كاميرا وايرلس للباب ؟؟؟؟؟؟؟؟؟

[MRBEBO]

مساء الخير عليكم يا جماعة

انا كنت عاوز اجيب كاميرا وايرلس واحطها على باب الشقة

بحيث ان الواحد يعرف مين اللي على الباب من قبل ما يروح يفتح

خصوصا لان عمارتنا مستهدفة من مناديب المبيعات + الاخوة الصينيين

المهم رحت لراديو شاك وشفت الموديلات هناك

لقيت موديل شبه ده بالظبط

وهو عبارة عن كاميرا وايرلس بالادبتور + رسيفر بيتركب على التليفزيون بوصلة الصوت والصورة والرنج 300 متر

عيب النوع ده الاتي

1- ان الكاميرا مش هيدن يعني باين ان فيه كاميرا وده انا مش عاوزه
2- الكاميرا ممكن تتسرق لو اتحطت على الباب او فوق الجرس
3- الزوم فيها مانيول عن طريق بكرة بالكاميرا مش عن طريق ريموت

طبعا انا محتاج نوع نفس فكرة الكاميرا دي علشان تبقى مش ملحوظة

المهم الراجل اللي في راديو شاك قالي ممكن توسع العين السحرية بحيث انها تبقى مقاس عدسة الكاميرا وتثبتها من جوة

طبعا ده هبل مش معقول هفتح في الباب بالحجم ده + انها هتبقى معروفة انها عدسة كاميرا

انا شفت انتركم + هيدن كاميرا شبه ده

بس عيب النوع ده انه بيجي بشاشة يعني مينفعش توصله بالتليفزيون

وشاشته صغيرة جدا ومش حلوة

طبعا فيه IP Camera زي دي كده

رائعة بس عيبها بردوا

ازاي متتسرقش + هتكون ملحوظة + لازم تتوصل بسلك نت ولو جبتها وايرلس هتبقى غالية جدا

ايه رايكم وايه اقتراحتكم اهم حاجة تقلولي على فكرة ازي احط الكاميرا بشكل غير ملحوظ + متأمنة علشان السرقة وكمان تقترحوا عليا نوع الكاميرا المناسبة وياريت تكون وايرلس

[MRBEBO]

مفيش اي افكار ؟

[nabaster]

لقيت موديل شبه ده بالظبط



وهو عبارة عن كاميرا وايرلس بالادبتور + رسيفر بيتركب على التليفزيون بوصلة الصوت والصورة والرنج 300 متر

عيب النوع ده الاتي

1- ان الكاميرا مش هيدن يعني باين ان فيه كاميرا وده انا مش عاوزه
2- الكاميرا ممكن تتسرق لو اتحطت على الباب او فوق الجرس
3- الزوم فيها مانيول عن طريق بكرة بالكاميرا مش عن طريق ريموت

سبحان الله كنت لسا بفكر في الموضوع ده انهارده

عموما ده اكتر نوع مناسب

وبالنسبه للنقطه واحد واتنين سهل جدا تصمم لها مكان مخفي في زاويه او ركن كده بطريقه ذكيه

العيب الوحيد ان الزوم بتاعها فيها هيا نفسها ومش بريموت

حاول تدور علي نفس الموديل بس بريموت وكده تبقي حاجه زي الفل

بس ياريت قولي ايه ظروف سعرها

A.Yakout

[wesam_salom]

فيه كاميرات وايرلس كتير

بس بتركب على الكمبيوتر مش على التليفزيون لو عندك جهاز مفتوح على طول

وكمان فيها امكانيه التسجيل 24 ساعه

وممكن تشوفها من اى مكان حتى من على الموبايل

وفيه منها للرؤيه الليليه

بس كله بحسابه

[MRBEBO]

الكاميرا دي من 500 لــ 700

اللي ب 700 عبارة عن رسيفر + 2 كاميرا وايرلس

انا شفت الموديلات دي في فرع اول عباس

[MRBEBO]

فيه كاميرات وايرلس كتير

بس بتركب على الكمبيوتر مش على التليفزيون لو عندك جهاز مفتوح على طول

وكمان فيها امكانيه التسجيل 24 ساعه

وممكن تشوفها من اى مكان حتى من على الموبايل

وفيه منها للرؤيه الليليه

بس كله بحسابه

تمام بس النوع ده اللي هو IP Camera

ميزته ان الواحد ممكن يسجل ويشوف المكان من اي حتة وان الكاميرا متحركة ممكن تحركها 360 درجة وفوق وتحت و تعمل زوم من خلال برنامج الكمبيوتر من اي حتة وفيها روئية ليلية بالاشعة تحت الحمرا

بس عيبها لازم كمبيوتر انها واضحة مش هيدن ممكن تتسرق لو بتستخدم انترنت وايرلس علشان الكبلات هتبقى غالية فحت

وكمان فيه كاميرات بتيجي مع MOTION DETECTOR

زي ده



وده بيخلي الكاميرا تشتغل تلقائيا او تسجل عند وجود اي حركة بالمكان

[osoliman88]

متابع باهتمام

[Fouad Ezz]

ايه رايكم وايه اقتراحتكم اهم حاجة تقلولي على فكرة ازي احط الكاميرا بشكل غير ملحوظ + متأمنة علشان السرقة وكمان تقترحوا عليا نوع الكاميرا المناسبة وياريت تكون وايرلس

بسيطة جدا!!!
حضرتك تجيب دي

وتجيب فانوس من اللي بيتركبوا علي باب الشقة .. ويكون بزجاج شفاف ...
وتثبت الكاميرا دي جواه ... وطبعا الفانوس بيتثبت بمسامير قوية ومن الصعب فكة دون إحضار سلم وعدة ..

[MRBEBO]

طيب كده هيبقى فيه مشكلتين

1- الكاميرا هتجيب الناس مسقط راسي يعني مش هيكونوا وضحين وكمان هتجيب اللي هيوقف قدام الباب بالظبط .... بتهيئلي افضل مكان للكاميرا انها تكون في نفس مكان الجرس على الجنب علشان تجيب اي حد في الطرئة قدام الشقة انت عارف ان فيه ناس ظريفة بترن الجرس وتقف على الجنب

2- ازي هوصل الادبتور للكاميرا لان اعلى الباب زي ما انت اقترحت مسلح واعتقد صعب اني اخرم فيه وخطر كمان

[ash257]

أنا شايف النوع اللي بالانتركم ده كويس وانا شفت منه نوع هنا في البحرين بكامرتتين يعني واحدة على باب العمارة وواحدة على باب الشقة مثلا وكمان كان بشاشة في الانتركم ومعاه ريموت فيه شاشة تجيب الصورة بتاعة الانتركم

[banboty]

وهو عبارة عن كاميرا وايرلس بالادبتور + رسيفر بيتركب على التليفزيون بوصلة الصوت والصورة والرنج 300 متر

ممكن تفصل قطعة خشب عريضة زي ملة السرير او زي بلتكانة الستارة و تفتح فتحة للعدسة فيها وتتدهن بلون باب الشقة وتتحط فوق الباب !!
بس فيه نقطة عاوز استفسر عنها..

الكاميرا دي بتتشحن و لا ايه ؟؟ لانك بتقول ان ليها ادابتور
و كمان هل ليها لمبة تشغيل حمرا و لا لأ

وقلت ان الزوم بتاعها يدوي يتضبط من الكاميرا !
طب ما تضبطها مرة واحدة تكون بزاوية كاشفة و مناسبة ليك

[MRBEBO]

أنا شايف النوع اللي بالانتركم ده كويس وانا شفت منه نوع هنا في البحرين بكامرتتين يعني واحدة على باب العمارة وواحدة على باب الشقة مثلا وكمان كان بشاشة في الانتركم ومعاه ريموت فيه شاشة تجيب الصورة بتاعة الانتركم

انا برضوا عاجبني خصوصا ان الكاميرا هيدن مش باينة

وهتتحط فوق الجرس بما يعني ان كل الطرئة اللي قدام الشقة هتبان

بس العيب شاشته صغيرة والصورة مش هتبقة واضحة ... فرق برضوا لما تشوف على شاشة التليفزيون

على فكرة تقريبا تمنه في راديو شاك 1000 جنيه

ممكن تفصل قطعة خشب عريضة زي ملة السرير او زي بلتكانة الستارة و تفتح فتحة للعدسة فيها وتتدهن بلون باب الشقة وتتحط فوق الباب !!
بس فيه نقطة عاوز استفسر عنها..

الكاميرا دي بتتشحن و لا ايه ؟؟ لانك بتقول ان ليها ادابتور
و كمان هل ليها لمبة تشغيل حمرا و لا لأ

وقلت ان الزوم بتاعها يدوي يتضبط من الكاميرا !
طب ما تضبطها مرة واحدة تكون بزاوية كاشفة و مناسبة ليك

فكرتك شكلها جامد بجد بس عيبها الاتي بتهيئلي

الخشب ده المحيط بالكاميرا والانتنه بتاعتها اكيد هياثر على الارسال ... اعتقد بالشكل ده مداها مش هيتعدي ال 10 متر علشان الحواجز الخشبية اللي حواليها ده ان لاقطت اصلا !

لا الكاميرا مش بتتشحن شغالة دايركت على الكهربا بس بادبتور يعني مش بتشتغل 220

مش متاكد من موضوع اللمبة ده بس معتقدش ان ليها لمبة

اه طبعا مش مشكلة الزوم على رايك الواحد ممكن يظبطه على احسن وضع وخلاص ... بس هي اوبشن في بعض الكاميرات ان بيكون معاها ريموت ممكن تعمل منه زوم ... بس مشفتش النوع ده عند راديو شاك

[banboty]

فكرتك شكلها جامد بجد بس عيبها الاتي بتهيئلي

الخشب ده المحيط بالكاميرا والانتنه بتاعتها اكيد هياثر على الارسال ... اعتقد بالشكل ده مداها مش هيتعدي ال 10 متر علشان الحواجز الخشبية اللي حواليها ده ان لاقطت اصلا !

لا الكاميرا مش بتتشحن شغالة دايركت على الكهربا بس بادبتور يعني مش بتشتغل 220

مش متاكد من موضوع اللمبة ده بس معتقدش ان ليها لمبة

اه طبعا مش مشكلة الزوم على رايك الواحد ممكن يظبطه على احسن وضع وخلاص ... بس هي اوبشن في بعض الكاميرات ان بيكون معاها ريموت ممكن تعمل منه زوم ... بس مشفتش النوع ده عند راديو شاك

يا باشا العلبة تبقى مفتوحة بالكامل من فوق
وبإرتفاع يسمح بتغطية الانتنا بحيث انه لا يظهر

[banboty]

زي كده

[zazaza20002000]

انا عاوز كامرا من دي احطها في العربيه ياريت حد يقولنا فين اماكن بيع الحاجات دي يا جماعه؟