إعـــــــلان

Collapse

.

,
See more
See less

مساعده فى شراء شينيور ( مثقاب يعنى !! )

Collapse
X
 
  • Filter
  • الوقت
  • Show
Clear All
new posts

  • مساعده فى شراء شينيور ( مثقاب يعنى !! )

    عندى دايما مشكله انى كل ما احتاج اخرم فى الحيطه علشان اعلق لوحه او اثبت قطع ديكور اروح لواحد صاحبى اخد منه شينيور بتاعه لحد ما جبتله أجله الحمد لله , وبما ان الشينيور بتاعه مات ومش لاقى حد تانى اخد منه شينيوره ابوظه فقررت اشترى واحد

    معلوماتى عن المعدات دى صفر , عايز اعرف بقا :

    الماركات والانواع : حاجه هتكون استخدام بيتى مش شغل شاق بس يكون قدرته كويسه لزوم الشغل فى حوائط ويفضل لو يكون فيه خاصيه العمل كدقاق للتخريم فى المسلح لو لزم الامر , بس طبعا كل ده فى حدود المعقول السعرى اللى يتوفر فيه جوده بقاء المنتج فتره محترمه بدون مشاكل لأنى مليش فى التصليح

    اجيبهم منين : على حد معلوماتى شارع الازهر متوفر فيه الكلام ده , بس عايز اعرف لو فى مكان تانى افضل من ناحيه جوده المنتج المباع بحيث انى مجيبش حاجه مكتوب عليها المانى وهى صينى او مكان بيسرق من المكونات

    الضمان : هل فى ضمان للحاجات دى ؟؟ , ولو كان بيبقى قد ايه وتبع المحل ولا فى توكيل ؟

    والاهم ياريت لو حد ليه تجارب فى الموضوع ده يفيدنا بيها
    [CENTER]
    [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
    [/CENTER]

  • #2
    روح كارفور هتلاقى كل اللى نفسك فيه هناك انواع و اشكال .

    Comment


    • #3
      هات حاجه سعرها معقول, و هتبقى صيني طبعا, بس كويسه, الماركه اسمها (( كراون ))...

      هتلاقيها في السبتيه او العتبه...

      في طقم عدد الصنايعيه بتوعي في شغلي احيانا باشتغل بيها, لكن الأساس, باستخدم (( هيلتي ))
      بس غاليه طبعا لأنها مستورده و للشغل الشاق...
      [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
      [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
      [CENTER][SIGPIC][/SIGPIC][/CENTER]

      Comment


      • #4
        المشاركة الأصلية كتبت بواسطة Terrible_DaRsH مشاهدة المشاركة
        روح كارفور هتلاقى كل اللى نفسك فيه هناك انواع و اشكال .
        ما هو المشكله انى مش عارف ايه كويس وايه مضروب فممكن اشترى حاجه متعمرش معاى قولت اسأل الاول ايه الماركات الكويسه وبعدين نشوف واهو برده نستفاد من خبره الناس

        وبعدين انا كارفور مبينزليش من زور مش عارف ليه مبحبش اشترى حاجه واقف اسبوع على ما ادفع واخرج


        المشاركة الأصلية كتبت بواسطة ghazy12 مشاهدة المشاركة
        هات حاجه سعرها معقول, و هتبقى صيني طبعا, بس كويسه, الماركه اسمها (( كراون ))...

        هتلاقيها في السبتيه او العتبه...

        في طقم عدد الصنايعيه بتوعي في شغلي احيانا باشتغل بيها, لكن الأساس, باستخدم (( هيلتي ))
        بس غاليه طبعا لأنها مستورده و للشغل الشاق...
        بشمهندس غازى , منور يا باشا :)

        طيب هو بدايه الغالى فى حدود كام مثلا ؟ , اصل انا فى الحاجات دى بحس ان الصينى مش هيعمر معاى وهبقى رميت الفلوس فى الارض

        يعنى الصينى الكراون ده يعتمد عليه فعلا ؟؟ , وسعره برده فى حدود كام ؟
        [CENTER]
        [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
        [/CENTER]

        Comment


        • #5
          احمد , انزل كارفور اسهل و مش هيتضحك عليك .

          انا السنة اللى فاتت اشتريت من هناك شنيور صينى لواحد قريبي و كان سعره رخيص و شغال معاه زى الفل لحد دلوقتى

          Comment


          • #6
            بلاك اند ديكر
            انضف ماركه
            مصر هتفضل غالية عليا
            -------------------------------
            الديك الحلبي هايفضل يدن لغاية ما يتدبح

            Comment


            • #7
              بص ياباشا
              انا بشتغل في شارع الجمهوريه في وسط البلد
              وده شارع مش بيبيعوا فيه غير عدد وادوات
              والحمد لله في اعضاء كتير هنا سألتلهم عالحاجات من دي بس هما مكنوش عاوزين شنيور

              المهم
              في السوق هنا في نوعين من المحلات
              ناس شغاله في الصيني
              اللي هوا كراون
              واللي بقي abt crown دلوقتي
              ودي ماركه صيني محترمه
              ومش غاليه
              وفيه ماركه اسمها انكو
              ودي ماركه كويسه بردو والناس شغاله فيها

              نيجي للنوع التاني بقي
              اللي هوا محلات التوكيلات
              زي aeg , bosh, black and dicker
              والماركات دي محترمه جدا وليها قطع غيار ومعمره جدا
              بس غاليه اوي اوي


              اما باقي الماركات فممكن تلاقي الصيني المضروب

              فانتا حابب اسألك علي ايه بالظبط وانا اجبلك سعره

              عاوز غالي ولا اشوفلك الانكو والكراون؟؟؟

              Comment


              • #8
                المشاركة الأصلية كتبت بواسطة terrible_darsh مشاهدة المشاركة
                احمد , انزل كارفور اسهل و مش هيتضحك عليك .

                انا السنة اللى فاتت اشتريت من هناك شنيور صينى لواحد قريبي و كان سعره رخيص و شغال معاه زى الفل لحد دلوقتى
                لو كدا فعلا شكلى هنزل كارفور اشوف ايه المتاح واحاول اجيب حاجه فى الوسط

                المشاركة الأصلية كتبت بواسطة human12 مشاهدة المشاركة
                بلاك اند ديكر
                انضف ماركه
                اسمع كتير عن منتجاتها بس مكانش ليا تجارب معاها , غالبا لو لقيت السعر مناسب هتكون من اوائل خياراتى

                المشاركة الأصلية كتبت بواسطة funnymickey مشاهدة المشاركة
                بص ياباشا
                انا بشتغل في شارع الجمهوريه في وسط البلد
                وده شارع مش بيبيعوا فيه غير عدد وادوات
                والحمد لله في اعضاء كتير هنا سألتلهم عالحاجات من دي بس هما مكنوش عاوزين شنيور

                المهم
                في السوق هنا في نوعين من المحلات
                ناس شغاله في الصيني
                اللي هوا كراون
                واللي بقي abt crown دلوقتي
                ودي ماركه صيني محترمه
                ومش غاليه
                وفيه ماركه اسمها انكو
                ودي ماركه كويسه بردو والناس شغاله فيها

                نيجي للنوع التاني بقي
                اللي هوا محلات التوكيلات
                زي aeg , bosh, black and dicker
                والماركات دي محترمه جدا وليها قطع غيار ومعمره جدا
                بس غاليه اوي اوي


                اما باقي الماركات فممكن تلاقي الصيني المضروب

                فانتا حابب اسألك علي ايه بالظبط وانا اجبلك سعره

                عاوز غالي ولا اشوفلك الانكو والكراون؟؟؟
                يا باشا ربنا يكرمك انا مش عايز اتعبك معاى , واضح من كلامكم ان الكروان كويس

                انا كنت عايز اعرف بس رنج الاسعار بتاعت الغالى كام والصينى كام , بس لو كدا هنزل الف واشوف المتاح ايه وبكام وعلى اساس كدا احدد هجيب ايه لأن واضح من كلامكم ان البوش معدى :)

                تسلم يا مايكى على المساعده
                [CENTER]
                [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                [/CENTER]

                Comment


                • #9
                  بص ياباشا
                  ممكن ماركة بوش دي حلوة قوي ألماني هو اسعاره غالية شوية لكن معمر جدا عن تجربة
                  آخره بيتحرق جواه حاجة اسمها الشربون بس ده بعد سنين من الاستخدام الشاق

                  Comment


                  • #10
                    هاسالك يا ابو حميد
                    دانا اخدمك بعنيا
                    A.Saad

                    Comment


                    • #11
                      المشاركة الأصلية كتبت بواسطة أبو صلاح مشاهدة المشاركة
                      بص ياباشا
                      ممكن ماركة بوش دي حلوة قوي ألماني هو اسعاره غالية شوية لكن معمر جدا عن تجربة
                      آخره بيتحرق جواه حاجة اسمها الشربون بس ده بعد سنين من الاستخدام الشاق
                      والله هو انا مرتاح للبوش وده اول حاجه هسأل عليها , بس دلوقتى حسب كلام الاخوه اللى سبق السعر هو اللى هيحكمنى ان كنت هجيب صينى ولا المانى لأن واضح ان الشغل على الالمانى كله للصنايعيه ومفيش منه موديلات حنينه وده رافع سعره

                      المشاركة الأصلية كتبت بواسطة a.saad مشاهدة المشاركة
                      هاسالك يا ابو حميد
                      دانا اخدمك بعنيا
                      يا باشا ربنا يكرمك , بالله عليك ما تتعب نفسك انا مش هنزل اجيبه بكره الصبح

                      انا بس كنت بفكر اجيبه ولما ابقى افضى هنزل ابص كدا عليه

                      تسلم يا استاذ احمد انت واجبك سابق يا باشا
                      [CENTER]
                      [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                      [/CENTER]

                      Comment


                      • #12
                        شنيور بوش اتحرق منىمرتين وغيرت له الموبينة ب 100 جنيه جديدة وباظ برضه


                        شنيور apt صينى سعره ممتاز (أقل من 200 جنيه مش فاكر كام ) بعمل بيه كل حاجة وفيه اتجاهين للف البنطة ودقاق طبعا
                        دا اللى أنصح بيه
                        وعندى كمان كمبرسور هوا 50 لتر وبوليشر الاتنين برضه نفس الماركة وكويسين جدا

                        كارفور مش الأفضل ، أى محل عدد قريب منك هيكون أرخص منه
                        وكله من غير ضمان بس جربه هناك

                        عايز الشنيور يعيش؟ دايما استخدم بنط كويسة ، البنطة اللى تدوب ارميها متستخدمهاش + تجنب انك تدوس عليه جامد أثناء الخرم ، سيب البنطة هى اللى تشق طريقها بضغط بسيط منك
                        [CENTER][aldl]http://www.jewelsf.com/up/uploads/542f6eee3a.gif[/aldl]
                        [/CENTER]
                        [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                        [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                        [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                        [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                        Comment


                        • #13
                          لو عايز تخرم فى خرسانة يبقى تجيبه
                          هيلتى او دقاق ودى خاصية بتخللى الشنيور فيه حركة ترددية للامام والخلف

                          الماركات الكويسة Bosch
                          AEG
                          هتلاقى فى الرويعى والجمهورية ولكن الجمهورية فيها توكيلات مش بس محلات بيع

                          الحمل المناسب للبيت من 400 وات فما فوق

                          A.Saad

                          Comment


                          • #14
                            المشاركة الأصلية كتبت بواسطة dr ahmed abdelghany مشاهدة المشاركة
                            شنيور بوش اتحرق منىمرتين وغيرت له الموبينة ب 100 جنيه جديدة وباظ برضه


                            شنيور apt صينى سعره ممتاز (أقل من 200 جنيه مش فاكر كام ) بعمل بيه كل حاجة وفيه اتجاهين للف البنطة ودقاق طبعا
                            دا اللى أنصح بيه
                            وعندى كمان كمبرسور هوا 50 لتر وبوليشر الاتنين برضه نفس الماركة وكويسين جدا

                            كارفور مش الأفضل ، أى محل عدد قريب منك هيكون أرخص منه
                            وكله من غير ضمان بس جربه هناك

                            عايز الشنيور يعيش؟ دايما استخدم بنط كويسة ، البنطة اللى تدوب ارميها متستخدمهاش + تجنب انك تدوس عليه جامد أثناء الخرم ، سيب البنطة هى اللى تشق طريقها بضغط بسيط منك
                            وشهد شاهد من اهلها , دا انا كنت بقول البوش هيعيش وانساه وكلام من دا

                            انا لو جبت حاجه غاليه وباظت بتنقط بصراحه فحسب كلام حضرتك وباقى الاخوه خلينى فى ابو صينى احسن , بس انا مكنتش متخيل 200 جنيه دى انا قولت الصينى هيبقى فى حدود 500 مثلا والكويس هيبقى من 900 ل 1200 حسب كلام احد الفتايين اللى اعرفهم ومظبط نفسى على كدا

                            كدا شكلى هجيب اتنين :) , وتسلم يا دكتور على نصيحه الاستخدام دى مهمه جدا بالنسبه لى , غالبا هجيب من شارع الجمهوريه

                            المشاركة الأصلية كتبت بواسطة a.saad مشاهدة المشاركة
                            لو عايز تخرم فى خرسانة يبقى تجيبه
                            هيلتى او دقاق ودى خاصية بتخللى الشنيور فيه حركة ترددية للامام والخلف

                            الماركات الكويسة bosch
                            aeg
                            هتلاقى فى الرويعى والجمهورية ولكن الجمهورية فيها توكيلات مش بس محلات بيع

                            الحمل المناسب للبيت من 400 وات فما فوق

                            تسلم يا استاذ احمد على المعلومات , حته الوات دى برده كنت محتاج اعرفها

                            بس شكلى كدا هصرف نظر عن الغالى وهفكر جديا فى الصينى , اول ما انزل واشوف ايه اخبار اللى موجود واسعاره هقولكم خلاصه التجربه ان شاء الله

                            شكرا لحضراتكم جميعا
                            [CENTER]
                            [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                            [/CENTER]

                            Comment


                            • #15
                              المشاركة الأصلية كتبت بواسطة dr ahmed abdelghany مشاهدة المشاركة
                              شنيور بوش اتحرق منىمرتين وغيرت له الموبينة ب 100 جنيه جديدة وباظ برضه


                              شنيور apt صينى سعره ممتاز (أقل من 200 جنيه مش فاكر كام ) بعمل بيه كل حاجة وفيه اتجاهين للف البنطة ودقاق طبعا
                              دا اللى أنصح بيه
                              وعندى كمان كمبرسور هوا 50 لتر وبوليشر الاتنين برضه نفس الماركة وكويسين جدا

                              كارفور مش الأفضل ، أى محل عدد قريب منك هيكون أرخص منه
                              وكله من غير ضمان بس جربه هناك

                              عايز الشنيور يعيش؟ دايما استخدم بنط كويسة ، البنطة اللى تدوب ارميها متستخدمهاش + تجنب انك تدوس عليه جامد أثناء الخرم ، سيب البنطة هى اللى تشق طريقها بضغط بسيط منك

                              هوه ده الكلام
                              و موضوع كارفور ارخص - لأ و كمان مش افضل
                              مصر هتفضل غالية عليا
                              -------------------------------
                              الديك الحلبي هايفضل يدن لغاية ما يتدبح

                              Comment

                              Working...
                              X