حدث في ميت غمر

[A7MED_PHARMA]

النهاردة


كنت في ميت غمر بجيب أدوية للصيدلية
وراجع
طالع كوبري ميت غمر ..وقدامي عربية ميكروباص ..وقدام الميكروباص عربية ملاكي
إديت إشارة ورعشت النور وطلعت أعدي الميكروباص
فجأة
بتاع الميكروباص راح كاسر علشان يعدي
حدفت نفسي شمااااااال وإيدي على التلكس علشان الحمار ياخد باله
كسر عليا برضوو وعدى
وطبعا كان فيه عربيات جاية في المقابل..وإلي في وشي على طول بيرعشلي نور
علشان كنا 3 عربيات ماشيين جمب بعض على الكوبري
ربنا ستر
ومحصلش حاجة ..قرصت وجبت الميكروباص وكسرت عليه وقفته
(أنا عامل لوحات سودا ..وبادج النيابة العامة)
نزلت وفتحت باب الميكروباص وسحبته بره العربية
وللأمانة
ماحصلش ضرب ..الموضوع كله إني شتمته ومسحت بكرامته الأرض
سواقين ميكروباص معديين
نزلوا وكانوا عاوزين يمسكوا فيا..علشان بيجاملوا سواق الميكروباص

وبكل القرف إلي جوايا من الغباء الأزلي بتاع السواقين
شتمتهم كلهم:" وطلع موبايلي وصورت عربياتهم فيديو مع كلمات تهديد ووعيد مني
واحد فيهم إتجرأ ومسكني من هدومي
قولتله:" وحياة أمك هتبات في الحجز النهاردة ..أنا وكيل نيابة زفتى ياعربجي"
فجأة
بدون مقدمات
كلهم إتقلبوا قطط ...معلش ياباشا
ومعلش يابيه ..وإجنا غلابة ..وإحنا بناكل عيش
وكلام من ده


المهم
الموقف إنتهى على كده


حبيت أحكيلكم على الموقف من باب الفضفضة
...تعرفوا
زمان الواحد كان مؤدب ومحترم وبيخاف إنه يحتك بسواقين الميكروباص وغيرهم
بس مش عارف الواحد بقا مش هامه حاجة ليه؟؟
المهم
الموقف إنتهى على كده


حبيت أحكيلكم على الموقف من باب الفضفضة
...تعرفوا
زمان الواحد كان مؤدب ومحترم وبيخاف إنه يحتك بسواقين الميكروباص وغيرهم
بس مش عارف الواحد بقا مش هامه حاجة ليه؟؟
.............
حاجة تانية بقا عاوز أقولكم عليا
بعد تظبيط العربية من جوه ومن بره..أنا عملت شغل فيها من جوه
أجمل مايكون ..والحمد لله ..وعامل موضوع في ألبوم سيارات الأعضاء لو تحبوا تتفرجوا

المهم
بعد لما العربية خلصت ..حصلت كام حاجة مش ولا بد

الكاوتش إتقطع ..وعملت له شنبر داخلي
أخدت حكة -وهيا واقفة-في الاكصدام الامامي والخلفي
الساعة بتاعتي إتكسرت
الموبايل وقع في كباية الشاي ..وبيتصلح دلوقتي
شاحن الاب توب فصل ..وروحت إشتريت واحد تاني
رفين إزاز إتكسروا عندي في الصيدلية
ضاع مني 200 جنيه ..مش عارف ضاعوا فين

وده كله ..في خلال يومين بس


الحمد لله

[Khaled_Nowaihy]

النهاردة

المهم
بعد لما العربية خلصت ..حصلت كام حاجة مش ولا بد

الكاوتش إتقطع ..وعملت له شنبر داخلي
أخدت حكة -وهيا واقفة-في الاكصدام الامامي والخلفي
الساعة بتاعتي إتكسرت
الموبايل وقع في كباية الشاي ..وبيتصلح دلوقتي
شاحن الاب توب فصل ..وروحت إشتريت واحد تاني
رفين إزاز إتكسروا عندي في الصيدلية
ضاع مني 200 جنيه ..مش عارف ضاعوا فين

وده كله ..في خلال يومين بس

الحمد لله

انت ما طلعتش حاجة لله بعد ما عملت العربية وللا ايه يا دكتور ؟

[الغزالى]

[

المهم
بعد لما العربية خلصت ..حصلت كام حاجة مش ولا بد

الكاوتش إتقطع ..وعملت له شنبر داخلي
أخدت حكة -وهيا واقفة-في الاكصدام الامامي والخلفي
الساعة بتاعتي إتكسرت
الموبايل وقع في كباية الشاي ..وبيتصلح دلوقتي
شاحن الاب توب فصل ..وروحت إشتريت واحد تاني
رفين إزاز إتكسروا عندي في الصيدلية
ضاع مني 200 جنيه ..مش عارف ضاعوا فين

وده كله ..في خلال يومين بس


الحمد لله

[/QUOTE]

حبة الحاجات دول اصلا لو حصلولى ورا بعض كدة انا كنت اتشليت
وبلنسبة للموقف الحمد لله عدى على خير
بس برضو ارجع واقلك متحاولش تحتك بسواقين الميكورباص عشان فى ناس منهم مجرمين ومبيهمهمش حد وتقولة شرطة يتجنن اكتر واكتر
3\4 ناس سوابق ومجرمين وفوق دة ودة خربانين 24 ساعة فى ال24 ساعة

[م.محمد علاء]

يا دكتره..
حعلق على الفقره الأولى...
هو لازم كده..مهى بلد مبتمشيش غير بكده.
الموقف التانى..ولا يهمك.
انا فاكر من زمان..
كنت سافرت السعوديه بعد مخلصت تالته ثانوى للوالد.
و مستنى النتيجه..
و بانت وكان مجموع كبيييير الحمد لله .دخلت بيه هندسه.
بعد مالنتيجه بانت المفروض إنى كنت راجع بقى تانى يوم..
الباسبور بدور عليه ملقتوش.و إتبهدلت أحلى بهدله والله.
فالعين من الحاقد بتكون وحشه صدقنى.
بس بنقول الحمد لله.
أقولك...علق على العربيه حدوة حصان..حتعمل شغل:b4_033: وتريح بالك

[mada121977]

معلش ولا يهمك
بس ليا استفسار .. غالبيه مواضيعك عن ميت غمر محسسانى ان ميت غمر دى عاصمه المانيا الشرقيه مثلا مع انها بلد تقرف وشوارعها اشبه بالمنديل الكلينكس بعد استعماله

[A7MED_PHARMA]

شكرا ياشباب على الردود
وبالنسبة لميت غمر ..بلد فعلا مقرفة
بس أنا بضطر أروح أجيب الدوا من هناك علشان خصومات الدوا هناك بتفرق عن الزقازيق 5% على الأقل
وده بيفرق معايا تبع مبيعاتي حوالي 1500 في الشهر ..أنا أولى بيهم
..بلد زبالة ..مفيش فيها 10 متر على بعض سليمة
البلد كلها مكسرة ..كلها


بس هنعمل إيه بقا....

[mada121977]

شكرا ياشباب على الردود
وبالنسبة لميت غمر ..بلد فعلا مقرفة
بس أنا بضطر أروح أجيب الدوا من هناك علشان خصومات الدوا هناك بتفرق عن الزقازيق 5% على الأقل
وده بيفرق معايا تبع مبيعاتي حوالي 1500 في الشهر ..أنا أولى بيهم
..بلد زبالة ..مفيش فيها 10 متر على بعض سليمة
البلد كلها مكسرة ..كلها


بس هنعمل إيه بقا....

ايه ده ؟؟ انت بتشتم بلدنا وتقول عليها زباله !!
ينفع كده

[Khaled_Nowaihy]

معلش ولا يهمك
بس ليا استفسار .. غالبيه مواضيعك عن ميت غمر محسسانى ان ميت غمر دى عاصمه المانيا الشرقيه مثلا مع انها بلد تقرف وشوارعها اشبه بالمنديل الكلينكس بعد استعماله

ايه ده ؟؟ انت بتشتم بلدنا وتقول عليها زباله !!
ينفع كده

مالوش حق الدكتور ... هى زى مانت قلت بس !!

[A7MED_PHARMA]

إنت إلي قلت كلينكس..مش كده؟؟؟

تعرف
هيا بلد تجارية وصناعية ممتازة..
بس بجد..مين الحمار الغبي إلي ماسك البلد دي
الشوارع بجد كلها بايظة...كلها
هاتلي 10 متر وقولي إنهم سلام مش بايظين
مش هتلاقي

والأغبى بقا
إمبارح بالليل ..يوم شم النسيم
نزلت ميت غمر بالليل

عيل راكب كريستالة خضرا ..متفيمة ...وعليها النسر الكبير إلي على القزاز ورا
وسبويلر كبير ..ومن غير نمر

رايح جاي ..رايح جاي ..رايح جاي

وييجي قدام نادي ميت غمر ..ويخمس
لما جابلي الشلل

[Moe86]

معلش أنا مش فاهم قوى، هو حضرتك صيدلى و وكيل نيابة فى نفس الوقت؟! ولا حد قريبك هو اللى وكيل نيابة؟
و معلش، نص الناس بتحسد دلوقتى، دة أنا لما أغسل العربية و تبقى بتلمع أحيانا بيحصلها حاجة بعديها، زى تتحك مثلا

[A7MED_PHARMA]

معلش أنا مش فاهم قوى، هو حضرتك صيدلى و وكيل نيابة فى نفس الوقت؟! ولا حد قريبك هو اللى وكيل نيابة؟
و معلش، نص الناس بتحسد دلوقتى، دة أنا لما أغسل العربية و تبقى بتلمع أحيانا بيحصلها حاجة بعديها، زى تتحك مثلا

أنا صيدلي ..بس عند اللزوم ..بتقمص شخصية وكيل النيابة
وصدقني
مصر ماينفعش فيها غير كده ...
تمشي محترم وكل حاجة..بس لما حد يتعدى عليك
لازم تجيب حقك بإيدك ...علشان مش هتعرف تاخده إلا كده

يعني ..مرة برضوووو في ميت غمر
داخل على كوبري زفتى علشان أعدي الكوبري
سواق ميكروباص غبي..راح داخل زي الصاروخ علشان يعدي قبلي
مع إن المسافة كانت أصغر من إنها تعدي عربيته..دخل حشر نفسه وزنقني معاه
لا أنا عارف أعدي ..ولا هوا عارف يعدي
وبرضوووو مصمم إنه يعدي وعاوزني أرجعله..نزلت له
وبكل قرفي منهم وبزعيق :" إرجع ورا يا عربجي"
وندهت العسكري إلي على الكوبري ..وقولتله :"رجع الحيوان ده ورا"
العسكري بص على اللوحات السودا ..والبادج
وراح مخبط على قزاز السواق ..وقاله بالنص:" إرجع يا إبن ^%#^# ..هتودينا في داهية"


شوفت بقا بتاخد حقك إزاي

[pro_samir]

طيب متجيب كارت يا عم احمد هههههه

[A7MED_PHARMA]

طيب متجيب كارت يا عم احمد هههههه

صدقني ياأبو سمير..بلدنا بلد مظاهر

يعني جرب كده تجيب قرطاسين من بتوع المرور
وتقف بيهم على أي طريق ومعاك إتنين تلاتة ..وكلكم لابسين ملكي
وإعمل كمين
شوف الناس هتقفلك ولا لأ
..فاكر فيلم إوعى وشك..

[pro_samir]

صدقني ياأبو سمير..بلدنا بلد مظاهر

يعني جرب كده تجيب قرطاسين من بتوع المرور
وتقف بيهم على أي طريق ومعاك إتنين تلاتة ..وكلكم لابسين ملكي
وإعمل كمين
شوف الناس هتقفلك ولا لأ
..فاكر فيلم إوعى وشك..

من غير قراطيس

انا مرة كنت داخل علي لجنة واقفين علي يوتيرن وكان قدامي عربية نقل محملة فا مخدتش بالي انهم واقفين الا لما الراجل جة وقف جنب سواق العربية النقل و وشي في وشة

وانا مفيم ومكنتش لابس الحزام ودماغ ، قلت الحق البس الحزام ؟ وبعدين قلت لا هيبقي شكلي زبالة

المهم خلص مع بتاع النقل وقالي اتفضل يا باشا هههه ، انا كنت عايز اخد اليوتيرن روحت مشاورلة شمال كدة راح موسع وقالي اتفضل يا باشا ههههههه

طبعا لو كنت لبست الحزام قدامة كان الموقف اتقلب 180 درجة

خد من دة كتير ، أينعم ساعات الواحد بيلبس في حيطة بس 90% بتمشي

[shadinasr]

والله عندكم حق هي بلد مظاهر
بس يا دكتور احمد هي اللوح السودا ده بتتعمل ازاي؟؟؟!!