إعـــــــلان

Collapse

.

,
See more
See less

تفتكروااا النص درجة كانت هاتفرق !!!!

Collapse
X
 
  • Filter
  • الوقت
  • Show
Clear All
new posts

  • #16
    تجارة انجليزي خروج و فسح و رحلات ....

    اشد في شعري ؟؟؟

    احنا شفنا ايام سودا يا باشا......

    Comment


    • #17
      المشاركة الأصلية كتبت بواسطة أحمد كمال مشاهدة المشاركة
      باشا قصدك رفعت الاقلام و جفت الصحف
      تصدق انا قعدت اضحك لما قريت اللى انا كتبته...
      لامؤاخذة..خطأ غير مقصود...

      Comment


      • #18
        المشاركة الأصلية كتبت بواسطة political_tika88 مشاهدة المشاركة
        انا ياباشا كنت جايب مجموع كبير في ثانويه عامة وكان نفسي ادخل كلية الاعلام ودخلت سياسة واقتصاد دلوقتي مش قادر اقول لحضرتك قد ايه بعاني في الكلية دي نكد في نكد وحروب وكلام يقرف وملهوش اي معنى او لازمة بس حاول انك تتعايش مع الوضع اللي انتا فيه
        ولو مش قادر حول وامشي في الشىء اللي انتا بتحبه وعايزة حتى لو الناس كلها مش موافقاك انتا شايف نفسك ايه وتنفع في ايه

        للاسف ياباشا معدش ينفع ارجع ووامشى فى الى انا نفسى فية صعب عليا اوى انى اضيع
        سنتين من عمرى كدة بالساهل خصوصا ان انا الكبير وفى اخواتى ال 2 فى ثانوية عامة السنة دى فا كفايا كدة اوى على ابويا مصاريف وهما كمان لسة فى سنة 2 مش 3



        المشاركة الأصلية كتبت بواسطة eng.geo مشاهدة المشاركة
        اه كانت هتفرق طبعا
        ولكن للأسوأ بكتييييير
        خلي في دماغك حاجة مهمة قوي قوي
        ربنا اختارلك احسن حاجة
        ربنا معاك

        اكيد طبعا يا جيو ان ربنا اخترلى الاحسن والافضل بالنسبة ليا
        وربنا يسهل ونعرف نحقق ذاتنا فية ربنا معاك انت كمان فى الهندسة الجملية الى انت فيها



        المشاركة الأصلية كتبت بواسطة 3ateef مشاهدة المشاركة
        ده اللى انا اقصده...



        وصل مرادك يا عاطف باشا



        المشاركة الأصلية كتبت بواسطة abdo_general مشاهدة المشاركة
        مانا كنت بداءت انسي
        وانت جاي تفكرني وتقولي مش هتنسي

        قلبت علي المواجع

        بجد نفس الكلام الي بتقوله انا قولته بالظبط
        وبرضه مش حقد والعياذ بالله
        انا راضي بقضاء الله
        بس مجرد تفكير وشجن

        انا فرقت معاي علي هندسة حاجة بسيطة خالص

        ودخلت هندسة زراعية

        وبقعد اكلم نفسي زيك كده كتير

        وعدي عليا اهه 5 سنين وخلصت جامعة
        ولسه مش عارف ابطل تفكير في الموضوع دا

        بس دا قضاء ونصيب
        والحمد لله اولا واخيرا

        يا عبدو باشا انا اسف جدا مش قصدى اقلب عليك المواجع
        بس انا كنت مخنوق اوى ومحتاج اتكلم مع حد عشان منفجرش
        واحمد ربنا ان الخمس سنين عدو على خير الحمد لله واسعى بئى فى طريق مستقبلك



        المشاركة الأصلية كتبت بواسطة hobaz مشاهدة المشاركة
        ده اللي فيه الخير باذن الله واحمد ربنا على كل شيء...

        ان شاء الله يا هوبز والحمد لله على كل شىء

        المشاركة الأصلية كتبت بواسطة magood مشاهدة المشاركة
        شوف يا سيدي
        من ١٨ سنة لم استطع الالتحاق بكلية طب الزقازيق علشان درجة و نصف.
        اغتربت ٦ سنين و كانت سنة اولى الاسوأ في حياتي.
        المهم, اتخرجت و اتعينت و انا حاليا في انجلترا اقتربت من انهاء رسالة الدكتوراه.
        يا ترى لو كنت اعرف الي حيحصل لي في المستقبل كنت عشت في حزن و كأبه اول كام سنه في الكلية؟
        dear brother, try to enjoy what your live, you do not know what is going to happen later on.
        Just do what you have to do.


        ربنا يوفئك يا باشا وتكمل الرسالة بتاعة الدكتوراة على خير ان شاء الله
        وانا والله بفرح جدا لما بلاقى ان فى امل من ناس امثال حضرتك اوى حد تانى يعنى
        بس الاسف الشديد لازم تيجى حاجة تعكنن على الواحد وترجعة لنقطة الصفر تانى
        وعلى فكرة انا مش عايش حالة حزن ولا كأبة انا عايش عادى بس مش لاقى الى يفرحنى او يخلينى مبتهج على الاقل فى الكلية دى


        المشاركة الأصلية كتبت بواسطة mahmoudselim مشاهدة المشاركة
        خلي بالك من نقطة مهمة جدا لو كان ليك خير في كلية التجارة
        كان ربنا الهمك وقت مزاكرتك في الثانوية العامة علي سؤال معين
        تزكرة وتكتشف ان جة زية بالنص (حصل معايا الموقف دا) وكان زمانك جبت الدرجة دي وعديتها ودخلت الجامعة ال بتحبها.
        لاكن انت لسان ما اختارة الله هو خيرا لة في دينة ومعاشة ..ت بعلام للغيوب وربنا سبحانة وتعالي الوحيد الذي عندة علم الغيب ومفاتيحة وهو سبحانة وتعالي يضيئ لنا طريق الخير, فامنا من يتركة ويسير في طريق الظلام ومنا من يرضي بقدر الله ويسير في الطريق الذي اختارة الله سبحانة وتعالي لة لثقتة الكاملة في

        يقول تعالى ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ))

        ويقول تعالى (( فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا))

        و عن صهيب رضي الله عن قال : قال رسول الله صلى الله عليه وسلم "عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له". رواه مسلم

        ربنا يجازيك خير ياباشا ان شاء الله يكون الخير فى تجارة

        المشاركة الأصلية كتبت بواسطة أم حمـــاس مشاهدة المشاركة
        لو بنتكلم عن نص درجة امتحانات وكدا

        فانا ياماااااااااا فرقت معايا

        في ثانية ثانوي فرقت معايا

        وفتالتة كنت بدعي ربنا انقص النص درجة دي عشان متجيليش طب

        وفلجامعة كل سنة بتفرق معايا النص درجة دي من تقدير لتقدير

        وفكورسات كتير كانت بتفرق معايا علي نص درجة

        انما لو بتتكلم علي فكرة الحركرك فيامااااااااااااااااااااااااااااااا

        مواقف بتحصلنا بنبقي محتاجين فيها النص درجة دي معنويا عشان نزود من رصيدنا فموقف معين ونعدي مننه

        والله زى بالظبط يا ايس يعنى الترم دة 3 مواد فارقة معايا على درجة واجيب جيد تخيلى 3 مواد مفيش ولا واحدة منهم ليا فيها درجة على الاقل
        ومثلا ساعة مكنت بقدم فى تجارة انجليزى فرقت معايا على درجة كنت انا جايب 406 وهيا خدت من 407
        حسبت الى ناقصين درجة اونص درجة على المجموع دة طلعواا 30 واحد بالظبط فى الكشوفات كلها
        لا والسنة الى بعديها خدواااا اقل من كدة بكتير جدا جدا د
        بس برضو الحمد لله


        المشاركة الأصلية كتبت بواسطة أحمد كمال مشاهدة المشاركة
        باشا قصدك رفعت الاقلام و جفت الصحف

        احمد باشا انا كنت عايز اسمع رائيك برضو

        المشاركة الأصلية كتبت بواسطة aboelsoud مشاهدة المشاركة
        و في حاجه مهمه لازم تعرفها
        مفيش حد دخل كليه تجاره و هو كان عايزها كله داخلها غصب عنه
        ربنا معانا انا لسه في سنه تانيه و زهقـــــــــــــــــــــــــــــــــــت

        اهلا برفيق الكفاح ابو السعود انت عين شمس ولا اية ياباشا
        وعلى فكرة انا برضو فى سنة 2


        المشاركة الأصلية كتبت بواسطة a.saad مشاهدة المشاركة
        حب كليتك يا محمد وانت تتفوق فيها
        حب مذاكرتك
        كل ما تحب مذاكرتك هتلاقى نفسك حابب تجيب الكتب وتقراها
        وتلاقى الحفظ بقى سهل
        وتلاقى المذاكرة سهلة

        والله يا محمد
        الاصحاب قليل لما تلاقى فيهم مخلص
        وما تضيعش وقتك فى الكلية علشان صاحب
        مش هاقولك بييع اصحابك
        بس مصلحتك اهم
        يعنى ما تستناش 3 ساعات مع صاحبك علشان هتمشوا لحد مترو منشية الصدر مثلا سوى وانتم مروحين

        واعرف حاجة يا محمد
        محدش عاجبه حاله
        اللى فى هندسة كان بيبقى عايز طب
        واللى فى طب عين شمسى طب القاهرة
        وكل الناس شايفة ان كليتها هيا اصعب كلية

        ذاكر يا محمد
        لو سمحت
        علشان تشتغل فى مكان محترم لازم يكون معاك جيد على الاقل
        وعلشان تعوض التقدير العام عن السنين اللى فاتت
        يبقى ترفع تقديرك السنة دى
        انا اسف لاطالة
        واسف لو اكلمت بلهجة حادة
        بس دى خوف على اخويا الاصغر
        احمد سعد
        تجارة عين شمس
        1999

        اتكلم براحتك يا احمد باشا ولا يهمك
        بس احب اوضحلك حاجة انا سواء حابب الكلية او مش حاببها انا خلاص مضطر انى ازاكر وانجح عشان اخلص واشوف مستقبلى
        تمام كدة
        بس انا ربنا رازقنى بحبة داكترة كل ما اقول يا هادى وخلينى محترم واحضر وابئى زى باقى الناس الاقى دكتور ابن 60 *70 يكره الواحد انة يخش المدرج اساسا
        يعنى مثال الزقت بتاع المحاسبة محمد جلال صالح كرهنى ترم بحالة ان اخش المدرج
        بسبب قلة زوقة تهزيئة لينا عمال على بطال و غير كدة مسرح كلب فى قلب المدرج يشوف حد ماسك اى حاجة فى ايدة عشان يا خدها منة ويعملة مشكلة
        والترم دة لحد دلوقتى 3 دكاترة حالفين ليسقطونا او على الاقل يجبولنا امتحان صعب جدا جدا اخرهم واحد يوم الثلاثاء الى فات طالب ابن ........ بعت ورقة للدكتور دة عشان
        دكتور تانى سقطنا فى المادة كلنا عافية قال اية احنا مش محترمين والموبيل كان بيرن كل شوية فى المدرج شفتواااا التفاهة مع ان الدكتور دة بيخش المحاضرة اساسا ربع سااعة او 10 دقائق بالكتير اوى وبعد كدة يرمى الميكروفون ويمشى
        طبعا الزفت دة بيقول للدكتور اية اسمعوااا عشان تفرحوااا
        انتوا ظالمة ظالمة
        طبعا التانى اتظربن واتعصب جدا
        وراح قايل الكتاب كلة مقرر والامتحان هايكون زفت ومادة الاقتصاد بعد ما كان هايتعاد تصحيحهااا قال انا هاشوف الموضع دة بأنة ها يوقفة
        وتوتة توتة خربت الحدوتة على دماغ الى خلفونى

        [CENTER][COLOR=Blue][SIZE=4]مفيش توقيع
        عشان تتبسط :D
        [/SIZE][/COLOR][/CENTER]

        Comment


        • #19
          بص يا غزالي باشا ..... يشرفني جدا انك عايز تسمع رأيي

          فيه صديق حميم ليا من ايام اولى ثانوي

          و دماغه نضيفة و عبقري و اذكى مني بكتير

          كان زيي حلم حياته يخش حاسبات و معلومات

          بسبب كام درجة حقيرة دخل هندسة غصب عنه ..... كان جايب بالظبط 377 من 400 و دخل هندسة عين شمس ..... سنتها - 1998 - كان اقل كلية حاسبات (المنصورة و الزقازيق) اعلى من اعلى كلية هندسة (عين شمس) ...... فدخل هندسة عين شمس .....

          انا دخلت هندسة معاه و 3 ايام و ما استحملتهاش و حولت عشان مجموعي كان يسمح

          هو دخل هندسة و سقط في اعدادي سنتين و اترفد .....

          بعدها ابوه قال هيحل الكيس و يدخله كمبيوتر ساينس في مودرن اكاديمي .....

          و هو كان في ثانوية عامة شاملة (رياضة و علوم)

          طبعا بعدنا كان النظام اتغير و رياضة 1 بقت اجباري في كل الاقسام العلمية

          مودرن رفضت تقبله لانه مش واخد رياضة 1 مع ان في سنتنا رياضة 2 بس اللي كانت اجباري في علمي رياضة و رياضة 1 كانت اختياري !!!

          و السنتين اللي قبلها كان فيه نظام ان الناس اللي في حالته ممكن تمتحن رياضة 2 و تخش

          سنتها بقى وزير التعليم العالي لغاها !!!!

          دخل تجارة انتساب سنة 2000 ..... و جاله اكتئاب من المناظر اللي شافها .... و قعد 4 سنين في تجارة انتساب ....

          كان طول الوقت مصمم يكمل في المجال اللي بيحبه ..... الكمبيوتر .....

          كنا بنذاكر حاجات مع بعض و هو كان بيجيب كتب و self study tutorials و يتعلم حاجات كتير مع نفسه ..... كان زي الرمل مهما تسقيه علم ما يشبعش

          خلص الكلية ..... و في يوم بعد ما اتخرج رايحين مشوار انا و هو و مراته (اتجوز قبل ما يشتغل) باقول له هتعمل ايه؟ قال لي مش عارف و كان متضايق ..... قلت له ما تخش ال ITI .... و هتساعدك انك محدش هيقول لك انت تجارة و بتاع .... مع انه كان متحفظ على انه يقعد عاطل 9 شهور كمان ......

          سبحان الله تاني يوم راح يسال لقاه اخر يوم للتقديم و قدم !! و بعد ال 3 شهور الاولانيين (foundation module) كان من الاوائل و قدر يدخل احسن قسم SD Java

          اتعلم و استفاد كتير ..... و اول ما خلص مفيش اسابيع معدودة و اشتغل في IBM ..... بعد كام سنة راح شركة تانية ..... و دلوقتي هو في دولة خليجية و ما شاء الله عليه و على نجاحه العملي


          واحد تاني خد كمية الصدمات دي (اجباره على كلية بيكرهها ثم رفده منها ثم تقديمه في جامعة خاصة و رفضه !! ثم تجارة انتساب اللي كان بيقول لي المدرج كان كباريه ..... و في النهاية اتخرج من ITI سنة 2005 يعني بعد ثانوية عامة بسبع سنين !!) .... واحد تاني كان وقع ....

          دلوقتي سبحان الله ...... الخبطات دي كلها قوته ما ضعفتوش .....

          الخلاصة ايه .... محدش عارف الخير فين ..... و اما تتخبط على دماغك و تقع.... فكر ازاي تقوم و تنفض التراب و تكمل مشوارك ....... الشارع اتسد في وشك دور على سكة تانية .....

          الخلاصة و الحكمة

          اجتهد كتير ..... حاول تتعلم حاجات قد ما تقدر تتميز بيها عن زمايلك لان خريجي الجامعة دلوقتي مع احترامي للاسف بقوا زي البضاعة الصيني ..... بالالاف المؤلفة و كلهم زي بعض ..... و اصحاب العمل بيدوروا على اللقطة او الماسة اللي وسط الكلام ده كله ..... ما تضيعش سنين الجامعة و اتعب شويتين تلاتة اربعة عشان مستقبلا ترتاح ..... و ربنا ما بيضيعش مجهود حد عايز يتعب و يجتهد .......
          [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

          [URL="https://goo.gl/30fu9U"]Registered Migration Agent - MARN 1575106[/URL]
          [/COLOR][/CENTER][/SIZE]

          Comment


          • #20
            و عسي ان تكرهوا شيء , ربنا معاك .

            متدورش على الخروجات و الفسح , دور على مستقبلك علشان ربنا يكرمك ان شاء الله ..

            Comment


            • #21
              المشاركة الأصلية كتبت بواسطة أحمد كمال مشاهدة المشاركة
              الخلاصة و الحكمة

              اجتهد كتير ..... حاول تتعلم حاجات قد ما تقدر تتميز بيها عن زمايلك لان خريجي الجامعة دلوقتي مع احترامي للاسف بقوا زي البضاعة الصيني ..... بالالاف المؤلفة و كلهم زي بعض ..... و اصحاب العمل بيدوروا على اللقطة او الماسة اللي وسط الكلام ده كله ..... ما تضيعش سنين الجامعة و اتعب شويتين تلاتة اربعة عشان مستقبلا ترتاح ..... و ربنا ما بيضيعش مجهود حد عايز يتعب و يجتهد .......
              الله عليك
              انا الواحد في المية مخلانيش ألحق هندسة إسكندرية
              وأُجبرت على عدم الخروج برة إسكندرية بالرغم من إن مجموعي كان يجيب أكتر من هندسة برة
              وكان النصيب آداب إنجليزي إسكندرية
              والحمد لله انا دلوقتي وضعي أحسن من ناس كتيرة جداً
              وقدر الله وماشاء فعل
              محدش يعرف الخير فين
              وكما يُقال: لو علمتم الغيب لاخترتم الواقع
              [CENTER]Me on Twitter
              @aliabutaleb[/CENTER]

              Comment


              • #22
                انا فرقت معايا درجه واحده علشان ادخل طب اسنان اللي عاوز ادخلها!! بس الحمدلله دخلت هندسه ( سبحان الله مع اني كنت عايز ادخل اسنان بس من جوايا كنت بحب الهندسه)
                :policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]

                Comment


                • #23
                  من الملاحظ ان معظم الناس ان لم يكن كلنا فرقت معانا النص درجة "و انا منهم طبعا من هندسة الى علوم "
                  و لكن الحمد لله على كل شئ
                  قدر الله و ما شاء فعل
                  انا عارف ان النصيحه بتبقى ثقيلة على البنى ادم
                  و لكن اعذرنى و استحملنى

                  نادرا ما تجد واحد راضى او قانع بما هو فيه
                  و الرضى و القناعه ليست فى الفلوس فقط انما فى الحياة
                  المهم انت حاول تفتش بداخلك عن الذى تريد ان تفعله "و ليس الذى تحبه - الفرق كبييييييييييير"
                  و حاول توصل الى بداية الطريق اليه و انت و شطارتك بعد كده.
                  و ربنا يوفق الجميع
                  و يرزقنا الرضى و القناعه
                  ------------
                  ااه نسيت اقولك حاجه كمان
                  حاول تستفيد بالموقف اللى انت فيه للموقف الذى تريد ان تكون فيه
                  [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                  [RIGHT]------------------[/RIGHT]
                  [CENTER][COLOR=blue]بسم الله الرحمن الرحيم[/COLOR][/CENTER]
                  [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                  [CENTER][COLOR=blue]صدق الله العظيم[/COLOR][/CENTER]
                  [CENTER][COLOR=blue]التوبة 105[/COLOR][/CENTER]
                  [COLOR=#ff0000][/COLOR]

                  Comment


                  • #24
                    برغم ان حلمى فى ثانوى كان هندسه الا ان المجموع فرق معاى وتخيلت ان احلامى كلها راحت فى الهواء وهدخل تجاره واقضى بقيت عمرى زى اى شاب

                    مجموعى القليل دخلنى فى سكه تانيه خالص غيرت حياتى بالكامل للأحسن والحمد لله , المهم انك لما السكه تتغير مجهودك فى النجاح ميقلش وزى ما كل الناس قالتلك وهتقولك ربنا اعلم الخير فين
                    [CENTER]
                    [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                    [/CENTER]

                    Comment


                    • #26
                      غزالي باشا انت في تانيه برضه يا اهلا يا اهلا
                      انا المجموعه التانيه انتظام طبعا
                      و النتيجه بتاعتي طلعت وحشه قوي و جالي اكتئاب منها
                      ربنا يستر و اقدر اعدي الترم ده صافي عشان اقدر اعدي و ادخل تالته
                      قولي انت المجموعه كام اهو نكتئب مع بعض
                      محمود ابو السعود

                      لا تقلق كثيرا بشأن الماضي / ولا تحمل هم الغد / الان هو حياتك عيشها

                      Comment


                      • #27
                        المشاركة الأصلية كتبت بواسطة AboELsoud مشاهدة المشاركة
                        غزالي باشا انت في تانيه برضه يا اهلا يا اهلا
                        انا المجموعه التانيه انتظام طبعا
                        و النتيجه بتاعتي طلعت وحشه قوي و جالي اكتئاب منها
                        ربنا يستر و اقدر اعدي الترم ده صافي عشان اقدر اعدي و ادخل تالته
                        قولي انت المجموعه كام اهو نكتئب مع بعض


                        حبيب هرتى انا كمان مجموعة 2 انتظام مدرج زهير
                        e-mail
                        m_gazaly@hotmail.com
                        وهو نفسة الفيس لازم اشوفك
                        [CENTER][COLOR=Blue][SIZE=4]مفيش توقيع
                        عشان تتبسط :D
                        [/SIZE][/COLOR][/CENTER]

                        Comment


                        • #28
                          شكرا ليكواااا يا جماعة على الردود المشجعة دى كلها
                          بس انا هارد عليكوااا رد سريع لحد اما افضى وراد على واحد واحد عشان ورايا 100 حاجة تععمل اهمهم الرخصة بكرة ادعلولى انها تطلع لحسن اتخنئت
                          المهم انا شايف اان 90 % من الردود بتتكلم على انى احاول احسن من نفسى فى المجال الى انا فية ارضى بية
                          ود فعلا الى انا ابتديت اعملة اول حاجة كان كورس الانجليزى وفاضلى 5 مسويات فية بس وان شاء الله يخلصووااااااااا تانى حاجة كورس it تبع الكلية وادعولى اعرف اغير ميعاد الامتحان بتاعة وانى انجح فية كمان
                          والسلام عليكم اشوفكم قربيا
                          [CENTER][COLOR=Blue][SIZE=4]مفيش توقيع
                          عشان تتبسط :D
                          [/SIZE][/COLOR][/CENTER]

                          Comment


                          • #29
                            المشاركة الأصلية كتبت بواسطة أحمد كمال مشاهدة المشاركة
                            بص يا غزالي باشا ..... يشرفني جدا انك عايز تسمع رأيي

                            فيه صديق حميم ليا من ايام اولى ثانوي

                            و دماغه نضيفة و عبقري و اذكى مني بكتير

                            كان زيي حلم حياته يخش حاسبات و معلومات

                            بسبب كام درجة حقيرة دخل هندسة غصب عنه ..... كان جايب بالظبط 377 من 400 و دخل هندسة عين شمس ..... سنتها - 1998 - كان اقل كلية حاسبات (المنصورة و الزقازيق) اعلى من اعلى كلية هندسة (عين شمس) ...... فدخل هندسة عين شمس .....

                            انا دخلت هندسة معاه و 3 ايام و ما استحملتهاش و حولت عشان مجموعي كان يسمح

                            هو دخل هندسة و سقط في اعدادي سنتين و اترفد .....

                            بعدها ابوه قال هيحل الكيس و يدخله كمبيوتر ساينس في مودرن اكاديمي .....

                            و هو كان في ثانوية عامة شاملة (رياضة و علوم)

                            طبعا بعدنا كان النظام اتغير و رياضة 1 بقت اجباري في كل الاقسام العلمية

                            مودرن رفضت تقبله لانه مش واخد رياضة 1 مع ان في سنتنا رياضة 2 بس اللي كانت اجباري في علمي رياضة و رياضة 1 كانت اختياري !!!

                            و السنتين اللي قبلها كان فيه نظام ان الناس اللي في حالته ممكن تمتحن رياضة 2 و تخش

                            سنتها بقى وزير التعليم العالي لغاها !!!!

                            دخل تجارة انتساب سنة 2000 ..... و جاله اكتئاب من المناظر اللي شافها .... و قعد 4 سنين في تجارة انتساب ....

                            كان طول الوقت مصمم يكمل في المجال اللي بيحبه ..... الكمبيوتر .....

                            كنا بنذاكر حاجات مع بعض و هو كان بيجيب كتب و self study tutorials و يتعلم حاجات كتير مع نفسه ..... كان زي الرمل مهما تسقيه علم ما يشبعش

                            خلص الكلية ..... و في يوم بعد ما اتخرج رايحين مشوار انا و هو و مراته (اتجوز قبل ما يشتغل) باقول له هتعمل ايه؟ قال لي مش عارف و كان متضايق ..... قلت له ما تخش ال ITI .... و هتساعدك انك محدش هيقول لك انت تجارة و بتاع .... مع انه كان متحفظ على انه يقعد عاطل 9 شهور كمان ......

                            سبحان الله تاني يوم راح يسال لقاه اخر يوم للتقديم و قدم !! و بعد ال 3 شهور الاولانيين (foundation module) كان من الاوائل و قدر يدخل احسن قسم SD Java

                            اتعلم و استفاد كتير ..... و اول ما خلص مفيش اسابيع معدودة و اشتغل في IBM ..... بعد كام سنة راح شركة تانية ..... و دلوقتي هو في دولة خليجية و ما شاء الله عليه و على نجاحه العملي


                            واحد تاني خد كمية الصدمات دي (اجباره على كلية بيكرهها ثم رفده منها ثم تقديمه في جامعة خاصة و رفضه !! ثم تجارة انتساب اللي كان بيقول لي المدرج كان كباريه ..... و في النهاية اتخرج من ITI سنة 2005 يعني بعد ثانوية عامة بسبع سنين !!) .... واحد تاني كان وقع ....

                            دلوقتي سبحان الله ...... الخبطات دي كلها قوته ما ضعفتوش .....

                            الخلاصة ايه .... محدش عارف الخير فين ..... و اما تتخبط على دماغك و تقع.... فكر ازاي تقوم و تنفض التراب و تكمل مشوارك ....... الشارع اتسد في وشك دور على سكة تانية .....

                            الخلاصة و الحكمة

                            اجتهد كتير ..... حاول تتعلم حاجات قد ما تقدر تتميز بيها عن زمايلك لان خريجي الجامعة دلوقتي مع احترامي للاسف بقوا زي البضاعة الصيني ..... بالالاف المؤلفة و كلهم زي بعض ..... و اصحاب العمل بيدوروا على اللقطة او الماسة اللي وسط الكلام ده كله ..... ما تضيعش سنين الجامعة و اتعب شويتين تلاتة اربعة عشان مستقبلا ترتاح ..... و ربنا ما بيضيعش مجهود حد عايز يتعب و يجتهد .......


                            سبحان الله بجد ربنا يكرمة على الى عملة دة وتعبة دة كلة
                            وربنا سيهل واعرف اعمل الى فى دماغى انا فعلا ابتديت اخد حاجات هاتفيدنى بعد كدة زى ما قلت كورس الانجليزى وال it بس ربنا يسهل واعرف اقبل فية
                            ولو عندك حاجة ممكن تفيدنى قولى وانا احاول اسعى فيها كورسات وحاجات من هذا القبيل وشكرااا ليك يا ابو الحميد على النصيحة والكلام الجامد دة
                            [CENTER][COLOR=Blue][SIZE=4]مفيش توقيع
                            عشان تتبسط :D
                            [/SIZE][/COLOR][/CENTER]

                            Comment


                            • #30
                              المشاركة الأصلية كتبت بواسطة terrible_darsh مشاهدة المشاركة
                              و عسي ان تكرهوا شيء , ربنا معاك .

                              متدورش على الخروجات و الفسح , دور على مستقبلك علشان ربنا يكرمك ان شاء الله ..



                              مش الفكرة والله يا درش انى متضايق عشان الخروج والفسح بس اكيد دى سبب برضو من الاسباب الى مضيقانى لان برضو الفترة دى المفروض انك تعرف فيها حاجات كتيرة وتروح وتيجى وتتعلم دة وفى نفس الوقت برضو ترفة عن نفسك مش معنى كدة انى مش برفة عن نفسى انا فعلا برفهة عن نفسى بس دة لما نتفق انا واصحابى هنا فى القناطر
                              غير كدة مفيش اى حاجة وشكرا ليك يا درش
                              [CENTER][COLOR=Blue][SIZE=4]مفيش توقيع
                              عشان تتبسط :D
                              [/SIZE][/COLOR][/CENTER]

                              Comment

                              Working...
                              X