ايه رأيكم في الكاميرا دي

[محمد محمد]

السلام عليكم ورحمة الله وبركاته..
كنت عايز اشتري كاميرا استخدمها في الشغل بدل كاميرا الموبايل روحت كارفور النهاردة لقيت الكاميرا دي
fujifilm finepix a230
مواصفاتها كالأتي.
12 ميجا بيكسل
3x زووم بصري
5.7x زووم ديجيتال
حساسية عالية 1600 ايزو
شاشة 2.7بوصة
مانع اهتزاز الصورة
هيكل رفيع 21.9 مم
خاصية تحديد الوجوه
تصوير بانوراما
خاصية تحديد البرامج
20 برنامج تصوير مختلف

السعر 555ج بدلا من 890 ومعاها شاحن بطارية هدية وجراب.

[ASKAFRAWY]

انا الكاميرا دى اشتريتها من حوالى شهرين من كارفور اسكندرية بس الموديل القبله a220
مواصفاتها
شاشة 2.7بوصة
مانع اهتزاز الصورة
هيكل رفيع 21.9 مم
خاصية تحديد الوجوه
تصوير بانوراما
خاصية تحديد البرامج
12.2 ميجابيكسل
كان معاها شاحن و 2 بطارية و 2 بطارية قابلة للشحن و جراب
الكاميرا كانت بنفس السعر 555 و بصراحة انا من استخدامها انها كويسة جدا بالنسبة لسعرها
و متفرقش كتير عن الكوداك و الكانون
انا راى توكل على الله و اشتريها

[م.محمد علاء]

أهم حاجه يا أستاذ محمد..صورتها حلوه؟؟؟
سيبك من كل الكلام الحلو.الكاميرا فيها وفيها و بتعمل وبتسوى..
التجربه هى خير دليل

[mener0se]

جربها الأول و شوفها عاجباك ولا لأ .....

[M7amD_7amDy]

بصوا ياجماعة من خلال تجربتى البسيطة فى عالم الكاميرات الديجيتال

هجبلك من الأخر

كان عندى كاميرا Panasonic Lumix DMC-FX10

وكانت 6 ميجا وزوم 3x طبعا الزوم مش قد كده والبطارية كانت فوق الممتازة وكنت بشحنها كل فين وفين

وكانت ممتازة جداا جدااا وتصويرها ممتاز بس الله يرحمها بقه دخلت فى بوق واحد

وقررت انى اشترى واحدة غيرها

ومن خلال النت وبحث كتيييييير جمعت كمية معلومات عن أفضل كاميرا مدمجة وحجمها صغير

وهيا >>> Panasonic Lumix DMC-TZ7



ودى مواصفاتها :

LUMIX Super Zoom Digital Camera

Camera Effective Pixels : 10.1 Megapixels

12x Optical Zoom 25mm Ultra Wide-angle LEICA DC Lens

HD Movie Recording in AVCHD Lite with Dolby Stereo Digital Creator

Advanced iA (Intelligent Auto) Mode with Face Recognition and Movie iA Mode

Large 3.0-inch, 460,000-dot High-resolution Intelligent LCD with Wide-viewing Angle

Venus Engine HD with HDMI Compatibility and VIERA Link


وده لينك بيوضح كل حاجة عنها وإمكانيتها
Panasonic Lumix DMC-ZS3 digital camera specifications: Digital Photography Review


طبعا إمكانيات فوق الممتازة كفاية بس العدسة بتاعتها " LEICA " ( ودى فى أغلب موديلات باناسونيك إذا مكانتش كلها ) ولمن لا يعرف " LEICA " فهى أفضل شركة كاميرات وعدسات فى العالم وهى ألمانية الصنع وكاميراتها بتكون غالية جداااا , أدخل اعمل سيرش عليها وشوف سعرها ايه :)

وتصوير الفيديو بجودة ال HD مع تسجيل الصوت ميكرفون استيريو والزوم الخطييييييير 12x

وللعلم الكاميرا دى دخلت فى منافسة مع ماركات مختلفة فى نفس الفئة ( زى العربيات كده )

وطبعا قامت بالواجب و فازت عليهم كانوا 6 كاميرات من ماركات مختلفة



والمقارنة دى من موقع كاميرات عالمى مشهور , طبعا المقارنات من حيث كل حاجة

وده رابط المقارنة 'Compact Super Zoom' Camera Group Test (Q2 2009) Review: 16. Conclusions and ratings: Digital Photography Review

الكاميرا دى كنت سألت عليها فى توكيل باناسونيك كانت عاملة 3000 جنيه ومكنتش موجودة كمان :)

هتقولى غالية .. هقولك اااااااااااه طبعاااا
هتقولى طب والحل؟؟ .. هقولك :)

هتشوف حد تعرفه فى السعودية يجبهالك لأنها هناك رخييييييييصة وفى موقع اسمه cam4sell ( سعودى) ومقر المحل بتاعهم فى الرياض ودول بيبيعوا بأسعار رخيصة جدااا ( كل المنتجات على فكرة مش باناسونيك بس ) وده عرفته من بحثى على النت برده :)

وعرفت انهم موقع محترم جداا وتعاملهم ممتاز ( مجربتش ) وانا موصى واحد معرفة ليا فى السعودية هيجبهالى منهم إن شاء الله

وده الرابط وعاملة 1350 ريال يعنى تقريبا 2000 جنيه
Panasonic DMC-TZ7 - ظƒط§ظ…ظٹط±ط§ ظ„ظ„ط¨ظٹط¹ - Cam4sell

طبعا الكاميرا يابانى ومن هناك أضمن كمان , على الأقل مش هيكون متاخد منها حاجة :)

ودى صور مأخوذة منها , هتلاقى الجودة عالية جداا









وشوف الفيديو ده

[youtube]http://www.youtube.com/watch?v=hLjBkOLf2S4[/youtube]

[M7amD_7amDy]

وللعلم برده الكاميرا دى صدرت فى شهر يناير 2009

ونزل الإصدار الجديد بتاعها فى يناير 2010

إسمها Panasonic Lumix DMC-TZ10

والفرق بينهم ان الجديدة 12 ميجا ونازل فيها GPS بيحدد مكان الصورة اللى انت لقطها ( شايفين الحلاوة ) وطبعا الكاميرا الجديدة دى أولا مش هتلاقيها فى الفترة دى وهتكون أغلى :)

من الأخر الكاميرا دى تجيبها وتنسى :)


يانهار أزرق ده انا رغيت كتير اووى

معلش بقه سامحونى أصلى مخى ورم من موضوع الكاميرات الديجيتال ده

ومتأسف على الإطالة بس حبيت أساعد

[محمد محمد]

أهم حاجه يا أستاذ محمد..صورتها حلوه؟؟؟
سيبك من كل الكلام الحلو.الكاميرا فيها وفيها و بتعمل وبتسوى..
التجربه هى خير دليل

جربها الأول و شوفها عاجباك ولا لأ .....

ما هو الراجل جربهالي وعجبتني بس برضه انا معرفش حاجة في الكاميرات يعني الجودة بتاعت الصورة اللى انا جربتها فعلا جودة 12 ميجا بكسل ولا ممكن كاميرا اقل في الميجا بكسل تجيب نفس الجودة.

[egyptawy2010]

طيب ممكن تقولى ليه اجيب كاميرا ديجيتل ب 2000

طيب ما ازود شوية واجيب كاميرا فيديو نضيفة

صح ولا ايه

[محمد محمد]

طيب ممكن تقولى ليه اجيب كاميرا ديجيتل ب 2000

طيب ما ازود شوية واجيب كاميرا فيديو نضيفة

صح ولا ايه

مش فاهم السؤال.

[mikeatef]

مساء الفل علي كل المشاركين
ممكن اساعدكوا في موضوع الكاميرات ده علشان ديه اصلاً دراستي
بص ١) انت لازم تحدد الاول انت هتصور بيها ايه في الشغل يعني طبيعة عملك ايه؟
٢) من خبرتي في الكاميرات هرتبلك من الاقوي للأسوأ
نيكون او كانون دائماً منافسين لبعض وهما احسن انواع الكاميرات يعني ممكن تشتري كاميرا كانون ٣ ميجا احسن من كاميرا ملهاش نوع مشهوز ١٠ وعشرين ميجا
سوني
باناسونيك دلوقتي بتنافس بقوة
فوجي
اولمبس
اي نوع تاني كولهم وحشين
الموضوع ككبير شويه علشان لازم علشان تشتري كاميرا لازم ١) تبص علي اسم الشركة
٢) تشوف فيها زووم بصري كام اكس علشان ممكن تكون الكاميرا ٥ ميجا وتمنها غالي اوي بس لو بصيت هي كام اكس هتلاقيها كبيره ولازم يمون فيها الزووم البصري علشان تطلع صوره حلوه
٣) تشوف ساعتها كام ميجا بكسل ٨ ١٠ ١٢ مش حتحتاج الحجم الكبير ده هتلاقي نفسك بتصور علي ٥ او ٣ علشان مساحه كارد الميموري مش هاتكون كبيره للدرجة
فلازم ساعتها تكون فاهم ان الكاميرا اللي نوعها كويس وزومها البصري كويس هطلع صوره نقية جدا علي ال٥ ميجا وال٣ ميجا كمان
٤) نوع كارد الميموري المستخدم لو سوني كارتها هيكون غالي شويه عن النيكون والكانون
٥) نوع البطاريه هل هي بتتشحن ولا بطاريات قلم عادي وكل واحده ليها عيب وميزه البطاريه اللي بتتشحن بتشتغل وقت اطول بس لازم الشاحن يكون معاك علي طول... البطاريه القلم بتخلص بسرعه جدا بس ممكن تشتريها من البقال
اتمني مكنش طولت جامد واي حد عندوا سؤال هرد عليه ان شاء الله

[El.Hossieny]

مساء الفل علي كل المشاركين
ممكن اساعدكوا في موضوع الكاميرات ده علشان ديه اصلاً دراستي
بص ١) انت لازم تحدد الاول انت هتصور بيها ايه في الشغل يعني طبيعة عملك ايه؟
٢) من خبرتي في الكاميرات هرتبلك من الاقوي للأسوأ
نيكون او كانون دائماً منافسين لبعض وهما احسن انواع الكاميرات يعني ممكن تشتري كاميرا كانون ٣ ميجا احسن من كاميرا ملهاش نوع مشهوز ١٠ وعشرين ميجا
سوني
باناسونيك دلوقتي بتنافس بقوة
فوجي
اولمبس
اي نوع تاني كولهم وحشين
الموضوع ككبير شويه علشان لازم علشان تشتري كاميرا لازم ١) تبص علي اسم الشركة
٢) تشوف فيها زووم بصري كام اكس علشان ممكن تكون الكاميرا ٥ ميجا وتمنها غالي اوي بس لو بصيت هي كام اكس هتلاقيها كبيره ولازم يمون فيها الزووم البصري علشان تطلع صوره حلوه
٣) تشوف ساعتها كام ميجا بكسل ٨ ١٠ ١٢ مش حتحتاج الحجم الكبير ده هتلاقي نفسك بتصور علي ٥ او ٣ علشان مساحه كارد الميموري مش هاتكون كبيره للدرجة
فلازم ساعتها تكون فاهم ان الكاميرا اللي نوعها كويس وزومها البصري كويس هطلع صوره نقية جدا علي ال٥ ميجا وال٣ ميجا كمان
٤) نوع كارد الميموري المستخدم لو سوني كارتها هيكون غالي شويه عن النيكون والكانون
٥) نوع البطاريه هل هي بتتشحن ولا بطاريات قلم عادي وكل واحده ليها عيب وميزه البطاريه اللي بتتشحن بتشتغل وقت اطول بس لازم الشاحن يكون معاك علي طول... البطاريه القلم بتخلص بسرعه جدا بس ممكن تشتريها من البقال
اتمني مكنش طولت جامد واي حد عندوا سؤال هرد عليه انشاء الله

+111111111111

بعد كلامك مفيش كلام ....الله ينور

[egyptawy2010]

مش فاهم السؤال.

انا اقصد طيب الكاميرا الفيديو ممكن نصور بيها

طيب ليه الناس بتجيب كامرا ديجتال

[mikeatef]

بص انت لازم تحدد اولوياتك الكاميرا الفيديو بتصور فيديو طبعاً حلو جداً لاكن الصور الثابته وحشه
الكاميرا الديجيتال بتصور صور ثابته حلوه جدا لكن فيديو وحش جداً
هي اولاويات عايز صور ثابته وفيديو مش مهم هات ديجيتال
عايز فيديو حلو والثابت مش فارق هات فيديو
عايز ال ٢ كويسين هات كاميرتين

[M7amD_7amDy]

طيب ممكن تقولى ليه اجيب كاميرا ديجيتل ب 2000

طيب ما ازود شوية واجيب كاميرا فيديو نضيفة

صح ولا ايه

بص حضرتك :)

الكاميرا الديجيتال حجمها صغير جداا وممكن تحطها فى جيبك انما كاميرا الفيديو حجمها كبير وثقيلة نوعا مااا

ولكل شيىء عيوبه ومميزاته

ولعلم حضرتك فى كاميرات فوتو حجمها كبير جداااا بس دى بتكون كاميرات إحترافية اللى هيا بتغير عدسات يعنى فك وتركيب زى دول كده

مساء الفل علي كل المشاركين
ممكن اساعدكوا في موضوع الكاميرات ده علشان ديه اصلاً دراستي
بص ١) انت لازم تحدد الاول انت هتصور بيها ايه في الشغل يعني طبيعة عملك ايه؟
٢) من خبرتي في الكاميرات هرتبلك من الاقوي للأسوأ
نيكون او كانون دائماً منافسين لبعض وهما احسن انواع الكاميرات يعني ممكن تشتري كاميرا كانون ٣ ميجا احسن من كاميرا ملهاش نوع مشهوز ١٠ وعشرين ميجا
سوني
باناسونيك دلوقتي بتنافس بقوة
فوجي
اولمبس
اي نوع تاني كولهم وحشين
الموضوع ككبير شويه علشان لازم علشان تشتري كاميرا لازم ١) تبص علي اسم الشركة
٢) تشوف فيها زووم بصري كام اكس علشان ممكن تكون الكاميرا ٥ ميجا وتمنها غالي اوي بس لو بصيت هي كام اكس هتلاقيها كبيره ولازم يمون فيها الزووم البصري علشان تطلع صوره حلوه
٣) تشوف ساعتها كام ميجا بكسل ٨ ١٠ ١٢ مش حتحتاج الحجم الكبير ده هتلاقي نفسك بتصور علي ٥ او ٣ علشان مساحه كارد الميموري مش هاتكون كبيره للدرجة
فلازم ساعتها تكون فاهم ان الكاميرا اللي نوعها كويس وزومها البصري كويس هطلع صوره نقية جدا علي ال٥ ميجا وال٣ ميجا كمان
٤) نوع كارد الميموري المستخدم لو سوني كارتها هيكون غالي شويه عن النيكون والكانون
٥) نوع البطاريه هل هي بتتشحن ولا بطاريات قلم عادي وكل واحده ليها عيب وميزه البطاريه اللي بتتشحن بتشتغل وقت اطول بس لازم الشاحن يكون معاك علي طول... البطاريه القلم بتخلص بسرعه جدا بس ممكن تشتريها من البقال
اتمني مكنش طولت جامد واي حد عندوا سؤال هرد عليه انشاء الله

الكلام ده مظبوط بارك الله فيك :)

انا اقصد طيب الكاميرا الفيديو ممكن نصور بيها

طيب ليه الناس بتجيب كامرا ديجتال

جودة كاميرات الفيديو فى الفوتو سيئة جداا بعكس الكاميرات الديجيتال

وليه الناس بتجيب الديجيتال؟ ببساطة , عشان خفيفة وتصوير فوتو ممتاز جدا وحجم صغير وفيديو أكتر من ممتاز ( مش كل الكاميرات الديجيتال ) وده هوضحه فى الرد التالى :)

بص انت لازم تحدد اولوياتك الكاميرا الفيديو بتصور فيديو طبعاً حلو جداً لاكن الصور الثابته وحشه
الكاميرا الديجيتال بتصور صور ثابته حلوه جدا لكن فيديو وحش جداً
هي اولاويات عايز صور ثابته وفيديو مش مهم هات ديجيتال
عايز فيديو حلو والثابت مش فارق هات فيديو
عايز ال ٢ كويسين هات كاميرتين

دلوقتى معتش الكلام ده :)

فى الوقت الحالى فى كاميرات ديجيتال بتصور فيديو بجودة ال HD يعنى أعلى جودة ممكن تحصل عليها فى تصوير الفيديو

وده بقى موجود فى الكاميرات ذات الحجم الصغير وفـ موديلات وماركات مختلفة

وفى بعض الكاميرات الإحترافية بتصور فيديو بجودة عالية جداا وهى FULL HD

بإختصار : الكاميرات الديجيتال دلوقتى بقت بتوفر جميع الإمكانيات اللى ممكن تلاقيها فى كاميرات الفيديو

,,,,,,,,,,,,,,,,,,,,,,,,,,,,,,,,,,,,,,,,,,,

اللى انا مستغربله بس ليه محدش علق على ردى فى الأول وعلى نوع الكاميرا اللى ذكرتها؟؟

خصوصا أ/ محمد ( أبو الوليد المصرى ) عشان هو اللى كان محتاج المساعدة

مستنى تشوف وقولى رأيك

[محمد محمد]

بص حضرتك :)

الكاميرا الديجيتال حجمها صغير جداا وممكن تحطها فى جيبك انما كاميرا الفيديو حجمها كبير وثقيلة نوعا مااا

ولكل شيىء عيوبه ومميزاته

ولعلم حضرتك فى كاميرات فوتو حجمها كبير جداااا بس دى بتكون كاميرات إحترافية اللى هيا بتغير عدسات يعنى فك وتركيب زى دول كده











الكلام ده مظبوط بارك الله فيك :)



جودة كاميرات الفيديو فى الفوتو سيئة جداا بعكس الكاميرات الديجيتال

وليه الناس بتجيب الديجيتال؟ ببساطة , عشان خفيفة وتصوير فوتو ممتاز جدا وحجم صغير وفيديو أكتر من ممتاز ( مش كل الكاميرات الديجيتال ) وده هوضحه فى الرد التالى :)



دلوقتى معتش الكلام ده :)

فى الوقت الحالى فى كاميرات ديجيتال بتصور فيديو بجودة ال HD يعنى أعلى جودة ممكن تحصل عليها فى تصوير الفيديو

وده بقى موجود فى الكاميرات ذات الحجم الصغير وفـ موديلات وماركات مختلفة

وفى بعض الكاميرات الإحترافية بتصور فيديو بجودة عالية جداا وهى FULL HD

بإختصار : الكاميرات الديجيتال دلوقتى بقت بتوفر جميع الإمكانيات اللى ممكن تلاقيها فى كاميرات الفيديو

,,,,,,,,,,,,,,,,,,,,,,,,,,,,,,,,,,,,,,,,,,,

اللى انا مستغربله بس ليه محدش علق على ردى فى الأول وعلى نوع الكاميرا اللى ذكرتها؟؟

خصوصا أ/ محمد ( أبو الوليد المصرى ) عشان هو اللى كان محتاج المساعدة

مستنى تشوف وقولى رأيك

ياباشا انت كلامك كبير اوي حاسس اني بكلم دكتور كاميرات وانا جاهل في الموضوع ده فأكيد مش هعرف ارد عليك ده انا تنحت من الكلام اللى انت كتبه.