رايح التوفيقية بعد ساعة...

[A7MED_PHARMA]

سلااااااااااااااام للشباب

أنا رايح التوفيقية أجيب سبويلر للعربية..وشوية حاجات تانية
يعني
قبل الساعة 11 أكون هناك
لو حد عاوز يلف معايا هناك ..أكون مبسوط


.

[icehearted girl]

فكرتني ليه

انا امبارح كنت هناك وعمالة اضرب دماغي فلحيطة عشان نسيت اجيب التيوب الجلد بتاعت الردياتير

الله يكرمك تسألي بكام هناك هي والاساور المعدن بتوعها

[hobaz]

والله كان نفسي اجي واتعرف عليك بس للأسف مليش نصيب النهاردة وتروح وتيجي بالسلامة ياباشا.....

رجاء مراعاة الدقة عند كتابة لفظ الجلالة

1:49pm 16/4/2010
مشرف القسم 9ب

[أشرف العدوي]

يا راجل
انا لسة جاي من هناك
وا خسارتاه
كنت عايز اقابلك

[SS]

مقولتش ليه من بدرى بس ده انا كنت هايز اشوف حاجات للعربية و مكسل انزل لوحدى...يلا تتعوض المرة الجاية

فكرتني ليه

انا امبارح كنت هناك وعمالة اضرب دماغي فلحيطة عشان نسيت اجيب التيوب الجلد بتاعت الردياتير

الله يكرمك تسألي بكام هناك هي والاساور المعدن بتوعها

ايه التيوب بتاع الريدياتير اللى انت قصدك عليه ده يا دكتورة؟؟؟

[yassin_samir]

انا يا دكتور احمد و بالمرة اتعرف عليك دورت على حاجة فى الملف بتاعك على شان اتصل عليك ملقيتش على العموم نمرتى 0123529663 و يا ريت نتقابل هناك

[kliken]

انا اللى اعرفه ان التوفيقيه الناس هناك مش بتفضل فاتحه لمتأخر كده و الله اعلم
انا عامه هروح بكره ان شاء الله الجمعه و لو حد حب اسأله على حاجه انا فى الخدمه

[icehearted girl]

مقولتش ليه من بدرى بس :i_angr1[1]: ده انا كنت هايز اشوف حاجات للعربية و مكسل انزل لوحدى...يلا تتعوض المرة الجاية




ايه التيوب بتاع الريدياتير اللى انت قصدك عليه ده يا دكتورة؟؟؟

اللي بتوصل المية مابين القربة والردياتير

[nabaster]

اللي بتوصل المية مابين القربة والردياتير

وكنتي هتروحي للراجل وتقوليله تيوب؟؟؟

واساور كماااان؟؟؟؟؟ !!!!!!!

A.Yakout

[magyver]

مش كنت تقوول ياادوكتور وانا كنت اجي معاك ؟
مردتش عليا بردة اتصل عليك امتي

[solyahmed]

هي فين التوفيقيه دي يا جماعه ؟؟ ممكن اعرف اروح هناك ازاي مع العلم انا جاي من اسكندريه

[A7MED_PHARMA]

معلش يامحمد ..أنا عارف إني مقصر معاك
بس أنا مستني أجيب إسم واحد معروف ..علشان نروحله
...
دكتورة
معلش أنا كتبت الموضوع ومشيت على طووول
وبعدين عاوزاني أروح أسأل على (تيوب) و (أساور)

إنتي عاوزة تضحكي الناس عليا؟؟!!!!!!!


المهم
أنا روحت للأسف متأخر
الناس كلها كانت فاتحة ..ماعدا المحلات إلي عندها الاكصدامات والإسبويلارات


قلت ألف أتفرج على أي حاجة

لفيت شوية
وجبت حلية شكمان(25 جنيه بعد فصال مرير)
وساعة للتابلوه(5 جنيه)
وقطعتين فرش أبيض للتابلوه ..ولضهر الكنبة(الاتنين بـ20 جنيه بعد فصال مرير)
ولمبتين إشارة لونهم أبيض(الاتنين بـ8 جنيه بعد الفصال)


وروحت لفيت شوية على الكورنيش ..وجامعة الدول
وروحت

[solyahmed]

هي فين التوفيقيه دي يا جماعه ؟؟ ممكن اعرف اروح هناك ازاي مع العلم انا جاي من اسكندريه

هو ما فيش حد عارفها فين ؟؟؟؟

[kliken]

هو ما فيش حد عارفها فين ؟؟؟؟

انت تقدر توصل لغايه فين فى القاهره و نوصفلك منها الطريق

[A7MED_PHARMA]

هي فين التوفيقيه دي يا جماعه ؟؟ ممكن اعرف اروح هناك ازاي مع العلم انا جاي من اسكندريه

بص
توصل لحد محطة رمسيس..وهناك تسأل
بينها وبين رمسيس ..يدوبك دقايق


بس هتروح هناك
هتتوهم