حد جرب المودم بتاع اتصالات

[adhamsabry51]

السلام عليكم
الموضوع يا جماعة ان اتصالات عمله عرض لطيف جدا علي المودم ده يعني عاملين ال 1g ب 100 جنيه في الشهر فعجبني العرض جدا السؤال بقي هة التغطيه بتاعته ايه نظامها يعني بيلقط ال 3g في حتت كتير و لا ايه نظامه انا كان معايا زمان مودم فودافون و كان حلو اوي بس لقينه غالي في الأشتراك فياريت حد يقوللي ايه اخبار اتصالات بدل ما اشتريه و ادبس

[member]

ممتاز ، بس اتأكد من التغطية الـ 3G عندك قبل ما تشتري تكون قوية أو متوسطة
أنا معرفش الباقة اللي بتقول عليها، بس أفضل باقة هي الـ unlimited standard ودي بـ 150 شهريا وسرعة 512 (السرعة بتنزل لـ 64 بعد 6 جيجا بس مفيش ولا مليم زيادة على الفاتورة)

[adhamsabry51]

مع الشكر يا باشا انا اصل المسئول بتاعهم اللي في خدمة عملاء اتصالات اللي في كارفور هو اللي اداني ورقه فيها العروض دي و كان فيها عروض تانيه بس ده اكتر واحد عجبني ربنا يسهل و انزل اشتري واحد

[ahmadyusuf]

انا معايا المودم بقالى فتره وشغال كويس او و كتير بشغله طول الطريق و انا راجع من القريه الذكيه لمدينه نصر دائرى و محور و دايما شغال 3g و كمان جربته فى بيت والدى فى الشرقيه شغال تمام و فى شبين الكوم كمان , لكن على فكره بيبقى فى Option فى البرنامج بتاع الاتصال اسمه UMTS Preferred or UMTS only المفروض انك تختار UMTS Only علشان يدخل على ال 3g بس حتى لو الـ Signal بتاعها اضعف من الـ 2g و الكلام ده من خدمه العملاء بعد ما قلتلهم انه بيدخل 2g كتير فقالولى غير الـ Option ده

[adhamsabry51]

متشكر لكم جدا يا جماعه

[SkyBird]

ممتاز ، بس اتأكد من التغطية الـ 3g عندك قبل ما تشتري تكون قوية أو متوسطة
أنا معرفش الباقة اللي بتقول عليها، بس أفضل باقة هي الـ unlimited standard ودي بـ 150 شهريا وسرعة 512 (السرعة بتنزل لـ 64 بعد 6 جيجا بس مفيش ولا مليم زيادة على الفاتورة)

غالي جدا وكمان ليمتيد
يتحرقوا بجاز كلهم

هفكر اشتريه لما يبقى زي الدي اس ال العادي او ارخص