ساعة الإنتظار فى ستى ستارز

[م/مصطفى محمود]

السلام عليكم

لو سمحت عايز أعرف سعر ساعة الأنتظار فى ستى ستارز كام

علشان كل يوم أروح بدوخ فى الركنة هناك

ولو فى مكان أفضل أركن فية يبقى فين ؟؟

وشكرا مُقدما

[SAiF3S]

3 جنيه فى الساعه لجراج المول
8 جنيه فى الساعه لجراج الفندق (انتركونتينتال او هوليدى ان)
لايوجد افضل من الجراج لو مش مستغنى عن عربيتك
او تركن بعيدددددد و تمشى لغايه المول
لو اشتريت من اسبينز باكتر من 100-150 بتركن مجانى
لو صرفت فى الفندق اكتر من 300 جم بتركن مجانى

[K.LOTFY]

هو تقريبا من الصبح لغايه الساعه 5 او 6 الساعه ب 3 جنيه والساعه اللى بعدها ب 2 جنيه او بجنيه

من بعد كده الساعه ب 5 جنيه والساعه اللى بعدها ب 3 جنيه وتقريبا اللى بعدها ب 2 جنيه

[M.Mosaad]

الساعه الاولي ب 5 حنيه
و التانيه ب 3 جنيه
و بعد كدة ب 2 جنيه

و لو لشتريت من سبينز اكتر من 100 جنيه تاخد ساعه انتظار مجاني
و اكتر من 200 جنيه تاخد ساعتين انتظار مجاني

و اكتر من 700 جنيه تاخد 3 ساعات انتظار مجاني

[Ahmed Selim]

الساعه الاولي ب 5 حنيه
و التانيه ب 3 جنيه
و بعد كدة ب 2 جنيه

و لو لشتريت من سبينز اكتر من 100 جنيه تاخد ساعه انتظار مجاني
و اكتر من 200 جنيه تاخد ساعتين انتظار مجاني

و اكتر من 700 جنيه تاخد 3 ساعات انتظار مجاني

تمام كده بس الأسعار الصبح بتبقى أقل شوية
يعنى أول ساعة 3 جنيه
و مش فاكر التانية و التالتة كام

و كمان لو داخل سينما بتسأل على كوبون الباركنج بيدوك كوبون بيخصم 5 جنيه من تكلفة الأنتظار.....بس لازم تختفظ بالكوبون و التذاكر عشان بيطلبوهم ساعة ما تيجى تحاسب

[korkor]

لو هتروح سيتى ستارز ومش هتشترى من سبينز حاجه يبقى احسن حته تركن فيها هى حته ارض فاضيه فى الشارع الخلفى لسيتى ستارز تبع القوات المسلحه الركنه ب 4 جنيه يارب تركن اليوم كله ولا جراجات ومطالع متخلفه

[م/مصطفى محمود]

الف شكر ليكم والله يا شباب

انا روحت أمبارح وركنت فى الشارع (أستخسرت أنى أدفع فى الجراج :d)

وفى الآخر لقينا الحساب أكتر من 1000 جنية ، فرجعت ندمت أنى مركنتش :d (وكنت أقل من 3 ساعات)

بس خير كده الواحد يبقى عارف أمتى يركن

بس بجد الف شكر ليكم يا شباب (أنا أساسا بحثت على النت كتير ومعرفتش أجيب الأسعار فبجد الموضوع ده هيفيد ناس كتير بإذن الله)