ياترى مييييييييييييييييييييييييييين ؟؟؟؟؟؟

[nabilhussein]

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه


- بيفتكر إن أي حد بيشتغل في الخليج بيغرف فلوس من غير حساب


- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع


- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

[shery103]

المواطن المصرى

[نور القمر]

كل نقطة او اكثر تنطبق على اشخاص معينة اعرفها ههههههههههههههه

[Khaled_Nowaihy]

دى مقالة كتبها الاستاذ صلاح منتصر فى الاهرام من حوالى 3 سنوات

[A7MED_PHARMA]

المواطن المصرى

+1111111111111111

[medo2o1o]

بسم الله الرحمن الرحيم
الاجابة ...........تونس

[romeo_6887]

ده واحد عايز الحرق ... اللي يكون بيعمل كل الكلام ده يعني

بسم الله الرحمن الرحيم
الاجابة ...........تونس:pointiy2[2]:

كنت لسه هقول الاجابه دي برضه ههههههههههههههه