إعـــــــلان

Collapse

.

,
See more
See less

قنوات النصب العلني (الإمارة و سترايك و غيرهم)

Collapse
X
 
  • Filter
  • الوقت
  • Show
Clear All
new posts

  • قنوات النصب العلني (الإمارة و سترايك و غيرهم)

    إمبارح كنت بقلب في الدش من زهقي , لفت نظري القناتين دول الإمارة و سترايك , بصراحة أنا مش عارف إزاي المسئولين عن القمر الصناعي نايل سات سامحين إن القناتين دول و اللي زيهم يستمروا في النصب العلني اللي بيعملوه

    أنا عارف إن القنوات دي مش جديده , بس الجديد بقى إبتداعهم طرق جديدة للنصب على السذج

    القنوات دي للي ميعرفهاش هي قنوات مسابقات بتيجي واحده (لا داعي لوصفها عشان مقولش حاجه أتوقف عشانها) بتسأل سؤال عبيط جدا يجاوب عليه أي عيل صغير و بتطلب إن المشاهدين يكلموها و يجابو , و بعد كده تتوالى الإجابات المتخلفة اللي مش ممكن تصدر عن إنسان عنده حاجه في جمجمته ربنا خلقهاله

    مثال كده إمبارح كان السؤال مين أخت خالتك و مش خالتك؟ والإجابت كانت كالتالي : خالتي الكبيرة , عمتي , بنت خالتي.

    دول التلات إجابات اللي جم خلال ربع ساعه و طبعا محدش عرف يجاوب على السؤال العويص , على الرغم من أن المذيعة المبجلة كانت عماله تغني لست الحبايب طول الوقت .

    وبالتأكيد المتصلين دول كانو شوية نصابين برضه من ضمن فريق البرنامج عشان يوهمو الناس إن فيه مكالمات بيترد عليها و إن الناس لسه مش عارفه الإجابه

    ويفضل السؤال مستمر لمده طويله جدا قد تصل أيام و قال يعني محدش عارف يجاوب عليه

    والجديد بقى في النصب اللي أنا بتكلم عليه إنهم بيطلبو من الناس إنهم يرنو بس من غير مايتصلو وهم هايكلموهم بنفسهم عشان مايكلفهمش تمن المكالمة , وبكده هايضمنو إن ناس كتير هاتصدقهم و يتصلو طالما الموضوع مش هايكلفهم أي حاجه , مجرد رنة بس , و مع كل مكالمة بيستقبلوها بيأكدو المعلومة دي مع المتصل إنه رن بس ماتصلش و طبعا المتصل ده ما هو إلا أحد النصابين

    لأن بناءا على تجربة قديمة مع المسابقات دي أنا عارف إن مفيش رن و لاحاجه لأنك مجرد ماهاتتصل بالرقم هتلاقى رسالة صوتيه ردت عليك و بكده تبقى اتحسبت عليك الدقيقة اللي تكلفتها 3 أو 5 جنيه , فعلا منتهى النصب و الإستخفاف بعقول المشاهدين , وياريت الناس تاخد بالها

  • #2
    أنا بيلفت نظري و أنا بقلب في القنوات أشكال المذيعات البيئة و الميك أب الزبالة
    و أكيد بيكسبوا و إلا كانو قفلوا
    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

    Comment


    • #3
      و بعد كده تتوالى الإجابات المتخلفة اللي مش ممكن تصدر عن إنسان عنده حاجه في جمجمته ربنا خلقهاله
      ههههههههههههههههههههههههه انا بعتبر المسابقات المتخلفه دي ترفيه و برضه مش احسن من قناه الفراعين برضه !!!

      Comment


      • #4
        سترايك مشهورة جدا باتفه سؤال ممكن تلاحظه يعنى موضوع اخت خالتك ده يعتبر صعب شوية بالنسبة للاسئلة اللى شفتها قبل كده

        لا والمضحك ان السؤال بيستمر لايييييييييييييام

        يعنى محدش غلط وعرف يرد
        [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
        [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
        [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
        [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

        [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

        Comment


        • #5
          جيم تايم تبع النصب برده

          عين مين دى هى البت دى اللى فى البرنامج ههههههههههههههههههههه

          والله ده اللى جايبنا ورا
          [SIZE=5][COLOR=Navy][/COLOR][/SIZE][SIGPIC][/SIGPIC]
          [SIZE=5][COLOR=Navy][B] حمل هذا الشعار وضعه فى كل منتدى [/B][/COLOR][/SIZE]

          Comment


          • #6
            جيم تيم دة المفروض يتلغى اصلا كل الى فية ناس بتتصل تسلم على ندورة ( المذيع نادر يعنى مع انة مش حلو)
            والبت الى اسمها نونا ( مش فاكر اسمها بس صوتها زى صوت الدكتور بتاع الفيزياء )

            وتستمر المهزلة ....

            وجيب صورة عين تامر حسنى والمذيعة تقول :
            انا هاسهلكلم خالص
            دة بطل افلام عمر وسلمى
            وهوة عمر
            وعمل البوم عينية بتحبك
            مش ناقص غير انها توريك صورة البطاقة

            وفى الاخر واحدة تتصل

            تقولك دة

            فاروق الفيشاوى




            بجد حاجة تحرق الدم
            [CENTER][B] :penguin4: [/B][B][SIZE=4]
            [/SIZE][/B][/CENTER]

            Comment


            • #7
              المشاركة الأصلية كتبت بواسطة romeo_6887 مشاهدة المشاركة
              ههههههههههههههههههههههههه انا بعتبر المسابقات المتخلفه دي ترفيه و برضه مش احسن من قناه الفراعين برضه !!!
              أنا عديت عليها إمبارح برضه و إستغربت قوي من إسمها , بس معرفتش دي بتاعة إيه ؟؟

              المشاركة الأصلية كتبت بواسطة aboelnagah مشاهدة المشاركة
              جيم تايم تبع النصب برده

              عين مين دى هى البت دى اللى فى البرنامج ههههههههههههههههههههه

              والله ده اللى جايبنا ورا
              وده على قناة إيه دي كمان؟؟

              Comment


              • #8
                كيوف اللطش السريع هيا اللى ماشية اليومين دول يا مزاجانجى
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة eng.octooo مشاهدة المشاركة
                  جيم تيم دة المفروض يتلغى اصلا كل الى فية ناس بتتصل تسلم على ندورة ( المذيع نادر يعنى مع انة مش حلو)
                  والبت الى اسمها نونا ( مش فاكر اسمها بس صوتها زى صوت الدكتور بتاع الفيزياء )

                  وتستمر المهزلة ....

                  وجيب صورة عين تامر حسنى والمذيعة تقول :
                  انا هاسهلكلم خالص
                  دة بطل افلام عمر وسلمى
                  وهوة عمر
                  وعمل البوم عينية بتحبك
                  مش ناقص غير انها توريك صورة البطاقة

                  وفى الاخر واحدة تتصل

                  تقولك دة

                  فاروق الفيشاوى




                  بجد حاجة تحرق الدم
                  ههههههه ونسيت الاهبل ابو شعر جنان دة مخرة و
                  وياتري عرفت العربيه نوعها ايه يا بشمهندس
                  هههههههههههههههه
                  والله اعالم دي عالم فضيه ومشكله ياخى بياخدو فلوس مرتبات ع الهبل دة قد كدة
                  LORD.ADEL

                  Comment


                  • #10
                    المشاركة الأصلية كتبت بواسطة Tyler_Durden مشاهدة المشاركة
                    و أكيد بيكسبوا و إلا كانو قفلوا
                    رزق ال على ال
                    [SIGPIC][/SIGPIC]

                    Comment


                    • #11
                      مش ناقص غير انها توريك صورة البطاقة

                      وفى الاخر واحدة تتصل

                      تقولك دة

                      فاروق الفيشاوى
                      هههههههههههههههههه حرام عليك موتني من الضحك

                      بس معرفتش دي بتاعة إيه ؟؟
                      هقولك علي الخاص

                      Comment

                      Working...
                      X