    رحنا للسمكرى وهناك ربنا أرسل لى هدية السماء (ومن يتق الله يجعل له مخرجا)
    أول ما السمكرى بص على الميكروباص قال للسواق "واضح من منظر الخبطة انك انت اللى كسرت عليه من غير ما تبص فى المراية ... يبقى انت اللى تشيل الليلة"
    الغريب ان السواق ما ردش عليه خالص ونزل عليه سهم الله وقعد زى ال ... على الرصيف
    وسألت السيد المحترم كعبورة سنجة ايه الموقف دلوقت ؟ قال لى خلاص يا باشا حصل خير واحنا حا نشيل الليلة !!!!!!!!!!!!!!!!!

    بعد ايه
    ولو كنت اتمسكت بحقى من الأول كان الموقف حا يتطور لأيه ؟
    أتعامل مع الناس دول ازاى ؟
    ولو كان معايا زوجتى والأولاد كان ممكن يحصل ايه ؟
    لو قررت اقلبها معركة ... وحتى لو انتصرت عليهم حا يكون مصيرى ايه ؟؟؟؟

    للأسف القاهرة اصبحت مرتعاً للبلطجية واللصوص على كل المستويات ,,, ما فيش أخلاق ... ما فيش ضمير ... مافيش دين أساساً

    قولوا لى اتصرف ازاى فى المواقف الى زى دى ... نعمل ايه ... دلــونى بالله عليكم
    [img2]http://i1023.photobucket.com/albums/af355/khaled_now/Awards2012-2015.gif[/img2]
    [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]
    الكلمات الدلالية (Tags): 12, 128, 28, blue, col, color, si, size, ؟؟, ؟؟؟, ؟؟؟؟, آخر, أخلاق, أرسل, أساسا, أساساً, أسف, أشراف, أول, أولاد, اتصالات, اتصرف, اتصل, اتطبق, اتمسكت, احنا, ادا, ار, ارد, ازاى, اس, اصبح, اصبحت, اصدق, اف, اقف, اقل, اقلب, اقلبها, اكس, اكسب, الأشراف, الأول, الأولاد, الات, الباب, البلطجية, البوليس, الت, التصادم, الجان, الجانب, الجانبية, الجرار, الحادث, الحضور, الحظ, الخبط, الخبطة, الدنيا, الرصيف, الرف, الرفرف, السما, السمك, السمكرى, السواق, الشارع, الشامل, الض, الضيق, الع, العر, العرب, العربي, العربية, الغريب, الق, القاه, القاهر, القاهرة, الل, اللص, الله, اللي, المحترم, المحترمين, المراية, المشكلة, المط, المع, الموا, المواقف, الموبايل, الموقف, الميكروباص, الناس, النه
  • #2
    والله مش عارف اقولك اية.....
    عافانا الله جميعا واياك من هذا الابتلاء...
    وحسبنا الله ونعم الوكيل في أمثال الناس دي...
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------

    Comment

    • #3
      a good connection in the police

      if something like this happen, call the guy and let him send you a police car

      Comment

      • #4
        مرة كنت مستلف عربية الوالد (لانسر 99) و ماشي في طريق النصر ..... ميكروباص كسر عليا يمين (هو كان شمالي) في الزحمة و انا واقف و عمال ازعق له حاسب حاسب مفيش ...... البيه مركب سلمة حديد عشان الزبون بتاع قدام يركب بيها شقت العجلة القدمانية بوظت فردة الكاوتش تماما ......

        المهم عمال يقاوح ان انا اللي غلطان و انا اللي دخلت فيه ...... الكوميديا ان مراية السواق اتفتحت لقدام ..... لو هو اللي كان ثابت و واقف و انا دخلت فيه كانت مرايتي اتضمت عادي مش اتفتحت عالواسع ......

        كلمة مني كلمة منه سابني و هرب و انا شربت فردة كاوتش بالف هنا و شفا
        [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

        [URL="https://goo.gl/30fu9U"]Registered Migration Agent - MARN 1575106[/URL]
        [/COLOR][/CENTER][/SIZE]

        Comment

        • #5
          كيف تتعامل مع البلطجية ؟

          والله سؤال صعب , خصوصا لو انت شخص مسالم مش بتاع مشاكل

          بس ربنا بيستر فعلا , يا رب استرها معانا
          [CENTER]م/احمد وهبة
          Software Developer
          [/CENTER]

          Comment

          • #6
            كيف تتعامل مع البلطجية ؟

            ادعي ربنا ميوقعكش في سككهم بس كده

            Comment

            • #7
              الله يكون فى عون اللى يقع فى الموضوع ده

              انا عشان كده بقفل اللوك بتاع عربيتى وانا داخله فى اى مكان غريب لو اضطريت يعنى اقفل الازاز بتاع العربية وربنا يييييييييييييييييستر
              [CENTER][frame="3 80"][SIZE=4][COLOR=DarkRed]ما أعظم أن تكون غائباً حاضراً على أن تكون حاضراً غائباً
              أراكم على خير ان شاء الله [/COLOR][/SIZE][/frame][/CENTER]

              Comment

              • #8
                ادامك حل من ثلاثه
                1 تاخد بعضك و تخلع الي يحصلني يكسرني
                2 عليا و علي اعدائي ابراهيم الابيض
                3 الشربه في خدمه الشعب وغالبا هتلجا لحل من الاتنين الي فوق
                [CENTER][mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
                [/CENTER]
                [SIZE=4][COLOR=RoyalBlue][B] [URL]http://www.mp3quran.net/basit_mjwd.html[/URL]
                القران الكريم بصوت الشيخ عبد الباسط عبد الصمد

                [/B][/COLOR][/SIZE][CENTER][SIZE=6][COLOR=RoyalBlue][B]143[/B][/COLOR][/SIZE]
                [/CENTER]

                Comment

                • #9
                  في اختراع اسمو الصاعق الكهربائي بيشل اللي قدامك من 10 الي 20 دقيقة الحاجت دي معمولة للناس دي

                  شوف بقي التصرف الصح اتكلم معاه بكل ذوق وحاول تخبي الصاعق مش تظهره وايدك علي الزار من قبل ماتنزل من العربية وتسلم عليه في اي حته في جسمة

                  هاتلاقي وقع زي الحمار تشدو علي جنب وتمشي ولا كان اي حاجة حصلت
                  انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

                  Comment

                  • #10
                    خد نمرة عربيته ونداء لوزير الداخليه بالواقعه فى صفحه الحوادث او البريد بالاهرام . على الاقل يمكن يستدعى هذا الشخص ومرة فى مرة وبتعاون من الكل سنقضى على هذة الظواهر الخبيثه فى المجتمع باذن الله تعالى

                    Comment

                    • #11
                      المشاركة الأصلية كتبت بواسطة raedegypt مشاهدة المشاركة
                      خد نمرة عربيته ونداء لوزير الداخليه بالواقعه فى صفحه الحوادث او البريد بالاهرام . على الاقل يمكن يستدعى هذا الشخص ومرة فى مرة وبتعاون من الكل سنقضى على هذة الظواهر الخبيثه فى المجتمع باذن الله تعالى

                      ممكن حضرتك تكمل بياناتك الشخصيه وتكتب محل الاقامه

                      علشان اكيد انت عايش بره مصر من زمان
                      (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
                      لمجرد أنك تحب الجبن الرومي !)

                      Comment

                      • #12
                        حسبنا الله ونعم الوكيل
                        سبحانك اللهم وبحمدك ، أشهد أن لا إله إلا أنت أستغفرك وأتوب إليك

                        Comment

                        • #13
                          عايز اوضح نقطه
                          طبعا في الاصل احنا السبب اننا بقينا لقمه سائغه في عيون الاخوه البلطجيه!!
                          مره ورا مره لما بنحتك بيهم و نبين لهم ان احنا مش بتوع مشاكل و بنشتري دماغنا
                          لما كل مره تدي سايس عربيات واقف في باركينج و ميكونش معاه تصريح من الحي او رخصه من غير ما تسأله او تشده و تنهره
                          لما بنت تتعاكس قدامك في الشارع و هي ماشيه في حالها من شويه اوغاد و الشباب و الناس الكبيره هس هس ولا كأن في حاجه غلط بتحصل
                          لما تشوف سواق ميكرويلص بيبلطج علي سواق ملاكي و تبص و تتفرج عليهم بدل ما تنزل و تساعد في الموقف ده
                          الاسباب كتير قوي قوي
                          بس لو عايزين الوضع يتحسن لازم تنسي السلبيه و تكون ايجابي
                          لما تتعرض لموقف زي ده ارفع سماعه التليفون و اتصل ببوليس النجده و بلغ بسرعه و هتلاقيهم جنبك في اقل وقت ممكن...
                          بلاش الصوره النمطيه المغلوطه للبوليس في مصر
                          خلينا نكون ايجابيين في الشارع و في كل مكان نكون فيه
                          انا مره شفت بنت بتتعاكس في الشارع من عربيه فيها اربع شباب و كنت لوحدي
                          هبيت فيهم و هزقتهم مع العلم ان الشارع مليان ناس و محلات و البنت علي الرصيف ماشيه في حالها و محجبه و لابسه محتشم !!
                          سلبيه من الناس اللي في الشارع
                          قابلتها بموقف ايجابي
                          النتيجه العيال دي عمرهم ما هيتعرضو لأي بنت في الشارع ده تاني
                          انما سلبيه في سلبيه هنلاقي بكره اسود من امبارح
                          برضو يحضرني موقف تاني
                          في روكسي جاي بركن في امان الله لقيت واحد من اياهم جاي يتنطط قصاد العربيه
                          ركنت و كله تمام لقيته جاي يقول باشا الركنه 2 جنيه
                          قمت في لحظه واحده مقرب منه و وشي في وشه و فاتح فيه الشمال الدوغري
                          فين رخصتك يا كبير
                          ده موقف و الحي معينني
                          مليش فيه فين رخصه الحي و رقم الترخيص
                          سكت و بيقولي دول 2 جنيه
                          قمت قايله انت علي دماغي من فوق بس اطلعلي برخصتك و رقمها و انا عينيا ليك مكنش يبقي متكترش في الكلام اديني ماشي و العربيه قدامك خدها مخالفه كسرها ولع فيها براحتك علي الاخر و صباحك فل
                          عايز اقولكو رجعت بعد ساعه او اكتر و البيه كان برضو واقف بيظبط حاله من الناس اللي بتركن و انا ركبت العربيه و دورتها و وقفت شويه و بعد كده طلعت بالراحه و ببطء قدام عينيه و ده واقف متنح مش عارف يعمل حاجه خلاص جي امشي لقيته ناوي يجي تاني قمت واقف تماما و باصص لسيادته من الشباك قام سكت و قفل بقه
                          مع العلم انه شكله استغفر الله و بنيانه قوي اقوي مني علي الاقل بس لما متديتوش فرصه للبلطجه و قفلت عليه الكلام في النقط الرسميه الموقف كان في صالحي
                          و حتي ان اتعرض للعربيه ابسط حاجه محضر في القسم و هيتجاب يتجاب و هو عارف كده كويس
                          حاولو تكونو ايجابيين
                          يكفينا فخرا الحديث الشريف:
                          من قتل دون ماله أو نفسه أو عرضه فهو شهيد من حيث الفضل والأجر، ولكنه ليس له حكم شهيد المعركة فيغسل ويكفن ويصلى عليه كما ثبت في سنن أبي داود عن سعيد بن زيد قال: سمعت رسول الله صلى الله عليه وسلم يقول: ((من قتل دون دينه فهو شهيد، ومن قتل دون دمه فهو شهيد، ومن قتل دون ماله فهو شهيد، ومن قتل دون أهله فهو شهيد)) وصححه الترمذي، وقد قتل عمر رضي الله عنه مظلوماً وغسله الصحابة رضي الله عنهم، وصلوا عليه، وهكذا عثمان وعلي رضي الله عنهما، قد قتلا مظلومين، وغسلا وصلى عليهما الصحابة رضي الله عنهم.

                          Comment

                          • #14
                            الاسف الشديد الناس بتاخف من الى ينزل يزعق
                            او الى يقولة طيب تعالى معايا عند اى كمين او ظابط
                            هيقولك ماشى ويتفرد ويتنى ولو ما بيشوف الظابط
                            بيبىء عامل زى البطة البلدى وعن تجربة على فكرة الموقف دة
                            سواق خدنا من التحرير عادى بس كنا واخدين العربية مخصوص بندفع 50 قرش
                            زيادة على الاجرة المهم النجم مركب 2 من زمايلة معاه
                            وعايزنا ندفعلوهم يوقلبك مليش دعوة
                            كملة من هنا على كلمة من هنا بعد ما وصلنا ميدان لبنان لف ورجع تانى
                            اام 2 شباب اول ما وصل الموقف راحوااا نزلين للظابط
                            طبعا النجم عمل فرخة قدام الظابط ويابية ومش يا بية
                            وفى الاخر بعت حتة امين شرطة معفن سحب الرخصة وقعدة زى الست العانس مش لاقى حاجة يعملها وهايطق ويرفقع مننا
                            والناس دى برضو مبأدها انزل زعق غلطان او مش غلطان
                            عشان الى قدامك يكش
                            وفى الاول والاخر دول عالم كلاب 99.9% منهم كدة
                            وال .1 % الباقى ناس متحرمة جدا جدا جدا
                            [CENTER][COLOR=Blue][SIZE=4]مفيش توقيع
                            عشان تتبسط :D
                            [/SIZE][/COLOR][/CENTER]

                            Comment

                            • #15
                              السلاح مش بيفارق العربية عندي .. غير العصاية الجلد الطخينه اللي تحت الكرسي .. دي لزوم السفر بالليل .. وربك يسترها
                              [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

                              Comment

                              السابق 1 2 3 4 5 template التالي
                              Working...
                              X