صدف دي و لا موضوع الابراج ده حقيقي ؟

[romeo_6887]

مبدئيا انا مش عايز حد يتريأ لان الموضوع ممكن يكون مش مهم لبسنه لمعظم الناس لكنه مهم بالنسبه ليا و لاول مره اكتشف اني بعرف افكر و احلل الامور

دلوقتي كل واحد مننا له ممثلين مفضلين بالنسبه ليه و انا اكتشفت اساس التفضيل ده طب ازاي يا عم الحاج ؟ هقولوكوا انا مثلا ليا 4 ممثلات بحبهم جدا مع اختلاف الفظيع ما بينهم

تشارلز ثيرون ( بتاعه فيلم ايطاليان جوب ) و ايفانجلين ليلي ( البنت حبيبت جاك في مسلسل لوست ) و ميلا كونيس ( بتاعت فيلم ماكس باين ) و اخير كاميرون دياز اللي كلنا عارفينها

انا اكتشف حاجه مشتركه بينهم بالصدفه الا و هي تورايخ الميلاد
تشارلز ثيرون 7 اغسطس 1975 ( بموت فيها )
ايفانجلين ليلي 3 اغسطس 1979 ( بتفرج علي لوست عشانها )
ميلا كونيس 14 اغسطس 1983 ( زي العسل و اوكرانيه )
كاميرون دياز 30 اغسطس 1972 ( بحبها زي اختي ههههههه )

انا بجد ذهلت لما توصلت للنتيجه دي لان تاريخ ميلادي 6 اغسطس 1987
كلنا مواليد اغسطس مع فرق السن طبعا

هل دي صدف ؟ معتقدتش و انا تأكدت ان موضوع الابراج ده صحيح جدا جدا
ايه رأيكوا في الموضوع ده

[amrelsaqqa]

على فكرة الحاجات دى حرام

كذب المنجمون ولو صدفوا

[mahmoud_magdy]

حاول تقرأ عن تحليل شخصية البرج بتاعك (الاسد)
هتلاقي نفسك نفس الكلام اللي مكتوب
او في تشابه كتير بين الكلام وبين شخصيتك
لكن في نقطه
متصدقش
لان
كذب المنجمون ولو صدفوا

وهتلاقيهم صادقين في حاجات كتير
دا غير الاختراعات بتاعت السنه دي هيحصلك ايه والكلام الفاضي ده

[M.Osman]

لأ يا باشا...
مدخلش نفسك في المتاهة دي

اكيد كلها صدف
اكييد

كذب المنجمون ولو صدفوا

+1

[Janno28]

هو انا مش فاهمة الابراج دخلها ايه فى الموضوع ده سورى متزعلش منى بس مستغربه

كذب المنجمون ولو صدفوا

موافقه جداااااا

[romeo_6887]

لأ يا باشا...
مدخلش نفسك في المتاهة دي

اكيد كلها صدف
اكييد

بس لو صدفه مش صدفه عجيبه حبتين ؟

هو انا مش فاهمة الابراج دخلها ايه فى الموضوع ده سورى متزعلش منى بس مستغربه

بصي يا جانو
اصل 4 ممثلات دول و انا برج الاسد
و زي ما انا كاتب في الموضوع
دول الممثلات المفضلين ليا
و بعدين اكتشفت ان كلنا برج الاسد بالصدفه
هي دي علاقه الابراج بالموضوع

[Janno28]

بس لو صدفه مش صدفه عجيبه حبتين ؟



بصي يا جانو
اصل 4 ممثلات دول و انا برج الاسد
و زي ما انا كاتب في الموضوع
دول الممثلات المفضلين ليا
و بعدين اكتشفت ان كلنا برج الاسد بالصدفه
هي دي علاقه الابراج بالموضوع

اها طيب اوك ميرسى للتوضيح يافندم

[الغزالى]

بصو يا جماعة بالنسبة لحتة الابراج النتجيم والحاجات دى انا معاكواا انها فعلا كدة
الى هيا كذب المنجمون ولو صدفواا
ولكن انا كنت قريت من فترة
قربية فتوة لشيخ ب الذاكرة مش جايبة اسمة الكلام دة كان فى الجرنان
بيوقل فيما معنها
لو انت بتقرا الابراج دى لمجرد القراءة يعنى كائنك بتقرا خبر مثلا فى الجرنان مثلا
فدى عادى
انما لو بتقرا الابراج دى ومصدق الى فيها وبتنفذة فد حرام

[النوبي]

طيب انا كنت بحب ليلي علوي ودلوقتي بكرهها ياتري تاريخ ميلادها اتغير!!!!!!!

[A7MED_PHARMA]

طيب هقولك
أنا
ووالدي
ووالدتي
وأخويا الصغير
مواليد نفس الشهر.....ونفس البرج الفلكي
دي فيها إيه غريب

.
وبعدين أي شئ ..أي شئ
أي شئ يخبرك بعلم الغيب ..إفتكاسات وكذب

سواء كانت أبراج ..أو حظك اليوم ..أو تنبؤات عرافين(حتى المشهورين منهم)
أو أي شئ كان

..النوبي بيحب ليلى علوي
وأوكتو بيحب سعاد حسني


رجالة المنتدى هايصة اليومين دووول

[pro_samir]

الحديث فيما معناة انة من أتي كاهنا أو عرافا فصدقة فقد كفر بما أنزل علي محمد ، ولو مصدقتوش فلا يقبل منك صلاة أربعين يوما

والله أعلم لما تقرا حظك اليوم كإنك روحت لعراف بالظبط ولو مصدقتوش فلا تقبل منك صلاة أربعين يوم

لكن ...

إية علاقة التنجيم بصفات الشخصية حسب تاريخ ميلادها ؟

يعني التنجيم والعرافة دة بيدعو انهم بيعرفو الغيب وبيتوقعو اللي هيحصل ودول اللي مقصودين بالحديث الشريف

أما موضوع تأثير الأبراج علي صفات الشخصية دة مرتبط بتاريخ الميلاد و وضع القمر من الأرض والكلام إياة دة ، والعوامل دي كلها بتأثر علي الشخصية (علي حد كلامهم) و دة مش قراءة للغيب أو تكهنات وبالتالي معتقدش ان فيها مخالفة شرعية

أعتقد كدة .. ولو حد شايف ان دة غلط يفهمني لية

[amrelsaqqa]

أما موضوع تأثير الأبراج علي صفات الشخصية دة مرتبط بتاريخ الميلاد و وضع القمر من الأرض والكلام إياة دة ، والعوامل دي كلها بتأثر علي الشخصية (علي حد كلامهم) و دة مش قراءة للغيب أو تكهنات وبالتالي معتقدش ان فيها مخالفة شرعية

أعتقد كدة .. ولو حد شايف ان دة غلط يفهمني لية

لا انا مش مع حضرتك في الحتة دى

ماهى الابراج دى هى التنجيم بعينه

امال كلمة تنجيم جاية من ايه

من النجوم والابراج

والعلماء بيسموا الموضوع ده ربط الاحوال السماوية بالحوادث الارضية

وهو حرام بلا شك
والله اعلم

[samehafez]

الحديث فيما معناة انة من أتي كاهنا أو عرافا فصدقة فقد كفر بما أنزل علي محمد ، ولو مصدقتوش فلا يقبل منك صلاة أربعين يوما

والله أعلم لما تقرا حظك اليوم كإنك روحت لعراف بالظبط ولو مصدقتوش فلا تقبل منك صلاة أربعين يوم

لكن ...

إية علاقة التنجيم بصفات الشخصية حسب تاريخ ميلادها ؟

يعني التنجيم والعرافة دة بيدعو انهم بيعرفو الغيب وبيتوقعو اللي هيحصل ودول اللي مقصودين بالحديث الشريف

أما موضوع تأثير الأبراج علي صفات الشخصية دة مرتبط بتاريخ الميلاد و وضع القمر من الأرض والكلام إياة دة ، والعوامل دي كلها بتأثر علي الشخصية (علي حد كلامهم) و دة مش قراءة للغيب أو تكهنات وبالتالي معتقدش ان فيها مخالفة شرعية

أعتقد كدة .. ولو حد شايف ان دة غلط يفهمني لية

اتفق مع حضرتك .... التنجيم و المنجمون حاجة
و نظرية الصفات المشتركة بين مواليد الشهر الواحد دي حاجة تانية
طبعا مش معني كده ان انا مقتنع بيها ....
بس انا شايف ان ملهاش علاقة بالغيب

[hh]

لا انا مش مع حضرتك في الحتة دى

ماهى الابراج دى هى التنجيم بعينه

امال كلمة تنجيم جاية من ايه

من النجوم والابراج

والعلماء بيسموا الموضوع ده ربط الاحوال السماوية بالحوادث الارضية

وهو حرام بلا شك
والله اعلم

التنجيم المقصود هو قراءة النجوم عشان الواحد يطلع على المستقبل و يعرف حيحصل ايه فيه. و ده فيه كفر و العياذ بالله لأن الغيب لا يعلمه الا الله, انما موضوع ارتباط الخطوط العامة لشخصية الأنسان وطباعه بتاريخ ميلاده مفيهوش اطلاع على الغيب و لا تنبأ بالمستقبل بغض النظر عن اقتناعنا بصحته من عدمه.

اللي مفيش شك انه حرام موضوع حظك اليوم و الحاجات دي لأنها بتقولك حاجات لسة محصلتش يعني بتتنبأ بالغيب و ده أكيد مفيش شك انه حرام جدا و التصديق بيه يعد كفر.

[sh_masry]

هههههههه مواضيع المنتدى بقى نجمها عالى اليومين دول