الإستيجماتيزم ؟؟؟؟؟

[mostafabakry]

اولا كل عام وانتم بخير بمناسبة حلول عاه هجري جديد و ان شاء المولي عزوجل يكون عام سعيد علينا كلنا و علي كل الأمة الإسلامية
يا جماعة يا ريت لو حد عنده معلومات عن الإستيجماتيزم و ازاي ممكن نحافظ عليه ما يزيدش او ان امكن نقلله لاني بصراحة تعبان جدا من موضوع الإستيجماتيزم دا و خصوصا بعد ما كشفت من يومين لقيت نفسي -5.5 للشمال و -6 لليمين يعني في الضياع يعني بالطريقة دي كمان كام سنة قدام و اعس لي علي عصاية اتعكز عليها بقي دا معقولة يبقي لسه عمري 35 سنة ولا حاجة و ابقي ماشي احسس طبعا لافدر الله و لكن معدل النقصان كبير جدا لاني من سنتين كان نص الأرقام دي

يا ريت يا جماعة لو حد يعرف دكتور كويس او مستشفي كويس هو تعامل معاها قبل كدا او عنده نفس حالتي ينصحني لوجة الله و يا ريت لو حد عمل الليزك يقولي ايه النتايج بتاعته و ايه احسن مكان بيعملها

منتظر ردودكم يا رجالة

[hero]

اولا كل عام وانتم بخير بمناسبة حلول عاه هجري جديد و ان شاء المولي عزوجل يكون عام سعيد علينا كلنا و علي كل الأمة الإسلامية
يا جماعة يا ريت لو حد عنده معلومات عن الإستيجماتيزم و ازاي ممكن نحافظ عليه ما يزيدش او ان امكن نقلله لاني بصراحة تعبان جدا من موضوع الإستيجماتيزم دا و خصوصا بعد ما كشفت من يومين لقيت نفسي -5.5 للشمال و -6 لليمين يعني في الضياع يعني بالطريقة دي كمان كام سنة قدام و اعس لي علي عصاية اتعكز عليها بقي دا معقولة يبقي لسه عمري 35 سنة ولا حاجة و ابقي ماشي احسس طبعا لافدر الله و لكن معدل النقصان كبير جدا لاني من سنتين كان نص الأرقام دي

بص حضرتك.....
انا عندي استيجماتيزم....والاستيجماتيزم مالوش علاقة بقوة الابصار....لانة هو عبارة عن عدم انتظام في دوران عدسة العين...والارقام دي بتبين اذا كان عدم الانتظام دة نصف قطرة قد اية ....واذا كان للخارج (خارج سطح عدسة العين او داخلي يعني لداخل العدسة)...

الاستيجماتيزم كل تأيرة انة بيسبب صداع رهيب لو لا قدر الله فقدت النظارة الطبية لعدة ايام ....
اما احساسك بضعف الابصار دة بيكون ملازم لوجود الاستيجماتيزم ياما طول نظر او قصر نظر....

المهم ما تقلقش من ارقام الاستيجماتيزم خالص...اهم شيء ارقام قصر النظر وطول النظر....

[mostafabakry]

اولا انا متشكر لك جدا يا استاذ هيرو علي ردك عليا
ازاي بقي مالوش تأثير علي قوة الإبصار ما هو معني ان القرنية غير منتظمة السطح فدا هيخلي الصورة بدل ما تروح في سنتر الشبكية و منها للعصب البصري تبقي متشتته و مش مظبوطة و دا اكيد هيأثر علي الرؤية و يضعفها طبعا دا اللي انا اعرفة و اللي قريته

طبعا انا عندي قصر نظر حولب 4 درجات في العين الشمال و 5 درجات في اليمين

انا مشكلتي حاليا ان عدسات النظارة بعد الأستيجماتيزم دا بقت غبية جدا يعني في الحواف سميكة جدا و في المنتصف رقيقة جدا و بقت تقيلة شوية و مضايقاني و بفكر حاليا في موضوع الليزك ان كان ينفع لي من اصلة بس مش عارف اسال فين وازاي خاصة و انا مش من القاهرة من الصعيد الجواني

[TAG_Turbo0]

يا راجل ده نص المصريين عندهم استجماتيزم
وانا طبعا منهم

[ابوحميد]

الف سلامة عليك يا بشمهندس
انا اسمع عن مستشفى مغربى بس عشان اكون امين لا جربتها ولا عرف حد اتعامل معاها
وانا عن نفسى بفكر اعمل العملية دى مع انى مش عندى استيجماتيزم

[Ashraf A.Kader]

طبعا فيه اماكن كتيرة بتعمل الليزك ولو حضرتك عايز مكان مضمون ابعتلي علي الخاص0الدكتور بتاعي استاذ بجامعة القاهلرة وانا والاولاد بنتابع معاه علي طول وعيادته بوسط البلد والمركز بتاعه كمان وكان المفروض اعملها من 6 شهور لكن ظروف العمل لم تسمح

[dr_3eshoo]

مصطفى بكري باشا
اولا الستجماتيزم ده خلل في سطح القرنيه و ده ملوش اسباب معينه فيخلي الضوء الي داخل متكسر يعملك ضعف البصر الي بتقول عليه و يعملك دوخه
و الاستيجاتيزم للعلم يروح و يختفي بعد سن الاربعين
و علاجه اليزك و النظاره و للعلم ولو عملته بليزك يبقى عندك على الاقل ربع
لو عملت ليزك او عاوز تعمله يبقى عند دكتور كويس جدا و عنده جهاز نضيف علشان تضمن نجاح العمليه
و بعدين انت عندك 35 سنه و بعد 5 سنين مش هتحتاج النظاره لان بعد سن الاربعين يحصل حاجه اسمها seinle degneration الي هو مش عارف اوصفه الي هو مع السن كل حاجه تصغر
و ده كويس في حالتك لان نظرك هيرج 6 على 6 بعد سن الاربعين
الخلل ده لان القرنيه تطلع لبره و تبقى غير منتظمه

[eng_mkhalaf]

طب سؤال - أنا زهقت من النضارة ونظرى -4.5 و -4 ممكن عملية الليزك دية تنفع وأعيش حياة عادية - وكمان عايز أعرف أخطارها أية والسعر لو هملها عند دكتور نضيف قوى قوى قوى - أصلها عينى مش حاجة تانية :-)

[ابو سيف]

الاخ مصطفى بكري : اولا هون عليك الموضوع ان شاء الله ابسط من كدة بكتير دلوقتي في نصيحه لوجه الله هقولهالك من باب الاطمنان عليك فقط مش اكتر و هي ان كنت ناوي تتخلص من النظارة بعمل عمليه ليزك او مش ناوي لابد للذهاب لأي مركز متخصص في الليزك و هم كثر و تعمل الفحص دة corneal topography دة عبارة عن تخطيط للقرنيه يعني رسم تخطيطي كامل عن تفاصيل سطح القرنيه لأنه بصراحه نسبه الاستيجاميتزم اللى عندك عاليه شويه و دة ساعات بيكون بسبب شيء اسمه قرنيه مخروطيه و ممكن جدا يكون الخلل اللى في سطح القرنيه مش لهذه الدرجه و يكون مفيش مشكله (دة اولا)

ثانيا لو حضرتك عايز شيء يحافظ على النظر فدة شيء مش موجود بس يا ريت تقولي ايه الفرق بين مقاس اخر نظارة و النظارة اللى حضرتك عملتها مؤخرا دي ( يعني مقاس دي و مقاس دي ) لأن الكلام اللى احنا بنقوله و اللى مكتوب في الكتب ان المفروض ان النظر بيثبت عند 18 او 20 سنه لكن طبعا الكلام الواقعي بيقول غير كدة و ان في ناس بيستمر النظر بتاعهم في النزول الى سن اكتر من كدة فلو كان نظر حضرتك ثابت عند هذه المرحله و النظارة مضايقاك يبقا حلك الوحيد هو عمليه ليزك

اتكلم بقا عن عمليه الليزك خمسه كدة لأن حضرتك و اكتر من عضو فاضل سألتو

اولا بنقول ان مش كل واحد ينفع يتعمل له عمليه ليزك في فحوصات بتتعمل الاول علشان تحدد ان كان ينفع الليزك للشخص دة و لا لأ و ان كان هيفيدة فعلا و لا لأ و ان كان هيتبقى اي نسبه من ضعف النظر و لا لأ
الفحوصات دي عبارة عن تخطيط للقرنيه و دة اللى بيبين لينا زي ما وضحت رسم تخطيطي لسطح القرنيه كله علشان العمليه كلها على القرنيه

و التاني حاجة اسمها سمك القرنيه و دة بجهاز بسيط بنقيس سماكه القرنيه لأن عن طريق كميه سمك القرنيه بنقدر نعرف هنقدر نصلح من ضعف النظر اد ايه؟؟؟؟(مع العلم ان في ناس سمك القرنيه بتاعهم ميسمحش اننا نتدخل في العمليه اساسا) و طبعا سمك القرنيه دة علشان نقدر نعرف مظبوط نتيجه العمليه و النظر بعد العمليه هيكون ايه لازم يكون معانا مقاس النظر (احدث واحد) و الشخص دة بيشوف ايه بالنظارة
لأن كثير من الناس بتكون فاكرة انهم هيشوفوا بعد عمليه الليزك 6/6 و دة مش صح (الليزك هو بديل للنظارة يعني هتشوف زي ما انت شايف بالنظارة بالظبط ايا كان نظرك بالنظارة كام مش احسن من كدة و لا اوحش من كدة ان شاء الله ) طبعا دة باعتبار انه ينفعلك العمليه اصلا و اننا هنقدر نصلح كل قصر النظر او طول النظر اللى موجود


بالنسبه للعمليه نفسها: العمليه و لله الحمد بسيطه جدا جدا و تعتبر الى مدى كبير جدا جدا آمنه اوي و نتايجها حتى يومنا هذا ممتازة بالذات بسبب التطور الرهيب في الاجهزة و مميزاتها و عدد الناس الكبير اللى بتعملها و دة بيتيح للأطباء عملها بكثرة و اخذ خبرة عاليه فيها

بالنسبه للتكلفه : في المراكز المعروفه الكويسه في القاهرة بتتكلف العمليه من 4000 الى 5500 جنيه للعينين بالفحوصات اللى قولنا عليها في الاول
في الاقاليم طبعا الوضع بيقل عن كدة كتير عندنا في الزقازيق بنعملها بحوالي 3400 جنيه

و اي استفسار انا تحت امرك و اسف جدا على الاطاله و لو في حاجة مش مفهومه ممكن تستوضحها و اقولهالك ان شاء الله

[mostafabakry]

يا راجل ده نص المصريين عندهم استجماتيزم
وانا طبعا منهم

هههههههههههه طيب و النص التاني ايه ظروفه ههههه
شكرا يا باشا علي الرد و علي فكرة المصريين من اكتر شعوب العالم في الأمراض بقينا عاملين زي دول وسط افريقيا
ربنا يستر

[mostafabakry]

الف سلامة عليك يا بشمهندس
انا اسمع عن مستشفى مغربى بس عشان اكون امين لا جربتها ولا عرف حد اتعامل معاها
وانا عن نفسى بفكر اعمل العملية دى مع انى مش عندى استيجماتيزم

الله يسلمك يا ابو حميد

[mostafabakry]

مصطفى بكري باشا
اولا الستجماتيزم ده خلل في سطح القرنيه و ده ملوش اسباب معينه فيخلي الضوء الي داخل متكسر يعملك ضعف البصر الي بتقول عليه و يعملك دوخه
و الاستيجاتيزم للعلم يروح و يختفي بعد سن الاربعين
و علاجه اليزك و النظاره و للعلم ولو عملته بليزك يبقى عندك على الاقل ربع
لو عملت ليزك او عاوز تعمله يبقى عند دكتور كويس جدا و عنده جهاز نضيف علشان تضمن نجاح العمليه
و بعدين انت عندك 35 سنه و بعد 5 سنين مش هتحتاج النظاره لان بعد سن الاربعين يحصل حاجه اسمها seinle degneration الي هو مش عارف اوصفه الي هو مع السن كل حاجه تصغر
و ده كويس في حالتك لان نظرك هيرج 6 على 6 بعد سن الاربعين
الخلل ده لان القرنيه تطلع لبره و تبقى غير منتظمه

شكرا يا دكتور علي الرد انا مش مشكلتي ان البس النضارة او لأ انا مشكلتي ان اشوف كويس سواء بالنضارة او بالليزك
انا خلاص اتعودت علي النضارة و ما عنديشكلة منها
المشكلة الكبيرة يا دكتور هي اني لسه صغير في السن انا عندي 26 سنة مش 35 زي ما حضرتك فاكر و انا كنت اعني اني لما اوصل سن 35 سنة و بالمعدل دا في ضعف النظر هيكون النظر قل جدا و دا اللي انا خايف منه

عموما شكرا جزيلا علي المعلومات القيمة دي و ربنا يكرمك و يديك الصحة

[eng_mkhalaf]

شكرا يا دكتور أنا كدة قلبى جمد أنى أعملها - ممكن تقولى أبداء أزاى وأروح لمين

[mostafabakry]

الاخ مصطفى بكري : اولا هون عليك الموضوع ان شاء الله ابسط من كدة بكتير دلوقتي في نصيحه لوجه الله هقولهالك من باب الاطمنان عليك فقط مش اكتر و هي ان كنت ناوي تتخلص من النظارة بعمل عمليه ليزك او مش ناوي لابد للذهاب لأي مركز متخصص في الليزك و هم كثر و تعمل الفحص دة corneal topography دة عبارة عن تخطيط للقرنيه يعني رسم تخطيطي كامل عن تفاصيل سطح القرنيه لأنه بصراحه نسبه الاستيجاميتزم اللى عندك عاليه شويه و دة ساعات بيكون بسبب شيء اسمه قرنيه مخروطيه و ممكن جدا يكون الخلل اللى في سطح القرنيه مش لهذه الدرجه و يكون مفيش مشكله (دة اولا)

ثانيا لو حضرتك عايز شيء يحافظ على النظر فدة شيء مش موجود بس يا ريت تقولي ايه الفرق بين مقاس اخر نظارة و النظارة اللى حضرتك عملتها مؤخرا دي ( يعني مقاس دي و مقاس دي ) لأن الكلام اللى احنا بنقوله و اللى مكتوب في الكتب ان المفروض ان النظر بيثبت عند 18 او 20 سنه لكن طبعا الكلام الواقعي بيقول غير كدة و ان في ناس بيستمر النظر بتاعهم في النزول الى سن اكتر من كدة فلو كان نظر حضرتك ثابت عند هذه المرحله و النظارة مضايقاك يبقا حلك الوحيد هو عمليه ليزك

اتكلم بقا عن عمليه الليزك خمسه كدة لأن حضرتك و اكتر من عضو فاضل سألتو

اولا بنقول ان مش كل واحد ينفع يتعمل له عمليه ليزك في فحوصات بتتعمل الاول علشان تحدد ان كان ينفع الليزك للشخص دة و لا لأ و ان كان هيفيدة فعلا و لا لأ و ان كان هيتبقى اي نسبه من ضعف النظر و لا لأ
الفحوصات دي عبارة عن تخطيط للقرنيه و دة اللى بيبين لينا زي ما وضحت رسم تخطيطي لسطح القرنيه كله علشان العمليه كلها على القرنيه

و التاني حاجة اسمها سمك القرنيه و دة بجهاز بسيط بنقيس سماكه القرنيه لأن عن طريق كميه سمك القرنيه بنقدر نعرف هنقدر نصلح من ضعف النظر اد ايه؟؟؟؟(مع العلم ان في ناس سمك القرنيه بتاعهم ميسمحش اننا نتدخل في العمليه اساسا) و طبعا سمك القرنيه دة علشان نقدر نعرف مظبوط نتيجه العمليه و النظر بعد العمليه هيكون ايه لازم يكون معانا مقاس النظر (احدث واحد) و الشخص دة بيشوف ايه بالنظارة
لأن كثير من الناس بتكون فاكرة انهم هيشوفوا بعد عمليه الليزك 6/6 و دة مش صح (الليزك هو بديل للنظارة يعني هتشوف زي ما انت شايف بالنظارة بالظبط ايا كان نظرك بالنظارة كام مش احسن من كدة و لا اوحش من كدة ان شاء الله ) طبعا دة باعتبار انه ينفعلك العمليه اصلا و اننا هنقدر نصلح كل قصر النظر او طول النظر اللى موجود


بالنسبه للعمليه نفسها: العمليه و لله الحمد بسيطه جدا جدا و تعتبر الى مدى كبير جدا جدا آمنه اوي و نتايجها حتى يومنا هذا ممتازة بالذات بسبب التطور الرهيب في الاجهزة و مميزاتها و عدد الناس الكبير اللى بتعملها و دة بيتيح للأطباء عملها بكثرة و اخذ خبرة عاليه فيها

بالنسبه للتكلفه : في المراكز المعروفه الكويسه في القاهرة بتتكلف العمليه من 4000 الى 5500 جنيه للعينين بالفحوصات اللى قولنا عليها في الاول
في الاقاليم طبعا الوضع بيقل عن كدة كتير عندنا في الزقازيق بنعملها بحوالي 3400 جنيه

و اي استفسار انا تحت امرك و اسف جدا على الاطاله و لو في حاجة مش مفهومه ممكن تستوضحها و اقولهالك ان شاء الله

جزاك الله كل الخير اخي الفاضل ابو سيف و بالعكس انت ما طولتش و لا حاجة انا نفسي حد يفهمني زي كدا
من الواضح من كلام حضرتك انك طبيب عيون صح و لا غلط
بصراحة انا قلقان جدا من حكاية القرنية المخروطية دي لأني فاكر ان من فترة كنت بكشف عند دكتور عيون و سألته عن امكانية اجراء الليزك فقالي انه بيشك في ان القرنية عندي مخروطية و ما ينفعش ليا الليزك
المرة دي لما كشفت عنده سالته نفس السؤال عن الليزك فقاللي اني القرنية عندي عليها شوية سحابات خفيفة وانه هيسأل اساتذه متخصصين في الليزك علي حالتي و ما جابش سيرة القرنية المخروطية دي
انا ازاي اتاكد من الحكاية دي هل اروح لمركز متخصص و اعمل رسم تخطيطي و لا هي اي طبيب عيون ممكن يعرفها في العيادة عنده
الحاجة التانية انه الدكتور قاللي ان العين اليمين كسلانة شوية و فعلا انا رؤيتي منها اضعف بكتير من الشمال و قاللي ان احاول اغمض عيني الشمال و اركز شوية علي اليمين لمدة نص ساعة يو ميا عشان ننشطها و نخلي المخ يستخدمها زي الشمال
وكتب لي علي جل ايمه Genteal Gel عشان استخدمة لأنه بيشيل السحابات دي فايه راي حضرتك
بصراحة حاليا انا مش معايا المقاس القديم و لكن انا فاكر انه كان نص الأرقام دي يعني كان الإستيجماتيزم في حدود من 2 - 3.5 للعينين و طبعا الشمال افضل من اليمين بس انا هدور علي المقاس القديم لو ضروري لحضرتك
علي فكرة انا كنت كشفت في شهر 5 اللي فات 5/2007 عند دكتور غير اللي بروح عنده بس انا ما عملتش المقاسات دي و فضلت علي المقاسات القديمة و كانت المقاسات كالتالي
Right SPH :-6.75 CYL: -5 Ax: 170
Left SPH:- 2.75 CYL:-5 Ax: 155

طبعا المقاسات اللي من يومين هي
R SPH: -5 CYL: -6 AX : 105
L SPH : -4.5 CYL: - 5.5 AX : 150

انا عملت المقاس الجديد ولبست النظارة بالمقاس دا و طبعا الفرق كبير ما بين اللي كنت لابسها و بين الجديدة و العدسات بقي سمكها كبير جدا علي اللي فاتت و خصوصا في الحواف و الصورة بتزغلل شوية لو انا ببص في طرف العدسة يعني لما انا ببص في مركز العدسة اليمين بالذات تبقي الصورة كويسة بس لو عنيا اتحركت يمين ولا شمال ناحية الجزء السميك من العدسة بحس بزغلله شوية و دا بيحصل في العدسة اليمين فقط
يا ريت لو حضرتك عندك اي ملاحظات تقولي عليها
اسف جدا علي الإطالة لكن اعذرني انا ماصدقت لقيت حد يفهمني
يا ريت لو حضرتك عندك ملاحظة

[ابو سيف]

شكرا يا دكتور أنا كدة قلبى جمد أنى أعملها - ممكن تقولى أبداء أزاى وأروح لمين

حضرتك من القاهرة و عايز تعملها في القاهرة و لا منين بالظبط ولا مش تفرق معاك المكان؟؟

جزاك الله كل الخير اخي الفاضل ابو سيف و بالعكس انت ما طولتش و لا حاجة انا نفسي حد يفهمني زي كدا
من الواضح من كلام حضرتك انك طبيب عيون صح و لا غلط
بصراحة انا قلقان جدا من حكاية القرنية المخروطية دي لأني فاكر ان من فترة كنت بكشف عند دكتور عيون و سألته عن امكانية اجراء الليزك فقالي انه بيشك في ان القرنية عندي مخروطية و ما ينفعش ليا الليزك
المرة دي لما كشفت عنده سالته نفس السؤال عن الليزك فقاللي اني القرنية عندي عليها شوية سحابات خفيفة وانه هيسأل اساتذه متخصصين في الليزك علي حالتي و ما جابش سيرة القرنية المخروطية دي
انا ازاي اتاكد من الحكاية دي هل اروح لمركز متخصص و اعمل رسم تخطيطي و لا هي اي طبيب عيون ممكن يعرفها في العيادة عنده
الحاجة التانية انه الدكتور قاللي ان العين اليمين كسلانة شوية و فعلا انا رؤيتي منها اضعف بكتير من الشمال و قاللي ان احاول اغمض عيني الشمال و اركز شوية علي اليمين لمدة نص ساعة يو ميا عشان ننشطها و نخلي المخ يستخدمها زي الشمال
وكتب لي علي جل ايمه Genteal Gel عشان استخدمة لأنه بيشيل السحابات دي فايه راي حضرتك
بصراحة حاليا انا مش معايا المقاس القديم و لكن انا فاكر انه كان نص الأرقام دي يعني كان الإستيجماتيزم في حدود من 2 - 3.5 للعينين و طبعا الشمال افضل من اليمين بس انا هدور علي المقاس القديم لو ضروري لحضرتك
علي فكرة انا كنت كشفت في شهر 5 اللي فات 5/2007 عند دكتور غير اللي بروح عنده بس انا ما عملتش المقاسات دي و فضلت علي المقاسات القديمة و كانت المقاسات كالتالي
Right SPH :-6.75 CYL: -5 Ax: 170
Left SPH:- 2.75 CYL:-5 Ax: 155

طبعا المقاسات اللي من يومين هي
R SPH: -5 CYL: -6 AX : 105
L SPH : -4.5 CYL: - 5.5 AX : 150

انا عملت المقاس الجديد ولبست النظارة بالمقاس دا و طبعا الفرق كبير ما بين اللي كنت لابسها و بين الجديدة و العدسات بقي سمكها كبير جدا علي اللي فاتت و خصوصا في الحواف و الصورة بتزغلل شوية لو انا ببص في طرف العدسة يعني لما انا ببص في مركز العدسة اليمين بالذات تبقي الصورة كويسة بس لو عنيا اتحركت يمين ولا شمال ناحية الجزء السميك من العدسة بحس بزغلله شوية و دا بيحصل في العدسة اليمين فقط
يا ريت لو حضرتك عندك اي ملاحظات تقولي عليها
اسف جدا علي الإطالة لكن اعذرني انا ماصدقت لقيت حد يفهمني
يا ريت لو حضرتك عندك ملاحظة

جزانا و اياك و مفيش اي تعب و لا حاجة احنا كلنا هنا اخوات
زي ما قولتلك انت لازم تعمل الفحص اللى قولتلك عليه دة لأن طبعا موضوع القرنيه المخروطيه بيحول دون عمل الليزك و محدش بيقدر ياخد فيه قرار نهائي غير بالتأكد بالفحص دة و الفحوصات دي مش مكلفه اوي بتتعمل في المركز اللى انا بشتغل فيه هيه و سمك القرنيه ب 200 جنيه

يا ريتك لو تعمله الاول بحيث نقدر نتكلم عن الحلول المتاحه في ضوء الحاله بالظبط بدل ما نقول كل الحلول و في الاخر لا قدر الله يطلع نصها مش متاحه مثلا فأنت ان شاء الله تقدر تروح لأي مركز ليزك ممكن يحولك عليه طبيبك و تعمل الفحص دة الموضوع كله مش اكتر من عشر دقايق بحيث تكون على بينه و تقدر تعرف ايه المتاح
ظهور سحابات على القرنيه بيزيد الشك بوجود قرنيه مخروطيه فرجائي ليك انك متستناش على الموضوع دة و اتأكد بعمل الفحص دة اللى هوا(تخطيط قرنيه او corneal topography ) بالنسبه للجيل اللى بتستخدمه فمفيش منه ضرر ان شاء الله لكن فايدته فبتتوقف على كميه السحابات اللى على القرنيه و يؤسفني اقولك ان فايدته بتكون ضعيفه جدا(مش عايز اقول معدومه) بس مفيش مشكله لو استخدمته فترة هوة هيديك احساس بالراحه شويه و بيظبط شويه حاجات خفيفه في القرنيه لكن علاج للسحابات او للقرنيه المخروطيه فلا
بالنسبه لكسل العين.... انت ضعف النظر دة عندك من و انت طفل صغير؟؟؟ و اول مرة لبست فيها النظارة كانت امتى؟؟ و هل كنت مواظب على لبسها و لا كنت مهمل فيها ؟؟؟النظر في العين دي بيفرق اوي بين عدم وجود النظارة و بوجود النظارة؟؟ و يا ريت لو تعرفني بيفرق اد ايه؟؟؟
عموما هوا مظنش انه كسل كلي في العين بدليل ان في مقاس نظارة انت واخدة فأكيد بيحسن النظر بس موضوع انك يقوى عن كدة ( بالنظارة او الليزك طبعا) بموضوع التمارين المساعده على تنشيط العين و رؤيه المخ لصورة بالعين دي فدي بصراحه اجتهادات قد تصيب لأن الكلام دة المفروض كان يتعمل من زمااااااااااااااااان اوي لكن دلوقتي في السن دة بيكون كل حاجة اتكونت بالفعل و حصل نضج كامل لأزدواجيه الرؤيه و حاجات تانيه كتير بتخلي موضوع التحسن دة في السن دة نسبي و ضعيف جدا

عموما اتمنى اكون افدتك و اسف على الاجابات اللى قد تكون مضايقه ليك بس ان شاء الله متقلقش دي كلها حاجات بسيطه و كل حاجة ليها حل ان شاء الله انت بس يا ريت تعمل الفحص بحيث نقدر نتكلم على بينه اكتر بدون اضاعه وقت سواء هتسألني او هتسأل الطبيب الخاص بتاعك
و تحت امرك في اي استفسار