استفسار من مهندسى المنتدى

[KSA2011]

انا عندى رصيف خاص بالبيت ارتفاعه متر او اقل
دلوقتى انا لو عايز اعمل مطلع عربيه بتتحسب ازاى
او
المطلع الى هو الوتر طوله هيبقى كام و القاعده بتاعته هتبقى كام يعنى هاخد كام متر من طرف الرصيف

[م/مصطفى محمود]

طب ممكن نعرف :- أرتفاع العربية عن الأرض +أرتفاع المطلع + بعد الأكصدام الأمامى عن مركز العجلة الأمامية + المسافة بين العجلتين (من المركز) (علشان الأكصدام ميحكش وهو طالع وعلشان الرصيف ميحكش فى العفشة)

وياريت لو تقولنا أنت ينفع تاكل من الرصيف ولا المطلع هيبقى فى نهر الشارع (يعنى المطلع هيطلعك على الرصيف ولا هتعمل الرصيف نفسة مطلع)

[Ahmed Nouh]

هو انا مش مهندس :) , بس انا نفذتها قبل كدا بالاسلوب ده

اظن ان الفكره كلها فى ان النقطه اللى عندها ارتفاع المطلع بيساوى ارتفاع الاكصدام الامامى عن الارض لازم يكون المسافه بينها وبين اول المطلع اطول من المسافه بين اول نقطه فى الاكصدام والعجله اللى قدام

دى صوره توضح اللى اقصده , البرتقالى اللى عنده الارتفاع متساوى لازم يكون ابعد عن الارض من بعد العجله عن الاكصدام نفسه سواء ورا او قدام , وطبعا دايما البعد قدام اكبر فطالما ظبطها على قدام على طول هتتظبط على ورا

وبرده شوف استنى رأى الساده المهندسين احتمال تكون حساباتى غلط



فى حاله الرصيف عندك انت الاول محتاج تحدد النقطه اللى عندها هيبقى اول المطلع وبعدين النقطه اللى عندها المطلع بنفس ارتفاع العربيه , وتبدأ تاخد من ارتفاع الرصيف لحد ما توصل نقطه تساوى الارتفاع الى مسافه تبعد عن اول المطلع اكتر من بعد العجله اللى قدام عن اول الاكصدام

فهمت حاجه :)

[KSA2011]

طب ممكن نعرف :- أرتفاع العربية عن الأرض +أرتفاع المطلع + بعد الأكصدام الأمامى عن مركز العجلة الأمامية + المسافة بين العجلتين (من المركز) (علشان الأكصدام ميحكش وهو طالع وعلشان الرصيف ميحكش فى العفشة)

وياريت لو تقولنا أنت ينفع تاكل من الرصيف ولا المطلع هيبقى فى نهر الشارع (يعنى المطلع هيطلعك على الرصيف ولا هتعمل الرصيف نفسة مطلع)

ارتفاع العربيه عن الارض 1,490
ارتفاع المطلع مش عارف حضرتك تقصد ايه بس الرصيف غالبا 80 سنه ارتفاعه لنفرض انه متر
بعد الاكدصام الامامى عن مركز العجله الاماميه 895
المسافه بين العجلتين 2,650
الخلفيه عن الاكصدامالخلفى 985
طول العربيه 4530
دى الابعاد
بالنسبه للرصيف ممكن اكل منه مفيش مشاكل
بس الفكره فى انه الجزء الداخلى من البيت معمول بسيراميك ومش عايزين نكسر فيه
عرض الرصيف 70 سم
هى فى كل الاحوال مش هتفرق لانه الارتفاع موجود برضه فى دخله البيت
شكرا يا باشمهندس بتعبك معايا

[KSA2011]

هو انا مش مهندس :) , بس انا نفذتها قبل كدا بالاسلوب ده

اظن ان الفكره كلها فى ان النقطه اللى عندها ارتفاع المطلع بيساوى ارتفاع الاكصدام الامامى عن الارض لازم يكون المسافه بينها وبين اول المطلع اطول من المسافه بين اول نقطه فى الاكصدام والعجله اللى قدام

دى صوره توضح اللى اقصده , البرتقالى اللى عنده الارتفاع متساوى لازم يكون ابعد عن الارض من بعد العجله عن الاكصدام نفسه سواء ورا او قدام , وطبعا دايما البعد قدام اكبر فطالما ظبطها على قدام على طول هتتظبط على ورا

وبرده شوف استنى رأى الساده المهندسين احتمال تكون حساباتى غلط



فى حاله الرصيف عندك انت الاول محتاج تحدد النقطه اللى عندها هيبقى اول المطلع وبعدين النقطه اللى عندها المطلع بنفس ارتفاع العربيه , وتبدأ تاخد من ارتفاع الرصيف لحد ما توصل نقطه تساوى الارتفاع الى مسافه تبعد عن اول المطلع اكتر من بعد العجله اللى قدام عن اول الاكصدام

فهمت حاجه :)

الله ينور يا استاذ احمد
ايه الدماغ العااليه دى
فعلا الباشمهندس من طلباته واضح انك كده تمام
شكرا على تعبك

[KSA2011]

بس يا استاذ احمد انت كده امنت طلوع ونزول العربيه بس المسافه بين العجلتين هتبقى فين
ما انت ممكن تطلع اول فرده كاوتش بس العربيه توطى فى النص وتحك ؟

[Ahmed Nouh]

الله ينور يا استاذ احمد
ايه الدماغ العااليه دى
فعلا الباشمهندس من طلباته واضح انك كده تمام
شكرا على تعبك

الله يكرمك يا دكتور ده بعض مما عندكم , هو على فكره البشمهندس مصطفى ظبطها اكتر منى علشان هو قاس المسافه من مركز العجله ودى فاتتنى وفعلا ممكن تفرق لأن انا حسبتها من اول نقطه فى جنب العجله ودى غلط

بس يا استاذ احمد انت كده امنت طلوع ونزول العربيه بس المسافه بين العجلتين هتبقى فين
ما انت ممكن تطلع اول فرده كاوتش بس العربيه توطى فى النص وتحك ؟

هو بالنظر لأرتفاع الارصفه فى البيوت مفتكرش ان الموضوع هيوصل لدرجه ان وش العربيه يبقى فوق الرصيف بيتحرك ولسه العجله اللى ورا على اول المطلع فعلى اساس كدا تجاهلت الحته دى , هو الرصيف عندك اعلى من الطبيعى بكتير ؟

ونسيت تقولنا اول نقطه فى ارتفاع المطلع تبعد عن الرصيف قد ايه علشان نحسب لك المقاسات المظبوطه اللى تشتغل عليها

[Ahmed Nouh]

انا لسه واخد بالى حالا من حته ان الرصيف متر دى :) , دكتور هو الرصيف عالى لدرجه انك ممكن تسند بأيدك عليه وانت واقف ؟؟

اصل متر فى رصيف دى يعنى تطلعله بسلم وفى الحاله دى انت عايز مطلع بجد مش اى كلام وهتاخد قصاده مساحه محترمه

[KSA2011]

ولو ربنا يخليك يا استاذ احمد
هو ارتفاع الرصيف من 80 سم لمتر
نقطه البدايه انا مش محددها لكن لو على اد مترين فى الشارع مش مشكله ههههه لكن لو اكتر ممكن اخد من الرصيف
انا حاسس انه الحسبه هتعدى ال 4 متر الى هى القاعده بتاعه المثلث

[KSA2011]

اه هو عالى يا استاذ احمد
هى المشكله دلوقتى فى انه لو كسرنا فى الرصيف هيبقى فيه مشكله لانه ارتفاع البيت او ارضيه البيت من جوه بارتفاع الرصيف وانا مش عايز اكسر السيراميك و اشيل من ارضيه البيت لانى بكده هطرد بره البيت ههههههه
المشكله انه والدى عمل الرصيف بالرخام و الحيطه الى كانت المفروض تبقى باب جراج الى هتتكسر عملها بطوب فرعونى بس انا محتاج الجراج فى البيت زهقت من المشاكل الى بتحصل للعربيه كل يوم فى الجراج

[Ahmed Nouh]

ولو ربنا يخليك يا استاذ احمد
هو ارتفاع الرصيف من 80 سم لمتر
نقطه البدايه انا مش محددها لكن لو على اد مترين فى الشارع مش مشكله ههههه لكن لو اكتر ممكن اخد من الرصيف
انا حاسس انه الحسبه هتعدى ال 4 متر الى هى القاعده بتاعه المثلث

اه هو عالى يا استاذ احمد
هى المشكله دلوقتى فى انه لو كسرنا فى الرصيف هيبقى فيه مشكله لانه ارتفاع البيت او ارضيه البيت من جوه بارتفاع الرصيف وانا مش عايز اكسر السيراميك و اشيل من ارضيه البيت لانى بكده هطرد بره البيت ههههههه
المشكله انه والدى عمل الرصيف بالرخام و الحيطه الى كانت المفروض تبقى باب جراج الى هتتكسر عملها بطوب فرعونى بس انا محتاج الجراج فى البيت زهقت من المشاكل الى بتحصل للعربيه كل يوم فى الجراج

لا بصراحه كدا الموضوع خرج برا قدراتى على هندسه المطلع , بس انا هقولك على حاجات برده ممكن تشوفها علشان اعتقد بشمهندس مصطفى هيحتاجها فى الحسبه بتاعته

محتاج تعرف اقرب نقطه فى جسم العربيه بين العجلتين تبعد قد ايه عن الارض , وربنا يعينكم بصراحه ده كدا الموضوع مش بس بدايه المطلع هتبقى فين ده الموضوع بقا فيه زاويه ميل المطلع كمان واذا كنت هتحتاج تاكل من الرصيف ولا لا

انا رأى قضيها بلدى :) , هات خشبه طولها 265 سم اللى هى قاعده العجلات وعديها على الهواء كدا شوف فين اخر الخشبه اللى يبقى راسى على المطلع والطرف التانى منه يساوى ارتفاع العربيه فوق العجله اللى قدام وخلى النقطه دى هى نقطه المركز بتاعت الضلع اللى هيبقى مايل , اى كفته يعنى والسلام

بس فعليا انا اللى وصلتله حقيقتين , لازم يكون النقطه اللى ارتفاعها بيساوى ارتفاع اكصدام العربيه ابعد عن مركز العجله عن اول الاكصدام

ثانيا حافه المطلع من فوق لازم يكون المسافه بينها وبين العجله اللى ورا ( فى حاله ان العربيه طالعه بوشها ) لا تزيد عن متر ونص مثلا تفاديا لان العربيه تحك

بس كل ده على اسس غير علميه

[KSA2011]

لا بصراحه كدا الموضوع خرج برا قدراتى على هندسه المطلع , بس انا هقولك على حاجات برده ممكن تشوفها علشان اعتقد بشمهندس مصطفى هيحتاجها فى الحسبه بتاعته

محتاج تعرف اقرب نقطه فى جسم العربيه بين العجلتين تبعد قد ايه عن الارض , وربنا يعينكم بصراحه ده كدا الموضوع مش بس بدايه المطلع هتبقى فين ده الموضوع بقا فيه زاويه ميل المطلع كمان واذا كنت هتحتاج تاكل من الرصيف ولا لا

انا رأى قضيها بلدى :) , هات خشبه طولها 265 سم اللى هى قاعده العجلات وعديها على الهواء كدا شوف فين اخر الخشبه اللى يبقى راسى على المطلع والطرف التانى منه يساوى ارتفاع العربيه فوق العجله اللى قدام وخلى النقطه دى هى نقطه المركز بتاعت الضلع اللى هيبقى مايل , اى كفته يعنى والسلام

بس فعليا انا اللى وصلتله حقيقتين , لازم يكون النقطه اللى ارتفاعها بيساوى ارتفاع اكصدام العربيه ابعد عن مركز العجله عن اول الاكصدام

ثانيا حافه المطلع من فوق لازم يكون المسافه بينها وبين العجله اللى ورا ( فى حاله ان العربيه طالعه بوشها ) لا تزيد عن متر ونص مثلا تفاديا لان العربيه تحك

بس كل ده على اسس غير علميه

انا ما عدتش قادر افكر من كلام حضرتك
كلام عايز دماغ تقيله اوى

[Ahmed Nouh]

انا ما عدتش قادر افكر من كلام حضرتك
كلام عايز دماغ تقيله اوى

لا بالعكس الموضوع بسيط جدا والكلام واضح

بس لو مشيت ورا كلامى واتطردت من البيت مليش دعوه , واهو مش مشكله تركن فى الجراج المهم يبقى عندك جراج

[م/مصطفى محمود]

للأسف الموضوع هيعدى ، طول المطلع هيبقى 6 متر (بس خد بالك أن الأرتفاع مُتدرج يعنى أول متر هيبقى آخرة 10 سم يعنى مش هيبقى باين)

فى الرسمة الجاية هتلاقى 3 رسمات للعربية فى 3 أوضاع مُختلفة (اللى مُحتمل تحك العربية فى المطلع وهتلاقى الخلوص فيهم قليل جدا)

بس فى حل ممكن يقلل طول المطلع ، عن طريق مُعالجة الأماكن اللى العربية ممكن تحك فيها (هحاول أشوفهالك تانى )

[KSA2011]

الهندسه دى عايزه دماغ
ربنا يخليك يا باشمهندس انا مش عارف اقولك ايه بجد ؟
واضح كده انه مافيش امل لموضوع الجراج ده