هل سبق لك ان فسخت خطوبتك

[AHMED12345678]

زى العنوان مبيقول
هل سبق وان فسخت خطوبتك
وياريت نعرف الخطوبة قعدت اد اية
وما هى اسباب فسخ الخطوبة
والفسخ كان منك او منها
وبقالك اد اية فاسخ
ويا ترى لسة حاسس انك بتحبها وبتحنلها
وهل حاسس انك ندمان على فسخ الخطوبة
وهل جربت انك تخطب تانى
اعتبروا الموضوع من قبيل الفضفضة لكل واحد ربنا مقسملوش لسة انة يتجوز

[MomoMedo]

انا كنت هخطب الصيف الجي بس الموضوع باظ خالص بعد حب اربع سنين ووالدي كان مكلم والدها بس كنا مستنيين عشان الجامعة وكدة
لسة مفيش كام يوم .. حاسس اني مش عايش :(:(
بس احتفظ بالاسباب لنفسي
عموما ربنا مايحكم على حد يفارق حد بيحبه
والله هم مابعده هم
ادعولي

[ابوهاشم]

والله انا حصل معايا كتير قول 5 او6مرات
وكان سبب الفسخ منهم احيانا ومنى احيان اخرى
لعدم التوافق فى الفكر والطموحات وفكرة تاسيس
بيت يعنى تلاقى مثلا واحده كل اللى يهمها انت هتجيب
لها ايه وبس ومش مهم انت مين وشخصيتك ايه
وفى واحده تلاقيها مخالفه معاك فى كل افكارك
والغريبه ان ده مش عن حق ولكن مرض بعيد عنك
خالف تعرف

[eng.octooo]

معلش ...انا بس رديت لانى حاسس ان الموضوع فية تطفل على مشاعر الاخرين
والاحسن ان الموضوع كان يكون عن سبب فسخ الخطوبة ومواقفها بس مش اكتر وافتكر ان الموضوع دة موجود فى الاجتماعى وبتاريخ جديدة وفية مشاركات كتيير ونشطة

http://www.nilemotors.net/Nile/133379-a.html

وانا اسف لصاحب الموضوع بس انا حاسس اننا بكدة هانبقى بنكرر المواضيع

[dr.amr]

اه فسخت خطوبتي الحمد لله
قعدت حوالي 6 شهور
من شهر مايو 2009 الي نوفمبر 2009
فاسخ بقالي 4 شهور ونص
الاسباب والله مش عارف عارف لما بيبقي واحد بيجري وراك بقاله 3 سنين ولما تروحله تعمله اللي هو عاوزه وتخطب بنته يترسم عليك بس الرسمه جت بزياده وافورت منهم كلهم والله من اول يوم من يوم قراية الفتحه بس الشهاده لله كانوا كويسين معايا اول اسبوع بعد كده بدأت المعاناه عارف لما يكون حد اقل منك وهو عارف كدا بس بيحاول يعوض ده مع اني والله متواضع معاهم وعمري ماحصل مني شيء غلط وحتي لو حصل كنت بعتذر وماكنتش بتكبر + عارف برضو شغل الحماوات المقرف مع اني حماتي كانت عمتي اللي بقالها 3 سنين بتشاغلني +البنت كانت تقيله جدا في طبعها وكفايه كده علشان ماخدش ذنوب اكتر من كده
الفسخ كان مني واحلي حاجه انها جت مره واحده زي القلم نزل عليهم كلهم مره واحده والله لغاية دلوقتي بيكلموا ابويا اني ارجع وانا ولا في الدماغ
كنت بدأت احبها بس الحب لوحده ماينفعش وكل ماكنت افكر ارجع في الاول وارجع اتخيل نفسي وسطهم تاني ارجع اقول الحمد لله اللي خلصني منهم
لا مش ندمان خالص علي الفسخ لأنه جاء بعد 3 صلوات استخاره ونفسي قفلت من ناحيتهم تماما وبحمد ربنا قوي

نفسي قوي اخطب تاني والله واتجوز الاحساس ده جميل قوي وخصوصا لما يكون اللي قدامك بيحيك ويحترمك ومتفاهم معاك احلي احساس في الدنيا فعلا الزواج موده ورحمه وسكينه

[kemoelord]

هو بس انا عندي استفسار بسيط من الناس الي بيقدموا على مرحلة الخطوبه دي , هل كل واحد وهو رايح يخطب ويرتبط بيبقى شايل المسؤوليه ومخطط ازاي هيتحمل مسؤوليه الخطوة دي بكل ما تحمل من نتائج سواء كانت سلبيه او ايجابيه ؟ انا دائما لما بفكر في الموضوع ده ببقى خايف وبقول لنفسي اني مش هقدر اتحمل مسؤوليه انسانه تانيه معايا واذا ربنا قدر والموضوع كمل للجواز مش عارف هل هقدر اتحمل مسؤوليه بيت واطفال وانا ابقى صاحب القرار عن حياة الناس دي ؟ من الاخر هل الموضوع صعب زي ما انا بتخيله ولا هو بسيط ولا ايه بالظبط ؟؟؟

[dr.nemo]

هو بس انا عندي استفسار بسيط من الناس الي بيقدموا على مرحلة الخطوبه دي , هل كل واحد وهو رايح يخطب ويرتبط بيبقى شايل المسؤوليه ومخطط ازاي هيتحمل مسؤوليه الخطوة دي بكل ما تحمل من نتائج سواء كانت سلبيه او ايجابيه ؟ انا دائما لما بفكر في الموضوع ده ببقى خايف وبقول لنفسي اني مش هقدر اتحمل مسؤوليه انسانه تانيه معايا واذا ربنا قدر والموضوع كمل للجواز مش عارف هل هقدر اتحمل مسؤوليه بيت واطفال وانا ابقى صاحب القرار عن حياة الناس دي ؟ من الاخر هل الموضوع صعب زي ما انا بتخيله ولا هو بسيط ولا ايه بالظبط ؟؟؟

نفس الاحساس ده عندي
ياريت حد يرد علينا

[dr.amr]

هو بس انا عندي استفسار بسيط من الناس الي بيقدموا على مرحلة الخطوبه دي , هل كل واحد وهو رايح يخطب ويرتبط بيبقى شايل المسؤوليه ومخطط ازاي هيتحمل مسؤوليه الخطوة دي بكل ما تحمل من نتائج سواء كانت سلبيه او ايجابيه ؟ انا دائما لما بفكر في الموضوع ده ببقى خايف وبقول لنفسي اني مش هقدر اتحمل مسؤوليه انسانه تانيه معايا واذا ربنا قدر والموضوع كمل للجواز مش عارف هل هقدر اتحمل مسؤوليه بيت واطفال وانا ابقى صاحب القرار عن حياة الناس دي ؟ من الاخر هل الموضوع صعب زي ما انا بتخيله ولا هو بسيط ولا ايه بالظبط ؟؟؟

يا باشا هونها تهون
ليه مصعبها علي نفسك
طيب مافي مليارات قبلك اتجوزوا
حصلهم ايه ؟؟؟ ولا حاجه
اصل انت مش هتشيل مسئولية دوله
وبعدين زوجتك ماهياش صغيره
وانتوا وسط اهلكوا برضه
والواحد مع العمر بيكتسب خبره
الكلام اللي انت بتقوله ده معناه ان ماحدش يتجوز لان الجواز صعب
الموضوع مش سهل ولا معقد من وجهة نظري طبعا احنا منتظرين تعقيب من الاعضاء اللي اتجوزوا
وبعدين اللي مكتوبلك هتشوفوا
تخيل والدك وهو في سنك ايه رايك ؟؟
هي هي ايه الفرق بينك وبينه

[3ateef]

معلش ...انا بس رديت لانى حاسس ان الموضوع فية تطفل على مشاعر الاخرين
والاحسن ان الموضوع كان يكون عن سبب فسخ الخطوبة ومواقفها بس مش اكتر وافتكر ان الموضوع دة موجود فى الاجتماعى وبتاريخ جديدة وفية مشاركات كتيير ونشطة

http://www.nilemotors.net/nile/133379-a.html

وانا اسف لصاحب الموضوع بس انا حاسس اننا بكدة هانبقى بنكرر المواضيع

يا استاذ اكتو كل واحد ليه حرية الاختيار فانه يقول الاسباب او ميقولش....وفى اعضاء قالت الاسباب وفى اعضاء احتفظت بالاسباب لنفسها...
ومن وجهة نظرى ان دا مختلف عن الموضوع الاولانى...لان الموضوع ده بخصوص الفسخ وبس
مش مقدمات الخطوبة او التعارف...الخ

اقدمها باسلوب سمح فائق الاحترام...

[kemoelord]

يا باشا هونها تهون
ليه مصعبها علي نفسك
طيب مافي مليارات قبلك اتجوزوا
حصلهم ايه ؟؟؟ ولا حاجه
اصل انت مش هتشيل مسئولية دوله
وبعدين زوجتك ماهياش صغيره
وانتوا وسط اهلكوا برضه
والواحد مع العمر بيكتسب خبره
الكلام اللي انت بتقوله ده معناه ان ماحدش يتجوز لان الجواز صعب
الموضوع مش سهل ولا معقد من وجهة نظري طبعا احنا منتظرين تعقيب من الاعضاء اللي اتجوزوا
وبعدين اللي مكتوبلك هتشوفوا
تخيل والدك وهو في سنك ايه رايك ؟؟
هي هي ايه الفرق بينك وبينه

يمكن علشان الواحد لسه عايش مع اهله فاحساس المسؤوليه ده مش عنده , او يكون عامل السن عليه تاثير , هو اكيد الموضوع مش مستحيل لدرجة ان الواحد مش هيعمله بس انا بتكلم عن النقله وهي ان تكون فجاه مسؤول على حد وكلام حضرتك صح في ان الي هرتبط بيها دي مش صغيره يعني انا مش هشيل المسؤوليه لوحدي ولا ايه ؟

[wesam_salom]

يا باشا هونها تهون
ليه مصعبها علي نفسك
طيب مافي مليارات قبلك اتجوزوا
حصلهم ايه ؟؟؟ ولا حاجه

شكلك ماتعرفش حد اتجوز قبل كده
اصل انت مش هتشيل مسئولية دوله
وبعدين زوجتك ماهياش صغيره
وانتوا وسط اهلكوا برضه
والواحد مع العمر بيكتسب خبره
الكلام اللي انت بتقوله ده معناه ان ماحدش يتجوز لان الجواز صعب

نصيحه غاليه من اخ عزيز
الموضوع مش سهل ولا معقد من وجهة نظري طبعا احنا منتظرين تعقيب من الاعضاء اللي اتجوزوا
وبعدين اللي مكتوبلك هتشوفوا

مفيش للموضوع ده الا حل واحد وهو الدعاء
اللهم انى لا اسألك رد القضاء ولكنى اسألك اللطف فيه
تخيل والدك وهو في سنك ايه رايك ؟؟
هي هي ايه الفرق بينك وبينه

نصيحه لصاحب الموضوع

متقلقش ابدا

انا اعرف واحد متجوز بقاله كتير بس لسه عايش

[eng.octooo]

يا استاذ اكتو كل واحد ليه حرية الاختيار فانه يقول الاسباب او ميقولش....وفى اعضاء قالت الاسباب وفى اعضاء احتفظت بالاسباب لنفسها...
ومن وجهة نظرى ان دا مختلف عن الموضوع الاولانى...لان الموضوع ده بخصوص الفسخ وبس
مش مقدمات الخطوبة او التعارف...الخ

اقدمها باسلوب سمح فائق الاحترام...

شكرا لتعليق حضرتك

[dr.amr]

نصيحه لصاحب الموضوع

متقلقش ابدا

انا اعرف واحد متجوز بقاله كتير بس لسه عايش

ههههههههههههههههههههه
ياباشا الناس مش ناقصه
احنا عايزين لما الواحد يبقي قادر يتجوز يتجوز
مش نبقي خايفين نتجوز
طيب انت مثلا ايه رائيك في الجواز بس بجد ؟
ايه شعورك بعد مااصبحت رب اسره؟
ايه احساسك لما تشيل ابنك وتلعب معاه ؟
بجد والله مش هزار

[dr.amr]

يمكن علشان الواحد لسه عايش مع اهله فاحساس المسؤوليه ده مش عنده , او يكون عامل السن عليه تاثير , هو اكيد الموضوع مش مستحيل لدرجة ان الواحد مش هيعمله بس انا بتكلم عن النقله وهي ان تكون فجاه مسؤول على حد وكلام حضرتك صح في ان الي هرتبط بيها دي مش صغيره يعني انا مش هشيل المسؤوليه لوحدي ولا ايه ؟

هو انت عندك كام سنه ياباشا؟
علي فكره ماتحاولش تقارن نفسك بوالد مثلا
الموضوع مختلف تماما
المسؤليه بتيجي علي فترات مش مره واحده
يعني واحده واحده مسؤلياتك بتكبر وانت بتكون نضجت معاها
ماتحكمش علي نضوجك ده قبل 25 سنه
وبعدين مافيش نقله بتحصل مره واحده ولا حاجه
انت بتخطب الاول وبتتعرف عليها وبتخرج معاها
كأنك مع واحد صاحبك بس بتحبه (اذا كنت فعلا كده )
وكله من الهرمون ابن التييييييييييت اللي بيخليك غصب عنك تغلط وتعملها :pointi~2[2]:
هههههههههههههههههههه

[hamedo0]

اه فسخت خطوبتي لسه يوم 19-3-2010
كنت قرايت الفاتحه في شهر اكتوبر ولبست الشبكه في 12-2-2010
عدم التفاهم بيني وبين ام العروسه كانت بتلف وتدور كتير وانا كنت داخل طوالي مش عندى لف ودوران
الفسخ كان مني ببقالي اربع ايام فاسخ الخطوبه
بحن ليها اه لكن حب لا
مش بفكر اخطب تاني دلوقتي لما يجي النصيب