إعـــــــلان

Collapse

.

,
See more
See less

المعيشة أبو ظبي

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    المعيشة أبو ظبي

    السلام عليكم

    في حد عندو معلومات عن ظروف المعيشه في أبو ظبي , مثلاً أسعار اجارات الشقق ، السيارات ، المعيشة عامةً هناك.

    يعني لو إنت و أسرتك مكونة من أربع أفراد محتاج كام في الشهر عشان تعيش حياه كريمه، و إيه أخبار المدارس كمان هناك
    الكلمات الدلالية (Tags): أبو, المعيشة, عبد
  • #2
    مفيش حد عندو أي معلومات ؟؟؟

    Comment

    • #3
      بص انا ماعرفش دلوقتى كام بس لما كنا قاعدين هناك سنة 1996 كنا بندفع ايجار الشقة 74000 درهم فى السنة(مجمع الشيخ زايد اللى جنب الجمعية السياحية التعاونية) و كنا فى مدرسة اسمها الظفرة الدولية كنا بندفع فى ابتدائى 3500 درهم للنفر (كنا ثلاث انفار)- لو على التعليم امتحنهم فى السفارة -
      اسعار الاكل و اللبس تقريبا قريبة من هنا (ساعتها)
      العربيات ارخص بكتير جدا هديك مثال اللوجان هناك الفل اوبشن ب 40000 درهم لسة نازلة من يومين
      (اسعار الحاجات سالت الحاجة عليهم عشان طبعا انا مافتكرش الكلام ده)

      الخلاصة بجد يا تحوش لوحدك
      يا تعيش اهلك عيشة كريمة بس من غير تحويش(غير لو المرتب بسم الله ماشاء الله عالى (دكتور او مهندس))
      [CENTER]لكل فاسد في بلادي سجن .... طره بينادي
      [/CENTER]

      Comment

      • #4
        جزاك الله خيراً على الإجابه، المشكلة إن الأسعار ده قديمه شويه و أكيد حصل تغيرات

        Comment

        • #5
          متابع باهتمام شديد....
          [CENTER][COLOR=darkred][SIGPIC][/SIGPIC][/COLOR][/CENTER]

          [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

          [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

          [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

          Comment

          • #6
            بص يا باشا

            مؤخرا تكاليف المعيشة في ابو ظبي بقت مرتفعة جدا بالمقارنة بدبي .....

            لو العمل في ابو ظبي قريب من الحدود مع دبي ممكن تروح و ترجع كل يوم و هتوفر جامد

            مش عايز اقول لك ان فيه شركات باكملها دلوقتي بتشتري مباني في دبي و تبيع في ابو ظبي و تنقل من باب التوفير على الشركة (فرق سعر المبنى) + التوفير على الموظفين (نفس المرتب بس اسعار اقل)

            في دبي دلوقتي انت عشان تاخد شقة 3 غرف في مكان متوسط ممكن تاخدها بحوالي 6000 او 7000 درهم في الشهر

            ابو ظبي الاسعار بتزيد عن دبي من 25% إلى 50% حسب المنطقة

            السيارات رخيصة جدا فعلا و ده معروف ...... و المستعمل رخيص موووووووووووز .... بس قطع الغيار و الصيانات ناااااااااااااااااااارررررررر

            البنزين غالي جدا مقارنة بباقي دول الخليج و عادي مقارنة بمصر ..... اقل نوع بنزين عندهم 95 سعره 1.37 درهم لكل لتر يعني 2.12 جنيه (هنا ب 2.75) .....

            الخدمات الطبية كلها غالية جدا من ادوية و علاج و اطباء .... لو التامين الصحي مش مغطيك انت و المدام و الاولاد تغطية شاملة بدون اي تحملات يبقى لازم تعوض ده بالتفاوض على مرتب اعلى ...... على سبيل المثال علبة دواء حموضة باجيبها هنا في مصر ب 73 جنيه سعرها هناك 300 درهم (450 جنيه) ..... تحليل الحمل الكمي هنا في اتخن حتة في مصر ب 60 جنيه هناك ب 300 درهم !!! ..... و هكذا

            المدارس برضه فيه شركات بيدوا حاجة اسمها Schooling allowance عشان تدخل بيه اولادك المدارس ..... ممكن تسال في النقطة دي .....

            هناك طبعا لازم تبقى عارف ان الفلوس مالهاش قيمة زي هنا ..... ممكن تنزل قهوة بلدي تاخد حجر و لا حجرين و بيبسي و قزازة مية و تدفع 90 درهم يعني 130 جنيه !!! ..... و ده العادي هناك .... الاكل برة غالي و الفسح غالية

            اللبس لو مقاساتك كبيرة هيبقى شبه مستحيل تلاقيه هناك و لازم تاخد من هنا

            لبس المدام لو محجبة لازم تاخده من هنا برضه لان هناك مفيش غير عبايات سودة بترتر او لبس غير محجبات :)




            و من الاخر ..... لو مش هتعيش نفس عيشتك هنا او أحسن + تحوش قرش حلو يبقى بلاها خالص .... انا كنت زمان بافكر اني لو سافرت هاقرط على نفسي و اربط الحزام عشان احوش .... واحد صاحبي مسافر اقنعني ..... قال لي هتتخنق و هتقرف ..... انت تسافر على مرتب يعيشك نفس عيشتك في مصر او احسن + تحويش و الا مالهاش لزمة و لو على الخنقة اخنق نفسك في مصر و حوش ..... و مش ناقصاها فلان رايح الامارات و فلان جاي من الامارات و تبقى الناس هارياك قر و انت اصلا خانق نفسك اخر حاجة عشان تحوش .....
            [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

            [URL="https://goo.gl/30fu9U"]Registered Migration Agent - MARN 1575106[/URL]
            [/COLOR][/CENTER][/SIZE]

            Comment

            • #7
              اخى العزيز

              انا مقيم فى ابوظبي من 4 سنوات ونص تقريبا ( يااااه وقت طويل )

              الاسره الكريمة مكونه من 4 اشخاص فانت محتاج شقة غرفتين ومجلس (الصالة بيقولوا عليها مجلس لانها بتبقى غرفة كبيره مغلقه)

              اسعار الشقق الغرفتين وصالة فى رينج 110 ل 120 الف درهم ايجار سنوى وده داخل جزيرة ابوظبي

              لو خارج الجزيره زى منطقه المصفح ، محمد بن زايد ، خليفة يعنى تقريبا من 30 ل 40 دقيقة لوسط المدينة اسعار الغرفتين وصالة رينج 70 ل 90 الف درهم

              بالنسبه للمعيشه من اكل وشرب بالنسبة ل 4 اشخاص تقدر تقول من 3 - 4 الالف درهم

              ترفيه وخروج وتسوق ممكن تقول الف درهم شهريا

              ام المدارس الحقيقة معرفش حاجة عنها لان بنتى لسه عندها 6 شهور

              لكن من السمع كده الطفل ممكن يكلف 10 -12 الف فى السنة

              يعنى بتتكلم فى الفين درهم شهرى مدارس للطفلين

              قسط عربيه حوالى 1500 درهم

              امارة ابوظبي التامين الصحى فيها اجبارى

              كده كده الشركه لازم تعملك التامين الصحى

              لو شركه محترمة هتعملك التامين الصحى للاسره

              وطالما التامين الصحى موجود يبقى انسى اى تكاليف طبيه او علاج

              تعالى نعيد الحسبة من تانى

              سكن 8 - 10 الاف
              عربيه 1.5 - 2 الف
              اكل وشرب وخروج وفسح 4 -5 الاف

              المعيشه الكريمه فى ابوظبي من 13.5 الف الى 17 الف درهم


              فنصيحة من اخ

              ان كان الراتب المعروض اقل من 16 الف درهم فبلاش

              او تعالى لوحدك

              او ممكن تجى انت والاسره بس هتبقى عايش مخنوق علشان توفر وتحوش

              لو عاوز اى استفسار انا تحت امرك
              [CENTER] [/CENTER]

              Comment

              • #8
                المشاركة الأصلية كتبت بواسطة محمد عز مشاهدة المشاركة
                المعيشه الكريمه فى ابوظبي من 13.5 الف الى 17 الف درهم


                فنصيحة من اخ

                ان كان الراتب المعروض اقل من 16 الف درهم فبلاش
                انا رأيي 25 الف عالاقل ..... لسبب بسيط ..... لو المعيشة زي ما حضرتك قلت من 13 الى 17

                حضرتك نسيت طبعا مدرستين للطفلين يعني 4000 شهريا

                مع مصاريف نثرية بتاعة 1000 كمان (بنزين على لبس على اي حاجة)

                مع تحويش لنزولة مصر و هداياها و مصاريفها قول 500 كل شهر

                يعني بتتكلم في 17 + 4 مدارس + 1500 نثريات و نزولة مصر = 22500

                يبقى لو اقل من 25 مالهاش لزمة ...... 25 هتخليه يعيش كويس و يدخل ولاده مدارس و يحوش عالاقل 2000 او 3000 درهم شهريا يعني حوالي 3000-4000 جنيه ...... اقل من كده يبقى مالهاش تلاتين لزمة الصراحة
                [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                [URL="https://goo.gl/30fu9U"]Registered Migration Agent - MARN 1575106[/URL]
                [/COLOR][/CENTER][/SIZE]

                Comment

                • #9
                  حضرتك نسيت طبعا مدرستين للطفلين يعني 4000 شهريا
                  المدارس هتتكلف الف لكل طفل شهرى يعنى الفين شهرى للطفلين

                  هتخلينا نعيد الحسبة من تانى :) يا أحمد

                  متقفلهاش فى وش الراجل

                  خلينا نقول جمله شهيره وانت قلتها فى المداخلة الاولى

                  لو انت عايش حياه كريمه فى مصر (مرتاح ، مبسوط وما الى ذلك من المسميات) وبتقدر تحوش ومعاك قرش تسند عليه وقت الازمات (مرض ، عمليه وما خلافه) يبقى بلاش منها الغربه
                  [CENTER] [/CENTER]

                  Comment

                  • #10
                    المشاركة الأصلية كتبت بواسطة محمد عز مشاهدة المشاركة
                    المدارس هتتكلف الف لكل طفل شهرى يعنى الفين شهرى للطفلين

                    هتخلينا نعيد الحسبة من تانى :) يا أحمد

                    متقفلهاش فى وش الراجل

                    خلينا نقول جمله شهيره وانت قلتها فى المداخلة الاولى

                    لو انت عايش حياه كريمه فى مصر (مرتاح ، مبسوط وما الى ذلك من المسميات) وبتقدر تحوش ومعاك قرش تسند عليه وقت الازمات (مرض ، عمليه وما خلافه) يبقى بلاش منها الغربه


                    كلام الناس العقلين
                    [CENTER][SIZE="3"]حسبى الله ونعم الوكيل :36_2_33: [/SIZE][/CENTER]

                    Comment

                    • #11
                      المشاركة الأصلية كتبت بواسطة محمد عز مشاهدة المشاركة
                      المدارس هتتكلف الف لكل طفل شهرى يعنى الفين شهرى للطفلين

                      هتخلينا نعيد الحسبة من تانى :) يا أحمد

                      متقفلهاش فى وش الراجل

                      خلينا نقول جمله شهيره وانت قلتها فى المداخلة الاولى

                      لو انت عايش حياه كريمه فى مصر (مرتاح ، مبسوط وما الى ذلك من المسميات) وبتقدر تحوش ومعاك قرش تسند عليه وقت الازمات (مرض ، عمليه وما خلافه) يبقى بلاش منها الغربه
                      ماشي يا باشا ما فرقتش كتير يعني هنشيل 2000 ..... ماهو برضه فيه تحسب لاي ظروف ..... صيانة العربية ..... سفرية مفاجأة لمصر .... الخ .... ما ينفعش نحسبها دايما بالسحتوت .....


                      و الله انا مش باقفلها في وشه بس فعلا مش عايز ييجي له احباط اما يسافر ....


                      و لو عايش عيشة كريمة هنا حتى لو ما بتحوشش ابرك من الغربة بدون تحويش برضه .....

                      طبعا لو لا قدر الله الواحد هنا مش عارف يعيش و مش عارف يركب عربية و مش عارف يدخل عياله مدرسة نضيفة الخ الخ الخ و في المقابل هيسافر هناك يعيش عيشة احسن من غير ما يحوش يبقى السفر احسن طبعا ..... بس لو مستورة هنا و مستورة هناك و مفيش تحويش لا هنا و لا هناك يبقى هنا طبعا احسن
                      [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                      [URL="https://goo.gl/30fu9U"]Registered Migration Agent - MARN 1575106[/URL]
                      [/COLOR][/CENTER][/SIZE]

                      Comment

                      • #12
                        المشاركة الأصلية كتبت بواسطة أحمد كمال مشاهدة المشاركة
                        انا رأيي 25 الف عالاقل ..... لسبب بسيط ..... لو المعيشة زي ما حضرتك قلت من 13 الى 17

                        حضرتك نسيت طبعا مدرستين للطفلين يعني 4000 شهريا

                        مع مصاريف نثرية بتاعة 1000 كمان (بنزين على لبس على اي حاجة)

                        مع تحويش لنزولة مصر و هداياها و مصاريفها قول 500 كل شهر

                        يعني بتتكلم في 17 + 4 مدارس + 1500 نثريات و نزولة مصر = 22500

                        يبقى لو اقل من 25 مالهاش لزمة ...... 25 هتخليه يعيش كويس و يدخل ولاده مدارس و يحوش عالاقل 2000 او 3000 درهم شهريا يعني حوالي 3000-4000 جنيه ...... اقل من كده يبقى مالهاش تلاتين لزمة الصراحة
                        +11111111111

                        مؤيد جداا لرأي أحمد بك كمال, و رأي محمد باشا عز طبعا لأنه عايش هناك بالفعل...

                        أنا كان في دماغي فكرة السفر بعد التخرج بسنه, و كنت بفكر في أبوظبي, البحرين, قطر...

                        كان ممكن اسافر بمرتب كويس قوي قطر, لكن زي ما قالولك الأعضاء الأفاضل,
                        لو مش هتعيش مرتاح و توفر قرش كمان, يبقى بلاش احسن سفر و غربه,
                        و والله العظيم بلدك بكل قرفها هتبقى أولى بيك, و بأسرتك....

                        و اسأل مجرب..... استخير ربنا و شوف الأنسب و الأصلح ليك ايه, و توكل على الله

                        بس يا ريت توضحلنا, هو حضرتك بتشتغل ايه, او كنت طالع على أي وظيفه؟؟؟
                        [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                        [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                        [CENTER][SIGPIC][/SIGPIC][/CENTER]

                        Comment

                        • #13
                          المشاركة الأصلية كتبت بواسطة محمد عز مشاهدة المشاركة
                          المدارس هتتكلف الف لكل طفل شهرى يعنى الفين شهرى للطفلين

                          هتخلينا نعيد الحسبة من تانى :) يا أحمد

                          متقفلهاش فى وش الراجل

                          خلينا نقول جمله شهيره وانت قلتها فى المداخلة الاولى

                          لو انت عايش حياه كريمه فى مصر (مرتاح ، مبسوط وما الى ذلك من المسميات) وبتقدر تحوش ومعاك قرش تسند عليه وقت الازمات (مرض ، عمليه وما خلافه) يبقى بلاش منها الغربه
                          فعلا - لو الحال ماشي هنا يبقي بلاها الغربه والبهدله

                          انا لما رحت ابو ظبي كنت حاسس اني في بوبماي وكنت بتحسر كل مااشوف اشكال الاماراتيين وخصوصا الشباب

                          مره حصل قدامي موقف وكانت بنت اماراتيه ودلقت البيبسي في وش عامل الدليفري وفي اخر يوم في رمضان وساعه الفطار كمان ومعرفشي يعمل اي حاجه غير انه يزعق والكل كان بيهدي فيه
                          بصراحه الموقف ده كرهني في العيشه بره البلد حتي لوكانت بلدي في منتهي القرف

                          Comment

                          • #14
                            المشاركة الأصلية كتبت بواسطة أحمد كمال مشاهدة المشاركة
                            انا رأيي 25 الف عالاقل ..... لسبب بسيط ..... لو المعيشة زي ما حضرتك قلت من 13 الى 17

                            حضرتك نسيت طبعا مدرستين للطفلين يعني 4000 شهريا

                            مع مصاريف نثرية بتاعة 1000 كمان (بنزين على لبس على اي حاجة)

                            مع تحويش لنزولة مصر و هداياها و مصاريفها قول 500 كل شهر

                            يعني بتتكلم في 17 + 4 مدارس + 1500 نثريات و نزولة مصر = 22500

                            يبقى لو اقل من 25 مالهاش لزمة ...... 25 هتخليه يعيش كويس و يدخل ولاده مدارس و يحوش عالاقل 2000 او 3000 درهم شهريا يعني حوالي 3000-4000 جنيه ...... اقل من كده يبقى مالهاش تلاتين لزمة الصراحة
                            معاك فى الموضوع ده
                            مصر هتفضل غالية عليا
                            -------------------------------
                            الديك الحلبي هايفضل يدن لغاية ما يتدبح

                            Comment

                            • #15
                              انا الحمدلله عايش هناك من 97 وحاليا انا في مصر (مستني موقف الجيش) ووالدي مازال مقيم هناك. وبالمناسبة هو هيوصل مصر يوم 16\4 ان شاء الله في اجازة سريعة كدا لمدة 10 ايام علشان لو حبيت تستفسر عن اي حاجة بالتفصيل.
                              بالنسبة لموضوع المدارس انتا ممكن تدخلهم حكومي ودي احسن من المدارس الخاصة المتوسطة وكمان مجانا. بس في الاجمالي كدا الحياة هناك جميلة جدا وهادية جدا وراقية جدا لاكن غالية جدا جدا وانصحك متسافرش الا لو تبع شركة محترمة ومرتبها عالي وكمان السكن وتزاكر الطيران والتأمين عليهم . ساعتها تقدر تقول صفقة مربحة جدا.
                              [CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
                              [/COLOR][/SIZE][/B][/CENTER]

                              Comment

                              السابق 1 2 3 template التالي
                              Working...
                              X