من يفوز في مباراة الكلاسيكو رقم 105 بين الأهلي و الزمالك

[Terrible_DaRsH]

لا يا جماعة مش كويس و لا حاجة .

ده من ماتش برشلونة و هو مستواه سيء جدا .

هيرجع فريق الشباب تانى و رمزى صالح هيمشي لانه مش هيلعب .

و الاهلى هيتعاقد مع حارس ( المنصورة تقريبا ) بمليون دولار و ده سعر شايفه كبير جدا جدا .

هيبقي شريف اكرامى و هو , واحد اساسي وواحد احتياطى و شكرا .

[OlaOsman]

لا يا جماعة مش كويس و لا حاجة .

ده من ماتش برشلونة و هو مستواه سيء جدا .

هيرجع فريق الشباب تانى و رمزى صالح هيمشي لانه مش هيلعب .

و الاهلى هيتعاقد مع حارس ( المنصورة تقريبا ) بمليون دولار و ده سعر شايفه كبير جدا جدا .

هيبقي شريف اكرامى و هو , واحد اساسي وواحد احتياطى و شكرا .

لأ بأه كويس

درش.. باقول لك ايه.. ما تحاول تسمع شوية الناس اللي بيتكلموا معاك في الموضوع.. إيه رأيك في الاقتراح ده؟

مساك فل يا درش.. انا باهزر معاك، إوعى تزعل

[medhat_skaik]

مبروك للأهلي النقطة وهاردلك للزمالك النقطتين...

أهداف الأهلي التلاتة بمساعدة أحمد غانم سلطان الله يسامحه
جماهير الأهلي برضوه بتعمل بأصلها وقعدت تشتم التوأم بعد الماتش...
في ماتش قمة تاني الشهر اللي جاي إن شاء الله في الكأس نعوض فيه ونكسب الكأس

[TeXo]

مبروك للأهلي النقطة وهاردلك للزمالك النقطتين...

أهداف الأهلي التلاتة بمساعدة أحمد غانم سلطان الله يسامحه
جماهير الأهلي برضوه بتعمل بأصلها وقعدت تشتم التوأم بعد الماتش...
في ماتش قمة تاني الشهر اللي جاي إن شاء الله في الكأس نعوض فيه ونكسب الكأس

حضرتك زي ما سمعت شتيمه التوأم بيتهيالي سمعت اثناء الماتش الشتايم من جمهور الزمالك ؟؟؟

بس الواحد مرضاش يقول حاجه عن الموضوع ده لان اكيد زي ما في ناس شتمت في ناس كانت قاعده محترمه و عشان كده ما ينفعش التعميم .. لكن شوف بقى كلام حضرتك "جماهير الأهلي برضوه بتعمل بأصلها " أظن عيب جدا جمله زي دي .. لو تفتكر الماتش بتاعكم اللي قبل فات مع الشرطه و الشغب والتكسير و ضرب الجهاز الفني بتاع الشرطه و شتايم من جمهوركم لو حد قالكم حاجه بتقولوا دي قله مندسه صح ؟؟

التعميم ما ينفعش في اي حاجه

شكرا

[Sharky]

أنا شايف أحمد عادل بالنسبة لأنه بيبدأ وبالمقارنة بالبداية بتاعة الهارب أول ما جه الأهلي شايفه هايل جدا وشوية صبر وهيبقى احسن من الهارب كمان

كلام مظبوط
أحمد عادل مشروع حارس كويس بس نصبر عليه
و هو فعلا كان بدأ حلو لحد ما جابو شريف اكرامى و قغد احتياطى فاتهز

لو تفتكروا عصام لما جه للأهلى فى أواخر التسعينات كان حارس عادى جدا لحد ما الاهلى جاب له نادر السيد فجأة بقى حارس عالمى و مالوش حل يعنى بعد سنين من حراسته للأهلى

[Terrible_DaRsH]

لأ بأه كويس

درش.. باقول لك ايه.. ما تحاول تسمع شوية الناس اللي بيتكلموا معاك في الموضوع.. إيه رأيك في الاقتراح ده؟

مساك فل يا درش.. انا باهزر معاك، إوعى تزعل

مادام شايفاه كويس يبقي زى الفل كمان .

كل واحد له وجهة نظره طبعا و احتمال اكون انا غلطان فيها عادى جدا .

الحارس ده بيلعب بقاله فترة كبيرة و لعب اكبر ماتشات ممكن الاهلى يلعبها و مستواه للاسف سيء و لو انتى متابعة ماتشات الاهلى كلها , راجعيها هتلاقى ان كل الاهداف اخطاء منه و معندوش تمركز جيد فى المرمي و مهزوز على طول ..

حسام البدرى بيلاعبه لاخر الموسم علشان ميزعلش و اكرامى هيبدا من اول معسكر المانيا مع الحارس الجديد .

و احتمال كبير رحيل رمزى صالح مع انه حارس جيد جدا .

تذكرى كلامى كويس

[M.Mosaad]

الاهلي من خمس سنين لجد دلوقتي عنده تلات لعيبه متعب و تريكه و بركات مش بيحتاج غير واحد منهم بس يكون في حالته علشان تلاعب الزمالك النهاردة بركات و متعب كانوا فايقيين و عوضوا خيبة الدفاع شوية المشكله ان الاهلي بقي يلاعب الزمالك كل ماتش علي قد لعب الزمالك يعني مش بيبقي عايز يكسب الزمالك يجيب جون الاهلي يلعب و يهدف الزمالك مكتفي بالتعادل الاهلي برضة مش فارقه معاه

بس ماتش جميل و شويه اجوان ممتعه متعب الجون الاول هيد محصلشي و كورة بركات مفتريه اوي تحس انه هيجيب جون هيجيب جون

احمد عادل مشروع حارس كبير بس عايز صبر شوية و شغل كتير من احمد ناجي لكن هو عنده مهارات كويسة و مستواه دلوقتي احسن من مستوي عصام الحضري في 2003 مثلا

احمد علي مش ثغرة و بس دة خررررررررررم كبير في الاهلي يعني انا شايف الاهلي يشوف مساك تاني و يلعب شريف عبد الفضيل مكانه هيبقي احسن بمراحل

عبد الله فاروق و شهاب محمد مجتهدين بس مش لعيبه يعني هيفضل دة مستواهم غير احمد شكري اللي تحس ان لسة عنده كتير بس عايز مدرب كويس معاه

احمد حسن فاقد التركيز شويه و مركز مع الاعلام و التصريحات

من الاخر الاهلي مش لاقي حد يعوض بركات و اوبو تريكه و متعب علشان كدة لازم الخزاين تتفتح الموسم الجاي لصفقات تقيله شوية لو عايزن نرجع كأس العالم للانديه

الزمالك بقي هارد لك ماتش جميل و بقي فريق متعب بجد و حسام حسن بدأ الماتش كويس و سلم علي الناس كلها و كان هادي و الواحد فعلا انبسط منه لكن في الاخر مكنش ليها اي لازمه حركه الفانله دي لان انا اهلاوي و بحب حسام حسن لانه واحد قعد في الاهلي 20 سنه فكانت حركة زباله اوي و مكشوفه


عندي سؤال هو طارق سليمان انسحب ليه من المؤتمر و ايه اللي حصل النهاردة مزعلهم ؟

[mhmdalsaadany]

النتيجة العادلة تعادل وبجد أحمد عبد المنعم مينفعش جون في الوقت دا الإهلي فريق بطولات مفيش وقت للصبر علي مكان حساس زي دا لازم يكون في حل للدفاع (أحمد بية علي) و حارس المرمى
وبجد هارد لك للزمالك بس بجد نقدر نقول الموسم القادم فيه كلام كتير وربنا يستر

[aliabutaleb]

عندي سؤال هو طارق سليمان انسحب ليه من المؤتمر و ايه اللي حصل النهاردة مزعلهم ؟

أرجح إن السبب هو صعود رجال الأمن لأوتوبيس الفريق وتفتيشه بحثاُ عن إبراهيم حسن
وعدم حدوث المثل مع أوتوبيس النادي الأهلي

[solycar]

أرجح إن السبب هو صعود رجال الأمن لأوتوبيس الفريق وتفتيشه بحثاُ عن إبراهيم حسن
وعدم حدوث المثل مع أوتوبيس النادي الأهلي

مهو صعب ابراهيم حسن برضو يستخبى فى اتوبيس الاهلى

[aliabutaleb]

مهو صعب ابراهيم حسن برضو يستخبى فى اتوبيس الاهلى

بس برضة مكانش يصح تفتيش باص فريق والتاني لأ
لسة عندنا الأمل بيتعامل بعقلية إن دماغه في رجليه

[M.Mosaad]

بس برضة مكانش يصح تفتيش باص فريق والتاني لأ
لسة عندنا الأمل بيتعامل بعقلية إن دماغه في رجليه

ابراهيم حسن مقدرشي الامور كويس في ماتش الشرطة يعني نزل علشان يضرب واحد في جهاز الفني لفريق الشرطه بمعني انه بينال من هيبة الدوله و من هيبه جهاز الدوله بتتعتمد عليه هو و الجيش يعني فينظرهم غلط غلطة كبيرةةةةةةةةةةةةة زي واحد بيعتدي علي ظابط شرطة حتي لو معاه حق شوفوا بقي لما بيروح القسم بيحصل معاه ايه

علشان كدة مجلس ادارة الزمالك اعتذر لجهاز الشرطه لان ليه فقبل كدة برضة سابقه مع حرس الحدود و كله شاف ان معسكر الزمالك في المانيا اتلغي علشان معرفوش يطلعوا تصاريح السفرلان الجيش قفلها في وشهم و سابهم يمشوا في الطريق العادي بتاع استخراج التصاريح و علشان كدة مجلس الادارة مش موافق علي المؤتمر الصحفي اللي حسام و ابراهيم عايزين يعملوة


طبيعي يبقي في تعنت معاه لانه متهور و مش بيفكر قبل ما يتصرف

[Samir Elshahawy]

بغض النظر عن نتيجة اللقاء لكني بصراحة لم أستمتع بمباراة في دوري (العك) المصري منذ سنوات طوال كما أستمتعت بالامس مباراة ممتعة و مثيرة بالفعل و في أعتقادي أن الفئز الفعلي بالمباراة هو "حسن شحاته" و المنتخب الوطني المصري الذي لابد وأن يستفيد من الوجوه الشابة الجديدة التي قدمها كلا الناديين بدلا من قدامي محاربي المنتخب الذين قدموا الكثير و لم يعد لديهم المزيد

شكرا للحسامين
شكرا لجميع اللاعبين
شكرا للجمهور المصري

[Sharky]

بس برضة مكانش يصح تفتيش باص فريق والتاني لأ
لسة عندنا الأمل بيتعامل بعقلية إن دماغه في رجليه

و يفتشوا باص الاهلى ليه ؟؟؟؟؟؟؟؟؟؟
هو الاهلى عنده حد موقوف من حضور الماتشات زى الزمالك ؟؟؟؟؟؟؟؟؟؟؟

[aliabutaleb]

و يفتشوا باص الاهلى ليه ؟؟؟؟؟؟؟؟؟؟
هو الاهلى عنده حد موقوف من حضور الماتشات زى الزمالك ؟؟؟؟؟؟؟؟؟؟؟

إبراهيم حسن مش موقوف من حضور المباريات يا شاركي
إبراهيم كان بيتواجد بصفته مشجع في المدرجات
الأمن يسال عن السماح له بدخول أرض الملعب
مفيش حد من حقه يمنع حد من دخول منشأة عامة
وأرجو إن كلامي لا يؤخذ على إني مؤيد لما يقوم به ابراهيم من تجاوزات
انا في رأيي هي حركة مستفزة جداً