Tweet
حاجة بتحصل في أغلب الأوقات مع الناس اللي سايقة و بتحصل معايا أو مع سواق التاكسي لما أكون راكبة تاكسي.
أكون راكبة مع تاكسي مثلا.. و سواق التاكسي ماشي بالراحة شوية أو مش مركز.. أبص ألاقي اللي ماشي واره قام معلق له الكلاكس و لما سواق التاكسي يوسع له.. لازم لازم لازم صاحب العربية اللي كان وراه ييجي جنبه و يقوم مهدي و باصص له!! طيب أما من شوية كنت مستعجل و مش طايق نفسك عشان التاني ماشي بالراحة.. طيب ما تدوس بنزين و تعدي من غير ما تبص له البصة اللي مش هاتخليه يعرف ينام بالليل دي
نفس الموقف تقريبا حصل معايا من يومين.. ماشية ع الكورنيش و كان الطريق بعد أركاديا مول واسع و سالك.. إنما قبل كده كان زبالة و بعد كده انا عارفة إنه هايبقى زبالتين.. فواخدة شمالي و ماشية على 60 و مش عايزة أزود عن كده عشان عارفة إنها دقيقة بالظبط و هاتقفل تاني.. اللي ورايا قام مقلب لي نور عشان أجري.. و انا طبعا مش هاجري عن كده، قمت موسعة له.. هي و الله تقليبة نور واحدة، بصيت في مراية الصالون، وسعت له.. و هو معدي جنبي قام مهدي و باصص لي
انا مش عارفة هو منتظر إيه لما يبص لي!! يعني ماشي.. بص لي.. و بعدين؟ عايز خناقة يعني ولا عايز ايه بالظبط؟ متوقع إني هاقول له إيه لما يبص لي و لا هاعمل له ايه؟ انا شايفة ان الموقف انتهى من لحظة ما وسعت له.. النظرة القاتلة اللي بصها لي دي بأه لزمتها ايه؟ و عايزة أعرف كمان، بتريح الناس في إيه؟ يعني لما جه جنبي و بص لي أو اللي بص لسواق التاكسي و غيره حس براحة نفسية بعد ما عمل كده؟ و لا ايه؟ لأ بجد عايزة أفهم
حد فاهم طيب يفهمني
أكون راكبة مع تاكسي مثلا.. و سواق التاكسي ماشي بالراحة شوية أو مش مركز.. أبص ألاقي اللي ماشي واره قام معلق له الكلاكس و لما سواق التاكسي يوسع له.. لازم لازم لازم صاحب العربية اللي كان وراه ييجي جنبه و يقوم مهدي و باصص له!! طيب أما من شوية كنت مستعجل و مش طايق نفسك عشان التاني ماشي بالراحة.. طيب ما تدوس بنزين و تعدي من غير ما تبص له البصة اللي مش هاتخليه يعرف ينام بالليل دي
نفس الموقف تقريبا حصل معايا من يومين.. ماشية ع الكورنيش و كان الطريق بعد أركاديا مول واسع و سالك.. إنما قبل كده كان زبالة و بعد كده انا عارفة إنه هايبقى زبالتين.. فواخدة شمالي و ماشية على 60 و مش عايزة أزود عن كده عشان عارفة إنها دقيقة بالظبط و هاتقفل تاني.. اللي ورايا قام مقلب لي نور عشان أجري.. و انا طبعا مش هاجري عن كده، قمت موسعة له.. هي و الله تقليبة نور واحدة، بصيت في مراية الصالون، وسعت له.. و هو معدي جنبي قام مهدي و باصص لي
انا مش عارفة هو منتظر إيه لما يبص لي!! يعني ماشي.. بص لي.. و بعدين؟ عايز خناقة يعني ولا عايز ايه بالظبط؟ متوقع إني هاقول له إيه لما يبص لي و لا هاعمل له ايه؟ انا شايفة ان الموقف انتهى من لحظة ما وسعت له.. النظرة القاتلة اللي بصها لي دي بأه لزمتها ايه؟ و عايزة أعرف كمان، بتريح الناس في إيه؟ يعني لما جه جنبي و بص لي أو اللي بص لسواق التاكسي و غيره حس براحة نفسية بعد ما عمل كده؟ و لا ايه؟ لأ بجد عايزة أفهم
حد فاهم طيب يفهمني
Comment