ايه اللى حصل فى ماتش الزمالك دة

[Terrible_DaRsH]

لا لا على فكره انا زملكاوى بقا

انت زملكاوى , احترمك لما تقول الحق جدا جدا جدا .

و لما تعترف بقوة الاهلى احترمك اكتر و اكتر , لكن لما زملكاوى بقولك سبب فوز الاهلى هو الحكام و ان جمهور الاهلى معرفش ايه و ايه و ايه , فى ظل ان الزمالك فى اسوا ايامه سواء لاعيبة و لا جمهور و لا مجلس ادارة و جهاز فنى , ده شيء يحرق الدم .

[NoRmAl]

انا زملكاوى قوى...وبقولك ابراهيم دة بلطجى...واللى عملوا حازم امام يستوجب الطرد....لانه خد الكارت الاصفر من الحكم ورماه...راح الحكم رازعه طرد....بس الصراحه صعب عليا لما عيط....وفى ضربه جزاء واضحه وصريحه الحكم محسبهاش....لاعب من الشرطه شال رجل شيكابالا والحكم ولا هو هنا...ودة السبب الاساسى اللى خلا الجماهير تهيج وبوظ المتش كله

فعلا معاك فى كل حاجه
بس الجماهير الى فى ملعب بيشوفو كل حاجه مشفوش الى عمله حازم أمام
ولما المسؤل يعمل كده ساب أيه للى ملوش مسؤليه!!

يا جماعه خالد الغندور قال على لسان المراسل بتاعه إن فيه أحد أعضاء جهاز الشرطه أشار إشاره بإصبعه لجماهير الزمالك واللاعبين ..و إستفزهم..
عشان كده حصل اللى حصل..
فكلمه من هنا على كلمه من هنا ..
كانت نتيجه اللى حصل فى أخر اللقاء..
الجماهير منفعله..و كون فى لاعيبه وقعت فى منطقة الجزاء أكتر من خمس مرات...أكيد مره منهم على حق..

وهو دا مبرر
يعنى دى رده فعل طبيعيه
أبراهيم نزل الملعب ليه!!!
وأيه المنظر الى عمله دا وأسمه أيه
أبراهيم حسن ده عار على المصريين ويكسف كل بنى آدم ينتمى للبلد دى

[AshTurbo]

لا تعليق ...

[Terrible_DaRsH]

الحمد لله ان الناس ابتدت تفهم مين هو ابراهيم حسن , علشان لما كنت بقول " بلطجى " و همجى الناس زعلت !

[ecybrarian]

مهزلة بكل الأشكال. وبكرا نشوف عقوبات لجان الاتحاد المصري للكوسة (كرة القدم سابقا)
اما بالنسبة للجماهير (يا درش) فكل جمهور فيه الكويس وفيه الوحش خللينا منطقين وبلاش التعميم دا إللي بيزعل اخواتنا الزمالكاوية مننا

[م.محمد علاء]

وهو دا مبرر
يعنى دى رده فعل طبيعيه
أبراهيم نزل الملعب ليه!!!
وأيه المنظر الى عمله دا وأسمه أيه
أبراهيم حسن ده عار على المصريين ويكسف كل بنى آدم ينتمى للبلد دى

هو إنفعال نتيجة إنه إتشتم....مش أكتر..
لم أبررله ما حدث خاااالص.
إحنا بقالنا يومين بنتفرج على برشلونه و أرسنال و المان ..ولما بينطرد منهم حد بيطلع من سكات..
بس إهانه اللاعب من إدارى..ليه؟؟ليس له مايبرره..

[ahmad--ezzat]

انت زملكاوى , احترمك لما تقول الحق جدا جدا جدا .

و لما تعترف بقوة الاهلى احترمك اكتر و اكتر , لكن لما زملكاوى بقولك سبب فوز الاهلى هو الحكام و ان جمهور الاهلى معرفش ايه و ايه و ايه , فى ظل ان الزمالك فى اسوا ايامه سواء لاعيبة و لا جمهور و لا مجلس ادارة و جهاز فنى , ده شيء يحرق الدم .

لا على فكره...بأى حال من الاحوال الاهلى مبقاش زى زمان...مش الاهلى اللى يتعادل مع المقاولين...مش الاهلى اللى يتغلب من فرق ضعيفه....جماهير الاهلى زمان مكنتش بتقلق قبل المباريات زى دلوقتى...جوزيه كان ظابط الاهلى صححححح ...الاهلى مبقاش زى زمان...على فكره ههههههه انا مليش فى الكوره اوى...بس حد يقولى يعنى..هو كلامى غلط

[Terrible_DaRsH]

اما بالنسبة للجماهير (يا درش) فكل جمهور فيه الكويس وفيه الوحش خلينا منطقين وبلاش التعميم دا إللي بيزعل اخواتنا الزمالكاوية مننا

و الله لما حد يجادلك كتير فالصورة خير دليل ..

اخواتنا الزملكاوية هما فين ؟؟ اللى بيكسروا المدرجات و لا اللى بيشتموا شيكابالا و لا اللى بيتهموا الاهلى برشوة اتحاد الكرة !

الاخ احمد صاحب الموضوع مش عاجبه الوضع و اعترف , ده زملكاوى كويس لكن لو جادل و معترفش بالحق ..

[م.محمد علاء]

و الله لما حد يجادلك كتير فالصورة خير دليل ..

اخواتنا الزملكاوية هما فين ؟؟ اللى بيكسروا المدرجات و لا اللى بيشتموا شيكابالا و لا اللى بيتهموا الاهلى برشوة اتحاد الكرة !

الاخ احمد صاحب الموضوع مش عاجبه الوضع و اعترف , ده زملكاوى كويس لكن لو جادل و معترفش بالحق ..

يا أخى الفاضل....الأهلى ليه سوابق بردو...
و يبقى الحال من بعضه..هما دول من المهندسين و دول من البربر..
بمعنى أخر...
لا تعايرنى و أعايرك..الهم طايلنى وطايلك

[Terrible_DaRsH]

لا على فكره...بأى حال من الاحوال الاهلى مبقاش زى زمان...مش الاهلى اللى يتعادل مع المقاولين...مش الاهلى اللى يتغلب من فرق ضعيفه....جماهير الاهلى زمان مكنتش بتقلق قبل المباريات زى دلوقتى...جوزيه كان ظابط الاهلى صححححح ...الاهلى مبقاش زى زمان...على فكره ههههههه انا مليش فى الكوره اوى...بس حد يقولى يعنى..هو كلامى غلط

ايه رايك ان الاهلى فى احسن حالاته بقي ؟؟

الاهلى فى افضل حالاته الموسم دا بالرغم من التعادل و الخسارة , هقولك ليه .

لما جوزيه " افضل مدير فنى فى تاريخ الاهلى " يمشي و يسيب الفريق و بعدها فلافيو افضل محترف جه الاهلى .

و كمان حسام البدرى خبرته مش زى جوزيه و اول مرة يكون مدير فنى و يستعين فى فريقه باغلب الشباب الصغير و يكون اول الدورى لحد الان .

فاعرف ان الاهلى فى افضل حالاته و لسه الموسم الجاى لما كل العناصر تكون اخدت خبرات هيكون الاهلى عامل ازاى :)

[nomercy22]

ايه رايك ان الاهلى فى احسن حالاته بقي ؟؟

الاهلى فى افضل حالاته الموسم دا بالرغم من التعادل و الخسارة , هقولك ليه .

لما جوزيه " افضل مدير فنى فى تاريخ الاهلى " يمشي و يسيب الفريق و بعدها فلافيو افضل محترف جه الاهلى .

و كمان حسام البدرى خبرته مش زى جوزيه و اول مرة يكون مدير فنى و يستعين فى فريقه باغلب الشباب الصغير و يكون اول الدورى لحد الان .

فاعرف ان الاهلى فى افضل حالاته و لسه الموسم الجاى لما كل العناصر تكون اخدت خبرات هيكون الاهلى عامل ازاى :)

اتفق مع حضرتك

[M.Mosaad]

انا مش عارف الموضوع مش مستاهل كل دة و لا اللي حصل دة كله يعني الفرق بين الاهلي و الزمالك بالماتش المؤجل كان هيبقي 7 نقط يعني الفرق مكنش نقطة و لا نقطتين في ايه اكن الواحد اتنقل فجاة في حارة فيها شوية بلطجيه بيضربوا بعض و ابراهيم حسن المفروض انه ممنوع اساسا ينزل اي ملعب طب لما بيعمل كدة و هو موقوف هيعمل ايه لما الايقاف يترفع يعني المفروض اللعبه دي ليها قوانين و قواعد يعني لما بنلعب في الساحه خماسي مش بنعمل كدة مع بعض و كل لاعب فاكر نفسة بلطجي و رايح يضرب اي حد و سبحان مغير الاحوال حسام حسن هو اللي بيهديهم بس المشكله هي ضعف اتحاد الكورة يعني واحد زي علاء علي لو خد ايقاف سنه و اللي غلط او ضرب او شتم خد ايقاف محترم كله هيفكر الف مرة لكن موضوع ايقاف ماتشين و تلاته دة تهريج

طب طالما الزمالك الحكام مبهدلينه كدة ( مع العلم انه استفاد من التحكيم السنه دي كتير اوي ) طب ما ممدوح عباس يضحي بنص مليون جنيه كدة من اللي علي قلبه و يجيب حكام اجانب بس المشكله لو جابوا حكام اجانب هينكشفوا و مش هيلاقوا شماعه يعلقوا عليها اي هزيمه دة الحكم النهاردة كانوا مظبطهم كميه فاولات رهيبه و الزمالك ليه علي الاقل 5 انذارات في تمثليات جوة منطقه الجزاء ( بس برضة شيكابالا ليه واحدة متحسبتش )

يا جماعه روبين سجل هدف لبايرن ميونخ في استاد اولترافورد في الدقيقه 75 و معني كدة ان مانشستر هيخرج من بطوله اوروبا اللي هي ب الف بطوله دوري من عندنا و مع ذلك الجمهور عادي جداااااااااا بيشجع للاخر و الفريق خرج و الموضوع خلص

كل ماتش بقي الحكام يخرجوا وسط البوليس هي الناس دي مش بني ادمين ملهمش عيال بيتفرجوا عليهم في التليفزيون و اهل خايفيين عليهم و المشكله الكبيرة برضة ان الحكم مش هيعجب حد يعني لو حسب ضربه جزاء للزمالك كان برضة بتوع الشرطة هيضربوة يعني كدة كدة هيتهزا

ربنا يهدي

[MoToRiZeR]

يعني واحد زي علاء علي لو خد ايقاف سنه و اللي غلط او ضرب او شتم خد ايقاف محترم كله هيفكر الف مرة لكن موضوع ايقاف ماتشين و تلاته دة تهريج


كل ماتش بقي الحكام يخرجوا وسط البوليس هي الناس دي مش بني ادمين ملهمش عيال بيتفرجوا عليهم في التليفزيون و اهل خايفيين عليهم و المشكله الكبيرة برضة ان الحكم مش هيعجب حد يعني لو حسب ضربه جزاء للزمالك كان برضة بتوع الشرطة هيضربوة يعني كدة كدة هيتهزا

ربنا يهدي

بالضبط ..

قلة النظام تضيع الكرامة

[Terrible_DaRsH]

طب طالما الزمالك الحكام مبهدلينه كدة ( مع العلم انه استفاد من التحكيم السنه دي كتير اوي ) طب ما ممدوح عباس يضحي بنص مليون جنيه كدة من اللي علي قلبه و يجيب حكام اجانب بس المشكله لو جابوا حكام اجانب هينكشفوا و مش هيلاقوا شماعه يعلقوا عليها اي هزيمه دة الحكم النهاردة كانوا مظبطهم كميه فاولات رهيبه و الزمالك ليه علي الاقل 5 انذارات في تمثليات جوة منطقه الجزاء ( بس برضة شيكابالا ليه واحدة متحسبتش )

دى كانت حجة البليد يا سيدى .

صبرى سراج قعد يرغي و يقول حكام اجانب اجانب و فى الاخر مفيش غير الجونة اللى جهزت الفلوس .

طيب فين يا عم الحكام اللى انت عايزهم يديروا لك الماتشات .

كل واحد بقى حجته الحكم , الزمالك يخسر يقولك الحكام بيجاملوا الاهلى لو الاهلى خسر يقولك اصله كان بيكسب بالحكام .

و هتشوفوا مهزلة تاريخية من الزملكاوية لو الزمالك كسب الاهلى المباراة القادمة , هتسمعوا بقي ان الحكام هما اللى كانوا بيكسبوا الاهلى و الزمالك كشف الموضوع و ان الزمالك ضاع عليه الدورى و شتايم فى الاهلى للصبح .

و الله لولا ماتش المان و البايرن كان زمانى قرفان .

[Mostafa.Mahran]

الكابتن الزمالكاوى المحايد المحترم ايمن يونس فى قناة مودرن بيدافع عن ابراهيم حسن و بيلوم مخرج المباراة و بيقوله ازاى تصور بعد الماتش
انت عاوز تفضحنا وسط العالم
وبيقول اكيد ابراهيم حد عمله حاجة علشان كده اتنرفز