حادث محمد مدوح وما بين السطور

[Karim_Monir]

تابعنا كلنا على مدي اليومين امس واليوم موضوع محمد ممدوح
والحادث الذي تعرض له اثناء مجيئة لحضور المقابلة الشهرية

http://www.nilemotors.net/Nile/showthread.php?p=143532&posted=1#post143532

واسمحولي اني اقرا معاكم اللي بين السطور
سبحان الله اصلي بحب اقرا الرسائل الخفية اللي بيبعتها ربنا للعبد والفطن هو اللي يفهم
انا عارف ان محمد مش هايسيب اهل المتوفي ومساعدتة ليهم خاصة انه عنده ولد وبنت صغيرين
وواضح انه كان راجل بسيط
ايه رايكم وبما اننا اجتمعنا هنا على خير وطاعة اننا نحاول نساعد اهل المتوفي باي مبلغ
والحمد لله ما شاء الله احنا عددنا مش قليل
بقترح انننا المقابلة اللي جاية واللي بعدها نطلع مبلغ لاهل المتوفي
مبلغ من كل واحد مننا حتى ولو ثمن كوب نسكافية بنشربه في القعدة
اي مبلغ صدقة فك بيه كرب الاسرة دي واحنا بنصرف كتير وقليل في كل حاجة
المرة الحاية واللي بعدها نطلع شنطة سوداء كل واحد يحط فيها اللي يطلع منه
واسمحلولي ان دكتور احمد سمير هو اللي يكون معاه الشنطة دي ويفتح الي فيها ونبعتها لاهل المتوفي
مش عارف الفكرة خطأ ام صواب بس حاسس انها رسالة لينا كلنا عشان نهدى في مشينا خاصة واننا كلنا من فئة مالكي السيارات
اللهم لا نسالك رد القضاء ولكن نسألك اللطف فيه

[Dr Ahmed]

مش عارف الفكرة خطأ ام صواب بس حاسس انها رسالة لينا كلنا عشان نهدى في مشينا خاصة واننا كلنا من فئة مالكي السيارات

بكل تأكيد
وهو ده الدرس وهو ده التصرف الإيجابى اللى نطلع بيهم من التجربة الأليمة دى...
ومهما كانت الظروف بإذن الله هحضر معاكم المرة القادمة للهدف ده..
وجزاك الله خير على الثواب ده..

[modux]

فكرة تمام منك يا كريم

انا ان شاء الله معاكم المقابلة الجاية يا رب

[الريس]

فكرة ممتازة ربنا يجعلها في ميزان حسناتك

[bassam nagy]

فكرة كويسة وجزاك اللة كل خير وربنا يقدرنى وان شاء اللة هاجى المقابلة الية جاية

[ahmedezzat78]

فكرة ممتازه

بس انا ارجو ان الموضوع ده يكون باسرع ما يمكن و فى نفس الوقت عارف ان كل الناس مشغوله

ايه رايكم الجمعة الجايه فى نفس المكان؟؟

[Ahmed Samy]

فكرة ممتازة يا كريم ,
ربنا يقسملك الخير اللي بتطلبه للناس

[MMamdouh]

بص يا كريم... انا لا حقولك دى فكرة هايلة ولا الكلام دة... انا حضربلك مثال عملى على نتيجة اللى انت بتحاول تعملة

شوفت فى وقت قليل قد ايه كنتم كلكم معايا ساعة الحادث؟
شوفت كان فيه كام واحد معايا و انا رايح القسم منكم؟
شوفت كم المشاركات اللى اضافت فى موضوع اسلام اللى بحصوص الحادث بتاعى؟
و مش ححكيلك على كم التليفونات اللى جتلى من ناس بتتطمن عليا

كل الناس دى انا عمرى مشوفتهم وجها لوجة... و لا اتكلمنا اكتر من مكالمتين تلاتة فى التليفون... انت نفسك مكنتش كلمتنى فى حياتك اللا قبل الحادثة ب كام ساعة لما كنت فى التوفيقيه لكن عشان الواحد دايما بيعمل خير و يساعد الناس و يقف جنب المحتاج لحد ما حاجتة تقدى ربنا بيكرمة و ساعة الشدة بتلاقى الف صديق يقفوا جنبك... دا لانك قدمت السبت من غير ما تفكر حتاخد ايه الحد... فا ربنا بيديك و يساعدك من وسع

ناس كتير قالتى ايه اللى بيعود عليك كل يوم تخش على النت و تكتب للناس الف سطر و تشرح و توضح و تفهم... كل دة تعب بدون داعى و كنت بجاوب: الدنيا سلف و دين... و يوم الجمعة كان يوم رد الدين و الحمد لله ربنا كرمنى بيكم و خرجت من محنتى على خير

اللى انت بتعملة دة يا كريم عمل خير لصالح ناس غرب عنك بدافع مساعدة الناس لا اقل و لا اكتر و انت مش مجبر عليه... و بما ان الدنيا سلف و دين ربنا حيكتبلك كل دة فى ميزان حسناتك و لا قدر الله لا قدر الله لو وقعت فى ديقة حتلاقى الخير دة اتردلك اضعاف اضعاف فوق ما تتخيل و من حيث لا تدرى

ربنا يباركلك يا كريم و يجعلها فى ميزان حسناتك ان شاء الله

MMamdouh

[Tamer-Ezzat]

طيب ياريت يا جماعة تقولولنا طريقة
للى مبيعرفش يحضر الاجتماعات لاننى من الاسكندرية ومفيش مرة أتقابلنا
الا من فترة ...

[CryptonX]

الف حمد علي سلامتك يا MMamdouh
انا وصلت الاجتماع متأخر و حكولي علي الحصل .. و ندمت ولله اني مجيتش بدري شوية علشان اهه الواحد يعمل اي حاجة ..

بالنسبة لموضوعك يا كريم فهو ممتاز وانا موافق جدا ! و عين الصواب .

[hazem_khidr]

فكره ممتازه يا باشمهندس.
ان شاء الله تتنفذ و ربنا يجعله في ميزان حسناتك و يباركلك في اولادك

[noni67]

أنا موافق وايه رأيكم نعمل صندوق
أيوه صندوق كل اجتماع شهرى نحط اللى نقدر عليه
ونحاول نساعد بيه اى حد ان شاء الله مستشفى السرطان حتى
بس يا جماعه انا اقترح ان اللى يمسك الصندوق ده محمد ممدوح حس بالمحن فى موضوعه
واعتقد هو اقدر واحد يقدر يعمل كده
وكمان علشان حاجه مهمه انها تتحط فى ميزان حسناته علشان ربنا يرضى عنه بعد الحادث الاليم ده
واعتقد كمان ان نفسيته هترتاح اكتر بالموضوع ده
انا كلمته امس وكان الحمد لله بخير واستلم عربيتة وابتدى يصلحها
ربنا يعفينا كلنا ان شاء الله وان شاء الله تكون اخر احزان المنتدى

[مدحت منيب]

خير البر .. عاجله
ليه قالوا كده ؟ .. لا تدع المثبطات تعمل عملها فى الهمم

و الشياطين توسوس و تقعد فى طريق الخير ..

" و من يوق شح نفسه فأولئك هم المفلحون " .. فنفوسنا مجبوله على الشح

بالطبع .. فلا نترك فرصه للطبع يقاوم داعى الخير لمدة شهر ..

ثم اننا مأمورون جميعا بالمسارعه .. بل و التسابق ..

" سابقوا إلى مغفرة من ربكم و جنة عرضها السموات و الارض "

فلا أرى مبرر لتأخير العون لمدة شهر

اطلب من محمد ممدوح ان يعطينا بيانات نرسل له عليها حوالات بريديه

فورا .. او رقم حسابه البنكى ، .. بحيث فى مدة ثلاثة ايام يتجمع معه ما يكفى لمساعدة اسرة المتوفى

فان لم توافق على ذلك ، اقترح اجتماع عاجل اقصاها الجمعة القادمة

فانظروا ماذا ترون

[eng_mkhalaf]

أحسن حاجة نجمع الجمعة القادمة ونلم إللى فية النصيب ونروح نعزى فية وندى أهلى الفلوس - وهو الموضوع سخن دية أحسن حاجة - وأنا أولكم

[Karim_Monir]

الحمد لله الذي بنعمته تتم الصالحات
والله الواحد فرحان جدا ان ربنا وفقه لصحبه خير زيكم
لان المرء على دين خليله فلينظر احدكم من يخالل وواضح ان كلكم اخلاء اوفياء
عشان كلام استاذ مدحت ان الشيطان بيثبط الصدقة كل واحد يقراء كلامي يطلع المبلغ اللي نوى علية دلوقتي حالا
ويحطه في ظرف ويقفله ويكتب علية تاريخ النهاردة عشان ما يفتحوش تاني
ولغاية يوم المقابلة لو جاللك تاني وعايز تزد ابقي زود
ومن هنا لحد يوم الجمعة اللي جاية او اللي بعدها هانعمل مقابلة اسثنائية نلم فيها الفلوس
بس يا باشمهندس محمد خلف واحد بس او اتنين اللي هايروحوا المشوار ده عشان الحاجات دي بيبقى فيها احراج جامد جدا
وبتتم بشكل ودي ولطيف بدون جرح كبرياء حد
زي اننا ندي الظرف لابنه او بنته الصغيرين كده يعني
وربنا ما يكتب على حد فيكم ضيقة ولا غم زي ده ابدا
محمد ممدوح اصبر واحتسب وكله من مكفرات الذنوب ان شاء الله ورصيد لحسناتك يوم الدين
ويا ريت كلنا نكثر من الاستغفار والدعاء لاخونا المتوفى رحمه الله ان شاء
بسم الله (ربي اوزعني ان اشكر نعمتك التي انعمت علي وعلى والدي وان اعمل صالحا ترضاه )