اية رأيكم Windows Mobile ولا Android

[memohamada]

فكرة و طلعت فى دماغى انى اغير موبايلى رغم انة يدوب كمل سنة معايا
انا معايا نوكيا 5800 و كنت ناوى اجيب سامسونج اومنيا 2 لكن لقيت ان نظام جوجل الجديد اندرويد واكل الجو خالص لدرجة ان htc المشهورة ان موبيلاتها شغالة بويندوز موبيل بتنزل دلوقتى موبيلات شغالة باندرويد

فا اية رأيكم اجيب ويندوز موبيل ولا اندرويد ؟

[Imhotep]

اندرويد كنظام تشغيل مازال غير ناضج..... بمعنى انه يفتقد بعض الوظائف البسيطة الاساسية مثل نقل الملفات عن طريق البلوتووث....

[PRO-DRIVE]

MeeGo حيبقي الاحسن :) , اندماج بين انتل موبلن و نوكيا مايمو :)

[HAMZAWY]

اندرويد وبس شغال عليه من اول مانزل وان شاء الله كلها اخر السنادى باقى انظمة التشغيل حتعد فى بيتها

[Mustafa_Farouk]

السلام عليكم،

أنا كنت عايز أعرف إيه الفرق ما بين الاتنين بالظبط، خصوصاً اني ضد التكنولوجي خالص وكنت عايز أجيب موبايل lg ولقيت إن فيه نظام اندرويد ومش عارف بيعمل إيه، معلشي يا جماعه الذكاء الخارق باءة.

[khaled_rafea]

معايا الماجيك بتاع اتش تى سى,اندرويد 1.5 ,ملوش حل, فما بالك بالهيرو ولا النيكسوس وان, لو عاوز اشد بقى يبقى الاى فون 3 جى اس 32 جيجا

[yoko]

الأندريود أفضل لكن هو لسه في مرحلة التطوير ويندوز مش وحش بس برده مش قد كده
أنا الجهاز الي معايا ويندوز ٦.١ وحطيتله ٦.٥ والأندريود شغال عليه بس مش ١٠٠٪ لحد دلوقتي أول ما يشتغل كويس هقلبه أندرويد

[kemoelord]

هو ايه يا جماعه ال " اندرويد " ده ممكن شرح بسيط ؟؟

[khaled_rafea]

الأندريود أفضل لكن هو لسه في مرحلة التطوير ويندوز مش وحش بس برده مش قد كده
أنا الجهاز الي معايا ويندوز ٦.١ وحطيتله ٦.٥ والأندريود شغال عليه بس مش ١٠٠٪ لحد دلوقتي أول ما يشتغل كويس هقلبه أندرويد

للأسف يا باشا مش حيشتغل برفكت عندك لأن الاندرويد بيعتمد على ان فيه زراير نازلة بى ديفولت فى الموبايل زى الهوم و الباك و المينيو و السيرش

[khaled_rafea]

هو ايه يا جماعه ال " اندرويد " ده ممكن شرح بسيط ؟؟

ده نظام تشغيل للموبايل زى الويندوز و الابل, عملته شركه جوجل , بيدعم المالتى تاسكينج, سريع و خفيف, نازل معاه معظم تطبيقات جوجل (خرايط و مايل و جوجل تالك (شات) ) و طبعا ليه الالاف من التطبيقات المختلفة و الالعاب, لأنه اوبن سوفتوير و اى حد ممكن يطورله برامج

[yoko]

للأسف يا باشا مش حيشتغل برفكت عندك لأن الاندرويد بيعتمد على ان فيه زراير نازلة بى ديفولت فى الموبايل زى الهوم و الباك و المينيو و السيرش

ما يا باشا أنا عندي ٦ زراير ممكن يتغير وضائفهم x panel و اليمين والشمال وال ok والفتح والقفل غير زرار الباور

ده نظام تشغيل للموبايل زى الويندوز و الابل, عملته شركه جوجل , بيدعم المالتى تاسكينج, سريع و خفيف, نازل معاه معظم تطبيقات جوجل (خرايط و مايل و جوجل تالك (شات) ) و طبعا ليه الالاف من التطبيقات المختلفة و الالعاب, لأنه اوبن سوفتوير و اى حد ممكن يطورله برامج

نسيت أهم حاجة إنه مبني على اللينكس

[memohamada]

شكرا على ردودكم يا جماعة و فعلا ميجبهاش غير رجالة نايل موتورز

بس بدام ويندوز موبيل ممكن يتقلب اندرويد يبقى اجيب و يندوز و لو معجبنيش اقلبة اندرويد و خلاص

اية رايكم فى اومنيا 2 ؟


Samsung I8000 Omnia II - Full phone specifications

هو قدامى ب 3000 لكن هل ممكن يتقلب اندرويد عادى

[yoko]

للأسف مش كل الويندوز ممكن يتقلب أندرويد والأومنيا لحد دلوقتي ملوش أندرويد

[أبو_يوسف]

متهيألي الاندرويد مستقبله جامد جدا..لأن في فترة قصيرة جدا اصبح ليه تطبيقات كثيرة اوي..
في منتدى للكمبيوتر الكفي ممكن يفيدك اوي في الموضوع دا
ce4arab.com

[khaled_rafea]

شكرا على ردودكم يا جماعة و فعلا ميجبهاش غير رجالة نايل موتورز :s_thum1[1]:

بس بدام ويندوز موبيل ممكن يتقلب اندرويد يبقى اجيب و يندوز و لو معجبنيش اقلبة اندرويد و خلاص

اية رايكم فى اومنيا 2 ؟


samsung i8000 omnia ii - full phone specifications

هو قدامى ب 3000 لكن هل ممكن يتقلب اندرويد عادى

اومنيا جامد جدا طبعا, متفكرش فى موضوع تغيير السيستم علشان مش حاجه سهله و مضمونة, لو حتجيبه يبقى تخليه زى ما هوه, بالكتير تأبجريد لويندوز موبايل 7 لو ينفع و لو اوفيشيل ابجريد, من وجهة نظرى المتواضعه مفيش حاجة زى الاي فون لحد دلوقتى, كله بيحاول يقلده, او جيب نيكسوس وان من بره ولو عاوز ويندوز يبقى اتش دى تو من اتش تى سى