العمرة

[mesaharaty]

السلام عليكم يا إخوتى الكرام

بإذن الله تعالى أنا ذاهب لأداء العمرة بعد أسبوع فبماذا تنصحونى ؟
يعنى كل واحد كده كان ليه تجربة طلع منها بفايدة يقولهالنا وله موفور الشكر .

وتقبل الله منا ومنكم

[mesaharaty]

يااااااااااااااااااااااااه كل دى تجارب .

[zyadahmed]

تقبل الله منك وعمرة مقبولة ان شاء الله
أهم نصيحة خلى بالك من تقلبات الجو ما بين مصر ومكة الجو حاليا هناك حر فى النهار لكن الفجر بيكون برد شديد فحاول يكون معاك ترنج سوت شتوى لو هاتعتكف فى الحرم بالليل وده اكيد ان شاء الله هايحصل لانه اغراء المبيت فى الحرم لا يقاوم والتهجد وقيام الليل ( الركعة = 100 الف ركعة ) تخيل بقى الثواب
نصيحة تانية بلاش التسوق والشوبنج ياخد منك وقت كتير لان الاوقات الروحانية دى مش بتيجى كل يوم فبلاش تضيعها فى غير العبادة

كمان ما تسمعش للى يقولك نروح جدة قريبة من مكة والحاجة رخيصة ده مش صحيح اسواق مكة أقرب وأرخص انا كنت مقيم فى جدة وعارف
كمان فى بوابة تفتيش على طريق مكة - جدة وانت هاتروح من غير الجواز لانك مسلمه لشركة السياحة فممكن تتمسك على ما تثبت انك داخل بطريقة رسمية وتابع لشركة عمرة هاتتبهدل

واخر نصيحة اغتنم كل ثانية فى الحرم فى العبادة وقراءة القرآن والنوافل وبلاش تضيع فرض فى الحرم ولو ساكن بعيد بلاش تروح البيت بعد كل صلاة ارجع بس بعد الفجر وتعالى على الظهر وكمل فى الحرم للعشاء بجد الوقت هناك جميل وروحانى وحاول تختم القرآن فى الحرم ان شاء الله

وتقبل الله منا ومنك

[ssaleh]

تقبلها الله منك انشاء الله ويتقبل منك صالح الاعمال زانشاء الله حاول تستفيد من كل الوقت فى الصلاه فى الحرم من فروض ونوافل ولو ساكن بعيد متحاولش تروح وتيجى على كل صلاه بقدر الامكان خد الظهر والعصر وتطلع تتغدى قرب الحرم وترجع تصلى المغرب والعشاء ولا تنسى كثره الدعاء والاستغفار وبالنسبه للجو الصبح حر وبالليل تقل شويه وانشاء الله لو البرنامج فى زياره المدينه وينعم عليك ربنا بزياره حبيبى رسول الله فالمدينه جوها الصبح معقول لكن فى الفجر برد جدا وربنا يتقبل ونسالك الدعاء

[hussein]

اهم حاجة علشان تحس ان العمره فرقت معاك مش زى ماروحت زى ماجيت انك تشوق نفسك للعمره اوى من دلوقتىو تقرأ عنها و تعيش جوها و حاول تعزل نفسك هناك عن الدنيا بمشاكلها و تعبها و دا تبدأ فيه مندلوقتى مش تروح هناك تقول ياريت الشغل عامل ايه دلوقتى وفلان عامل اية و ......... ركز فى الاخره و بس و ماتفكرش فى الدنيا خالص و ابدأ من دلوقتى
لما تيجى مسافر احرص على قراءة القرأنفى الطيارة علشان تكون قرأت القران و انت فى الارض وانت فى الجو
لما تروح هناك هوصيك بحاجتين
1- تختم القران مره فى مكه و مره فى المدينه
2- طبعا طول مانت فى الحرم ( المكى او المدنى) كل صلاه بتلاقى بعدها صلاة جنازه طبعا كل الناس بتصليها بس انت بأه هتعمل حاجه اجمد بكتير انت هتتبع الجنازه كمان على الاقل فى المدينة علشان البقيع جنب الحرم لزق يعنى مسافة صغيره و ثواب عظيم و ياسلام لو شاركت فى الدفن هتاخد ثواب كبير و عظه و قرب من ربنا
و متنساش تصوم كام يوم و تدعى لامواتك و اموات المسلمين و للمجد القصى و لحبايبك و ادعيلى لو افتكرتنى

[abd_el_7amid]

السلام عليكم
تجنب ضياع الوقت... وتجنب الصحبة السيئة... وتجنب كثرة التسوق
اكثر من الصلاة... والقيام...والذكر
ولا تنسانا بصالح الدعاء

[michohat]

الف شكر ليكم ان شاء مسافر مساء يوم السبت
جزى الله صاحب الموضوع واياكم كل خير

[AmatoALLAH]

ما شاء الله يا بختك

شوف اهم شئ انك تقرأ كويس جدا جدا عن العمره و هتعمل فيها و تبتعد عن البدع اللي بتحصل

فيه كتيبات بتكون مكتوب فيها تفاصيل العمره كلها و دا موضوع كمان بالصور هيفيدك ان شاء الله
صفة العمرة بالصور - مـنـتـدى الـعـرب الـمـسافـرون

في اشياء بتمتنع عن عملها زي قص الشعر و الاظافر و وضع العطر و خلي بالك تاخد صابونه معاك طبيه بدون عطر طبعا الكلام دا اول ما تبتدي تنوي الاحرام يعني بعد الاحرام خلاص ماينفعش تعمل اي حاجه من دي

نصيحه مني ليك استغل كل ثانيه هناك و ماتضيعش وقتك في الكلام مع اللي معاك

سخر كل جوارحك للعبادة و صفي ذهنك من اي شئ

الاسواق ابعد عنها تماما طول العمره لانها والله بتميت القلب طبعا انا ماعرفش انتم بتنجذبوا زينا للاسواق و لا لا بس علي العموم ابعد عنها و ماترحهاش الا في اخر يومين علشان تجب هدايا

و احرص علي كل الصلوات في المسجد الحرام او المسجد النبوي و روح قبل صلاة الفجر بساعتين بيكون الوقت يجنن و صلي الفجر و اجلس للرشوق قول الااذكار علشان تتحسب لك عمره مع حببينا المصطفي

اممممممم بس دا اللي عندي دلوئتي و لو افتكرت حاجه هبقي اقولك عليها

[michohat]

ربنا يجزيك خير
تصدق النفس من دلوقت بتقول لى اشترى ده واشترى ده يا عم ما تغير موبايلك واهى فرصه وانت هناك تجيب موبايل مالوش حل
و ربنا يقوينا و نركز كل التركيز فى العمرة

[aif]

الف مبروك وربنا يتقبل منك وييسرلك العمرة
اولا .. ممكن تشوف الموضوع اللي في توقيقي ح تلاقي فيه حاجات ممكن تكون مفيدة
ثانيا ... لا تنسانا من صالح دعائك
ثالثا ... ترجع بألف سلامة .... ومنتظرين موضوع عن تجربتك ومشاعرك في العمره

[ehab_10]

تقبل الله منك وعمرة مقبولة ان شاء الله
اقابلك هناك إن شاء الله انا طالع يوم 22

[mesaharaty]

يا جماعة متشكر جدا على ردودكم ومشاركاتكم وإن شاء الله سوف أنفذ ما جاء فيها ولما أرجع بمشيئة الله سأحكى لكم عن الرحلة بتفاصيلها .

وفقكم الله وعقبالكم يا رب

[ehab_10]

اقابك إن شاء الله فى الحرم