سطور من خواطرى ..(بس بجد اول مرة اكتب حاجة بالمستوى دة )

[eng.octooo]

الكلام دة كتبتة يوم الثلاثاء وانا قاعد فاضى وزهقان ومتضايق
ولما خلصتة دخلت نمت ولما صحيت كنت نسيتة خالص واول ماشفتة بالصدفة اتفاجئت ..لانى بصراحة اول مرة اعمل حاجة واحس ان مستواها عالى ( ممكن انتوا تشوفوها عادية بس بالنسبة ليا my master piece)

يمكن لانى لما كتبتها كنت متدايق اوى بسبب امتحان وبسبب واحد صاحبى (او واحد كنت فاكرة صاحبى)

انا كنت ناوى احتفظ بيها واخليها حاجة خاصة بس ..لقيت انة الاحسن انى افضفضلكم بيها ..

وانا اسف لو فيها غلطات لغوية بس حبيت انقلها زى ماهيا بدون تعديل

خيوط الزجاج

لولا احبائى لانتظرت يوم مماتى
لولا احساسى لقتلت انسانى
لولا انحنائى لانكسرت خيوط كبريائى
...
لكن انحنائى بداية انتهائى
والانتهاء بداية الارتقاء
ارتقاء درجات سلم الاقصاء
اقصاء روحى من سجن الحياة
والاحساس بشعور اللا حياة
...
احساسك بوجودك وسط من لا يشاهدونك
بل يشاهدون هفاواتك ولا يشاهدون نجاحاتك
وهم يعلمون ان نجاحك سبب وجود كرامتك
لكنهم لا يعترفون باحترامهم لشخصيتك
...
هل احساسى بكبريائى هو سبب احساسهم بوضاعتهم
يا لتفاهتى ااقارن انسانى بوضاعة امثالهم
لا ان احساسى بوضاعتهم سبب احساسهم بكبريائى
...

اردت ان اخيط جرحى بخيوط من الشفاء
فداويت جرحى بخيوط من الزجاج
لكن الخيط النقى لم ينحنى لنقاء كبريائى
فخر ساقطا متمسكا بانسانى
ونثر شظايا عنفوانة داخل جرحى
فقطع خيط الزجاج خط حياتى
وانا الذى......
اردت ان اداوى جرحى الان قتلنى الدواء
...
عزفت على اوتار حياتى وغنيت ليوم مماتى
فلولا اعدائى لما علمت باشتياقى لمماتى
...
اسف لفرحة دموعى وعزة شموخى
اسف لبكاء صوتى وانين فرحتى
فانا من خلق ليغزل خيوط الزجاج

[KSA2011]

هى كده لحظات الحزن بتبقى صعبه و الواحد بيعرف يكتب فيها
انا كنت زيك
بس بسيطه يا عمى المساله مساله وقت وتتعود بس انت لازم تتعود ازاى تعرف تتعامل مع الناس عشان ما تتعبش
التاس بقت وحشه اوى
يعنى انا حصلى موقف النهارده وموقف من كام يوم مدايقنى اوى بس عادى
من كام يوم واحد ومراته عايزين يعدوا والدنيا زحمه قمت واقف لحد ما عدوا قاموا واقفين عند جمب العربيه اليمين مش عارفين يعدوا من العربيات
الى كان قريب للعربيه الراجل فانا عايز امشى
المهم لقيت مراته بتبصلى وقاعده تزعقلى ما تصبر ما تستنى لما نعدى
انا قعدت ابصلها وانا مستغرب مش عارف اعمل ايه و الحيوان الى كان ماشى معاها ولا هو هنا
بس طلعت من الموقف ده بحاجه طبعا انه مستحيل اقف لاى بنى ادم الا اذا كان تعبان عشان يعدى بعد كده الى هيعدى هدوسه
النهارده برضه الدنيا مقفوله و تاكسيات تقف على اليمين والشمال واذا بواحد بارد شايفنى جاى وماشى يتمختر ومش عايز يمشى بيعدى الطريق بالعرض و بيدلع فاديته تلكس انه يخف شوى لقيته بيبصلى وبيزعق مع انى وقفت خالص لحد ما البيه عدى
ده من ايه ده مش عارف ؟
تحيلوا بقى لو واحد جاى ورايا و لبس فيا البيه كان هيفيدنى بايه
موقف تالت برضه النهارده
انا طالع على الطريق لقيت عربيه نقل واقفه بميل و عربيه نقل ماشيه ولقيت ادامى عربيه طايره المنظر يقول انه العربيه دى هتتزنق ما بين الاتنين فقلت استنى لما اشوف النقل ده هيحصلها ايه
لقيت واحد ابن تيت جاى ورايا وكلكسات انا طبعا ولا انا هنا
طب مش بيدى كلاكس ليه لبتاع النقل انا ماشى على اليمين
المهم ذنبته ورايا شويه هههه ومشيت على سرعه 10 وبعدين لما عديت النقل جه جمبى وطار
انا مش عارف الناس بقت عامله كده ليه
فكبر يا عم اكتو وعيش عشان ما تتعبش

[eng.octooo]

الحمد لله على كل حال

[Kareem_A]

مشاء الله , جميلة جدا جدا

الكلمات و المعاني متناسقة و بتعبر عن احساسك فعلا

مشاء الله , عقبال ما نشوف ديوانك :)

[3ateef]

انت شكلك كنت متضايق اوى اوى اوى

جميلة اوى ماشاء الله,,,وربنا يفك ضيقتك

:))

[ابوهاشم]

جميله يااوكتو وغعلا معبره عن حزنك الشديد
بس المهم تطلعنا على خواطرك وانت فرحان كمان

[الغزالى]

الله يا اوكتووووو

[romeo_6887]

جميل جدا الشعر ده

[eng.octooo]

شكرا ليكم ..المهم انة عجبكم

[M!SHO]

كلام جميل !!!!!

[A7MED_PHARMA]

إحساس جميل ياأبو حميد.

حاول تقرا كتـــــــــــــــــير لشعراء معروفين
وممكن في يوم تلاقي نفسك شاعر

[eng.octooo]

إحساس جميل ياأبو حميد.

حاول تقرا كتـــــــــــــــــير لشعراء معروفين
وممكن في يوم تلاقي نفسك شاعر

طيب تصدق انى من حوالى 6 شهور ولا حاجة بدات اكتب كتاب لنفسى على امل انى انشرة وكتبت اول 5 خواطر فية وعجبنى جدااااا بس رجعت ووقفت المشروع .....لانى حسيت انى مش هاقدر اكمل على نفس المستوى ....