ازاى اخترت اسم مولودك الجديد

[Dr Ahmed]

يبقى فيه كده اتنين "ملك" عند اتنين من حبايبنا (ماشاء الله)
وعندى ليهم عريسين:
عمر: على إسم حبيب قلبى (عمر بن الخطاب) إيمان وقوة ورحمة وعدل وتقوى..
على: حبيبى ومن أروع الشخصيات فى تاريخنا (على بن أبى طالب) إيمان وذكاء وقوة وعلم..

[mido777]

نوران :- قبل ما تتولد وهي على فكرة البكرية كنت سهران وبقرأ في سورة النور فقررت لو جت بنت هاسميها نوران وهو مثنى كلمة نور .
مرام :- معناه الهدف المنشود أو المطلوب 0 بتاع عربي بقه !!! )
ملك :- آخر العنقود لأنها فعلا ملك .

ربنا يحفظهم ويباركلك فيهم يا اسلام ...

[mido777]

انا سميت جودى

كنت مره قابلت نادر السيد فى بلجيكا ايام ما كان بيلعب فى نادى بروج وكان معاه بنته وماشاء الله عليها كانت زى القمر .... فقررت انا اسمى الأسم ده لما ربنا يرزقنى وقد كان....

ومعناه : اسم الجبل اللى استوت عليه سفية سيدنا نوح

ومذكور فى القرأن فى سورة هود.. الأية 44

بسم الله الرحمن الرحيم

وَقِيلَ يَا أَرْضُ ابْلَعِي مَاءكِ وَيَا سَمَاء أَقْلِعِي وَغِيضَ الْمَاء وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ

صدق الله العظيم

[sherif_84]

ماشاء الله أسماء جميلة كلها ربنا يبارك فى أولادكم يارب وتفرحوا بيهم وتجوزوهم
وتشوفوا أولادهم

[محمد عز]

نوران :- قبل ما تتولد وهي على فكرة البكرية كنت سهران وبقرأ في سورة النور فقررت لو جت بنت هاسميها نوران وهو مثنى كلمة نور .

مرام :- معناه الهدف المنشود أو المطلوب 0 بتاع عربي بقه !!! )

ملك :- آخر العنقود لأنها فعلا ملك .

عندك 3 جواهر بسم الله ما شاء الله ربنا يحفظهملك من كل سوء وباذن الله تدخل بيهم الجنه

[وائل السويفي]

اما بخصوص بنتي ، كنا بنقرا انا وزوجتي في كتاب سيرة سيدنا على "كرم الله وجهه"
ولقينا اسم بنته "جُمانة" هو معناه : دره في الجنة
عجبنا الاسم برغم انه كان عاجبني اسم ام سيدنا يوسف عليه السلام : "راحيل" وليس رحيل ولكن لقيت هجوم عليا من جميع افراد العائلة دا اسم دا؟؟!!

المهم قررنا ان يكون دا اسم بنتنا بس فكرت ان هي هتقابل موظفين في حياتها مره يكتبوه بواو ومرة بضمة
فقررت اكتبه كما ينطق : "جومانة"

[ams]

ان شاء الله

" لأعاقبن الروم بخالد "

كما قال أبو بكر الصديق

[Karim_Monir]

معلش حتة فلسفة شوية بس مش عارف ليه الاسماء المتناسقة بتخلي الناس تفتكر صاحبها
وبيبقي شخص مميز والعين عليه
يمكن عشان بيدي موسيقى للاسم
يعني مثلا ماينفعش اسمي زياد تامر-ولا زينب هيثم-ولا او فاطمة اياد-ولا سوزي خليل
عشان كدة وعشان الرسول صلى الله علية وسلم قال لازم نحسن اختيار اسم المولود واختيار امه
فكنت حابب ان اسم اولادي يكون متناسق مع بعض
وبما اني اسمي كريم لما جيت انقي اسماء البنت نقيت كنزي وملك عشان اكتر اسمين متناسقين مع اسمي
ولمااختارت الاولاد اختارت معاذ ومالك ومحمد ومهند واسماء الاود خاصة يكون اخرها ساكن
المهم في البنت سميت كنزي زي مانا عايز
وفي الولد والدتي حكمت رايها قالت يتكتب عبد الرحمن وتناديلة زي ما تنادية وطبعا لازم يتنادى عبد الرحمن
بالمناسبة انا اسمي كريم سراج منير بس طول عمري باتنادي بكريم منير
واخي اللي معايا في المنتدي محمد سراج عشان يكون مميز عن اسم محمد منير
عذرا للاطالة

[aliabutaleb]

بنتي رقية
لانه أولاً اسم بنت النبي صلى الله عليه وسلم ولما قريت عنها حبيت أسمي ابنتي على اسمها
وثانياً على اسم ابنة سيدنا علي بن أبي طالب
وانا اسمي على اسم سيدنا علي فقلت عشان يبقى الاسم ثلاثي :)

[mido777]

بنتي رقية
لانه أولاً اسم بنت النبي صلى الله عليه وسلم ولما قريت عنها حبيت أسمي ابنتي على اسمها
وثانياً على اسم ابنة سيدنا علي بن أبي طالب
وانا اسمي على اسم سيدنا علي فقلت عشان يبقى الاسم ثلاثي :)

بسم الله ماشاء الله

فعلا اسم جميل جدا