مضايق

[mrwho1982]

السلام عليكم اولا

ثانيا النهاردة الخميس اليوم كولو شغل من اولو لاخر ساعة والمدير رخم يعني يوم رزل ومدير رخم دي اول حاجة

وانا مروح الطريق وحش جدا علشان النهارده الخميس وانا داخل علي التجمع الخامس من طريق الجيش لقيت عربية نقل ماشية علي اليمين..... لحد كده الوضع حلو الوضع اللي مش حلو ان في عربية بتاعة بيبسي ماشية علي الشمال والدخنة السودا ماقولكش ده غير ان العربية ماشية بالعافية

اديلو كلالاكسات انو يفهم ويمسك اليمين مافيش لقيت واحد ست جاية متشنجة وعايزة تعدي بالعافية من النص والطريق مايجيبهاش

المهم سيبتها تيجي جنبي كده انا هاروح بكره الصبح المهم الست عديت بالعافية وجيت جنب السواق واديتو التحية بتاعتي

تتت تتات المهم رد علي بنفس التحية كرات الدم البيضة ركنت علي جنب والكرات الحمرا اخدت في وشها واذحت

واذا بي ارمي عليه واوقف الشارع وانا في العربية مانزلتش من العربية وهات ياشتيمة

ماديتهوش فرصة يرد وقمت فاتح عالطريق 120

بمبدأ اللي عايزني يحصلني المهم بعد ماروحت البيت وطول الطريق وانا مضايق جدا من اللي عملته تصرف لا يدل الا علي قلة الادب

او الحماقة ....... ده غير عتاب المدام وامي لما حكيت لهم عالموضوع

انا مضايق جدا وقلت افضفض لحسن اطق انا مابحبش قلة الذوق ولا اشتم حد خالص بس انا اتعصبت في ساعتها

لذا ارجو من الجميع اللي اعصابهم بتبقي حامية خاللي باااااااارد وهااااااااااادي واشتر دماغك

علي راي والدي قاللي في مرة لما شافني بجري

امشي براحة علشان توصل بسرعة

معلش صدعتكم بس انا حاسس بتانيب ضمير وكنت عايز افضفض

[الغزالى]

السلام عليكم اولا

ثانيا النهاردة الخميس اليوم كولو شغل من اولو لاخر ساعة والمدير رخم يعني يوم رزل ومدير رخم دي اول حاجة

وانا مروح الطريق وحش جدا علشان النهارده الخميس وانا داخل علي التجمع الخامس من طريق الجيش لقيت عربية نقل ماشية علي اليمين..... لحد كده الوضع حلو الوضع اللي مش حلو ان في عربية بتاعة بيبسي ماشية علي الشمال والدخنة السودا ماقولكش ده غير ان العربية ماشية بالعافية

اديلو كلالاكسات انو يفهم ويمسك اليمين مافيش لقيت واحد ست جاية متشنجة وعايزة تعدي بالعافية من النص والطريق مايجيبهاش

المهم سيبتها تيجي جنبي كده انا هاروح بكره الصبح المهم الست عديت بالعافية وجيت جنب السواق واديتو التحية بتاعتي

تتت تتات المهم رد علي بنفس التحية كرات الدم البيضة ركنت علي جنب والكرات الحمرا اخدت في وشها واذحت

واذا بي ارمي عليه واوقف الشارع وانا في العربية مانزلتش من العربية وهات ياشتيمة

ماديتهوش فرصة يرد وقمت فاتح عالطريق 120

بمبدأ اللي عايزني يحصلني المهم بعد ماروحت البيت وطول الطريق وانا مضايق جدا من اللي عملته تصرف لا يدل الا علي قلة الادب

او الحماقة ....... ده غير عتاب المدام وامي لما حكيت لهم عالموضوع

انا مضايق جدا وقلت افضفض لحسن اطق انا مابحبش قلة الذوق ولا اشتم حد خالص بس انا اتعصبت في ساعتها

لذا ارجو من الجميع اللي اعصابهم بتبقي حامية خاللي باااااااارد وهااااااااااادي واشتر دماغك

علي راي والدي قاللي في مرة لما شافني بجري

امشي براحة علشان توصل بسرعة

معلش صدعتكم بس انا حاسس بتانيب ضمير وكنت عايز افضفض

ها تعمل اية يعنى فى السيرك الى السواقين عاملية فى الشارع خصوصا الميكروبصات والتريلات انا عاذرك جدا ان الواحد ممكن يبئى هادى جدا وتحصل حاجة مش تنرفزة ممكن تخلية ينزل يفرم الى قدامة بس العصبية دى ليها حصل
زى وما بيقولواااا اعصر على نفسك لمونة بس ازاى انا كمان عايز اعرف

[أبو صلاح]

بص ياباشا
انا في اليوم اللي بكون مخنوق منه جدا في الشغل
مبروحش
باخد بعضي واروح اقعد في مكان هادي مع نفسي لمدة ساعة ومبنزلش من العربية مع موسيقى هادية مع اي حلويات بتحب تاكلها لغاية لما اروق وآخد بعضي واروح

وفعلا ساعات الواحد بيبقى ماشي بيتلكك لاي حد يعني بيشاكل دبان وشه بس الخوف تيجي الطوبة في المعطوبة والدنيا تكبر وتبقى مشكلة كبيرة

[Mohamed.Ramah]

طب انت بايدك تعمل اية فى الوضع الزبالة دة الله يكون فى عونك

[alf2boshra]

أحسن حل لإن الواحد يهدي اعصابه
هو الاختراع بتاعي ...
أنا لما باتخنق واحس اني خلاص مش قادر
وطالبه معايا أتفش في أي مخلوق
عصبي بطبعي انا (( بس بيقولوا إني طيب ))
المهم باروح لصاحبي وأنتيم عمري
اول ما باشوفه هاتك يا غضب يا هادرررر واديله
شتيمه أوك .. تهزيئ لا مانع
نظرتين تلاته إحتقار يجوز
تلطيش مينفعش خالص
وهو بجد وللأمانه بيقف ساكت ما بيحاولش
يهش ولا ينش
أول ما الطاقه بتاعة الغضب بترووووووووووووح
بامشي من قدام المراية وباكون كوووووووووووول

يا جماعه ماحدش يتنرفز على حد عيبون خالصون
بس لو الضرورة حكمت
بس بهدوء ( ع الضيق يعني )
ما انا برضه لو كنت في موفق زي بتاع أخونا دا
هاجيب منين مرايه مفيش غير مراية العربية
وساعتها هيقولوا إتجنن
لا ياعم دا انا أغضب أحسنون
ألفي بشرى

[sniperfox]

انا بتقبلنى مواقف زباله كتير زى دى وسعات كتير اكبر دماغى بس لتكبير الدماغ حدود يعنى ان معنديش استعداد ان اتنين نقل بمقطوره مشين فوق سرعتهم و كمان مشين جمب بعض وافلين الطريق والمقطوره تنزل عليك سن الى هو ظلط صوغير يبوظ العربيه والزوجاج وبدل متوصل بيتك فى ساعه توصل فى سعتين علشان الاتنين بيعندو بعض سعتها بسخن وبعديه بطريقه جنونيه واجى اودامه وافرمل وامسح بكرمته الارض ومعنديش مانع اتاخر واقعود موقفه واطلبله الشرطه

[rockana9112007]

بس حضرتك اليوم اللى كتبت فية الموضوع المفروووض يبقى الاربعاااااااء مش الخميس

روووق يامعلم ومتعملش فى نفسك كدة

[rockana9112007]

لأ لأأ انتا صح الخميس ....انا اللى هيست
قريت الموضوع بعد نصف الليل
اعتذارات افندم

[romeo_6887]

انا بقول لنفسي لو كل موقف هزعق فيه مش هخلص ... كبر دماغك يا باشا

لأ لأأ انتا صح الخميس ....انا اللى هيست
قريت الموضوع بعد نصف الليل
اعتذارات افندم :zb_sor1[1]::zb_sor1[1]:

صباح الفل يا معلم
مالك مختفي بقالك فتره ليه ؟
و ايه اخبار الشغل معاك ؟

[A7MED_PHARMA]

تعرف
الواحد محترم بطبعه ..ومش بيحب يشتم أو يطلع ألفاظ
المرات الوحيدة إلي الواحد فيها بيشتم ويقل أدبه
بس
بس على الأسفلت ومع السواقين
حصلت مرة واحد بتاع ميكروباص خبطلي العربية الدايو
وكانت دي أول مرة العربية تتخبط
وكانت أول مرة أشوف نفسي بطلع ألفاظ وشتايم عمري ماكنت أتخيل إني أقولها
..
فإنت أكيد معذور