قالك امتحانات تجربة...

[كابوس الليل]

بسم الله الرحمن الرحيم
السلام عليكم ورحمة الله وبركاته

بما انى فى تانية ثانوى ... عايز احكلكم المهزلة بتاعت امتحنات التجربة الى كانت الاسبوع ده... وخلصت النهاردة للعلمى والادبى ان شاء الله يوم السبت عندهم تاريخ.....
اولا: المفروض ان الاسئلة على الترم الاول بس طبعا كلهم جاى على اكتر من نص المنهج (علشان كدة الوزير منع بتوع العربى انهم يحطوا امتحنات تانى) فى المدرسة.. كل اتنين فى دكة وطبعا الغش شغال على عينه... ده لدرجة ان العيال بيغشوا التعبير والParagraphوطبعا الكتب بتطلع فى الامتحنات عادى جدا((المرقبين من عندنا من المدرسة)) بس بيطعلوا برة يفطروا محدش بيقف علينا.. وكل واحد وضميره.. ممنوع منعا باتا خروج طالب.. بورقة الاسئلة.. عشان سبب تافه جدا ان بتوع المدارس التجريبى..لسة حيبتدوا امتنحات تانى يوم يعنى هما متاخرين عننا بيوم فا كدة الامتحان قال ايه هيتسرب(حتكلم على موضوع التسريب ده بعد شوية) وطبعا كله بيصور الامتحنات على الموبيل عشان نحله واحنا بنراجع...
اصعب امتحان بتاع الجبر امبارح.....وكل الطلبة بيقولوا كدة....
اما عن تسريب الامتحنات فحدث ولا حرج..الامتحان بيتباع بجنيه ونص برة فى كل المكتبات الى حوالين المدرسة..
زى ما اتعرف ان امتحان الفرنسى اتسرب((بس يا خسارة انا المانى)) والوزير نقل المسئولين عن التسريب للنيابة عشان التحقيق معاهم...

امبارح المدرسة كلها كان معاها امتحان الكيميا بتاع النهاردة... وفعلا هوا هوا الى جيه النهاردة.. بس مظنش ان الوزير حيعمل حاجة فى ديه كمان عشان كدة تبقا الامتحنات معظمها اتسرب وكدة تبقا الوزارة سايبة فاهمين قصدى؟ يعنى كفاية امتحان واحد بس يتعرف انه اتسرب......
غير كدة... الامتحنات ديه ضيعت وقتنا لا عارفين نلاحق المنهج مع الدروس ولا نراجع لامتحان اخر السنة ولا نراجع عشان الامتحنات ديه؟؟؟
بس هيا احلى حاجة فيها انها بينت للواحد الحجات الى محتاجة تركيز اوى عليها.....

كمان بيقولوا انهم حيعملوا واحد تانى فى شهر خمسة بس انا مش حروحه (مش لعبة هيا))
مستنى ردكم على المهزلة ديه

[Mohamed.Ramah]

التعليم اساسا عندنا فى مصر ضايع وربنا يوفقك فى الامتحانات ان شاء الله

[ahmadyusuf]

انا شايف ان وجهه نظر الوزير فى الامتحانات دى مش وحشه , و هى انه يعود الطلبه على وقت و طريقه و اسلوب الامتحانات علشان كده اللى بيغش ده مش حيستفيد اى حاجه بالعكس هو يعتبر فقد الفايده من الامتحان لان الامتحان اصلا معلهوش اى درجه غير الحضور, لكن موضوع تسرب الامتحانات ده بقى هو اللى مهزله بس انا عاوز افهم , ليه الناس بتروح تشترى الامتحان من قبل ما ياخدوه و هو اصلا مفيش عليه درجه , بصراحه انا بعتبر ده غباء

[mensho]

انا بقى مش عاجبانى و ربكة للطالب وقلق للاهل عالفاضى
الطلبة كلها فى الدروس بتحل امتحانات و بتشوف الوقت وتجرب مع نفسها(بتكلم عالشطار)
مش لازم بقى القلق و كدة
هية مفيدة شوية للطلبة اللى منفضة تبداء تصحى بقى
وبعدين الراجل بيقلك الامتحان بجنية و نص:b4_592:

[نور القمر]

لكن موضوع تسرب الامتحانات ده بقى هو اللى مهزله بس انا عاوز افهم , ليه الناس بتروح تشترى الامتحان من قبل ما ياخدوه و هو اصلا مفيش عليه درجه , بصراحه انا بعتبر ده غباء

تصدق انا شكيت شوية تكون نتيجة الامتحانات دي ليها تأثير على مجموع اخر السنة
اصلي مش متابعة اخر افتاكاسات الثانوية
حاجة غريبة الطلبة بيضحكوا على نفسم ولا بيضحكوا على مين !!!!!!!!!

[كابوس الليل]

تصدق انا شكيت شوية تكون نتيجة الامتحانات دي ليها تأثير على مجموع اخر السنة
اصلي مش متابعة اخر افتاكاسات الثانوية
حاجة غريبة الطلبة بيضحكوا على نفسم ولا بيضحكوا على مين !!!!!!!!!

لا ملهاش اى تاثير على درجات اخر السنة الحمد لله
كمان تسريب الامتحنات خطا مش من الطلبة.. العيب على الى مسئول عن الامتحنات ... حد بيقولك خدى الامتحان ده هوا الى جاى بكرة حتخديه ولا لا؟

[محمد محمد]

بعيدا عن الموضوع واحشني والله ياكابوس ومفتقد الخضة بتاعت اسمك في المنتدي.

[كابوس الليل]

بعيدا عن الموضوع واحشني والله ياكابوس ومفتقد الخضة بتاعت اسمك في المنتدي.

والله وانت يا ابو وليد انت والمنتدى كله وحشنى اوى بس ايه رايك فى الموضوع

[محمد محمد]

والله وانت يا ابو وليد انت والمنتدى كله وحشنى اوى بس ايه رايك فى الموضوع

هو طبعا محدش ينكر ان فكرة التجربة دي ممتازة بس يظهر ان المسئولين عديمي الخبرة مخدوش بالهم قبل كده من موضوع تسريب الأمتحانات ...وكمان انا حاسس ان التجربة دي دعاية للوزير الجديد اكتر من تطوير زي عندنا هنا في العبور او في اي منصب تلاقي رئيس الجهاز اول مايمسك تنضيف في الشوارع واغلاق للمحلات المخالفة.

[ehab08]

لو تتقبل رأى بصدر رحب
أنا كنت فى الثانويه العامه فى عام 1981 فى مدرسة الطبرى بروكسى
وكان النظام وقتها أجراء أمتحان تجربه فى شهر 4 أو شهر 5 تقريبا
وبنظام أرقام جلوس ومراقبه صارمه
لك أن تتخيل أن هذا الأمتحان أفادنى كثيرا
أنا شايف أن الأمتحان ده فى مصلحة الطالب لو نفذ بطريقه صحيحه
يعنى المدرسين يراعو ضميرهم فى المراقبه
والطالب لا يلجأ للغش مهما كانت الظروف
وربنا يوفقك إن شاء الله وتكون من الأوائل

[romeo_6887]

التعليم باظ في مصر يا جدعان
واحد جاري بيحكيلي عن الموضوع ده
مقدرتش ابطل ضحك علي ال........*

[كابوس الليل]

التعليم باظ في مصر يا جدعان
واحد جاري بيحكيلي عن الموضوع ده
مقدرتش ابطل ضحك علي ال........*

على ايه؟

[human]

هوه لسه فيه 2 ثانوى و الكلام ده؟؟؟
انا كنت فاكر ان الموضوع ده خلص

[كابوس الليل]

هوه لسه فيه 2 ثانوى و الكلام ده؟؟؟
انا كنت فاكر ان الموضوع ده خلص

قمال قفلو التعليم يعنى؟

[A7MED_PHARMA]

محمود أخويا في تانية ثانوي هوا كمان
قولتله روح وماتحلش حاجة إنت وأصحابك
علشان الوزير لما يشوفكم حمير مش فاهمين حاجة ..يجيب إمتحانات سهلة

..

هههههههههههه