حسبي الله ونعم الوكيل....كمين كوبري عبود

[A7MED_PHARMA]

السلام عليكم...محدثكم دكتور أحمد من المطرية
إمبارح بالليل جيت من الزقازيق للقاهرة علشان أجيب السبويلر بتاع عربيتي
وقلت أجي أبات عند واحد صاحبي هنا...والصبح أجيب الطلب بتاعي وأروح

المهم

داخل على كمين كوبري عبود...وقفوني
وكان فيه أكتر من عربية ملاكي واقفة
رخصتك..رخصة العربية ...بطاقة صاحبي إلي كان معايا
المهم..كله سليم
عاوزين يفتشوا العربية..بصيت لقيت العربيات كلها بتتفتش
قلت في نفسي مش مشكلة..علشان أمشي بسرعة..يفتشوا براحتهم
"مع إني قريت في كتاب(علشان ماتاخدش على قفاك)إنهم مش من حقهم يفتشوا العربية"
المشكلة مش معايا
المشكلة إن الظابط في الكمين نزل ناس من عربيات ميكروباص
ووقفهم وشهم للحيط..طول النص ساعة إلي أنا واقفها
الناس صعبت عليا أوي
أنا ماتخيلتش نفسي أكون مكانهم ...وواقف وشي للحيطة كده...مع العلم إن الناس دي نزلوهم من الميكروباص كلهم ..على طول وقفوهم للحيطة....وش كده

...ومن ساعتها وأنا مخنوق إني سيبتهم يفتشوا عربيتي ..علشان ده مش من حقهم..وكنت خايف أتكلم وأقولهم مش من حقكوا ....بقولولي """قانون الطوارئ"""

[ahmed_h_g]

أعمل نفسك مش واخد بالك
أنا برضه أتفتشت على نفس الكمين ده من سنه
والظابط قاللى ( معاك ممنوعات أصلى أحنا مبنقلقش غير منكوا يا بتوع السواحل )
مرددش عليه وسبته يفتش ومشيت
هتعملهم ايه ؟؟؟ سيبه يجيب أخره لو عايز تنجز .

[mrsailor]

أعمل نفسك مش واخد بالك
أنا برضه أتفتشت على نفس الكمين ده من سنه
والظابط قاللى ( معاك ممنوعات أصلى أحنا مبنقلقش غير منكوا يا بتوع السواحل )
مرددش عليه وسبته يفتش ومشيت
هتعملهم ايه ؟؟؟ سيبه يجيب أخره لو عايز تنجز .

انا حصل معايا نفس الموضوع على طريق السويس فى الكمين اللى بعد الشروق .. كنت داخل على الكمين و بقالى يومين مانمتش و عينى حمرا دم .. سألونى على الرخص .. سالت امين الشرطة هو انا اتصورت رادار .. ضحك و قال .. هو التصوير الليلى له كمين؟ .. انت باين عليك مروق خالص .. قولتله عالاخر و ماروقش ليه .. الضابط اللى واقف جنبه قالى طيب ممكن تجيب العربية على جنب .. قولتله ماشى .. جه و قالى ممكن نفتش العربية .. قولت ماشى .. قعد يفتش حوالى15 دقيقة لدرجة انه فتش المصحف اللى فى التابلوه .. وطبعا ما لقاش حاجة .. ادانى الرخص و ضغط على اسنانه و قالى تقدر تمشى .. الغريب ان امين الشرطة المعاق ذهنيا خدنى على جنب و قالى و هو بيبتسم .. انت متاكد ان مامعاكشى حاجة .. انا عارف انك مروق على الاخر .. قولت له هات كلب فتش بيه العربية و مش حا تعرف تطلع حاجة (علشان اغيظه) .. ضحك و ضحكت و مشينا .. بس لاحظت ان معظم السيارات الملاكى كانت بتتفتش يعنى احنا كنا 3 عربيات .. واحدة لانسر قبلى و انا وواحدة جين 2 .. اهو بيسلونا ..

[تامر.محمد]

يمكن ده في اطار ان فيه (أزمة حشيش ) فماحدش لاقيه ... ماحدش خالص لاقيه
:s

[romeo_6887]

برضه في كمين الظابط عايز يفتش العربيه فقلتله ليه يا فندم ؟ بيقولي في مخدرات في البلد كتير فقلتله يعني حضرتك شايف ان مدمن او تاجر مخدرات مثلا ؟ فقالي لازم العربيه تتفتش قلتله ماشي بس انا لو معايا مخدرات في العربيه مش هخلي حد يعرف مكانها اصلا

[M.Mosaad]

المفروض فعلا ان مش من حق حد يفتش الا لو في موقف شبهه او معاه اذن نيابه المشكله بقي ان الظابط ميكونش قرأ الكتاب و تثبت حقك بس بعد ما الواحد يتبهدل اخر بهدله

[max_ziro]

ربنا يسترها معانا
انا اقصى حاجة حصلت معايا الحمد لله انهم نزلونا و شافوا بطايق الناس الى معايا ..

[mostafabakry]

...ومن ساعتها وأنا مخنوق إني سيبتهم يفتشوا عربيتي ..علشان ده مش من حقهم..وكنت خايف أتكلم وأقولهم مش من حقكوا ....بقولولي """قانون الطوارئ"""

خلص الكلاااااااااااااااااااااااااام

[Ahmed Nouh]

انا حصل معايا نفس الموضوع على طريق السويس فى الكمين اللى بعد الشروق .. كنت داخل على الكمين و بقالى يومين مانمتش و عينى حمرا دم .. سألونى على الرخص .. سالت امين الشرطة هو انا اتصورت رادار .. ضحك و قال .. هو التصوير الليلى له كمين؟ .. انت باين عليك مروق خالص .. قولتله عالاخر و ماروقش ليه .. الضابط اللى واقف جنبه قالى طيب ممكن تجيب العربية على جنب .. قولتله ماشى .. جه و قالى ممكن نفتش العربية .. قولت ماشى .. قعد يفتش حوالى15 دقيقة لدرجة انه فتش المصحف اللى فى التابلوه .. وطبعا ما لقاش حاجة .. ادانى الرخص و ضغط على اسنانه و قالى تقدر تمشى .. الغريب ان امين الشرطة المعاق ذهنيا خدنى على جنب و قالى و هو بيبتسم .. انت متاكد ان مامعاكشى حاجة .. انا عارف انك مروق على الاخر .. قولت له هات كلب فتش بيه العربية و مش حا تعرف تطلع حاجة (علشان اغيظه) .. ضحك و ضحكت و مشينا .. بس لاحظت ان معظم السيارات الملاكى كانت بتتفتش يعنى احنا كنا 3 عربيات .. واحدة لانسر قبلى و انا وواحدة جين 2 .. اهو بيسلونا ..

باشا الله يكرمك بلاش تعمل موضوع لو عرفت تطلع حاجه ده تانى لحسن الامناء دول 80% منهم اساسا معندهمش ولا دين ولا اخلاق وكلمه زى كدا ممكن ياخدها تحدى ويسخن ويحطلك من جيبه اى حاجه فى العربيه علشان ياخدك على القسم ويفتش براحته هناك على أمل انه يطلع حاجه ويغيظك زى ما بتغيظه

ربنا يكفيك ويكفينا شرهم

[SeiffoZ]

أكيد فى إجراء مضاد ليهم ... مش كده؟

[M.Zaher]

أكيد فى إجراء مضاد ليهم ... مش كده؟

مهو ايه اللى ممكن يتعمل في موقف زي ده اكيد هايفتش غصب عن الواحد
طبعا مقصدكش انت طبعا

[ahmed_h_g]

"مع إني قريت في كتاب(علشان ماتاخدش على قفاك)

ههههههههه
الكتاب ده مشكله
عندك ؟؟
أبعتهولى لو عندك .

[mr_kenawy]

وكان فيه أكتر من عربية ملاكي واقفة
رخصتك..رخصة العربية ...بطاقة صاحبي إلي كان معايا
المهم..كله سليم
عاوزين يفتشوا العربية..بصيت لقيت العربيات كلها بتتفتش
قلت في نفسي مش مشكلة..علشان أمشي بسرعة..يفتشوا براحتهم

طب فى ظل الظروف و الشدة دى كلها ممكن اسأل بتعدى ازاى باللوحات السوداء اللى عليها بادج النيابة , انا اعرف وكلاء نيابة شالوا اللوحات السوداء و البادج علشان التفتيش القضائى شادد عليهم جدا فى الحكاية دى.

[wahba87]

حصلت معايا قبل كده و طنشت و سيبتهم يفتشوا عشان عارف ان مفيش حاجة فى العربية

[mrsailor]

باشا الله يكرمك بلاش تعمل موضوع لو عرفت تطلع حاجه ده تانى لحسن الامناء دول 80% منهم اساسا معندهمش ولا دين ولا اخلاق وكلمه زى كدا ممكن ياخدها تحدى ويسخن ويحطلك من جيبه اى حاجه فى العربيه علشان ياخدك على القسم ويفتش براحته هناك على أمل انه يطلع حاجه ويغيظك زى ما بتغيظه

ربنا يكفيك ويكفينا شرهم

و الله عندك حق بس انا كنت متغاظ من الموقف و اللى خلانى واخدها ببساطة انه كان قاصد الملاكى بس يومها حتى الاجرة كانوا بيعدوا و كنت عاوز اغيظه .. بس على فكرة انا ماقولتهاش بنبره تحدى انا قولتها عادى يعنى .. بس و الله عندك حق