4 سنين من عمري في ذمه الله و حسبي الله و نعم الوكيل

[romeo_6887]

ال 4 سنين دول بتوع الكليه اللي اخدت منها بكالوريوس ميسواش دبوس شعر مصدي
روحت النهارده اقدم في شغل في مصنع بتاع ضفاير عربيات عندنا في الاستثمار
المهم روحت قبل معادي بربع ساعه و معايا السي في بتاعي
المشكله انهم بيخدوا كل يوم سبت عشره يعملولهم انترفيو
و اللي يتقبل يخش فتره تدريب تعتبر مجانيه
لو نجحت هتشتغل و تتفحت و ممكن تعد شفتين علي بعض عادي جدا
و لو سقطت ربنا نجاك و الله يا رتني سقطت
المهم الباشمهندس المحترم اللي المفروض هيعملنا انترفيو
اخد عشره من ال 17 واحد اللي كانوا رايحين يقدموا
و ال 10 دول يتاخدوا علي اساس ايه بقي ؟
مش المفروض ان المهندس مجتاج تخصصات معينه
لا اخد ال 10 تنفار علي حسب اللي جه الاول
علي اساس اننا في فرن عيش مش داخلين مصنع محترم المفروض
تخيلو العشره دول فيهم ناس اميين اصلا و دبلومات
و مدخلونيش الانتر فيو عشان جاي بعديهم
مع اني جاي قبل معادي اقول ايه بالله عليكوا
حسبي الله و نعم الوكيل في اللي كان السببب
عشان خلاص اتساويت بالاميين و كمان اللي معاهم دبلومات
لالالالالالالا ده انا اقل منهم
و الله العظيم انا فاحت نفسي تعليم في الكمبيوتر و الانجليزي
و بفكر اخد كورس اسباني و شوفوا ايه اللي بيحصل
ال 4 سنين بتوع الكليه في ذمه الله
و منه لله اللي دخلني الكليه دي عافيه
و كان شغال فتي الله ينور و يقول ان الكليه دي هتخليني في شغل محترم بعد ما اتخرج
منهم لله اللي كانوا السبب بجد و ربنا ينقم من الظالم و المفتري

لا مني عارف عارف فاتح مصلحه بسبب ان المحلات للايجار خلصت خلاص من بورسعيد
و لا مني عارف اشتغل شغلانه محترمه في مصنع
و لا عارف اشتغل في محل و اقبض مرتب يألكني عيش
عندي 23 سنه و لسه مش عارف اشتغل شغل محترم
معلش طولت عليكوا

[A.Saad]

هوة فيه مناطق صناعية قريبة من بورسعيد ؟؟
او التوكيلات الملاحية
اخبارها ايه

[Mzeid]

ربنا معاك
و ممكن تقدم خارج بورسعيد و لا لازم بورسعيد علشان الإقامة

[human]

لو الشغلانه اللى انت مقدم ليها مش محتاجه مؤهل اصلا يبقى ايه المشكله؟!!!

يبقى انت اللى بتدور فى حته غلط و انت اللى خلط نفسك بيهم و ساعتها هما احرار يختاروا الى جه الاول عشان كله فى الاخر زى بعضه و هيعمل اللى همه عايزينه

[Abdm]

لو الشغلانه اللى انت مقدم ليها مش محتاجه مؤهل اصلا يبقى ايه المشكله؟!!!

يبقى انت اللى بتدور فى حته غلط و انت اللى خلط نفسك بيهم و ساعتها هما احرار يختاروا الى جه الاول عشان كله فى الاخر زى بعضه و هيعمل اللى همه عايزينه

كلامك مظبوط 10/10 يدخل الدماغ صح وفية الخلاصة

بس لو هو مضطر و بيدور على أى شغل وخلاص علشان يأكل عيش ويكون نفسة ويعيش لآن ذى ما أنتم فاهمين ما حدش دلوقتى بيشتغل بالمؤهل كلة بيشتغل حسب ما يلاقى أى فرصة فى أى مكان متوفرة
الا أذا كان فى حد معرفة يخدموا

والله الموفق والمستعان

[Terrible_DaRsH]

متزعلش علشان حكاية المؤهل ..

نصف دكاترة البلد شغالين فى الاعلام و عندهم قنوات و تخصصات ملهاش علاقة بالطب و نصف خريجيين التجارة شغالين صحفيين و مذيعيين و مراسلين .

و خد على كدا بقي كل التخصصات و الشهادات , متفهمش العيب فيك و لا فى البلد و لا فى الناس و لا فين بالظبط !

خليها على ربنا :)