إعـــــــلان

Collapse

.

,
See more
See less

جماهير الزمالك ترفع أعلام الجزائر فى استاد المكس

Collapse
X
 
  • Filter
  • الوقت
  • Show
Clear All
new posts

  • #76
    المشاركة الأصلية كتبت بواسطة Terrible_DaRsH مشاهدة المشاركة

    ايهما افضل فى موسم 2009 \ 2010 , جمهور الاهلى و لا جمهور الزمالك ؟؟
    الاتنين زي بعض
    ده في رأيي المتواضع

    انا بتكلم فى 2009 \ 2010 و الاقى واحد بيقولى فاكر سنة معرفش كاااام !
    الأستاذ كايرو هو اللي قال الآتي:

    على فكرة انا بشجع كورة من سنة 78 ولاماتش ده لا شفته ولا سمعت عنه اي حاجة
    يعني هو اللي اضطرنا نرجع بالسنين لورا

    وعلى العموم يا سيدي الفاضل الاختلاف في الرأي لا يفسد للود قضية
    [CENTER]Me on Twitter
    @aliabutaleb[/CENTER]

    Comment


    • #77
      المشاركة الأصلية كتبت بواسطة أبو حمزة مشاهدة المشاركة
      الاتنين زي بعض :m_yes[1]:
      ده في رأيي المتواضع

      شكرا ابو حمزة ..

      Comment


      • #78
        شكرا يا استاذ حمزه
        و كان فيه ماتش كمان بتاع دوله افريفيه برضه على ارضنا و كان نفس الموضوع
        [CENTER][SIGPIC][/SIGPIC][/CENTER]

        [CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
        [CENTER][URL]http://www.nilemotors.net/Nile/101990-a.html[/URL][/CENTER]

        Comment


        • #79
          ياريت الاداره تقفل الموضوع علشان الاحتقان بين الجماهير مايزدش قبل الماتش
          وانا بجد وانا بنقل الموضوع ماكنتش اقصد اسئ للزمالكويه
          :dontudear:

          Comment


          • #80
            المشاركة الأصلية كتبت بواسطة nomercy22 مشاهدة المشاركة
            ياريت الاداره تقفل الموضوع علشان الاحتقان بين الجماهير مايزدش قبل الماتش
            وانا بجد وانا بنقل الموضوع ماكنتش اقصد اسئ للزمالكويه
            احتقان منين بس
            انا مصرى و ناديى المفضل الزمالك
            و اى مصرى هوه اخويا و حبيبى و مازعلش منه حتى لو اهلاوى:)
            مصر هتفضل غالية عليا
            -------------------------------
            الديك الحلبي هايفضل يدن لغاية ما يتدبح

            Comment


            • #81
              المشاركة الأصلية كتبت بواسطة human12 مشاهدة المشاركة
              احتقان منين بس
              انا مصرى و ناديى المفضل الزمالك
              و اى مصرى هوه اخويا و حبيبى و مازعلش منه حتى لو اهلاوى:)
              الله عليك بجد هو ده الكلام
              :dontudear:

              Comment


              • #82
                المشاركة الأصلية كتبت بواسطة crazylambada مشاهدة المشاركة
                على فكره فيه ماتش شهير جدا كانت جماهير الاهلي بتهتف ضد مصر على ارضها
                عفا الله عما سلف لما الغباء في الكوره بيشتغل ممكن تتوقع اي حاجه
                المشاركة الأصلية كتبت بواسطة أبو حمزة مشاهدة المشاركة
                ده تقرير لمباراة المنتخب مع ليل الفرنسي الودية
                والعجوز شوية هايتفكر إن في المباراة دي كان المدرب محسن صالح وتجرأ وكون منتخب من غير لاعبي الأهلي بحجة إعطائهم راحة، كان معظم الفريق من الزمالك والإسماعيلي

                فيه حادثة تانية لمباراة للمنتخب مع الدانمارك في مباراة ودية برضة بس مش لاقيلها فيديو
                اعتبرها كأن لم تكن مادام مش لاقيين دليل

                [youtube]http://www.youtube.com/watch?v=p7phwm-ieae[/youtube]
                يا ابو حمزة انت قلت ان جماهير لااهلى كانت بتهتف ضد مصر
                صد مصر
                وليس ضد اللاعبين او بعض اللاعبين
                وعلشان كدة قلت لك انى بشجع كورة من 78 ومشفتش الماتش ده
                وحضرتك جبت الفيديو من اليوتيوب
                وبغض النظر عن عنوان الفيديو او المقدمة المحترمة اللى بتتهم جماهير الاهلى انهم معندهمش وطنية وكان جمهور الاهلى ده اسرائيلي
                انا ركوت في الفيديو وشغلته 3 مرات مفيش صوت واضح فيه اي شتيمة للاعيبة او المنتخب او مصر
                واللاعبين في التقرير كلهم من لعيبة الزمالك وانت وضحتها لما قلت ان محسن صالح كان مستبعد لاعبي الاهلى بحجة اراحتهم
                وكل اللعيبة ومحسن صالح محدش فيهم قال ان الجمهور وعددهم كان اقل من 40 او 50 شخص شتموا مصر او هتفوا ضد مصر كل اللى قالوه انهم هتفوا ضد اللعيبة
                وفيه فرق كبير جدا بين ان الجماهير تهتف ضد بعض اللاعبين وانها تهتف ضد الدولة

                فيه حاجة كمان منظر حازم امام وهو بيشاور للجمهور انهم قابضين علشان يهتفوا ضد اللعيبة بايخ اوي ومكنتش اتخيل ان حازم ممكن يعمل كدة لانه من الناس المحبوبة جدا لكل الجماهير سواء جماهير الزمالك او جماهير الاهلى

                واعرفك باني فاكر الماتش ده كويس
                ايامها محسن صالح استبعد التوام وكانوا لسة بيلعبوا في الاهلى وفي عز مجدهم وراحوا الاتنين للراجل على بيته ووقفوا تحت البيت وفضلوا يشتموه ويسبوه لغاية ما طلب لهم الشرطة وكانت فضيحة واتوقفوا سنة بسببها وطلع محسن في التليفزيون وعيط وكانت زوجته الله يرحمها لسة متوفية وقال انهم سبوها وبكي على التليفزيون وساعتها طلع عليه محسن ابو دمعة برغم اني شايف انه كان من المدربين المحترمين وقتها

                المشاركة الأصلية كتبت بواسطة human12 مشاهدة المشاركة
                شكرا يا ابو حمزه
                عشان بس الناس يتنسى
                ننسي ايه بس يا باشا ما انا حللت الفيديو فوق مفيش شتيمة للبلد ولا حاجة

                المشاركة الأصلية كتبت بواسطة human12 مشاهدة المشاركة
                يعنى الراجل عارض الموضوع بمنتهى التواضع و منتهى الهدوء ابو حمزه نقل الفيديو اللى شكك فيه الاستاذ كايرو انه موجود

                الفيديو موجود لكن ليس فيه ما قاله اخونا ابو حمزة من ان جماهير الاهلى هتفت ضد مصر

                ولما ينشره تقولوا انا عندى جيجا فضايح - على فكره المناقشه مش عن فضايح الزمالك المناقشه عن فضايح الاهلى التى يتم التكتم عليها و بعد ذلك انكارها و بعد ذلك تفخيم و تعظيم الذات على فريق و جمهور زيه زى الباقى ان لم يكن اكثر تطرفا

                و ايه المشكله ان يبقى فيه فضايح
                كلنا عارفين ان فيه كل الناس فيهم الكويس و فيهم الوحش

                في دي عندك جق طبعا

                بس احنا مش بنقول ماحصلش و ننكر فى حاجات كلنا شوفناها

                لا يا باشا احنا مش بنجيب فيديو ونقول ان فيه حاجة غير الموجودة بالفعل


                الراجل الزملكاوى راجل اختار ببصيرته انه ماينفعش يشجع الاهلى - الاهلاوى فى المعظم بيشجعوا الاهلى عشان هوه بيكسب!!!
                ههههههههههههههههههههههههههه
                والله انت عسل يا هيومان
                يعني جمهور الزمالك اختار يشجع الزمالك ببصيرته
                ليه
                هما جمهور الزمالك عندهم نفحات صوفية ولا ايه ؟
                وبعدين يا سيدي احنا شجعنا الاهلى وهو مكتسح الدوري في التمانينات والتسعينات وشجعناه لما وقع اخر التسعينات واول الالفية وشجعناه وهو كسبان من 6 سنين ومكسح الكل
                يعني مش محدثين تشجيع او بنشجع علشان كسبان
                ولعلمك معظم الاهلاوية كانوا فاقدين الامل في اي بطولة السنة دي على الاقل ويمكن الجاية كمان بسبب مشي خوزيه وكبر اعمار اللاعبين الاساسيين وانخفاض مستواهم واصابة معظمهم
                وخصوصا ان الزمالك عمل صفقات نارية اول الموسم بعمرو زكي وميدو
                لكن والله من اول ما شفت الاتنين قلت يبقي الدوري للاسماعيلي لاسنة دي
                يقوم ربك يشاء الزمالك ينهار والاسماعيلي كالعادة وبدون مبررات ينهار
                وحسام البدري يقدر يوصل لتوليفة من الناشئين في معظمها ياخد بيها الدوري
                اقولك ايه بس
                ارزاق

                المشاركة الأصلية كتبت بواسطة أبو حمزة مشاهدة المشاركة
                انا مقتنع إن جمهور الأهلي زيه زي جمهور الزمالك زي أي جمهور في العالم
                فيه الكويس وفيه العكس
                ومش شايف داعي إننا نضفي صفة الملائكية على حد منهم
                وكل الجدال اللي احنا فيه ده مش شايف له أي داعي
                ولا جمهور الزمالك أحسن ولا جمهور الأهلي أحسن
                واليوتيوب مليان مصايب من الجانبين
                الفيديو اللي انا حطيته الفيديو كان رد على كلام الأستاذ cairo2005 اللي حسيت في كلامه شك في كلام crazylambada
                كلامك كله صح يا او حمزة
                بس بردو الفيديو مفيش فيه شتيمة لمصر زي انت ما قلت و ده اللى خلاني شككت في الكلام
                وراجع الفيديو مفيش شتيمة لمصر مصر الدولة

                المشاركة الأصلية كتبت بواسطة human12 مشاهدة المشاركة
                احتقان منين بس
                انا مصرى و ناديى المفضل الزمالك
                و اى مصرى هوه اخويا و حبيبى و مازعلش منه حتى لو اهلاوى:)
                ايوة كدة
                نختلف نهاجم اراء بعض يحصل بيننا اي حاجة بس في الاخر نرمي اي حاجة ورا ضهرنا ويفضل الاهم يجمعنا اننا كلنا مصريين
                [SIGPIC][/SIGPIC]

                Comment


                • #83
                  ياجماعة والله مالوش لازمة كل ده بجد بدون تعصب كده كده الأهلى واخد الدورى ان شاء الله وبعدين المفروض ما نستفزش الجمهور المصرى برفع علم الجزائر احنا ماصدقنا ان الأمور هدأت شوية فاياريت بلاش تعصب

                  Comment


                  • #84
                    أهلي ايه وزمالك ايه شفتم ماتش برشلونه ودوبرتيفو في الدوري الاسباني النهارده ميسي ابدع ويايا توريه اتفرجوا على الماتشات دي وامتعوا وشوفوا الروح الرياضيه بعد الماتش كلهم بيسلموا ويحضنوا بعض ولا كأن حد فاز او خسر اتعلموا منهم وسيبكم من الدوري المصري لان مستواه الفني والاخلاقي بقى وضيع جدا
                    (( ومن يتق الله يجعل له مخرجا ويرزقه من حيث لا يحتسب ))

                    Comment


                    • #85
                      معلش هو الكلام كتير، بس يارت تقروه للأخر
                      ---------------------------------
                      أنا عاوز حضرتكم بس تشوفوا الشد والجذب اللى تم ما بين مشجعى الفرقتين (الأهلى والزمالك)، مع العلم ان 98% من أعضاء المنتدى محترم، ومع ذلك فى عضو ولا أتنين اتخذفت مشاركتهم، والحمد لله مولعوش الدنيا، لان أغلينا عارف بعضه، ان مكنش فى الحياة ففى النت ومشركاته

                      السؤال هو، هل لو كان الوضع مختلف، بمعنى اشخاص تانين من المتعصبين، هما اللى كانوا بيتكلموا هنا، كان هيبقى هو دة الوضع اللى موجود حاليا؟؟؟؟؟؟؟

                      اظن كان زمان الموضوع مقفول من اول صفحة وطرد اللى أشتركوا فيه

                      وكان كل طرف هيخرج من المناقشة ان اللى قدامه دة كائن اقل منه، مع ان لا دة عاشر دة ولا دة يعرفه

                      مثال تانى، بنشوف فى الشارع، واحد خبط واحد، تلاقى واحد من الأتنين نازل يزعق ومعلى صوته وعاوز يتخانق (ظاهرة صوتيه فقط) خوفا من ان اللى قدامه ينزل يكله (خدوهم بالصوت)

                      لو كان فى احتمال ان الطرف التانى ينزل ويتأسف، او يتنازل عن حقة، فالأحتمال دة غالبا بيروح، لانه بيخاف من اللى شافه من اللى قدامه، وبينزل يزعق هو كمان، مع ان ده مش بتع زعيق والتانى كانت نيته صفية

                      المثالين اللى فاتوا يوضحوا وجهة نظرى بين الموقف اللى حصل بين دولتين، المفروض ان اللى مابنهم اكبر من ماتش كورة

                      ياريت وجهة نظرى تكون واضحة ووصلت :)



                      المشاركة الأصلية كتبت بواسطة ghazy12 مشاهدة المشاركة
                      و نرجع و نقول بردو مش كل الجزائريين, لكن معظمهم بس........!!!

                      مافيش حد سأل نفسه هو ليه مافيش حد ( كمسؤلين ) في الجزائر وقف الجريده دي؟؟؟
                      طيب ليه ولا واحد من ( العقلاء ) أو ( المثقفين ) احتج, او اعترض على الجريده؟؟؟؟

                      لا حياة لمن تنادي....
                      نفس الموقف حضرتك حصل هنا، هجوم فظيع من الأعلان بتعنا وسب وشتيمه فيهم، ومحدش مسؤل اتكلم

                      وانا اعرف ناس من الجزائر، قمة فى الاحترام، بس بعد اللى شافوه دة، زعلوا جدا وقررو انه مش هيشوفوا قنوات مصرية، ووصل الامر انهم فى وقت مكنوش قدرين يكلمونى، وعزرهم معاهم، بسبب الشحن اللى عندهم، ووضاعة بعض الاعلاميين عندنا واللى بأسلوبهم اكسبوا منشور مثل الشورق مصداقية كاذبة

                      يكفى ان علاء مبارك خرج فى تصريح على الدش فى ساعة ثورة.

                      بلاش ياجماعة نخليهم يوقعونا فى بعض ، الاجيال الجاية هى اللى هتبقى فى ورطة وازمة، بسبب ان جيلنا لم يتعامل مع الموقف بأسلوب الصحيح
                      خلونا نتعلم من التاريخ :)
                      [CENTER]:brn:
                      [/CENTER]

                      Comment


                      • #86
                        زار حسن حمدى رئيس النادى الأهلى، نظيره بنادى الزمالك ممدوح عباس داخل أحد مستشفيات 6 أكتوبر، حيث يرقد حالياً بعد إجرائه عملية جراحية لإزالة تجمع دموى فى الرأس، وظل رئيس الأهلى بجوار عباس لمدة ساعة كاملة بقى خلالها معه داخل غرفته المتواجد بها داخل المستشفى.

                        فيما كانت المفاجأة التى لم يتوقعها عباس قيام مرتضى منصور رئيس الزمالك الأسبق بإرسال باقة ورد إليه بالمستشفى متمنياً له الشفاء السريع ، بالرغم من خلافه الشديد مع رئيس النادى الحالى ووجود قضايا بين الطرفين فى المحاكم، أبرزها الطعن المقدم من مرتضى منصور ببطلان نتيجة الانتخابات الأخيرة والذى سيتم النظر فيه يوم 18 إبريل الجارى.
                        مصر هتفضل غالية عليا
                        -------------------------------
                        الديك الحلبي هايفضل يدن لغاية ما يتدبح

                        Comment


                        • #87
                          مقااال راااائع من أحمد سعيد على موقع فيلجول، ولا أجدعها طبيب نفسي

                          "طريقة" الأهلاوية .. و"شُغل" الزمالكوية!

                          كريم شاب في العشرينات من عمره أو أقل، يقود سيارته بقدر من التهور مثل أغلب المصريين في سنه، يكسر على سيارة بجانبه فيواجه سؤالا من رجل وقور في المقعد الخلفي عن سبب هذه الرعونة. من الرد، تستطيع أن تحدد بسهولة إذا ما كان كريم سيجلس "تالتة شمال" أم "تالتة يمين" في لقاء القمة!

                          فإذا كان رد كريم من نوعية "هو أنا لسه هاستناه" أو "اللي خايف يمشي على جنب" فغالبا هو من جمهور الأهلي، أما إذا كانت إجابته من قبيل "هو اللي كسر علي الأول" أو "طول ما الواحد ماشي بالذوق مش هياخد حقه" فإن الاحتمال الأكبر أنه من مشجعي الزمالك.

                          ويتفق الجمهوران في حماسهما الشديد لفريقيهما، والدفاع المستميت عنه في كافة المواقف، وذاكرة حديدية لكل الأحداث التي تؤكد صحة موقفه وخطأ المنافس يدعمهم في ذلك بالطبع أرشيفيا إلكترونيا يتضمن صورا وأخبارا ومقاطع فيديو على المنتديات البيضاء والحمراء.

                          ولكن يظل لكل جمهور خصائصه، وأسلوب تفكيره، وردود أفعاله التي غالبا ما تكون متوقعة فيما يتعلق بكرة القدم وبغيرها، خاصة لدى المتعصبين من الجانبين.

                          تالتة شمال

                          نعود إلى كريم. ردود العينة الأولى تحمل قدرا من التعالي المعروف عن الشخصية الكروية الأهلاوية. فجماهير الأهلي تبدأ أي نقاش رياضي من هضبة أعلى من مستوى سطح الأرض التي يقف عليها مشجعو الأندية الأخرى.

                          فالإسماعيلي ليس ندا لهم لأن كل تاريخه لا يتجاوز ثلاث بطولات في الدوري، والزمالك لا يرقى إلى مستواهم بسبب بطولاته المحلية "التي تنافس عدد بطولات أسامة عرابي" مثلما يحلو لهم دائما المزاح. وحتى بطولات إفريقيا، فالأهلوية يرون أن غريمهم الأبيض فاز بها فترة التسعينات لأن الأهلي لم يكن مشاركا.

                          ويظهر هذا الأمر جليا في عبارة حادة كالسيف يشهرها أنصار النادي الأحمر في وجوه كل من يعارضهم أو حتى يناقشهم وهي "الأهلي فوق الجميع". هم يعلمون جيدا أن هذه العبارة هي شعار انتخابي تم إطلاقه في فترة ما ويقصد به أن الأهلي كناد ومؤسسة فوق جميع أعضائه والمنتسبين إليه كأفراد، ولكنها أصبحت تعميما يصح – في نظرهم – على جميع أفراد الأمة الكروية.

                          الأهلاوية أيضا لا يتقبلون النقد. فهم مؤيدون دائما وأبدا لما يقوله أو يقرره قادتهم سواء رئيس النادي أو المدير الفني أو كابتن الفريق، ويرون في أي اختلاف أو انتقاد للأهلي نوعا من الجهل أو الغيرة من الانتصارات والإنجازات المتتالية.

                          فأنصار الأهلي يعتقدون أن مجلس الإدارة أدرى بمصلحة الفريق، وأن رأس الجهاز الفني لا يخطئ أبدا (ما كان ينطبق على جوزيه أكثر من انطباقه على البدري الآن)، وأن كل تصريح يصدر عنهم هو الحقيقة كاملة، وكل قرار يتخذونه هو عين الصواب، والأهم أن كل من يخالف هذه الاعتقادات يعتبر "حاقد" وهي الكلمة الأكثر استخداما في وصف الأشخاص من غير حاملي الجنسية الأهلوية.

                          ولكن الأمر يتغير كثيرا حينما يكونون في غرفة مغلقة تم التأكد من الهوية الأهلوية لجميع الموجودين فيها، فحينها مسموح الانتقاد والاقتراحات والاعتراضات التي تم وصمها بـ"الحقد" عندما جاءت من شخص غير أهلاوي.

                          ولكن تظل قيم الأهلي، التي يعلن مسؤولو النادي أنها دستور عملهم في كل مناسبة، هي حجر الزاوية في علاقة الجماهير بناديهم، وكأن الأندية المنافسة باعت الغالي والرخيص في سبيل تحقيق مكاسب، لا يستطيعون حتى الوصول إليها في النهاية.

                          ويفتخر كثير منهم بالانتماء إلى النادي الأهلي لأنهم يرونه المؤسسة الكاملة الوحيدة في مصر، كونه يجمع بين النجاح "والمبادئ والأخلاق" في ظل سحابة من الفساد تسيطر على نظام سياسي واقتصادي واجتماعي، وبالتالي فإنه يمنحهم نموذجا في كيفية الوصول إلى القمة من دون التخلي عن مبادئهم وأخلاقهم.

                          فإذا طالبك أحدهم أثناء خلاف في الرأي أن تتوقف عن "طريقة الأهلاوية" في النقاش، فإنه يعني كل ما سبق أو جزءا منه، أما إذا قال لك شخص آخر "بطل شُغل الزمالكوية ده" فإنه يعني أمورا مختلفة تماما.

                          فإذا طالبك أحدهم أثناء خلاف في الرأي أن تتوقف عن "طريقة الأهلاوية" في النقاش، فإنه يعني كل ما سبق أو جزءا منه.

                          تالتة يمين

                          أما إذا قال لك شخص آخر "بطل شُغل الزمالكوية ده" فإنه يعني أمورا أخرى، أولها البحث الدائم عن مبررات للأخطاء بدلا من الاستماع إلى النقد والتدبر فيه. فمن زاوية نظرهم، ضعف نتائج الزمالك تاريخيا يعود إلى اهتمامه باللعبة الحلوة أكثر من الفوز، وسوء الأداء أمام فريق ضعيف يعود إلى الإرهاق أو الغيابات ... إلخ.

                          فصعب للغاية أن تجد جماهير الزمالك معترفة بسوء أداء فريقها، أو باستحقاقه الهزيمة، أو بمشاكله المزمنة من دون تذييل هذا الاعتراف بعبارة "بس برضه الزمالك مظلوم ومحدش واقف معاه".

                          هذه المبررات مع تكرارها وتزايدها تمت صياغتها واختصارها في كلمتين هما "الاضطهاد والمؤامرة" وهما كلمتان لا يخلو منهما أي خطاب زمالكاوي، سواء كان صادرا عن مشجع أو عن مسؤول.

                          فالزمالك موضع اضطهاد من مجالس الإدارات المتعاقبة للاتحاد المصري للكرة، ومن الإعلام المسموع والمقروء، ومن الحكام، ومن الاتحاد الإفريقي، ومن جوزيف بلاتر نفسه إذا لزم الأمر، ويتحول هذا الاضطهاد إلى مستوى المؤامرة إذا ظن مشجعو الزمالك أن أكثر من طرف يشترك فيه ضد ناديهم.

                          المثير أن المؤامرة كلمة تتردد أيضا عند مناقشة القضايا الداخلية بين الزمالكوية بعضهم البعض. فالحديث عن مشاكل الزمالك غالبا لا يخلو من الإشارة إلى مؤامرات من اللاعبين الكبار ضد الوجوه الجديدة، أو من أبناء النادي على المدرب الأجنبي، أو من أعضاء سابقين في مجلس الإدارة ضد من يخلفونهم في المنصب.

                          ورغم كل ما سبق، فإن الزمالكوية يركزون مجمل طاقاتهم على كشف المؤامرات التي يعتقدون أنها تحاك طوال الوقت ضد ناديهم بدلا من تركيز الجهود في تدعيم موقف الزمالك، وهو ما يفسر أيضا بحثهم الدائم عن رجل حديدي يتصدى للمتربصين بالزمالك ويقاتل من أجل رفع الظلم عنه.

                          ولكن إذا كان منطقيا أن تصرخ الأندية الصغيرة من الظلم، فإن الأمر لا يليق بالزمالك، الذي يمتلك جماهيرا ضخمة، واسما رنانا، وتاريخا عريقا، وكل مقومات النجاح وعلى الرغم من كل ذلك فإنهم دائما يقعون ضحية لمؤامرات جديدة بدل من فرض أنفسهم على الساحة من خلال نتائجهم وبطولاتهم وقوتهم المالية والتسويقية.

                          نظريات التآمر والاضطهاد تجر الزمالكوية إلى الحديث عن منافسيهم أكثر من الحديث عن أنفسهم. فكل الطرق تؤدي في النهاية إلى الأهلي، وكيف يفوز بالحكام، ويفرغ الأندية من نجومها، ويسيطر على الإعلام والفلوس والسلطة لأنه ناد الحكومة والحزب الوطني ومؤسسة الأهرام.

                          ولكن المجهود الذي يبذله الزمالكوية في الكشف عن الأسباب غير الشرعية - من وجهة نظرهم - لاحتكار الأهلي للبطولات والانتصارات يمكنهم به حل كافة مشاكل النادي الأبيض عبر تاريخه إذا وجه هذا المجهود إلى ناديهم.

                          --

                          السؤال الآن: هل سيظل كريم على تعاليه وتكبره، أم يلجأ إلى مبررات واهية لتفسير تصرفه، أم يقرر يوم الجمعة المقبل أن يلتزم بآداب القيادة التي يحافظ عليها في يناير وفبراير كل عامين حينما يضع أمامه اللون الأسود إلى جانب الأبيض والأحمر ليشكلوا علم وطن نعشقه جميعا؟

                          [CENTER]Me on Twitter
                          @aliabutaleb[/CENTER]

                          Comment


                          • #88
                            زار حسن حمدى رئيس النادى الأهلى، نظيره بنادى الزمالك ممدوح عباس داخل أحد مستشفيات 6 أكتوبر، حيث يرقد حالياً بعد إجرائه عملية جراحية لإزالة تجمع دموى فى الرأس، وظل رئيس الأهلى بجوار عباس لمدة ساعة كاملة بقى خلالها معه داخل غرفته المتواجد بها داخل المستشفى.

                            فيما كانت المفاجأة التى لم يتوقعها عباس قيام مرتضى منصور رئيس الزمالك الأسبق بإرسال باقة ورد إليه بالمستشفى متمنياً له الشفاء السريع ، بالرغم من خلافه الشديد مع رئيس النادى الحالى ووجود قضايا بين الطرفين فى المحاكم، أبرزها الطعن المقدم من مرتضى منصور ببطلان نتيجة الانتخابات الأخيرة والذى سيتم النظر فيه يوم 18 إبريل الجارى.
                            شكراا يا طارق بك على الخبر و تسلم ايدك... و والله العظيم هو ده المطلوب من كل الناس...

                            الروح الطيبه بغض النظر اهلاوي او زملكاوي او اسمعلاوي او اي حاجه تانيه....

                            أنا بشجع النادي بتاعي, و انت كمان, و في الاخر احنا اخوات و حبايب و مافيش بيننا اي ضغائن
                            [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                            [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                            [CENTER][SIGPIC][/SIGPIC][/CENTER]

                            Comment


                            • #89
                              اصلا حسن حمدى و ممدوح عباس اصحاب و على طول مع بعض ههههههه

                              المشكلة كلها فى ابن الزمالك مرتضي منصور هو اللى كان مفاجاة , و كمان شكله راح غصب عنه لان تقريبا محدش فى مصر كلها بقي طايقه .

                              Comment

                              Working...
                              X