نداء خاص لشركات الأتصالات الثلاثه حرام عليكم

[ahmed-moga]

ياأصحاب شركات الأتصالات الثلاثه (موبينيل وفودافون وأتصالات)

اتقوا الله في صغار التجار والمحلات الصغيره اللي لسه بيبدئوا حياتهم وعاملين

مشروع علشان يبنوا حياتهم ويصرفوا علي نفسهم بدل مايمشوا

في طريق غلط حرام عليكم لما تبعولهم كروت الشحن والشحن

علي الهوا بأسعار مفهاش اي مكسب ليهم وانتم تاخدوا كل المكسب أتقوا الله

وانا النهارده هقولكم علي أسعار كروت الشحن الجمله

والهوا أللي أحنا تجار الجمله بناخد بيها وأحكموا انتم أخواني

كارت شحن الو 100 اللي بيبقي 10 كروت ب10سعره جمله

97جنيه يعني كرت الشحن ابو 10 سعره جمله 9.70 قرش

كارت شحن فودافون 100 اللي بيبقي 10 كروت ب10سعره

جمله 97.40 يعني كرت الشحن ابو 10 سعره جمله 9.74 قرش

كارت شحن اتصالات 100اللي بيبقي 10 كروت ب10سعره

جمله 97.25 يعني كرت الشحن ابو 10 سعره جمله 9.725 قرش

ونفس الأسعار دية للهوا والطاير

والمطلوب منهم انه يبيعوا الكارت بتمنه يعني 10 بعشره

طيب قولولي أزاي وأزاي المكسب الزهيد ده هيفتحوا بيه

بيتهم ويعيشوا منه ويدفعوا ايجار المحلات بتاعتهم وغيره وغيره

ياأصحاب الشركات الثلاثه أرحموا من في الأرض يرحمكم من في السماء

وأقفوا بجانب الشباب دول ونزلوا الأسعار حتي ل92.5 جنيه

للكارت 100وأعلموا ان الشباب والمحلات الصغيره دول هما

اللي بيعمللكم مبيعاتكم ومن غيرهم هاتخسروا ومش هاتعرفوا

تبيعوا أو أن مبيعاتكم هتقل

وأنا أول واحد أبتداء من غداً سوف أقوم بوقف تعاملي مع تلك الشركات الجشعه

حتي يقوموا بتنفيذ ذلك ومش كده وبس انا هتبني حمله شرسه

عليهم في كثير من المواقع وسأدعوا باقي التجار للأنضمام لتلك

الحمله وفيه فعلا تجار كتير أنضموا لي وهيقموا بوقف نشاطهم

في الكارت والهوا وان شاء الله الموضوع ده هيلاقي أستجابه

أدعوا لنا بالتوفيق زملائي الأعضاء وياريت لو حد منكم بيشتغل

في التجاره دية ينضم لينا وميشترش منهم لحد ماينزلوا أسعارهم للسعر المطلوب

ولكم جزيل الشكر

[Terrible_DaRsH]

المحل اللى جمب البيت فاتح بقاله 7 سنين برعاية فودافون , اول امبارح بقى توكيل راية ! يمكن ده السبب ؟

[dode2002]

اللهم لاحسد ----------

[Dr.Mostafa Anwar]

وهل من المفروض المكسب يكون من بيع كروت الشحن فقط؟؟

لماذا لم يعد احد يبدع

[romeo_6887]

المشكله ان شركه فودافون قافله بقالها اسبوع فالكروت و الشحن علي الهوا ولعععععععع ... 100 جنيه شحن علي الهوا ب 101 جنيه و لا تعليق

[nab!l]

المشكله ان شركه فودافون قافله بقالها اسبوع فالكروت و الشحن علي الهوا ولعععععععع ... 100 جنيه شحن علي الهوا ب 101 جنيه و لا تعليق

ازاى
يعنى ايه
مش فاهم

[ahmed-moga]

المحل اللى جمب البيت فاتح بقاله 7 سنين برعاية فودافون , اول امبارح بقى توكيل راية ! يمكن ده السبب ؟

مش فاهم حضرتك يمكن ده سبب ايه

وهل هذا المحل وكيل بمعني وكيل ولا موزع معتمد علشان تفرق كتير

وعمر ماشركة فودافون هتساعد محل علشان يبقي موزع معتمد لشركه من شركات المحمول ده مجال

وده مجال اي نعم الأتنين مرتبطين ببعض بس الخط والكارت والشحن مجال خاص بفودافون

والعدد مجال خاص بالوكلاء لشركة نوكيا

ثم هل تعتقد يازميلي العزيز انه من بيع كارت الشحن والهوا بقي موزع معتمد لرايه

مكنش حد غلب أكيد الشخص ده أتصرف في مبلغ بأي طريقه قرض أو جمعيه أو شركه

بينه وبين شخص أخر والموضوع ده مش محتاج أكتر من 50000 ألف جنيه وممكن أقل

[romeo_6887]

المفروض سعر الجمله ل 100 شحن علي الهوا 97 جنيه ممكن تزيد او تنقص جنيه او نص جنيه حاجه كده في الحدود دي ... لكن لما تبقي الجمله ب 101 جنيه يعني في جنيه زياده ... الراجل هيبيع بكام بقي ؟

[ahmed-moga]

وهل من المفروض المكسب يكون من بيع كروت الشحن فقط؟؟

لماذا لم يعد احد يبدع

انا مع حضرتك المفروض ان اي محل بيشتغل في عدة مجالات لزيادة مكسبه ولكن حاليا وفي ظل

الأزمه الأقتصاديه والظروف الماديه المتتحدره التي يواجها المواطن المصري أصبح العمل يعتمد بشكل
كلي علي كروت الشحن والشحن علي الهوا وأصبح أكبر مبلغ يتم شحنه مبلغ 25 وعشرون جنيه

أما أكثر المبالغ فهي أبتداء من الأتنين جنيه حتي العشره وأصبح كارت العشره أكثر الكروت مبيعا

اما بيع أكسسوارات المحمول وخلافه فأصبحت بيعها قليل جدا ده غير الحرق اللي المحلات بتحرقه

علشان تنافس بعضها واما عن بيع عدد المحمول فأصبح حاليا

أكثر مكسب من عده 5 جنيهات او عشره بالأكثر والمحل مش كل يوم هيبيع عده او أتنين

لذلك معظم المحلات اصبح اعتمادها الكلي علي الكرت والخط المفعل الذي اصبح عليه حاليا مشاكل

جمه وغرامات تصل الي 50000 الف جنيه للمحل هذا هو وضع سوق المحمول حاليا

[ahmed-moga]

المفروض سعر الجمله ل 100 شحن علي الهوا 97 جنيه ممكن تزيد او تنقص جنيه او نص جنيه حاجه كده في الحدود دي ... لكن لما تبقي الجمله ب 101 جنيه يعني في جنيه زياده ... الراجل هيبيع بكام بقي ؟

صح ياأستاذ romeo بس هما صرفوا يوم الخميس الماضي والسعر حاليا 97.40 وده لتجار الجمله

والمحلات العاديه بينزلها ب98 جنيه مشكلة الشركات دية ان سعرها في زياده ومبيقلش ابدا ألا فيما ندر أو في حرق أنما الزياده بتبقي موجوده

حتي أتصالات اللي أول مانزلت كانت منزله الكارت جمله ب96 دلوقتي ب97.5 والمطلوب منا انا باردوا

مع الزياده دية نبيع الكارت والهوا بتمنه وهما يكسبوا الملايين من لاشئ بمجرد ضغطة زرار في كومبيوتر

الشركه ينزل بالملاين في مخزنها ويتم توزيعه علي الوكلاء حسبي الله ونعم الوكيل في اللي واكل خير البلد دية ومبوظ أقتصادها

ومش عايز حد غيره يكسب حتي 10 في 100 جنيه علشان كده لازم يبقي فيه وقفه علشان يراجعوا حسابتهم

[HAMZAWY]

انا اعرف ان مش ده بس مكسب كروت الشحن فى حاجات تانية زى بونص على اجمالى السحب وبعدين ماينفعش تشتغل فى كروت الشحن بس الا لو بتشتغل بمبلغ كبير جدا عشان تشوف مكسب

[ahmed-moga]

انا اعرف ان مش ده بس مكسب كروت الشحن فى حاجات تانية زى بونص على اجمالى السحب

لايافندم البونص اللي بيبقي علي أجمالي السحب بيبقي للأكسات والسوبر ديلر فقط

وكذلك بيبقي اكتر في سحب الخط من الوكيل يعني لوبتاخد 1000 خط اتصالات ب 15

جنيه ممكن يبقي 13 جنيه لو خدت 3000 الاف والخط اقصي مبلغ ينزل 12 جنيه لو

خدت 10000 خط والبونص اللي بياخده السوبرديلر أو الأكس نصف جنيه علي الميه

يعني انا بينزلي ب97 هو بينزله ب96.50

وبعدين ماينفعش تشتغل فى كروت الشحن بس الا لو بتشتغل بمبلغ كبير جدا عشان تشوف مكسب

انا عارف الكلام ده يافندم بس انا بتكلم عن الشباب والناس اللي بيعانوا والحاله معاهم أصبحت مأسويه

ومش قادرين يكسبوا ويعيشوا زينا لأن رأس المال بتاعهم قليل مش زي التجار الكبار أقصي محل

ممكن يكون رأس المال بتاعه 5000 جنيه ده غير اللي قلت عليه سابقا وغير ان في تجار أخرين وللأسف جيرانهم

بيحرقوا أسعار كل حاجه ومش عايزينهم يشتغلوا وبيقولوا أحنا بنجر رجل الزبون قول مخالف للدين والشرع

فاكرين انهم لما هيعملوا كده الرزق كله هيجلهم لوحدهم فقط لا حول ولاقوة الا بالله العلي العظيم

[wesam_salom]

انا كنت فى القصه دى من سنه 99

لما كانت بتكسب بجد

بس كنت معتمد على شغل الجمله والمناديب اللى بتوزع لى وياما لبست اسود فى الخطوط

واكيد ياما ربنا اكرمنى فيها

وانسحبت منها فى 2007 بشكل كبير(من يوم موضوع الكارت ابو 10 بعشره)

لانى حسيت بنهايه المجال ده زى مجال الدش قبله

مفيش مكسب فيه ولا فى الكارت ولا الخط ولا الجهاز ودلوقتى ولا حتى الصينى

مفيش غير المستعمل والصيانه (ومش مع كل الناس)

ونهيت كل علاقتى بيها فى 2009 وحاليا فى مجال بعيد جدا عنها

حاليا مجال المحمول بيحتضر والمركب غرقت

الحق نط منها بسرعه

[ahmed-moga]

انا كنت فى القصه دى من سنه 99

لما كانت بتكسب بجد

بس كنت معتمد على شغل الجمله والمناديب اللى بتوزع لى وياما لبست اسود فى الخطوط

واكيد ياما ربنا اكرمنى فيها

وانسحبت منها فى 2007 بشكل كبير(من يوم موضوع الكارت ابو 10 بعشره)

لانى حسيت بنهايه المجال ده زى مجال الدش قبله

مفيش مكسب فيه ولا فى الكارت ولا الخط ولا الجهاز ودلوقتى ولا حتى الصينى

مفيش غير المستعمل والصيانه (ومش مع كل الناس)

ونهيت كل علاقتى بيها فى 2009 وحاليا فى مجال بعيد جدا عنها

حاليا مجال المحمول بيحتضر والمركب غرقت

الحق نط منها بسرعه

معاك حق ياوسام في كل اللي قلته وانا بالفعل دلوقتي بشوف نشاط تاني بس الناس دية هتعمل ايه