رحتوا فين امبارح ؟؟؟ ( ليلة رأس السنة ) ؟

[sherif_84]

أنا رحت ألعب بولينج مع قرايبى
وبعدين طلعنا على الكورنيش شوية وأكلنا شيبسى ( حجم أكتر ) وشربنا زبادو
وبعد كده كل واحد ركب العربية الى جزيرة القطن ( :

[hazem_khidr]

ليله مكنش ليها اي طعم اول مره احضرها من 2004 لاني كنت في الامارات دايما في الوقت دا.
مكنتش حاسس بحاجه امبرح و كان ورايا شغل و خلصت الشغل و روحت عند واحد قريبي كبير في السن بروح اطمن عليه كل يوم و عادي الشوارع عاديه و لا في اي حجه جديده كان زمان بيبقي في حتفلات جامده عن كده

[حماده عزو]

أنا كنت عندى مشاوير انا والحاج والحاجه من الساعه 10 صباحا لحد 7 مساء فى القاهره
وبعدين روحت على بلدنا طنطا وطبعا أكلت مع ام العيال والعروسه الصغيره
ونمت مهدوووووووود من كتر التعب
يعنى يوم عادى كولو سواقه وسفر ووجع قلب فى الزحمه
كل عام جديد وأنتو بخير

[CryptonX]

يـــــــــــــاه .. .ناس كتير اوي منبسططش !

طب كنا عملناها خروجة جماعية للمنتدى علي كدة بقى :)
السنة الجاية و عليكوا خير !

[sab3aawy]

انا بالنسبة لى ليلة راس السنة مكانتش مهمة نهائيا، لكن الإحتفال الحقيقى كان امبارح فى مطار القاهرة مع عودة السيدة زوجتى من الأراضى المقدسة،

[total_n76]

والله كانت ليلة كئيبة قضيتها فى الخرطوم فى السودان ما بين الشغل لكن سهرت جامد مع اصحابى لان هنا يوم اول السنة اجازة
لكن ما كنش للسهرة طعم بصراحة
فعلا مصر ام الدنيا

[ahmed_gamal]

انا قعدت اذاكر لحد تاني يوم علشان كان عندي امتحان يوم 1\1\2008:(:(:(:(

[mena]

واحد صاحبي كان عامل حفلة خاصة عنده في فيلا في المعادي كل حاجة موجودة بالعبيط و كلنا فاكرين وصلنا ازاي لكن محدش عرف يروح قبل الساعة 9 الصبح :)

[oshy]

بالنسبالى كانت ليله كئيبه جدا
أنا و صحابى كنا هنخرج خروجه جامده لكن الموضوع باظ
قمنا رايحين كافيه صغير بتاع واحد صاحبنا و قعدنا نلعب بلياردو لحد الساعه 5 الصبح
و بعدين رجعت لجزيرة القطن و كل عام و أنتم بخير