محتاج مساعده ( اماكن تدريب الفروسيه )

[m000dy]

ياجماعة الخير زى ماقريتوا فى العنوان
بجد داااااااااااايخ على مكان بيدرب فروسيه لان نفسى احترف اللعبه دى
محتاج اعرف حاجتين مهمين
المكان
التكلفه
ويعنى اكون شاكر ليكم جدا

[ahmadyusuf]

فى نادى الفروسيه, انا روحته كذا مره و هو مفيد فى مراحل التعليم الاوليه لان بعد ما تتلم ازاى تركب و تثبت على الحصان بتحس ان الملعب ضيق شويه و عاوز ملعب اكبر تجرى فيه , و الملاعب الاكبر خاصه بالناس اللى فى القوات المسلحه بس

المكان : طريق النصر , بعد النادى الاهلى على اليمين و انت جاى من ناحيه المطار , او بعد سيتى ستارز على الشمال و انت جاى من ناحيه عباس العقاد

الاسعار: الدخول 3 جنيه و سعر الحصه 20 جنيه لمدة نصف ساعه و موجود مدرب

المواعيد : كل يوم من الساعه السابعه مساءا

[m000dy]

والله انا ماعارف اقولك ايه
انت راجل محترم وانا متشكر جدا لردك عليا وافادتى
ياسلام لو حد من الاخوه يحدفنا برقم تليفون لان موضوع الساعه 7 ده هاتكون الدنيا ليلت ونص ساعه مش كفايه ( انا هاجى من سفر )
عشان كده محتاج رقم تليفون للاستفسار اكتر ولو حد عنده معلومات تانيه يبقى كتر الف خيره لو يقول
مره تانيه بشكر استاذ احمد يوسف عى مداخلته ومايحرمناش من معلوماتك :)

[ahmadyusuf]

والله انا ماعارف اقولك ايه
انت راجل محترم وانا متشكر جدا لردك عليا وافادتى
ياسلام لو حد من الاخوه يحدفنا برقم تليفون لان موضوع الساعه 7 ده هاتكون الدنيا ليلت ونص ساعه مش كفايه ( انا هاجى من سفر )
عشان كده محتاج رقم تليفون للاستفسار اكتر ولو حد عنده معلومات تانيه يبقى كتر الف خيره لو يقول
مره تانيه بشكر استاذ احمد يوسف عى مداخلته ومايحرمناش من معلوماتك :)

العفو يا فندم على ايه بس , حنا هنا علشان نخدم بعض

انا كمان مره رحت فى نادى الشمس , هو الملعب اعتقد انه مش تبع النادى لانى لما دخلت متسالتيش عن كارنيه النادى ولا حاجه , هناك واحد اسمه عم ابراهيم و السعر هناك مش ثابت يعنى الغريب انك ممكن تفاصل معاه بس عيبه ان الملعب برضه صغير اوى و مفيش حد بيضربك على اساس , غير نادى الفروسيه بيكون هناك مدرب و حصص مخصوصه و كل واحد حسب مستواه

اذا حضرتك بقى ممكن تروح ناحيه 6 اكتوبر اعتقد ان هناك فى اكتر من مكان فى فروسيه زى Arabian Nights و دى على طريق الفيوم و الملعب بتاعها كبير و حلو بس معرفش فى مدرب ولا لا و الموقع بتاهم اهه :Arabian Nights

و كمان فى اجياد بس ده انا مرحتوش قبل كده

[rockana9112007]

المهم انتا ساكن فين عشان نقترح مكان قريب

نادى اكتوبر فية فروسية اعتقد 300 جندى فى الشهر

[m000dy]

ياباشا انا هاجى من السويس
ومش مشكله لو 300 جنيه بس يكون التدريب عملى وبشكل علمى مش ركوب خيل زى الفسح
كده قدامى يا اما نادى الفروسيه فى مدينة نصر يا اما بتاع 6 اكتوبر ولو انى ارشح نادى الفروسيه لانه اقربلى ولانه ارخص ولان فى هناك مدربين بس المشكله فى نمرة تليفون لبتوع مدينة نصر دول