هل تقبل ان شريكه حياتك تكون غير متعلمه

[aif]

انا شايف انك لازم تبص للزوجة مش فقط على انها زوجتك وبس .... الأهم انها ح تبقى ام اولادك ... وهيا اللي ح تربيهم وهيا اللي ح تذاكرلهم ....يعني لازم تكون متعلمة ومثقفة

الحب ممكن يعوض الفارق التعليمي والثقافي ...... لكن من ناحية التربية للأبناء .... اكيد حيبقى فيه مشكله
لكن .... لكل قاعدة شواذ
اما القاعدة فهي ان تكون الزوجة متعلمة ومثقفة .........

[ابوهاشم]

المهم تكون بتفهم

يبقى نرجع تانى نقول المستوى الثقافى اهم من المستوى التعليمى

[د.احمدالشافعى]

لو بتتكلم علي مستوي التعليم في مصر والشهادة الي حاصلة عليها يبقي مفيش فرق بين الي معاة دبلوم او ثانوية او كلية او ماجستير او دكتورة
ممكن وحدة معاها دبلوم ونصحة ومثقفة وبتفهم ووحدة معاة كلية او ماجستير وسوري في اللفظ وهبلة
وممكن العكس
يعني التعليم هو تخصص في شيء معين يعني ممكن تبقي معاك دكتوراة في الفلسفة بس انت مش فايلسوف
وممكن تكون مثقف لدرجة ان من الصعب ان واحد متعلم يكون عندة المقدرة علي جدالك
موضوع التعليم دة شيء نسبي من شخص لاخر انا اعرف دكاترة معانا يعني معاهم دكتوراة وللاسف ميعرفوش حاجة في اي حاجة غير انة يعرف الدكتوراة الي هو واخدها
وبعدين اتجوز واحدة معاها دكتورة وماجستير وتكون هطله ولا اتجوز واحدة مش باول جهلة متعلمة وعندها ثقافة ووعي وفهم اكيد التانية هتكون افضل
وفي الاول والاخر المراة هي المراة طريقة تفكيرها واحدة بس بتختلف من بنت الي اخري وطريقة التنشاءة عليها عامل كبير يعني لو اتجوزت واحدة امها مطلعة عنيين ابوها هتلاقي الي ممكن تتجوزها ممكن تطلع عينك
لو طبع امها شكاك هتلاقي بنتها فيها الخصلاة المنيلة دية وهتخلقلك مشاكل من غير لازمة
الخلاصة التعليم مش مقياس خصوصا في مصر انت بتخش الجامعة مش بتطلع بحاجة ولا بتستفيد باي حاجة شوية الكتب الي بتاخدهم كلي ترم سهل اوي ان واحد يقراهم في شهر لو هو عايز وهيستفيد اكتر منك ويبقي معاة كلية باردة باس كلية بيتي
:y_hi_3[1]::y_hi_3[1]::y_hi_3[1]::y_hi_3[1]::y_hi_3[1]::y_hi_3[1]:

والله الكلام دا عين العقل

[أحمد كمال]

معلش بعيد عن الموضوع للدكتور اخمد ..هيا الشغلانة دى اية بالظبط ؟؟؟؟؟وبتكسب يعنى :u_thin1[1]::u_thin1[1]:

يعني طبيبة قلب

ربنا يبارك لهم و يهنيهم ..... بس حاسس الفرق كبير أوي علميا و ثقافيا ......

[د.احمدالشافعى]

انهى تعليم هوا المقصود
ان كانت تعرف دينها و حافظة المصحف بس مش نالت نصيبها من التعليم المنهجي مفيش مانع
الاساس بالنسبة لى هوا التعليم الدينى

فعلا هو دا الاساس

[eng.octooo]

عارف والله ياداكترة إنها صعبة
بس تعرف
أحيانا -وده صعب- تقابل بنت تسحرك بكل حاجة فيها
جمالها ..أخلاقها ..حيائها ..دينها .. أنوثتها..كل حاجة
وفي نفس الوقت تكون دبلوم

ساعتها إنت ممكن تحسبها بالعقل والقلب
تلاقيك إخترتها هيا


...وده ده ممكن يحصل في المدينة الفاضلة
مش في مصر حبيبتنا كلنا

لو فية كدة انا موافق

[ams]

يبقى نرجع تانى نقول المستوى الثقافى اهم من المستوى التعليمى

بس ده يرجع لتعريف "المستوى الثقافى"
انا ميهمينيش انها تعرف عاصمة الفلبيين او ارتفاع اعلى قمة جبلية فى العالم او الفرق بين الموساد و الشباك
اللى يهمنى ان يكون عندها عقل و فكر و رأى و وعى باللى بيحصل فى الدنيا و رؤيه و هدف فى الحياة
صحيح التعليم بينمى العقل بس مش لازم بشوف دكاترة جامعة فى منتهى السطحية و ناس رقيقة الحال عندها و عى و رؤية عنهم تحب تتكلم معاهم

هو انا عاوز فى البنت ايه غير انه يكون قلبها ابيض و عقلها نضيف و لو هى كده اكيد هتبقى ذات دين و تعينى فى حياتى

[Abo_Lina]

أعتقد كل الشعب بقى متعلم حتى في القرى و النجوع ..
لكن الواحد بيقابل ناس متعلمة و لكن عقليات ضحلة سواء ولاد أو بنات ..
بينما جداتنا لم يكونوا على قدر كبير من التعليم و لكنهن كن يتمتعن بالذكاء الفطري و الحكمة و القدرة على تصريف أمور البيوت

[أحمد كمال]

لو فية كدة انا موافق

يا أكتووو انت هتتجوز على روحك خلاص :) بكرة تشوف بنفسك :) :) :)

[dr.nemo]

أعتقد كل الشعب بقى متعلم حتى في القرى و النجوع ..
لكن الواحد بيقابل ناس متعلمة و لكن عقليات ضحلة سواء ولاد أو بنات ..
بينما جداتنا لم يكونوا على قدر كبير من التعليم و لكنهن كن يتمتعن بالذكاء الفطري و الحكمة و القدرة على تصريف أمور البيوت

+1111111111

[AHMED12345678]

على رايا ابويا مفيش فرق بين الست عالمة الذرة والست بياعة الخضار كل الستات عقلهم زى الليمونة واصغر كمان.
موضوع التعليم دة مبيفرقش طالما ان الست تريح جوزها ومتنكدش علية ومتعندوش ومتكلفوش اكتر من طاقتة ومتخنقوش فى عيشتة ومتكرهوش فى دنيتة.

[الغزالى]

يا أكتووو انت هتتجوز على روحك خلاص :) بكرة تشوف بنفسك :) :) :)

سبقتنى والله يا استاذ احمد
دة لو واحدة بتمشى برجل واحدة وقلووااا اتجوزهاهايتجوزها
اكتوووو دة فظيع بيهر على طول

[icehearted girl]

واللى متجوزين دكاترة اناث ...مش سعداء ومش مبسوطين وبيروحو يتجوزو ممرضات من ورا مراتتهم الاولانيين

1_ ما هو يا اما صدر قرار بعمل ابلكيشنز بكل اللي متجوزين دكترة اناث واسلوب حياتهم ومدي رضاهم عنه وحضرتك جمعتها

2_ يا اما حضرتك معاك توكيل عام باسمائهم وفوضوك تتكلم نيابة عنههم

3_ يا اما حضرتك ذكرت التعميم بلغة الخطأ وياريت ناخد بالنا ملكلام دا بعد كدا ممكن نتكلم عن حالات بنشوفها انما نعمم الكون علي آرائنا الشخصية دا مش مظبوط بعد اذن حضرتك

[aif]

على رايا ابويا مفيش فرق بين الست عالمة الذرة والست بياعة الخضار كل الستات عقلهم زى الليمونة واصغر كمان.
موضوع التعليم دة مبيفرقش طالما ان الست تريح جوزها ومتنكدش علية ومتعندوش ومتكلفوش اكتر من طاقتة ومتخنقوش فى عيشتة ومتكرهوش فى دنيتة.

والله والدك ده زي العسل
لكن لو الست ما نكدتش على جوزها وماعاندهوش و ما كلفتهوش اكتر من طاقته و متخنقتهوش وما كرهتهوش في دنيته ...... امال ح تعمل ايه ...... تقعد ساكته يعني ؟؟؟؟؟؟؟

[R A N A]

والله والدك ده زي العسل
لكن لو الست ما نكدتش على جوزها وماعاندهوش و ما كلفتهوش اكتر من طاقته و متخنقتهوش وما كرهتهوش في دنيته ...... امال ح تعمل ايه ...... تقعد ساكته يعني ؟؟؟؟؟؟؟

كدة برده ياحاج احمد؟
دانا بقول انت اللي فيهم

بمناسبة جملة عقل كل الستات (اللي ذكر في المشاركة اللي فاتت) واللي قد الليمونة او اصغر (ده إن صح القول اصلاً )
ممكن فعلا يكون حجم عقلها صغير لكن هذا لاينفي ابدا قدرتها على الفهم والتحليل ولا يقلل ابداً من نسبة ذكائها على فكرة
واعتقد برده حجم العقل أو المخ غير مرتبط بالذكاء
وممكن برده (من خلال معني الكلام) تكون الست بتقف عن بعض النقاط اللي تبدو تافهة او صغيرة للأخرين من وجهة نظرهم لكن ده لاينفي ابداً انها ممكن تكون بتفكر صح وبعمق في قضايا اخرى (ده بردة إن صح الأمر وكانت الأمور اللي هما شايفينها دي تافهة فعلا ).

عموماً انا اقتسبت الجزء ده من دراسة بخصوص هذه القضية:

ليس معنى الاختلاف بين تكوين مخ الرجل والمرأة من الناحيتين التشريحية والوظيفية أن أحدهما متميز عن الآخر، ولكن "كلٌ ميسر لما خُلق له" من وظائف فى الحياة، ولنحاول أن نضع أيدينا على بعض الاختلافات بين مخ كل من الرجل والمرأة:

١ــ حجم المخ: يزيد حجم المخ فى الرجل البالغ بنسبة ١١- ١٢ % عن مخ المرأة الناضجة، ورأس الرجل أكبر من رأس المرأة بنسبة ٢ % ويرجع هذا إلى طبيعة الرجل العضلية التى تحتاج إلى خلايا عصبية أكثر لتشغيلها، وقبل أن يهلل الرجال هذا ليس معناه أن الرجل أذكى من المرأة، لأن الدراسات التى أجريت، والتى تظهر المخ وهو يعمل، أثبتت أن كمية المادة الرمادية- وهى الجزء المسؤول عن الذكاء والتفكير فى المخ- لا يوجد فرق واضح فى كميتها بين المرأة والرجل.

إلا أن مخ الرجل يحتوى على كم أكبر من المادة البيضاء المسؤولة عن نقل المعلومات بين مراكز المخ المختلفة، وهذه الخاصية أيضا تعطى الرجال ميزة معرفة الأماكن والاتجاهات والشوارع، ولعل هذه الخاصية تعطى ميزة أكبر لتفوق الرجال فى المجالات الرياضية، التى تعتمد على اتخاذ المواقع السليمة فى الملاعب.

وكل هذه المميزات يمكن أن تصنع لاعب كرة قدم أو سلة أو تنس محترفا، إلى آخر هذه الأنواع من الألعاب الرياضية التى ينبغ فيها الرجال بنسبة أكبر من الإناث، ولعلنا نلاحظ أن النساء أقل مقدرة، وأكثر تساؤلاً، عندما يتعلق الأمر بالعناوين والشوارع والاتجاهات، ولكننا نجدهن فى المقابل يبرعن فى الواجبات والأعمال التى تعتمد على البراعة فى الكلام، كما أنهن يتفوقن على الرجال فى تذكر تفاصيل الأشياء وأماكنها.

واللي عايز يقرا تفاصيل اكتر عن باقي الإختلافات بين مخ الرجل ومخ المرأة اللينك اهو:

http://www.alarabiya.net/views/2009/03/29/69465.html