خدعوك فقالوا : شركة مواد غذائية تحل أزمة المواصلات بالمجان!

[أبو صلاح]

علي فكرة انا لسه اول مرة اشوفه امبارح
واول مرة اشوف الموضوع دا حالا

بس اولا انا استغربت من كلمة اركب مجانا
وفعلا الاعلان عليه
وانا شوفته في شبرا الخيمة وانا راجع من التدريب
وشوفته النهارده برضه

بس انا ليا وجهة نظر
ان لو هما قصدهم كدا فعلا ولازم تشتري

اولا انا شوفت شكل الناس الي راكبة فيه
وفيهم ناس ما اعتقدش ان معاهم فلوس يركبو من الي بفلوس
فا معتقدش كمان هيشترو منتجات فاين فودز
كمان في حاجة

الميكروباص انا شوفته في شبرا الخيمة وانت بتقول العتبة
يعني مناطق سكانها ناس علي قد حالهم
فا ما اعتقدش ان دا الزبون الامثل الي يعملوله الفخ دا
لو هما فعلا قصدهم كدا
ممكن في مدينة نصر - مصر الجديدة علي سبيل المثال

انا كل الي بقوله دا مجرد وجهة نظر تفتقر لاي دليل

بس انا والله اول ما اشوفه تاني مهما كان ورايا
هركبه مهما كان رايح فين او مش في سكتي
وهحكيلكم ايه الي بيحصل بالظبط

هو اللي حصل انه ركبه من التحرير متوجه لمصر الجديدة


ممكن تكون حالة فردية او مندوب حب يعمل شغل ولا بتاع
بس يا جماعة مقابل ايه التكاليف دي كلها ؟ ولمدة في ناس بتقول انها بتصل ل 3 شهور

[kh_talaat]

للاسف الموضوع ده مش سياسة بلد خالص
دي سياسة تسويقية من إدارة تسويق فاشلة في شركة فاشلة

معلش هما لو عارفين انهم بطريقة النصب دي ممكن يتعرضوا للمسائله القانونية كانوا مفكروش ابدا في الفكرة

لكن لأنهم عارفين ومتأكدين ان مفيش نظام في البلد ولا حد هيقولهم انتو بتعملوا ايه وان الشارع المصري بلا رابط فبيعملوا اللي هما عايزيينه

ولو حد اتكلم هيتزبط بقرشين وخلاص

[أبو صلاح]

معلش هما لو عارفين انهم بطريقة النصب دي ممكن يتعرضوا للمسائله القانونية كانوا مفكروش ابدا في الفكرة

لكن لأنهم عارفين ومتأكدين ان مفيش نظام في البلد ولا حد هيقولهم انتو بتعملوا ايه وان الشارع المصري بلا رابط فبيعملوا اللي هما عايزيينه

ولو حد اتكلم هيتزبط بقرشين وخلاص

هههههههههههههههههههه
لا انت كده سخنت وانا هبيعك علشان الموضوع ميقلبش سياسي

[zaza_lanos]

المواطن بقى سلعة لكل مين هب ودب
حسبى الله ونعم الوكيل

[newman]

على فكرة ممكن اللي حصل مع صحبك يكون تصرف فردي مش سياسة شركة الله اعلم !

لان حالة واحدة مش دليل يعني

لا مش حالة فردية ولا حاجة بس الى انا اعرفه ان انت بتركب اول مرة مجانا وبعد كده لازم تشترى منتجات الشركة والناس بتضطر تركب معاهم علشان الزحمة
والله اعلم

[أبو صلاح]

لا مش حالة فردية ولا حاجة بس الى انا اعرفه ان انت بتركب اول مرة مجانا وبعد كده لازم تشترى منتجات الشركة والناس بتضطر تركب معاهم علشان الزحمة
والله اعلم

طيب ازاي يقدروا يحددوا دي اول مرة ولا تاني مرة
هيختموا كل راكب ولا ايه ؟

[romeo_6887]

و الله الشركه دي بتسعتبط

[kh_talaat]

هههههههههههههههههههه
لا انت كده سخنت وانا هبيعك علشان الموضوع ميقلبش سياسي

أصييييييييل يا ابوصلاح

[lancerevolution]

فكرنى بقصة مش عارف دى حقيقة ولا نكتة
أيام التسعينات كانت المحلات بكتب ايات قرأنية على الواجهة زى "وسقاهم ربهم شرابا طهورا " و ايات زى كدا
فواحد يفتح مطعم راح لشيخ و قاله عايز أية تخلى الناس تيجى المحل راح الشيخ قايله إكت "إنما نطعمكم و نسقيقم لوجه الله" قاليه يا شيخ إزاى كدا الناس تيجى تاكل و تمشى ببلاش
راح الشيخ قايله إكتب من جوة المحل "إدفع بالتى هى أحسن "

انا مش واثق من الكلام دا بس أعتقد إنه كان شيخ كبير و طبعا أكيد كان بيهزر مع الراجل دا

[sayedhassan]

يا جماعة الموضوع بسيط جدا فى عربيات لفاين فودز واقفة فى ميدان الجيزة وبتمشى لاخر شارع فيصل انت بتركب وبتشترى منتجات ب1 جنيه تقريبا وبيوصلك مجانا
يعنى انت لو ركبت العربيات العادية هتدفع تقريبا نفس المبلغ
وفى الحالة دى تكون انت حصلت على المنتجات مجانا

[أبو إياد]

ده الخبر المنشور عن الموضوع ده

بدأت شركة فاين فودز للمنتجات الغذائية فى تخصيص ميكروباصات لنقل المواطنين فى أنحاء القاهرة مجانا عليها اعلان للشركة ومكتوب عليها "اركب مجانا"
ومن المقرر نشر التجربة فى كافة المناطق
جدير بالذكر أن إنتشار تلك الفكرة فى مصر من قبل الشركات سيعود بخسارة كبيرة على شركات المواصلات الحكومية والخاصة المدفوعة الأجر وعلى العكس سيعود بالنفع على المواطنين محدودى الدخل

[ahmed4000]

هو ممكن تكون حالة فردية او مندوب حب يعمل شغل ولا بتاع
بس يا جماعة مقابل ايه التكاليف دي كلها ؟ ولمدة في ناس بتقول انها بتصل ل 3 شهور

معرفش موضوع النصب بس عامة حتى لو حيتحمل التكاليف دى كلها مهى دعاية ليه ممتازة اتوبيس ماشى طول اليوم وعليه يافطته وبيعمل عمل بيحبب الناس فيه..بيخلق انتماء عند الناس..يعنى لو مش بينصب والناس ركبت من عنده وجم فى يوم يشتروا مرقة فى الاغلب حتبقى فاين فودز

ده نوع ممتاز من التسويق زى الشركات اللى بتعمل اعمال خيرية

[JAM]

لسة شايفها انهاردة الصبح الساعة 7 على المحور ورايحة أكتوبر

[نور القمر]

يا جماعة الموضوع بسيط جدا فى عربيات لفاين فودز واقفة فى ميدان الجيزة وبتمشى لاخر شارع فيصل انت بتركب وبتشترى منتجات ب1 جنيه تقريبا وبيوصلك مجانا
يعنى انت لو ركبت العربيات العادية هتدفع تقريبا نفس المبلغ
وفى الحالة دى تكون انت حصلت على المنتجات مجانا

1 جنيه معقولة
لكن 10 جنيه دي نصب رسمي وخصوصا لو قالك ياتشتري يا تنزل

[human]

ما اعتقدش الموضوع نصب

عشان ال Runing cost اعلى بكتير جدا من اى Revenue ممكن يجيلهم
و مش محتاجينه اصلا

هما بيعملوا دعايه صح و ممتازه

بس ممكن يكون فيه ناس بتبالغ فى الكلام


لو ديه اتعملت بره كان ممكن الخبر اتنقل و يا سلام على بره و الموزه ام سوسته و البطيخه اللى بارقام سريه