إعـــــــلان

Collapse

.

,
See more
See less

سمكرى نصب عليا و مش عارف اعمله ايه افيدونى

Collapse
X
 
  • Filter
  • الوقت
  • Show
Clear All
new posts

  • سمكرى نصب عليا و مش عارف اعمله ايه افيدونى

    كنت عاوز اخد رايكم فى موضوع محتار فيه
    من مده عملت حادثه بعربيه والدى و كان متامن عليها رحت ودتها لواحد بتاع سمكره و دوكو يصلحها و كان هو تبع التامين فقالى انا هخلصلك كل ورق التامين و مالكش انت دعوه بحاجه و بعد ما خلص قالى العربيه اتكلفت 1400 جنيه و انا هحاسبه و هو هيجيبلى الشيك من الشركه فى خلال اسبوع
    و بالفعل حاسبته لكن هو فضل يماطل عشان يجيب الشيك و يقولى اصل الشركه فيها مشاكل اصلهم مش بيطلعوا شيكات
    و بعد شهر او اتنين من المماطله كلمت ابو واحد صاحبى هو اللى كان معرفنى عليه و مودينى ليه و قاله ايه المشكله و ماينفعش كده عشان يخلصلى الموضوع
    كام يوم و لقيت السمكرى ده بيكلمنى و بيقولى تعالى خد فلوسك المهم رحت و انا مستغرب ازاى هو اللى صرف الشيك قلت مش مشكله المهم اخد فلوسى لقيته بيدينى 1000 جنيه فبقوله انا ليا 1400 جنيه قاللى انا دافعلك الفلوس دى من معايا عشان انت مستعجل عليهم و اما يطلع الشيك هبقى اديهولك و تصرفه و تاخد ال 400 جنيه بتوعك و ترجعلى فلوسى (ده باعتبار انى مختوم على قفايا)
    المهم قلت نص العمى و لا العمى كله و بعد كده فضل برضه يماطل فى موضوع الشيك مع انه المفروض خو على كلامه هو اللى يجرى ورايا و ورا االشيك لانه هو كده اللى ليه فلوس
    المهم رحتله لقيته بيتكلم باسلوب مش كويس و عصبنى فقلتله الفلوس لو ما رجعتش فى خلال اسبوع هتشوف انا هعمل ايه لقيته بيقوللى و لا هتقدر تعمل حاجه و اللى عندك اعمله قلتله انا مش هرد عليك احتراما للراجل اللى معرفنى عليك اللى هو ابو صاحبى
    بس بجد الموضوع ده حارق دمى انى اتنصب عليا فى 400 جنيه و عاوز اعرف هو ممكن يطلع الشيك و يصرفه هو و لا ايه و لا نصب عليا ازاى
    المهم انا كنت بفكر اليومين دول فى حاجه انا عربيتى محتاجه ترش الاكصدام الامامى و الخلفى فكنت بفكر اروحله او اخلى واحد صاحبى اللى يروحله و بعد ما يخلصها ما اديلوش فلوس بس مش عارف كده حلال و لا حرام ياريت تفيدونى بس انا بفكر ما اخذ بالقوه لا يسترد بغير القوه

  • #2
    ماشاء الله يا جماعه 26 عضو شاف الموضوع و لا واحد قاللى رايه
    ماكانش العشم

    Comment


    • #3
      لو كلامه صح مستحيل يصرف الشيك اساسا مش هيعرف يستلمه
      بس موضوع انك تودى العربية هو مش عبيط ده صنايعى يعنى عارف الشغل الى عمله قبل كده
      كلم ابو صاحبك وربنا يسهل
      اه نسيت
      اسأل فى الشركه الاول
      [CENTER][SIGPIC][/SIGPIC][gdwl][gdwl][SIZE=4][COLOR=RoyalBlue][B][FONT=Arabic Transparent]( ربنا [FONT=Arabic Transparent]افتح بيننا[/FONT] وبين قومنا بالحق وانت خير الفاتحين )[/FONT][/B][/COLOR][/SIZE][/gdwl][/gdwl][/CENTER]

      Comment


      • #4
        الموضوع بتاع حضرتك سابقة أولى من نوعها يا أستاذ محمد
        هو مفروض الشيك يطلع باسم المستفيد ... مفيش قدامك غير شركة التأمين وتعرف منهم ايه اللى حصل ... وكمان تقدم لهم شكوى ضده يمكن يقدروا يعملوا لك حاجة
        [img2]http://i1023.photobucket.com/albums/af355/khaled_now/Awards2012-2015.gif[/img2]
        [COLOR=Blue][marq="4;right;3;scroll"]لا اله الا الله وحده لاشريك له .. له الملك وله الحمد .. يحيى ويميت وهو على كل شئ قدير[/marq][/COLOR]

        Comment


        • #5
          تسال في شركة التامين
          إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
          م/محمد

          Comment


          • #6
            انا بصراحة معنديش خبرة حياتية كافية انى احكم فى الموضوع ده

            بس هو لو نصاب و بايع القضية , طب ليه رجعلك 1000 , ما كان نصب عليك فى ال 1400 كلهم

            من ناحية تانية , صعب اوى ان سمكرى يطلع 1000 جنيه من جيبه الخاص و يقولك خد عشان انت مستعجل و تبقى ترجعهوملى , تكاد تكون مستحيلة يعنى

            مش عارف بصراحة , انت ممكن تصبر عليه شوية و كلمه تانى و بلاش تقفش معاه عشان انت اللى محتاجله , و خلى موضوع رش الاكصدام ده حل اخير
            [CENTER]م/احمد وهبة
            Software Developer
            [/CENTER]

            Comment


            • #7
              يا جماعه انى اسال فى الشركه ده مستحيل لان هى الجمعيه و الكل عارف المشاكل اللى فى الجمعيه و لما كنت بسال بنفسى عليه فى الشركه كانوا بيقولولى مالوش ملف اصلا الحادثه دى و هو الموضوع عدى عليه اكتر من سنه
              و موضوع انى اروحله فانا هروح بعربيه تانيه هو طبعا اكيد فاكرنى بس انا ممكن اخلى واحد صاحبى يروحله بعربيتى مش عربيه والدى و يرش هو الاكصدام كانه صاحبها او اهمل انى ناسيهم و استعوضت ربنا فيهم ادامه بس مش عارف كده حرام و لا ايه
              و اللى مجننى فعلا انى مش عارف هو ازاى طلع 1000 جنيه و اداهملى اكيد هو لاعب لعبه انا مش عارفها

              Comment


              • #8
                هو علشان يرجعلك 1000 جنيه يبقي طلع من وراك ب2000 بالميت...ايه اللعبة الله اعلم....بس طالما مش هاتقدر تسال الشركة..يبقي ماعندكش اي طريقة تعرف بيها الا منه شخصيا.....وطبعا الاستنتاج ده انه لاعب لعبة ده بناء علي كلامك.
                ايه الجمعية!
                إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                م/محمد

                Comment


                • #9
                  المشاركة الأصلية كتبت بواسطة otefa مشاهدة المشاركة
                  هو علشان يرجعلك 1000 جنيه يبقي طلع من وراك ب2000 بالميت...ايه اللعبة الله اعلم....بس طالما مش هاتقدر تسال الشركة..يبقي ماعندكش اي طريقة تعرف بيها الا منه شخصيا.....وطبعا الاستنتاج ده انه لاعب لعبة ده بناء علي كلامك.
                  ايه الجمعية!
                  الجمعيه المصريه للتامين
                  طب انا ممكن اخد حقى زى ما بقول كده و لا حرام مش عارف
                  انا كده المقروض ليا عنده 400 جنيه

                  Comment


                  • #10
                    انا مش فاهم إية علاقتة بشركة التأمين أصلا خصوصا وحضرتك بتقول انهم ميعرفوش عنة حاجة

                    وعموما انت شايف ان الشغل اللي عملة كان يستحق 1400 جنية ؟ ولا يمكن هو صلحها ب400 فقط ولما حس انك هتعملة مشاكل رجعلك 1000 وخد حق التصليح بس ؟
                    [RIGHT][B][I]Mohamed Samir[/I][/B]
                    :sleeping:
                    [CENTER]'
                    [/CENTER]
                    [/RIGHT]

                    Comment


                    • #11
                      لو إنت مش مسامح و عايز تعمله مشاكل, ممكن تعمل الحوار ده بس هتطر تزود حوار تاني , طبعا هتتخانق معاه لما يخلص الشغل , هتطلع على القسم وتعمله محضر سرقة (كاسيت بقى موبيل أي حاجة ) علشان هو أكيد هيطلع يعملك محضر , طبعا هتتنازل عن المحضر بس لما هو يعرف إنه مش هيعرف يعمل معاك حاجة.

                      بس خلي بالك إنت هتضحك عليه وهتتبلى عليه , وطبعا ده مش صح ومانصحكش تعمل كده بس برده حرام إنك تحس إنك قليل الحيلة , لو تقدر تسامح طبعا يبقى أحسن, وربنا عمره ما هيباركله.
                      [CENTER]:argue1:[/CENTER]
                      [SIZE=3][B][marq="3;right;3;scroll"] واتناقش مع الجاهل تزداد جهل!!![/marq][/B][/SIZE]

                      Comment


                      • #12
                        المشاركة الأصلية كتبت بواسطة pro_samir مشاهدة المشاركة
                        انا مش فاهم إية علاقتة بشركة التأمين أصلا خصوصا وحضرتك بتقول انهم ميعرفوش عنة حاجة

                        وعموما انت شايف ان الشغل اللي عملة كان يستحق 1400 جنية ؟ ولا يمكن هو صلحها ب400 فقط ولما حس انك هتعملة مشاكل رجعلك 1000 وخد حق التصليح بس ؟
                        هو ورشه شركه التامين متعاقده معاها و لما سالت فى شركه التامين عن الحاله قالولى الحادث دى مالهاش ورق يعنى الراجل ما كملش الورق مع انه هو اللى قاللى انا اللى هخلصلك الورق بس هو تقريبا لما دفعتله طنش على الموضوع
                        و هو كان مزود جدا فى تمن التصليح و هو اللى كان بيقولى كده ادام التامين اللى هيدفع

                        Comment


                        • #13
                          المشاركة الأصلية كتبت بواسطة slim_shika مشاهدة المشاركة
                          لو إنت مش مسامح و عايز تعمله مشاكل, ممكن تعمل الحوار ده بس هتطر تزود حوار تاني , طبعا هتتخانق معاه لما يخلص الشغل , هتطلع على القسم وتعمله محضر سرقة (كاسيت بقى موبيل أي حاجة ) علشان هو أكيد هيطلع يعملك محضر , طبعا هتتنازل عن المحضر بس لما هو يعرف إنه مش هيعرف يعمل معاك حاجة.

                          بس خلي بالك إنت هتضحك عليه وهتتبلى عليه , وطبعا ده مش صح ومانصحكش تعمل كده بس برده حرام إنك تحس إنك قليل الحيلة , لو تقدر تسامح طبعا يبقى أحسن, وربنا عمره ما هيباركله.
                          طب معلش مش فاهم ايه لزمه انى اتخانق معاه و هو انا لو اتخانقت هو هيسيبنى امشى عشان اعمل محضر انا كنت بفكر امشى و خلاص بسرعه مثلا
                          و بعدين هو هيعملى محضر بايه و ايه اللى يثبت انى اتعاملت معاه اصلا

                          Comment


                          • #14
                            أولا ربنا يفك ازمتك وأنا مقدر فعلا حالتك ... وعارف ان الحكاية مش حكاية 400 جنية على قد ما هو احساس بالظلم أو احساس انك اضحك عليك

                            بصراحه انا مش عارف اللعبة بالظبط اللي لعبها السمكري دة بس ليا سابقة مع واحد برضه هحكيهالك ويمكن تفيدك

                            والدي كان مأمن على عربيته تبع الجمعية برضه وكان يعرف ميكانيكي ربنا فتح عليه وعمل مركز صيانه سمكرة ودوكو وبقى شغال تبع الجمعية

                            المهم لما عرف ان والدي مأمن مع الجمعية قالوه لو محتاج اي شغل سمكرة ابقى تعالى اعملها عندي ومش هتدفع اي حاجة وانا هاخد تمن السمكرة و الدوكو من الجمعية وأخلصلك كل حاجة

                            وفعلا مره والدي احتاج يرش الأكصدامين عملهم عندة ومدفعش حاجه

                            وبعدين مره قالوه لما تيجي تجدد التأمين السنوي ابقى اديني مبلغ التأمين وأنا اجددلك بدل ما تروح وتتمشور وكدة

                            المهم والدي فعلا في ميعاد التجديد أعطى له قسط التأمين السنوي وكان في انتظار انه يعطي له ايصال يفيد بدفع قسط التأمين وبدأ الرجل يماطل ويماطل واعتذار ورا اعتذار وحجج واهيه .... ويقوله متقلقش لو حصل للعربية حاجة هعملهالك وانا هتصرف مع التأمين

                            لغاية ما والدي هدده انه لو لم يعطي له الإيصال او المبلغ هيعمل له محضر في القسم ... وفي النهاية اعطى له الأيصال

                            المهم عرفنا بعد كدة ان في لعبة بيلعبوها المراكز دي وده بالأتفاق مع مندوب التأمين وهي انه ياخد منك المبلغ وميسددش القسط او لو الموضوع في بدايته لا يؤمن على العربية اصلا ويقامر بأنك مش هيحصل لعربيتك حاجه لمدة سنة التأمين وساعتها يبقى هو كسب مبلغ قسط التأمين

                            اما في حاله ان عربيتك حصل لها حاجة او عملت حادثه لقدر الله بيتصرف مع مندوب التأمين وبيعملوا عقد تأمين بتاريخ قديم

                            لذلك انا بحذر اي واحد يعمل تأمين لازم يستلم من المندوب ايصال من شركة التأمين يفيد بدفع قسط التأمين وليس أستلام وثيقة التأمين فقط لأن الوثيقة ليست دليل على دفع قسط التأمين
                            [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                            Comment


                            • #15
                              هات اتنين شهود واعمل فيه محضر
                              [CENTER][B]سامح البقري
                              المحامي[/B][/CENTER]

                              Comment

                              Working...
                              X