لماذا لا يفهم البعض معني الرأي و الرأي الأخر ؟

[yasserelsayad]

احنا هنا في منتدي نايل موتورز المصري



انا عملت كده لما هوا قال التعليق ده



وده لينك الموضوع الي يقصده

http://www.nilemotors.net/nile/134972-a.html

متحكمش علي الموضوع من ظاهره وشوف اصل الموضوع كان ايه

وعلي فكره عيب كلمة (ردح) دي



اقرا الموضوع كله الاول الي فيه المشاركه دي وهتفهم انا قلت كده ليه



احنا مجتمع شرقي والي بتتكلم عليهم دول شواذ

وبصراحه مش متفق معاك ان الي يرضي مراته ولا خطيبته تخرج معاه بالبكيني انه يطلق عليه لقب رجل اصلا

امال بقي لما تقول عليه حضرتك محترم !!!!!!!

وبرضه انا هبعد عن موضوع الامر بالمعروف والنهي عن المنكر لانه مش موضوع مناقشتنا دلوقت

a.yakout

انا اسف طبعا لو كانت كلمة ردح ضايقتك بس انا مكنتش اقصد اى اساءة ليك انا بكلم عامة.
انا طبعا مخكمتش على الموضوع من ظاهرة ولا حاجة انا بس حكمت على مشاركة حضرتك اللى انت عاملتها فى الموضوع واللى انا مش شايفها اسلوب كويس ان انت تجرح فى حد دا بعيدا بقى ان فى حاجة قديمة بينك و بين العضو التانى لأن انا معرفش ايه حصل بنكم عشان تكلمه او توصفه بالاوصاف ديه و اظن اى واحد دخل الموضوع و شاف الرد بتاعك وهو ميعرفش ايه اللى حصل قبل دا هيشوفه تهجم على صاحب الموضوع.
ودا كان موضوع مشركتى فى الموضوع لكن مش عشان اناقشك فى رايه خالص واظن ان انا كتبت قبل كدا ان انا مش شرط عشان بقولك دا رأيه يبقى انا مقتنع بيه او يبقى هو صح. كل ما فى الامر ان انا شفتها مش طريقة مناسبة ان انت ترد عليه كدا فى المنتدى مهما كان حجم الخطأ اللى هو ارتكبه.
واكرر لك اسفى تانى لو انت كنت زعلت من حاجة.

[nabaster]

انا اسف طبعا لو كانت كلمة ردح ضايقتك بس انا مكنتش اقصد اى اساءة ليك انا بكلم عامة.
انا طبعا مخكمتش على الموضوع من ظاهرة ولا حاجة انا بس حكمت على مشاركة حضرتك اللى انت عاملتها فى الموضوع واللى انا مش شايفها اسلوب كويس ان انت تجرح فى حد دا بعيدا بقى ان فى حاجة قديمة بينك و بين العضو التانى لأن انا معرفش ايه حصل بنكم عشان تكلمه او توصفه بالاوصاف ديه و اظن اى واحد دخل الموضوع و شاف الرد بتاعك وهو ميعرفش ايه اللى حصل قبل دا هيشوفه تهجم على صاحب الموضوع.
ودا كان موضوع مشركتى فى الموضوع لكن مش عشان اناقشك فى رايه خالص واظن ان انا كتبت قبل كدا ان انا مش شرط عشان بقولك دا رأيه يبقى انا مقتنع بيه او يبقى هو صح. كل ما فى الامر ان انا شفتها مش طريقة مناسبة ان انت ترد عليه كدا فى المنتدى مهما كان حجم الخطأ اللى هو ارتكبه.
واكرر لك اسفى تانى لو انت كنت زعلت من حاجة.

يا باشا والله كفايه ذوق حضرتك

ومفيش زعل وحصل خير

وانا لما حطيت اقتباسات مش مشاركات العضو علشان بس انبه الناس لاراء العضو الي عايز الناس تقبل بيها

او حتي يناقشوه فيها وده مش صح اصلا وغلط المناقشه في مواضيع هيا اساسا ثوابت

انا مفيش بيني وبين العضو حاجه انا كل الي اعرضت عليه ردوده بدون اي غلط مني ولا تجريح

انا جبت مجموعة اقتباسات من كلامه وده مظنش ان فيه اي تجريح ولما اتكلمت كنت بقول العضو المحترم لاخر لحظه

فمحدش يقدر يغلطني في اي كلمه قلتها

بس يظهر حضرتك مش متابع الاجتماعي فمش عارف الي حصل قبل كده

وبعون الله ان شاء الله هنرتاح من الاعضاء الي بتكون مشاركاتهم من النوع الي بيثير جدل ويبقي سبب في مشاكل كتير

وبكرر تاني يا باشا حصل خير وربنا ما يجيب زعل

وبكرر تاني برضه ان محدش يقدر يغلطني في اي جمله قلتها

A.Yakout

[nabaster]

..............................

لقد خالفتم القاعدة رقم (13) من قواعد المنتدى، لذا
فقد استحققتم انذار مع وقف اسبوع لمخالفة قواعد المنتدى.مع التخفيف وعدم تفعيل الوقف

يرجى مراجعة قواعد المنتدى

مشرف الاجتماعى 3

الكلام ده ليا انا؟؟؟

انا الي استحق انذار !!!!!!!!

انا جايب بس اقتباسات من مشاركات العضو دي فيها شخصنه او تهكم؟؟؟

A.Yakout


المكان المخصص للتعليق على مداخلات الاشراف هو قسم الشكاوى. لقد خالفت القاعدة رقم (8) ولذا فتستحقانذار مع وقف اسبوع

يرجى مراجعة قواعد المنتدى


مشرف الاجتماعى 3

[الغزالى]

عمرو ممكن يعنى استفسار لما انت تقول اية يعنى ان واحد بيبوس واحدة فى الشارع او بيحضنها وانت شايف الكلام دة صح مش غلط
تفتكر انت لما تقولى كدة اولاى حد عايزة يتقبل الرااى دة افتكر لاء لانة لو تقبل الراى دى يبئى مش مزبوط لا موأخدة
حضرتك انا ليا ولاد عمى اجانب هولندين بمعنى اصح
عمى فى مرة لما كانوا هنا منعها انها تلبس لبس ممكن مينفعش فلى مصر هنا بس مش معنى كدة انها كانت ها تلبس لبس خليع
بس لمجرد انة حس انة مش هاينفع هنا فى مصر منعها
ودول اجانب يعنى دى طبيعة حياتهم كدة وعلى فكرة برضو كانت لسة صغيرة
(افتكر دة حاجة انا المفروض محكيهاش بس للضرورة احكام )
فا كونك انك عايزنى اقبل رايك فى اغلط واحترمة يبئى انا موافقك علية
انما لو حاجة صح يبى انت على عينى وراسى
انما تقول حاجة وبتعمل حاجة تانية يبئى ................ مش عارف اقول اية

[nabaster]

معلش يا جماعه انا مش هتكلم تاني

احتراما بس لقرار الوقف

القرار متفعلش بس احتراما للقرار ده انا مش هتكلم غير في قسم الشكوي

وممتنع عن اي مشاركه في اي موضوع في المنتدي لحين صدور قرار

A.Yakout

[amrbakly]

عمرو ممكن يعنى استفسار لما انت تقول اية يعنى ان واحد بيبوس واحدة فى الشارع او بيحضنها وانت شايف الكلام دة صح مش غلط
تفتكر انت لما تقولى كدة اولاى حد عايزة يتقبل الرااى دة افتكر لاء لانة لو تقبل الراى دى يبئى مش مزبوط لا موأخدة
حضرتك انا ليا ولاد عمى اجانب هولندين بمعنى اصح
عمى فى مرة لما كانوا هنا منعها انها تلبس لبس ممكن مينفعش فلى مصر هنا بس مش معنى كدة انها كانت ها تلبس لبس خليع
بس لمجرد انة حس انة مش هاينفع هنا فى مصر منعها
ودول اجانب يعنى دى طبيعة حياتهم كدة وعلى فكرة برضو كانت لسة صغيرة
(افتكر دة حاجة انا المفروض محكيهاش بس للضرورة احكام )
فا كونك انك عايزنى اقبل رايك فى اغلط واحترمة يبئى انا موافقك علية
انما لو حاجة صح يبى انت على عينى وراسى
انما تقول حاجة وبتعمل حاجة تانية يبئى ................ مش عارف اقول اية

علي فكرة اي حد بص علي كلامي حيلاقية واضح وضوح الشمس، انا مناقشتش إذاي كان واحد يعمل فعل اسمة كذا ولا اسمة كذا زي ما العضو المحترم نقل الكلام خارج سياقة

منهم مثلا ان واحد واقف محترم و فرد أمن تطاول علية تحت بند أن ممكن تعمل كذا

و تسائلت هو حتي لو بيعمل حاجة المجتمعات المحافظة بتعتبرها غير مقبولة، ليه الناس تثور قوي كدة

الفكرة اني في رأيي الشخصي إننا بدأنا بقمع بعض و مصادرة حريات بعض و بالتالي بقي من السهل يجيي أمين شرطة يقمعنا

إذا كنا لا نملك اي سلطان علي بعض و بنقمع بعض !

و من بعض الأمثلة مثلا حد بيقولي ان الخمرة حرام، ماشي الخمرة حرام لأنة أمر إلهي، اللي محل للنقاش بقي مثلا هو نمنع بيع الخمر ولا نبيحة ، و كل بني أدم حسابة عن ربة لأنة بيعمل حاجة عارف انها حرام

أنا شخصيا لا أناقش الدين و إنما أناقش سلوك الناس

واحد زي العضو المحترم اللي كان بيسخر من كلامي و مني شخصيا مقدرش يستوعب كلامي طب أنا مفترض اعملة اية؟ لا و كمان داخل يسخر من فكرة الرأي الأخر لأن معترض علي رأيي

دة اللي انا بفهموش بصراحة و مبفهمش يعني اية رأي أخر لازم يعجب المختلف معاك !!

ما هو لو عجبك مبقاش اخر ... كل اللي اناعرضتة حتي لو الرأي دة يختلف معاااااااااااك تمام الإختلاف لازم تحافظ علية لأنة حيحميك في يوم من الأيام

و افتكروا كلمة فولتير الخالدة : أختلف معك في رأيك و لكني مستعد ان ابذل حياتي في الدفاع عن حقك في ابداء الرأي

[أحمد كمال]

و من بعض الأمثلة مثلا حد بيقولي ان الخمرة حرام، ماشي الخمرة حرام لأنة أمر إلهي، اللي محل للنقاش بقي مثلا هو نمنع بيع الخمر ولا نبيحة

ايه التناقض ده؟؟؟؟؟؟؟؟؟


بكرة نلاقي ناس بتقول الزنا حرام ماشي ده امر الهي و اللي محل للنقاش نسمح بالدعارة القانونية و لا لأ .... !!!!!!!

[Ahmed Eraqy]

اللي محل للنقاش بقي مثلا هو نمنع بيع الخمر ولا نبيحة

لا طبعا ده برده مش محل نقاش لانه حرام شربه و بيعه و انتاجه .. لاننا دولة اسلامية

[M.Mosaad]

الرأي و الرأي الاخر بيقف لما بيصطدم بالدين ممكن اكون بعمل حاجة غلط بس مخدعشي نفسي و اقول انها حريه شخصيه و مش عارف ايه زي اللي بيحاول يحلل السجاير كدة

يعني سلمان رشدي لما كتب ايات شيطانيه و ايران حللت دمه مين الغلط هو و لا ايران

نابليون لما دخل مصر راح زار المساجد و احتفل بالاعياد الدينيه بتاعتنا مش لانه طيب لأ علشان عارف انه لما يصطدم بالدين او العرض محدش هيسيبه

الراي و الرأي الاخر بيحترم طالما حاجة بتحتمل نقاش بين البشر لكن غير كدة اكيد الواحد المفروض يستحمل ردود مش كويسة

[أشرف العدوي]

ايه المضوع ده انا لسة شايفه
ممكن ادلو بدلوي من غير تجريح في حد او حد يجرح فيا

انا شايف ان مافيش مشكلة فعلية بين الأستاذ احمد ياقوت و الاستاذ عمرو
هي المشكلة انهم مش لاقيين نقطة يبتدو منها الحوار

الاستاذ عمرو وجهة نظرة الي انا فهمته من مداخلاته ( ممكن يكون فهمي غلط )
هو ما اتعرضش للدين هو بيتكلم في واقع بيحصل و المفروض انه يكون في حل علشان يتغير الواقع ده لانه للأسف مش منطقي زي موضوع الخمر حرام و محدش قال غير كدة لكن بتتباع في المحلات لأي حد و في اي مكان و مافيش قيود على بيعها
يبقى نقطه انها حرام خلاص مافيهاش كلام
الكلام دلوقتي لما هي حرام من الطبيعي انها تتباع في المحلات عادي كدة أكيد لاء
طيب ايه الي المفروض نعمله علشان نقدر نمنعها فعلاً
و الي ماشية تتحضن و تتباس في الشارع بردو حرام و مش مقبول مجتمعياً لكنه للأسف بيحصل و في اماكن عامة
طيب الي نقدر نعمله ايه علشان نمنع ده و نحطله روابط علشان ده ميحصلش
بمعنى تاني بخصوص موضوع أخونا محمود موتورايزر
انا شايف ان رجل الامن مالوش انه يتكلم معاه و يطلعه بره
لو شافه بيعمل حاجة غلط ياخد ضده الاجراء القانوني المناسب لكن يهينه ليه يعني
و ليه اجزمنا انه كان بيعمل غلط
طيب و صديقتهه الي كانت قاعدة في العربية لو كانت مراته مثلاً و حصل نفس الموقف كنتوا بردو هتغلطوه و تقلوله انك حطيت نفسك في مواقع الشبهات ما اعتقدش و راجل الامن اجزم منين انها صحبته مش اخته مثلاً او مراته و ليه يهينه اصلاً
ده على كدة ل واحد اتمسك مننا و هو ناسي رخصة العربية مثلاً يرضى على نفسه انه يتهان و يتفتش هو و عريبته و يتاخد على القسم و ياترى هيقول انا الي عملت في نفسي كدة و لا هيجي يشتم في رجال الشرطة انهم ما عندهمش دم و هكذا
بالنسبة لأخويا أحمد ياقوت
انا شايف انه بيتكلم بحس الرجل الشرقي الصح صح و الغلط غلط و ده شئ في منتهى النخوة و الرجولة
و اخونا عمر ما قدرش يفهم ده
و اول مشاركة بينهم هما الاتنين أصطدموا ببعض من غير ما واحد فيهم يحاول يوصل وجهة نظره للتاني

ارجو ان تكونوا فهمتوا وجهة نظري الي ممكن تكون غلط و لو كانت غلط محدش يجرح فيها يعني نتناقش عادي

و ياريت اشوف عمرو و احمد بيعتزروا لبعض هما الاتنين و يحاولوا يقربوا وجهات نظرهم و لو حتى تليفونياً بينهم و بين بعض

[otefa]

يمكن جزء رئيسي من الخلافات الدائمة في المنتدي الإجتماعي بالتحديد هو عدم قدرة البعض علي إستعياب ان هناك دائما رأيا أخر

الرأي الأخر لا يمكن أن تضبطة بثوابتك أو بحدودك، حتي و إن كان يتعلق بالقانون، فحتي في العمل السياسي الذي هو اكبر مجال للخلاف حيث يتعلق بمصالح أمم، لم نجد أبدا في اي مجتمع حر، رأيا أخر يتم منعة

ربما يسقط هذا الرأي الأخر في تصويت أو في إنتخاب و لكن اي محاولة لقمع هذا الرأيي تعتبر في الثقافة الديموقراطية هي تحرك فاشي، و لقد تعلم العالم جيدا من تجاربة في هذا الشأن

في 1938 ضم هتلر النمسا إلي الجمهورية الألمانية، ووقتها وقف وينستون تشيرشل و كان خارج السلطة أنذاك حيث كان حزب العمال يحكم بريطانيا، ووصف تشيرشل أنذاك في الصحافة البريطانية بأنة داعية حرب و نذير شؤوم يريد إغراق الإمبراطورية البريطانية في حرب جديدة مدمرة ضد ألمانيا النازية، و لكن بعد عام واحد تنازل حزب العمال علي السلطة و اعلن عن إنتخابات مبكرة في بريطانيا بعد أن اعلن هتلر ضم بولندا أيضا

لو كان أعدم تشيرشل او حوصر سياسيا أنذاك لكنا اليوم نعيش في احد المستعمرات النازية !

لقد تعلم العالم من قيمة الخلاف في الرأي

و إذا نظرنا حتي للتاريخ الإسلامي نجد أنة منذ اكثر من ألف سنة نجد ان المسلمين انفسهم إختلفوا بل وصلوا في الخلاف الفكري إلي مناقشة صحة القرأن، أنذاك لم يكفر احدهم احد، و لم يتقاتلوا و إنما تناقشوا و تجادلوا و أنتجوا مذاهب و افكار، و لو فعلوا ما يفعلة مسلمين اليوم لإندثر المسلمين منذ 14 قرنا في قتالهم لبعضهم بعضا

ربما انا كتبت الكلمتين دول لأني شاهدت مدي القدرة علي عدم احترام الأخر و إحترام وجهه نظرة في موضوع أخر في المنتدي الإجتماعي

في النهاية من يريد أن يبالغ في أستخدام الوقاحة في الخطاب هو الخاسر الأكبر دائما لأنة يخسر مصداقيتة

و أستغرب دائما من يريد أن ينصب نفسة الفاهم الأكبر علي الناس و حبر الأحبار، رغم أن الله يمنح الناس فرص التوبة و فرص التراجع في الخطأ، بل يمنحهم حق الكفر إن شاءوا، و يأتي بعض الناس في عالمنا المصون لينصب نفسة حارسا علي كل شئ بما فيها حتي طرح الأسئلة !

و أتمني علي إدارة المنتدي ألا تستخدم الحل الأسهل دائما و هو إغلاق المواضيع المثيرة للجدل، لأنة بدون الجدل لما تقدمت الأمم و لما إستطاع الناس إستخدام عقولهم مطلقا التي هي النعمة الأكبر التي منحها لهم الله

http://www.nilemotors.net/Nile/134972-a-5.html

عجبني كلامك زي الفل لاغبار عليه....بس لما شوفت موضوعك التاني....اسمحلي يعني مااقدرش اقول حاجة الا ملاحظتي بعدم وضوح وتناقض بما تكتبه وبما تعتقد به....وربنا يهدينا جميعا للصواب اجمعين.

[Col. Eng. Khaled]

مع كامل إحترامي للجميع ..........

يعني إيه صديقتي / صاحبتي أو بنت تقول صديقي / صاحبي ؟

رأيي الشخصي من الأفضل تجنب الشبهات

[ahmed4000]

لللاسف وحنقول للمرة المليون فى فئات اتغربت بشكل كبير وبقى مجرد ذكر كلمة الدين قدامهم بتجبلهم حالة عصبية غريبة وبيديك احساس علطول انك متخلف لانك بتدخل الدين فى حاجة .......ولما نقول مدام الله او الرسول قال حاجة يبقى مفيش حتى حق انك "تجتهد" تبقى كده بالنسبة لهم نموذج للتخلف العقلى


وللاسف بقى فى مجموعة كبيرة منهم منتشرة فى وسطينا وفى كل مكان وبقت تتكتب فى التعليقات ...ارجوك لو بناقشك متردش عليا بالمقدسات..الدين للجامع فقط...كل واحد حر يقول اللى هو عايزه ويعمل اللى هو عايزه


ربنا يهدى

[أحمد كمال]

لللاسف وحنقول للمرة المليون فى فئات اتغربت بشكل كبير وبقى مجرد ذكر كلمة الدين قدامهم بتجبلهم حالة عصبية غريبة وبيديك احساس علطول انك متخلف لانك بتدخل الدين فى حاجة .......ولما نقول مدام الله او الرسول قال حاجة يبقى مفيش حتى حق انك "تجتهد" تبقى كده بالنسبة لهم نموذج للتخلف العقلى


وللاسف بقى فى مجموعة كبيرة منهم منتشرة فى وسطينا وفى كل مكان وبقت تتكتب فى التعليقات ...ارجوك لو بناقشك متردش عليا بالمقدسات..الدين للجامع فقط...كل واحد حر يقول اللى هو عايزه ويعمل اللى هو عايزه


ربنا يهدى

انا بس نفسي اعرف ...... لو واحد من الحلوين دول شاف بنته و لا اخته ماشيه متشعبطة في دراع ولد غريب و لازقين في بعض ...... هيروح يناقشهم و هي هتقول له لا انا حرة في اللي باعمله .... هيقول لها حقك عليا انا اسف ؟؟؟؟؟؟ معلش قطعت عليكم خلوتكم و يمشي .... و يقول للولد خلي بالك منها .....








يا جدعان انا ماقدرش (مش غصب عني يعني بس من باب الحياء و الاحترام) امسك ايد مراتي و لا ابقى قاعد جنبها حاطط ايدي على كتفها قدام اخوها و لا ابوها و لا خالها ..... اللي هي مراتي و متجوزين و مخلفين ....




مش عارف بجد اقول ايه .... فيه ناس بقى عندها مية معدنية مكان الدم

[Samah AbdAllah]

يا جدعان انا ماقدرش (مش غصب عني يعني بس من باب الحياء و الاحترام) امسك ايد مراتي و لا ابقى قاعد جنبها حاطط ايدي على كتفها قدام اخوها و لا ابوها و لا خالها ..... اللي هي مراتي و متجوزين و مخلفين ....




مش عارف بجد اقول ايه .... فيه ناس بقى عندها مية معدنية مكان الدم

هو ده الحياء يا احمد
واللى مع الأسف اختفى من ناس كتير