من فوائد الزعتر المنسيه

[ahmed1981]

ملحوظه هامه : بمراقبة طريقة عمل البسطرمه .. وجدت ان الشيف

عمل عجينه اللى بيغلف بيها قطعة اللحم ( التربيانكو )النيئه، ليمنعها من التعفن رغم تركها فى الظل لمدة اسبوعين ..

هذه العجينه هى هى نفس المكونات التى انقذتنى من التهاب الجيوب الانفيه ( الحلبه + القرفه + الكركم + الزعتر )

بس هو زوّد " الشطه " ...فأمعنت التفكير فى هذه المواد التى

تمنع جميع الميكروبات اللى فى الهواء من افتراس قطعة اللحم !

ماذا لو ادخلت هذه المواد الى امعائى ..التى لاتسمح لى للاحتفاظ

بوضوئى من الاذان الى اقامة الصلاة ؟ ، اظنها ستقوم بمهامها

الحفظيه و قتل الجراثيم فى الداخل .. كما فى الخارج..و توكلت على الله ..

و بهمة ارشميدس تسللت الى المطبخ و معى برطمان مربى( فارغ )

و اخذت اعبى معلقتين من كل مما تيسر امامى :

-زعتر -حلبه مصحونه -كركم - شطه - حبهان - جنزبيل

ينسون - حبة سوداء -قرفه .

قلبت برطمانى جيدا و أعدت كل شىء الى مكانه بهدوء و اخذت اول معلقة شاى من تركيبتى الجديده موديل 2009 ( بالكماليات و الحوائج )

و نمت . فى الصباح على الريق اخذت ثانى معلقه بشغف و بالعتها

بكوب ماء قراح .و داومت على جرعه صباح و مساء..

بشرى ساره .. استطيع الان مجالسة ضيوفى دون استئذانهم ن مهما

اطالوا الزياره .. و أستطيع ان اصلى الظهر بوضوء الفجر ..!!

تخيلوا فى أقل من اسبوع تحولت من طائره "نفاثه " مزعجه الى طائره شراعيه تنساب بلا اى صوت و لا تكلفه تذكر..

سوى شعور خفيف بالخوف عند زيارة البقّال ، و رؤية ماكينة البسطرمه .

إيه ده
وصفة كمان داخل الموضوع
أفادكم الله يا أستاذ مدحت

[مدحت منيب]

- الاخت العزيزه ahit .. تحيه عاطره و دعواتى لك بسرعة الشفاء

من التهاب الجيوب الانفيه ، و التى علمت ان احد اسبابها الانتقال

المفاجىء من اماكن مكيفه الى الجو الخارجى بفارق عشرة درجات

سلزيوس ..و الف سلامه لابنك الغالى لا اراك الله مكروها فيه أبدا .


_ اخى الغالى محمد عبد الجواد اهتمام شخص بقامتك بمواضيعى

هو اكليل شرف اخجل من وضعه على رأسى العجوز ، و يطمئننى

ان ما بداخله ما زال يعمل بصوره مقبوله ( حتى الان ) ، فالف

شكر لدعمك و اتمنى ان اكون عند حسن ظنكم جميعا ..

ربنا يوسع رزقك و يرزقك حته هوندا ان شالله تكون سيفيك حتى .


_ اخى الغالى احمد 81 شكرا لسطوع شمسك و هبوب عطرك على

برارى سطورى مرتين.. لن اعجب لكرمك ، فهكذا عرفتك ، و لكن

يزداد تقديرى و حبى لشخصك الكريم بحجم نقاء قلبك و رقى معدنك


اخى العزيز على كل اعضاء المنتدى تريبل درش كيفك ؟ يارب فى

أسعد حالاتك تكون ابدا أقامتك .. و مبروك العضويه البرونزيه

و التى اتوقع ان تقلبها ذهبيه قريبا .. فمنه تصوغ دائما صادق

أهتماماتك و لامع أفكارك ..


_ الاخت العزيزه مريم سرتنى زيارتك و شرفتنى بصمتك الراقيه

أدام الله عليك نعمة العافيه حتى لا تحتاجى ابدا هذه " الوصفات "

[Karim_Monir]

اوببببببباااااااااااا
ليا نسبة من الوصفات دي
على كل وصفة فطيرة بالزعتر
مش انا اللي رفعت الموضوع من السنة اللي فاتت
ربنا يكرمك يا استاذ مدحت ووحشتنا والله
ايه رايك ماتنورنا المقابلة الجاية في الربوة
وحشتنا ووحشتنا قعدتك
ادعوا لرفيقة عمرك بتمام الشفاء والصحة وادعو الاعضاء للدعاء لها بتمام الشفاء لها في صلواتهم شفاء لا يغادر سقما

[مدحت منيب]

اخىالحبيب استاذ كريم حبيب الكل .. من ساعت ما غطست و طلعت بموضوعى م القديم و انا حاسس كأنك بتقوللى أنت فين .ز و كل يوم مستنى تعبرنى بكلمه .. و أخيراا .. هييييه .. كريم بيه

دا ان كان ع الفطير و لو انه طلب خطير .. دا انا اجيبه و أطير
و عشان انول كل الرضا مستعد على كل وصفه اكتبها ن اعمل لك واحده م الحجم الكبير .. يا سلام ، احنا نطول ؟
و هاخدهم على سهوه .. و هوووب ع الربوه
اشكرك جدا على دعائك للمدام بالشفاء .. جزاك الله كل خير و صحه و سعاده و دمت لى يا احنّ قلب و اطيب قلب ممكن الواحد يتكعبل فى حبه فى حياته ..

بسسسسسسسسسس : و بعدين فى الخبطات اللى كل شويه دى فى

التويوتا ؟ ربنا يحفظك و يحفظ لك نعمه عليك و يباركلك ف كانزى

[zeyad1810]

شكرا على المعلومات القيمة

[aliabutaleb]

جزاكم الله خيراًَ جميعاً على الوصفات الرائعة
وعلى رأسكم الأخ الكريم الأستاذ مدحت
بس كان عندي سؤال حضرتك قلت الآتي:

ثم اضفت على الكوب 10 نقط زيت ثوم + 10 نقط زيت زعتر

هو زيت الثوم وزيت الزعتر دول بيتباعوا جاهزين ولا حضرتك اللي حضرتهم في البيت؟
ولو جاهزين، بيكونوا في الصيدليات ولا الأسواق الكبيرة زي هايبر وكارفور؟

[مدحت منيب]

اخى اليخاندرو انا جبته من عطار فى شارع الازهر

و لاحظت من الورقه الملصقه ان شركه متخصصه هى التى عملته و عباته

فما دام شركه احتمال ان يكون مندوب التوزيع يوزع للصيدليات فحاول تسأل فى الصيدليات الكبيره ولو ما لقيتش كلمنى اشتريهم لك و ابعتهم لك

فى اى مكان انت فيه على الرحب و السعه و بكل سرور ..
**********************

انا خايف دكتور اليشع يقرا كلامى و يقول مدحت بأه ها يقطع علىّ و يزعل منى
يارب ما يقراش المشاركه دى

[Karim_Monir]

اخىالحبيب استاذ كريم حبيب الكل .. من ساعت ما غطست و طلعت بموضوعى م القديم و انا حاسس كأنك بتقوللى أنت فين .ز و كل يوم مستنى تعبرنى بكلمه .. و أخيراا .. هييييه .. كريم بيه

دا ان كان ع الفطير و لو انه طلب خطير .. دا انا اجيبه و أطير
و عشان انول كل الرضا مستعد على كل وصفه اكتبها ن اعمل لك واحده م الحجم الكبير .. يا سلام ، احنا نطول ؟
و هاخدهم على سهوه .. و هوووب ع الربوه
اشكرك جدا على دعائك للمدام بالشفاء .. جزاك الله كل خير و صحه و سعاده و دمت لى يا احنّ قلب و اطيب قلب ممكن الواحد يتكعبل فى حبه فى حياته ..

بسسسسسسسسسس : و بعدين فى الخبطات اللى كل شويه دى فى

التويوتا ؟ ربنا يحفظك و يحفظ لك نعمه عليك و يباركلك ف كانزى

عذرا والله اني اتاخرت عليك بس فعلا الدنيا بتلهي الواحد
يا فندم احنا يهمنا من الفطيرة اننا نشوف حضرتك ونقعد مع حضرتك ونستفيد من حضرتك
يا ريت بقي نشوف حضرتك يوم الجمعة الجاية لو وقتك سمح ان شاء الله
والله انا لسه فاكر اول يوم شوفناك فيه ومقدرناش نقعد معاك كتير كنا في حديقة الطفل بمدينة نصر
ودعواتك لينا دين لازم يرد فورا وان كان يكفيك دعاء الملائكة لك بقولهم ولك المثل

[aliabutaleb]

اخى اليخاندرو انا جبته من عطار فى شارع الازهر

و لاحظت من الورقه الملصقه ان شركه متخصصه هى التى عملته و عباته

فما دام شركه احتمال ان يكون مندوب التوزيع يوزع للصيدليات فحاول تسأل فى الصيدليات الكبيره ولو ما لقيتش كلمنى اشتريهم لك و ابعتهم لك

فى اى مكان انت فيه على الرحب و السعه و بكل سرور ..

أستاذ مدحت
ربنا يبارك فيك يارب على عرضك الكريم
بجد جزاك الله خيراً
انا هادور وإن شاء الله هالاقيه