سقف عربيتي اطبق!!!

[dj_bex]

السلام عليكم ...
بلاش تركنوا تحت اي عماره ,, لييه بقى ؟؟
خير اللهم اجعله خير نازل الصبح رايح الشغل و انا طبعا مبوز عشان كنت سهران بلعب استماش مع صحابي لاقيت التانده ( الشمسيه إلي بتتحط برا البلكونه عشان تعكس نور الشمس ) على سقف عربيتي .. طبعا ضغطي عليه و النرفزه اشتغلت بس الحمد لله حديد و اطبق احسن ما كانت تقع على راس واحد ربنا سترها .. المهم انا مش عارف اعمل اييه ؟؟
انا عدلت السقف بإيدي و مشيت بس باينه اوي ان السقف مطبق و فيه خدوش كتييير اوي .. ايييه حلها دي؟

[romeo_6887]

حاول بالبولش مع السقف و ربنا يعينك

[NaBeLeOn]

oooops
مش عارف و الله الخدوش دى البولش هينفع معاها و لا لأ
الحمد لله على كل حال :(

[أبو إياد]

ليه بس حاولت بايدك
كنت تروح للسمكرى هايردهالك بحرفه وماكانش فى اى حاجه هتبان

[Ralliart]

وانا كمان سقفي اتطبق والسبب مجهول
بس رديتها عند السمكري ورجعت زي الفابريكه الحمد لله بس اعد يحور عليا واخد 180 جنيه عشان فتحة السقف كانت زانقاه وفك السقف كله من جوه
مش عارف هو كده ضحك عليا ولا لأ؟؟

[Janno28]

الحمد لله انها جت على اد كده

[أبو إياد]

طالما انت بتقول انها رجعت زى الفابريقه يبقا خلاص بقا فى داهيه الفلوس بس للعلم التعامل مع المسطحات بالذات لازم يكون حد فاهم وده لان مساحه الصاج بتكون واسعه ومزوده بدعامات فابتحتاج فن

[Eng_Mostafa_89]

الحمد لله بسيطة
وقدر الله وما شاء فعل