الخفايا المبهمه و دليل نجوم الرمرمه, فاست فود نايل موتورز!!!

[الغزالى]

الناس فاكرين اننا عاملين دليل المطاعم
ولا يمكن شايفين اسم الموضوع دليل مطاعم الجمهوريه الفاخره
تسلم يا غزغز علي شرحك الوافي

هوا دليل مطاعم يا شنورى مننكرش بس مش الفاخر اكيد ....

والشرح .. ده حاجه بيسطه فى بحر معاليك وفى قواميس الرمرمه بتاعه معاليك .. منكم نستفيد يا مستر شنورى ( بزمتك حد قالك مستر دى قبل كده )

ايوه كده نورنا ياباشا العلم نور برضو هههههههههه
ماهو حضرتك يا غزالي باشا ٩٠٪ من مطاعم مصر رم رمة واكمن ان شغلنا قريب من توريد للمطاعم عاوز اقلك ان ٩٥٪ اكل غير صالح للاستخدام الادمي في صنف. موزريلا بالذات الي بتيجي من كفر الشيخ والي هيا بتتوزع على كل مطاعم مصر بتاعت البيتزا الكيلو موزريلا ب ٢٤ جنيه ده بيسبب السلطان وش كددددددددددددددددده وانتا تاكول البيتزا ياعيني وتقول ايه الحلاوة دي حتى اللحمة ولا الكبدة بتبقه مجمدة ومستوردة ويحطلك عليها ليه ضاني ويبعهالك قال ايه. لحمة ضاني يابيه اطمن. كل مطاعم مصر وانتا مغمض اكلها زبالة حتى الحلويات والشيبسي والباسكوتات من روتيتو تبع شركة سونيريتا للمواد الغزائية. بتستخدم الملح الصيني المسبب الاول للسرطان روحو المستشفيات. والعيدات بتاعت السلطان وشوفوا الدنيا ماشية ازاي هناك. وان مجلكش سلطان بيجي لاطفالك او لعيال عيالك بعد الشر عليهم من الرمرمة بس تعمل ايه الناس عاوزة تاكول ارخص حاجة في المطاعم وبالتالي المطاعم بتطلب من شركة التوريدات. اردء شي ء. وبيدوروا ورى الارخص ومع الاسف حتى المطاعم الغالية والمشهورة بتلاقيها بتجري ورى اسوء شيء وبشطارت الشيف عندو مع شوية بهرات وحبكشتانات تلاقي الطعم تمام ومفتشين الصحة بيجو ياخود حاجة اسمها شهرية كده من كل مطعم ومن كل شركة لان القانون المصري ذات نفسو غلط. ونصو. يحتمل اللعب والعبث وتحياتي. موضوع جميل الصراحة

انا هاسئلك سؤال واحد وتجاوبنى عليه .. عشان الخصلك القصه دى كلها ..
انت مش هاتدفع فلوس كتير وتعيا وتاكل نفس الاكل الحقير ...
طيب يجرى ايه لما تدفع ربع المبلغ الى هاتدفعه فى مطعم فخم .. وجيلك نفس التعب بس تاكل لحد اما تعيا من كتر الاكل ... انهى احسن واوفر ... ؟

[me_medoo]

اها ... كده أنا فهمــــــــــــــــــــــت !
وتحياتي ..

[الغزالى]

اها ... كده أنا فهمــــــــــــــــــــــت !
وتحياتي ..

شكلك تعبت نفسيا منى او من الموضوع نفسه وهاتبطل اكل ..

[SHNORY]

شكلك تعبت نفسيا منى او من الموضوع نفسه وهاتبطل اكل ..

اسكت يا غزالي
احنا عاوزين نجيب رجله علشان ييجي يرمرم معانا

[الغزالى]

اسكت يا غزالي
احنا عاوزين نجيب رجله علشان ييجي يرمرم معانا

لو صبر القاتل على المقتول .. كان لحق المسدس قبله وقتله ..
انا كنت مستنى رده عشان اجيب رجله .. ونفهمه ان الموضوع فى اوله صعب بس هايتعود عليه بعد

[Screenplays]

نعم؟
نباتي؟
تاكل جزر وخس والحاجات دي
داخل هنا ليه ؟؟
ايه جابك وسطنا اصلا
استني لما نعمل موضوع لاكل الارانب ابقي ادخل اطبخ فيه ههههههه
هنا للرمرمه فقط لا غير
عموما حنخطفك ونديلك الكورس المتين

ارانب ؟ ماشي يا عم ربنا يسامحك بس انا باكل كل الاكل زي البني ادمين ماعدا اللحوم عشان تقيله علي معدتي بس

ده يتخطف ونوديه عند بحة ويتكتف ويتزغط بالكوبريسور ... وكل ما يشرق نديلو شربة كوارع باللاظاليظ عشان يبلع .... لغاية ما يقر ويعترف وينتخب الاخوان
ههههههههههههههههههههه

يااااااااااااااع حرام عليك يا حاج احمد يعني كومبيروسور و شوربع كوارع ياااااااااع و كما في الاخر انتخب الاخوان ههههههههه حرام و الله

دا حنعمله الاسكارس اسباجيتي بالصلصه وناكلهاله علشان صحته تتعدل

الاسكارس ما تبقاش حلوة غير لما نحطلها شوية بول الإبل

وليه
نشوف حد يكون عنده زحار اميبي او بلهارسيا في مرحله متقدمه
ويجيبلنا الاسكارس بصلصتها ههههههههههه

زحار اميبي و اسكارس و بلهارسيا ؟؟؟؟؟؟ ده انا اخد العربيه و انط بيها في ترعه احسن هههههههههه حسبي الله و نعم الوكيل

[aif]

يااااااااااااااع حرام عليك يا حاج احمد يعني كومبيروسور و شوربع كوارع ياااااااااع و كما في الاخر انتخب الاخوان ههههههههه حرام و الله

ماتخافش مش ح تنتخب الاخوان المسلمين
انا اقصد ح تنتخب الاخوان بحة ..... ميمي وعلاء بحة

[Screenplays]

اه اذ كان كده ماشي هههههههه

[mesaharaty]

[frame="1 80"]
بيبو -شبرا - شارع جسر البحر. دة حبيب قلبى من جوة.
مرة عديت علية فى يوم الساعة 3 فجرا لقيتة قافل علشان بيبلط المحل زعلت زعل غريييييييب ملوش تفسير , وروحت تانى يوم قولت أكيد خلص تبليط فعديت علية ولكن للأسف كان لسة بيبلط.


[/frame]


ممكن وصف تفصيلى ممل لعنوان مطعم بيبو .
أنا باسمع عنه من زمان ومرة شفت له برنامج بتاع عباس اللى بييجى فى قناة فتافيت والله كنت عاوز أنزل أجرى أروح أتغذى عنده

[الغزالى]

[frame="1 80"]
بيبو -شبرا - شارع جسر البحر. دة حبيب قلبى من جوة.
مرة عديت علية فى يوم الساعة 3 فجرا لقيتة قافل علشان بيبلط المحل زعلت زعل غريييييييب ملوش تفسير , وروحت تانى يوم قولت أكيد خلص تبليط فعديت علية ولكن للأسف كان لسة بيبلط.


[/frame]


ممكن وصف تفصيلى ممل لعنوان مطعم بيبو .
أنا باسمع عنه من زمان ومرة شفت له برنامج بتاع عباس اللى بييجى فى قناة فتافيت والله كنت عاوز أنزل أجرى أروح أتغذى عنده

اوصل الكت كات من ناحيه مسرح البالون ... ومن هناك خد الاتجاه الى راجع على امبابه و وبعد كده سيب حسك الرمرمى يدلك على الطريق

[Bonanza]

كان نفسي اتابع الموضوع من اولة بس انا جيت في الصفحة رقم 22 و كتير اقراهم كلهم

هاقول اللي اعرفة و جربتة

البرنس في امبابة ( كل حاجة عنده جامدة جداااااااا من هنا لاخر السنة )

بحة في الناصرية ( السيدة زينب )

عبلة في المنصورية .. اجمد سمان مشوي ممكن تاكلة في حياتك .. ولا الـ ( مزاليكا ) كبد سمان متسبكة جامدة جدا جدا جدا اجدااااااااا

الرفاعي بتاع المشويات ( السيدة زينب ) احلي مشويات تاكلها من هناك

كفتة بالليه .. في العتبة .. امام جراج العتبة الناحية التانية ... كفتة علي شكل كور متحمرة في الزيت و معاها حتتين ليه و شوية سلاطه و ويسكي .. اخر حلاااااااااااااااوة

كشري ابو طارق .. اشهر من نار علي علم

مكرونة بابا عبدة في وسط البلد عند البورصة ... مكرونة بالسجق او بالكبدة ... جاااااااااااااااااااامده

زيزو نتانة و احلي سندوتشات كبدة و احلي حلاوة بالقشطة و المربي ( سكلانس )

بيبو و طواجن بيبو في شبرا اشهر من نار علي علم

مكرونة بالسي فود علي الطريقة المصرية ( المحل اسمة بومودورو بس ماتقلقش من الاسم .. اكل رمرمة بردو بس جامد ) في عابدين .. مكرونة بالجمبري و السبيط و عليهم كابوريايا و استكوزا و الطبق بيتعمل قدامك علي ( البوتاجاز ) و بتاكل قدام المحل في الشارع عشان المحل كلة 2 متر و الطبق بـ 30 جنيه ... جااااااااااااااااااااااااااامد

عاوز تحلي بقي تطلع علي الكرنك في عابدين و تاكل من هناك القنبلة ( طبق رز باللبن بالتفاح و الموز و عصير المانجا و عصير الفراولة و حتة بسبوسة و حتة كنافة و فوقيهم كتلة قشطة ) قنبلة بمعني الكلمة .. بـ 10 جنيه



سؤال بقي للناس الاكيلة

محدش يعرف فين المحل اللي طلع في فيلم ( اكس لارج ) لما حلمي و ابراهيم نصر كانوا بياكلوا سجق و كبده ؟؟؟؟؟؟؟؟؟؟؟؟؟؟؟؟ نفسي اعرف مكانة

[dr-mohamed]

مين صحي الموضوع ده

[SHNORY]

مين صحي الموضوع ده

حيكون مين غيري يعني يا دكتور

[BUNSH]

شكلك شبراوي ؟

شبراااااااااااااااااااوى قديم !!! هنطلع جيراااااااان ولا اى !
كلمة سر : خلفااااااااااااااااااااااااااااااااااااااااااااااا اااااااااااااااااااااااااااوى !

[casperinoo]

علي بركه بتاع الكبده في رمسيس ب 9 جنيه بجيب 6 ارغفه كبده و كانز سبرايت ب 2و نص من المحل اللي جنبه علشان الهضم :) ...بس والله احلي كبده ..بحس عنده بمتعه غريبه

في واحده ست في ارض فاضيه ورا بنك مصر اللي في اول الطيران...بتعمل صواريخ عجب وده الواحد ب 2 جنيه بتنجان علي بطاطس علي بيض علي شوية حركات بس كفائه.. بس اخرك الساعه عشره صباحا ..

الحواوشي طبعا من العائلات في ميدان سفير ..ابو 3 او 5 .. او حواوشي اسكندراني من جزار الامانه في اول شارع مصطفي حافظ عين شمس

الفول والطعميه من محل صغير في ميدان تريومف جنب مؤمن بس ممتاز فعلا وبعديها قصب من ابو ليله جنبيه علي طول..

الطواجن طبعا من بيبو شبرا ...