موضة جديدة ظهرت في المنتدى

[م.محمد علاء]

الموضوع اللى مكتوب بالإنجليزى أو الرد اللى مكتوب بالإنجليزى بهمله تماما..مش عن جهل والحمد لله.
بس عن تعود.وفكره إن منتدى نايل موتورز هو جزء لا يتجزأ من البلد اللى إحنا فيها.
يعنى زى معندى كليتى وبيتى و النادى و الكافيه اللى بكون فيه مع صحابى.بنتكلم فى كل ده مع بعض عربي.المنتدى بقى جزء لا يتجزأ من كل اللي قولته.
وأحب إن ألاقى الكلام عربي .فلما ألاقي رد بالإنجليزى
بنفضله.
بس فيه نقطه.المواضيع اللي ممكن تكون علميه نوعا زى كام موضوع فى الورشه.فيه مصطلحات
لازم تكون بالإنجليزى
يعنى مش حقول مثلا المكبس ولاسطوانه=piston @ cylinder
المغذى=carburator
و فيه مثلا الفأره..وانقر هنا=mouse click her
فلا اعتراض على استخدام المصطلحات بس فى سياق نص عربي صريح

[Abdo_Eldesokey]

انا ماعنديش مشكلة فى العربى والانجليزى والفرانكو ...بس اكييد فية مليون غيرى عندهم مشكلة واحنا كلنا مصريين فياريت نراعى اللغة العربية

شكراً ليك يا أوكتو

انا اي موضوع او رد بيكون مكتووب بالانجليزي علطول ........ بقفلوا
وفية حاجات باكون نفسي اعرفها وماعرفهاش بسبب .... الترجمة

أنا بعمل زيك بالظبط .. مش ضعف في الإنجليزي ، لكن لكل مقام مقال

انا مبكتبش انجليزى الا لو الموضوع نفسة لازم يبقى انجليزى نتيجة كم المصطلحات الانجليزى اللى فيه او لو اللى كاتب السؤال كاتبة انجليزى او لو الرد بتاعى حيبقى حاجة فى الرفيع زى welcome aboard او nice work و كدة... بصراحة الكتابة الانجليزى عندى اسرع بكتير من العربيى على الكيبورد فا بستسهل الموضوع لو الرد صغير اوى او او حضطر اكتب كذا اسم او مصطلح انجليزى

اللى مبطيقوش بجد هو الفرانكو... لا هو عربى ولا انجليزى... تحس كدة انة زى الراجل اللى "مش جدع"... لا هو راجل ولا هو ست... و بيتعب عينى فى القراية و بالتالى بنفض تماما للردود اللى بتبقى مكتوبة فرانكو... دا غير انة ممنوع الكتابة بيه فى المنتدى اصلا
MMamdouh

ما هو يا ريت يا ممدوح باشا متبقاش ترد على المواضيع الي بالإنجليزي عشان أصحابها يكتبوها عربي ونستفيد كلنا

....فعلا معاك حق لغتنا العربية جميلة كفايه انها لغة القرآن الكريم ولازم الواحد يعتز بيها ....
هود ده الكلام التمام
الخوف بعد الموضوع ده نخرج من الفرانكوارب نطلع عالارابفرانكو و تلاقى الشباب الصغير داخل يقول ثانك يو يا عم الحج

انت بتقول فيها ، ما هو الكلام ده فعلاً منتشر دلوقتي

[MMamdouh]

ما هو يا ريت يا ممدوح باشا متبقاش ترد على المواضيع الي بالإنجليزي عشان أصحابها يكتبوها عربي ونستفيد كلنا

هو صعب انى مردش على حد عندة سؤال... بس لما حد بيطلب ان الكلام يبقى عربى بترجملة الاجابة عشان برضة الناس من حقها تعرف الاجابة على كل سؤال

MMamdouh