بالنسبة للأشخاص الى بيستخدمو موبايل صينى

[eltorky]

بالنسبة للأشخاص الى بيستخدمو موبايل صينى والقرار الى اتفقت علية شبكات المحمول بوقف الخطوط التى تدعم على تلفون صينى

هناك شخص يقوم بالنصب على جميع مستخدمى الموبايل الصينى بحيلة تشغيلها رغم
انف الشبكات ولكن انها خدعة ويقوم بعمل تحويل رصيدك وبالأخص فودافون


وهذا هو الموضوع الذى قام بإعداده


الحل الامثل والاكيد لتشغيل الموبايلات الصينى بعد وقفها من الشركة\
وجد طريقة بالنسبة للموبايل الصيني لمنع قطع الخدمة عن الخط الذي يحويه
حيث ان هناك
موبايلات صيني كثيرة ذات خطين تحمل سريال واحد للخطين وهذه الانواع من
الموبايلات الصيني سيتم وقفها لان تشابه السرياليين فى الخطين بيعمل تضارب
فى الشبكات مع بعض
وهناك عدد بخطين بس بتحمل سرياليين مختلفين لكل خط بالعده سريال مختلف عن
الاخر
سواء النوع الاول أو الثانى هيتوقف عنهم الخدمة والحل الاكيد والوحيد هو
أدخال هذا الكود
868p215##0193986988#
ثم أضغط أتصال
لابد من الاتصال من خلال شبكه فودافون
سيتم تجاهل اى اتصال من شبكات أخرى تلقائيا وذلك للحصول على سيريال معتمد
من الشركة والذى سيتم تغيرة تلقائيا من الشركة
ملحوظه بخصوص حرف الموجود فى رقم الاتصالp
أضغط على زرار النجمة*الى فى التليفون 3 مرات لحد اما يظهر حرف البى
ومبروك السيريال الجديد وخلى وزارة الاتصالات تخبط دماغها فى الحيط



لو لاحظنا الكود بة 868 ( تحويل الرصيد ) ورقم تلفونه 0193986988 نصب فى نصب ياريت لو أحد شاف الموضوع فى اى منتدى يحذر الجميع


اما الطريقه الصحيحة

لمعرفه هل سوف يتم وقف الموبايل وهى كتابة #06#*من
اليمين الى اليسار دون اتصال سوف يظهر لك سريالين للشبكتين اذا كانو
مختلفين ف مبروك عليك التلفيون اما اذا كانو متشابهين فممكن تشغيله التليفون
بخط واحد فقط وكده كويس ........ وربنا يجزينى وياكم كل خير

منقول

[MOSHAKS]

مشكور عليك المعلومة الغالية

[Karim_Mohy]

جزاك الله خيرا

[MOSHAKS]

معلش بس استفسار صغير
هو مش مفروض السريال اللى يطلع ده بتاع العده نفسه يعنى رقم البورده
طيب ازاى هيطلع رقمين مختلفين لنفس البورده اللى بتشغل الخطين على نفس العده؟ مهو المفروض يطلعوا شبه بعض لانهم على بورده واحده ولا انا غلطان؟؟؟؟؟؟
مش عارف حضرتك فاهمنى ولا لا

[mazagngi2010]

غريبه انا بيدينى سيريلين زى بعض وجهازى anycool t718 ومعتمد من نترا والخطين شغالين زى الحلاوه!!!!

[mr_sameh]

فعلا بيديني اتنين سريال مختلفين وتليفوني جي فايف كده علي كلامك يبقي معنديش مشكله

[MOSHAKS]

غريبه انا بيدينى سيريلين زى بعض وجهازى anycool t718 ومعتمد من نترا والخطين شغالين زى الحلاوه!!!!

وانا زيك بردوا العدة اللى معايا anycool T818
والاتنين سريال واحد

[romeo_6887]

فعلا بيديني اتنين سريال مختلفين وتليفوني جي فايف كده علي كلامك يبقي معنديش مشكله

انا برضه معايا تليفون جي 5 بجوار النوكيا ال 1200 ( مقدرش استغني عنه ) و اداني سيرلين مختلفين بس في اخر 7 ارقام تقريبا

[eltorky]

معلش بس استفسار صغير
هو مش مفروض السريال اللى يطلع ده بتاع العده نفسه يعنى رقم البورده
طيب ازاى هيطلع رقمين مختلفين لنفس البورده اللى بتشغل الخطين على نفس العده؟ مهو المفروض يطلعوا شبه بعض لانهم على بورده واحده ولا انا غلطان؟؟؟؟؟؟
مش عارف حضرتك فاهمنى ولا لا

أنا فاهم قصدق بس أنا مبفهمش أوي بصراحة في الدواير الالكترونية و بيني و بينك أنا لاقيت النحذير و جربتو علي تليفون صيني لاقيت فعلا السريالين غير مطابقين فمعني كدة أن الموضوع بجد مش أفتكاسة بس علي ما أظن أن هما سيريالين لاشبكتين مش لبوردتين يعني ممكن يكون في قطعتين علي البوردة لكل قطعة بتقرا بسريال بحيث أنو يشغل الخطين دا في أبو سيريال مختلف و أبو سيريال مطابق بتكون قطعة واحدة بتقوم بوظيفة القطعتين أو تشغيل الشبكتين و بلتالي بيكون ليها سيريال نمبرواحد و الله أعلي و اعلم

[eltorky]

جزاك الله خيرا

ربنا يجزينى وياكم كل خير