كيف تتم صناعه الغباء !

[ahmdmagdy]

راااااااااااااااااااااااااااائع
تصدقوا أنا فهمت حاجات كتيرة من القصة دى ؟ شكراً لك ولصديقك الذى أرسل اليك الايميل ده يا أستاذ احمد

شكرا ليك

[seaf_sawy]

الله عليك دة بالضبط اللى بيحصل فى شركه الامل وكيل الادا لانهم لؤات فى الجيش هههههههههههههههههههههه

[MMamdouh]

اهئ اهئ اهئ
انا صعبان عليا القرد اللي بينضرب وهوه مش عارف بينضرب ليه

متزعلش قوى... مهو بعد شوية حيجى دورة فى الضرب و حياخد حقة... و برضة حيبقى مش فاهم هو بيضرب ليه

MMamdouh

[kemoelord]

طبعا شكرا على الموضوع , طيب وايه المشكله لما نعطي لكل قرد موزه وبكده مفش حد هيضرب هههههههههههههههههههههههههههههه

[iBiZa]

انا كان ليا تجربه عمليه مع الموضوع ده:

من فتره كنا فى رحله تدريبيه و كان فيه محاضره عن الموضوع ده بس المحاضر حب يوريهالنا عملى و عملها بالبالون مش بالمياه.

المهم فى الاول اختار 8 اشخاص و طلع 4 منهم بره خالص, و شرح للاربع ان كل واحد معاه عدد من البالونات و هو المحاضر هيمسك بالونه و اللى هيفرقع بالونه المحاضر لما يقول هايديلوه واحده و يفرقع واحده من بتاعه الناس التانيه.

المهم الناس فهمت و بقى اول ما ينادى الناس تمسك بعض عشان محدش يفرقع بالونه المحاضر و بالتالى هو يخسر واحده من اللى معاه.

و ابتدى يشيل واحد من المجموعه اللى بتلعب و يجيب واحد من بره و اللى كان بيحصل ان اللى بييجى من بره كان بيعمل زى اللى بيلعبه من قبله.

واحد اتغير و بعدين التانى و الحاجه الغريبه كانت الشخص التالت. لما دخل مرديش يعمل زيهم, وقف و قال انتوا بتعملوا كده ليه ؟؟ انا مش فاهم و عايز حد يفهمنى.

المحاضر استغرب من الموقف طبعا و ساله, انت منين ؟؟ قاله انا كنت عايش فى امريكا و اتعلمت هناك.

طبعا كلنا دحكنا, بس المحاضر قال هو ده الفرق فى التعليم عن هنا.

بصراحه قعدت افكر كتير فى الموضوع ده, و قررت انى مش لازم امشى زى القطيع, او على الاقل افهم انا بعمل اللى بعمله ليه. و ده طبعا مسببلى مشاكل, لان اغلب الناس واخده اى حاجه كده و خلاص و عمرها ما حاولت تسأل ليه.

اكيد لما تفهم هيبقى احسن.