يتعمل ايه لما زوجتك بتخبط العربيه؟؟؟؟

[nabaster]

انا كنت بقابل نفس المشكلة لما اروح بلدي في المنيا
لاني اول واحدة تسوق في البلد وبعدي بنت عمتي ولغاية دلوقت مفيش غيرنا
طبعا كنت بسمع تعليقات غلسة من العيال الصغيرين لكن الكبار مسمعتش بودني لاني معروفة بنت مين ومحدش يجرأ يتكلم قدامي
ومع الوقت بقه الموضوع عادي ومش ملفت للانتباه زي الاول
ومدام مش بنعمل حاجة غلط يبقه مش لازم نستسلم للتقاليد العقيمة بالعكس نحاربها

يا نور المشكله مش في ان البنات تسوق

المشكله في الي بيحي من وراهم لما يسوقوا :)

ماشى يا شقى يا مخلص انت بس فى الاول والاخر بتعرف تسوق ولا هيا ماكنتش
ليها فى السواقة فالبيجو سترتك ساعتها اصلها تفرق كتير

A.Yakout

[الغزالى]

يا نور المشكله مش في ان البنات تسوق

المشكله في الي بيحي من وراهم لما يسوقوا :)





A.Yakout

خلاص ياعم شوماخر متزعلش اوى كدة
واحشتنى جدا يا مان ابئى افتح الميل وحن علينا ياعم احمد

[hobaz]

اصل العربيه كدا كدا بتتخبط من الشوارع اللطيفه مش فارقه منك ولامنها في الاخر الحمد لله علي كل شئ

احييك على الرد....

[مواطن مصرى]

يا جماعة فيه ايه مش ناقص غير انكم تمضوها على وصل امانة بقيمة العربية و تعملوا محضر معاينة و تسليم بكافة المشتملات و تعلموا على اماكن النقر و الخبطات الموجودة مسبقا !!!!!!!!!!

مش للدرجة دى طبعاً بس بينى و بينك اعرف واحد زميلى فى الشغل معاه عربيه لانسر مراته دخلت فى تاكسى من ورا و كسرت له الفانوس و الاكصدام فراح التوكيل عمل مقايسه اصلاح و خصم التكلفه من مصروف مراته و تعمد يشترى لنفسه حاجات (لبس و ساعه تيسوت) و مجبلهاش حاجه زى ما جاب لنفسه

الهدف من ده كله حاجه واحده : ان الزوجه تعرف ان العربيه لو حصل لها حاجه البيت كله هيقف ستوب لغايه ما العربيه تتصلح لان الستات ميعرفوش قيمه الحاجه لانهم مش بيتعبوا فيها بيطلبوا على الجاهز و الزوج المكافح المناضل يجيبها لحد عندها و ياربت بعد ده كله و بيعجب

[مواطن مصرى]

اصراحه مستغرب الردين دول جدا

يعني ايه تقول مراتك الحساب عليكي او تصليح العربيه عليكي؟؟

انتوا يا جماعه مش في بيت واحد؟

والي الفلوس الي بتخرج ولا بتدخل من البيت البيت ده مش ملككم انتوا الاتنين سوا؟؟

مفيش حاجه اسمها فلوسك وفلوسها

الست مسئوله منك تاكلها وتشربها احسن اكل وتلبسها احسن لبس طالما ده في مقدورك ومبتخلش عليها

ولو قادر تجبلها عربيه ملزم تجبلها وترحمها من المواصلات والحر وهتبقي مسئوله منك برضه

الي بيقبض 500 عايش والي بيقبض 1000 عايش والي بيقبض 50 الف عايش برضه

ولازم كل ما مستواك المادي يذيد تعيش مراتك وتفتح علي بيتك

وفرضا فرضا هيا عربيتها جابتها مثلا من فلوس تخصها لو اتخبطت واجب عليك تصلحها ومصاريف العربيه دي عليك برضه

متهيالي مستحيل يعني هتفصل بينك وبين مراتك وهتحاسبها بالقرش والجنيه ودي عليكي ودي عليا

ده راي المتواضع ودي وجهة نظري

a.yakout

سيادتك مستغرب ليه ؟!

على رأى فايزة أحمد : بكرة تعرف يا حبيبى بعد ما يفوت الأوان ...

بادىء ذى بدء : فيه مليون فرق بين فلوسك و فلوسها فمثلاً هى تقدر تاخد منك فلوس زى ما هى عايزه (فى حدود المسموح منك و اللى ربنا مقدرك عليه) لأنك ملزم بالانفاق على بيتك و اهل بيتك لكن انت لو مراتك بتشتغل و بتاخد مرتب انت مالكش دعوة بيه تتصرف فيه زى ما هى عايزه و لو طلع ليها قريب مهاجر البرازيل من 30 سنه و مات وورثت منه 10 مليون دولار انت مالكش فيهم و لا من حقك تسأل الا فى حاله واحده فقط ألا و هى السفه فى انفاق تلك الاموال
(بالمناسبه ده كلام الشريعه الاسلاميه مش كلامى)

المرأه مسئوله من الرجل يأكلها و يشربها و كل حاجه و يركبها عربيته على عينى و راسى لكن لغايه انها انها تحدث ضرر مثل خبط او اتلاف العرببه فأنا آسف جداً : لغايه هنا و ستوب
اذا كان الشرع بيقول ان المرأه التى تعصى زوجها فى اى حاجه بتسقط حقها فى النفقه الشرعيه فما بالك بمن تسبب له الضرر المباشر ؟!

لو الزوجه جايبه العربيه من فلوسها يبقى انت مالكش دعوه بالموضوع ده خالص و هى تتولى مسأله العربيه من الناحيه الماليه بالكامل لانها خرجت عن نطاق ما تلزم انت به

و لو حضرتك راجل مقتدر و جايب لمراتك عربيه و انت اللى متولى المسأله كلها يبقى انت ملزم تصلح العربيه و لو هى دشدشتها هتجيبلها واحده تانى لان العقد شريعه المتعاقدين و محدش ضربك على ايدك و قالك اشتريلها عربيه (هى مش عربيه سيادتك اللى هى عربيه الاسره يعنى موجوده و اللا مأجرها لمتعهد افراح !!)

مع خالص تحياتى ,,

[nabaster]

سيادتك مستغرب ليه ؟!

برضه مستغرب ردك ده لاني اصراحه مش فاهم حضرتك فهمت اصلا كلامي ازاي

ونيجي طيب لنقطه نقطه

بادىء ذى بدء : فيه مليون فرق بين فلوسك و فلوسها فمثلاً هى تقدر تاخد منك فلوس زى ما هى عايزه (فى حدود المسموح منك و اللى ربنا مقدرك عليه) لأنك ملزم بالانفاق على بيتك و اهل بيتك لكن انت لو مراتك بتشتغل و بتاخد مرتب انت مالكش دعوة بيه تتصرف فيه زى ما هى عايزه و لو طلع ليها قريب مهاجر البرازيل من 30 سنه و مات وورثت منه 10 مليون دولار انت مالكش فيهم و لا من حقك تسأل الا فى حاله واحده فقط ألا و هى السفه فى انفاق تلك الاموال
(بالمناسبه ده كلام الشريعه الاسلاميه مش كلامى)

حضرتك انا مجبتش سيرة اني باخد من مراتي حاجه او باخد من فلوسها

فاصراحه مش عارف كلامك ده اساسا بناءا علي ايه

المرأه مسئوله من الرجل يأكلها و يشربها و كل حاجه و يركبها عربيته على عينى و راسى لكن لغايه انها انها تحدث ضرر مثل خبط او اتلاف العرببه فأنا آسف جداً : لغايه هنا و ستوب
اذا كان الشرع بيقول ان المرأه التى تعصى زوجها فى اى حاجه بتسقط حقها فى النفقه الشرعيه فما بالك بمن تسبب له الضرر المباشر ؟!

يعني حضرتك هيا متعمده الضرر ده وهيا فعلا يعني نويهالك وليها تار بايت عندك؟؟

وبرضه مش عارف علي اساس ايه القياس الي حضرتك ذكرته

لانه بعيد كل البعد عن موضوع نقاشنا

لو الزوجه جايبه العربيه من فلوسها يبقى انت مالكش دعوه بالموضوع ده خالص و هى تتولى مسأله العربيه من الناحيه الماليه بالكامل لانها خرجت عن نطاق ما تلزم انت به

هيا العربيه دي جايباها يعني علشان تتفسح بيها؟؟

ما هيا بتقضيلك مشاويرك ومشاوير عيال حضرتك

وعربيتها دي بتريحك قبل ما بتريحها لان طول ما الست ارتاحت بتريح البيت كله فده اساسا هينعكس عليك

و لو حضرتك راجل مقتدر و جايب لمراتك عربيه و انت اللى متولى المسأله كلها يبقى انت ملزم تصلح العربيه و لو هى دشدشتها هتجيبلها واحده تانى لان العقد شريعه المتعاقدين و محدش ضربك على ايدك و قالك اشتريلها عربيه

انا جبتلها العربيه علشان اريحها لان ده هيعود عليا انا كمان بالراحه

وبالنسبه لعربيتي هيا العربيه يعني واقفه تحت البيت وجبتلها عربيه تانيه؟؟

عربيتي معايا في شغلي وبتحرك بيها طول النهار بخلص شغل

مين هيقضي المشاوير دي

ومين ح يجيب طلبات البيت
ومين ح يودي العيال المدرسة
ومين ح يودي العيال الدرس الخصوصي
ومين ح يودي العيال النادي
ومين ح يودي العيال يلعبو عند زياد ابن خالتهم
ومين ح يودي العيال للدكتور
ومين ح يودي حماتك للدكتور
ومين ح يفسح العيال

باستثناء موضوع زياد ده وخليه (قرايبهم)

(هى مش عربيه سيادتك اللى هى عربيه الاسره يعنى موجوده و اللا مأجرها لمتعهد افراح !!)

اخيرااا

بطلب منك تتكلم معايا باسلوب احسن من كده

(وبالمناسبه اسلوبك ده فكرني بواحد اعرفه بياكل هوا في طبق ومراته في طبق علشان محدش يتعدي علي نصيب التاني)

A.Yakout

[Samah AbdAllah]

فداها عربيات الدنيا اهم حاجة ما تبقاش عورت حد و لا هي اتعورت .... مادام الكل بخير الحديد يغور في داهية

لسه مكلماني من يومين و بتعيط و اعصابها بايظة و بتقول لي خبطت العربية جامد و بتاع و نزلت تعتذر لصاحب العربية التانية و انا غلطانة و حقك عليا و هاكلم جوزي ييجي يصلحهالك

و الصراحة طلع ابن ناس بزيادة و رفض و قال لها امشي و اهدي بس عشان ما تسوقيش و انتي بتعيطي

ما شاء الله عليك يا احمد
هو ده الكلام
ربنا يخليك للمدام ويخليها ليك

طبا الكلام ده هيخلى ناس كتير تعاديك
خد بالك من نفسك بقا وخلى المدام تبخرك وتبخر البيت

[eng.octooo]

سيادتك مستغرب ليه ؟!

على رأى فايزة أحمد : بكرة تعرف يا حبيبى بعد ما يفوت الأوان ...

بادىء ذى بدء : فيه مليون فرق بين فلوسك و فلوسها فمثلاً هى تقدر تاخد منك فلوس زى ما هى عايزه (فى حدود المسموح منك و اللى ربنا مقدرك عليه) لأنك ملزم بالانفاق على بيتك و اهل بيتك لكن انت لو مراتك بتشتغل و بتاخد مرتب انت مالكش دعوة بيه تتصرف فيه زى ما هى عايزه و لو طلع ليها قريب مهاجر البرازيل من 30 سنه و مات وورثت منه 10 مليون دولار انت مالكش فيهم و لا من حقك تسأل الا فى حاله واحده فقط ألا و هى السفه فى انفاق تلك الاموال
(بالمناسبه ده كلام الشريعه الاسلاميه مش كلامى)

المرأه مسئوله من الرجل يأكلها و يشربها و كل حاجه و يركبها عربيته على عينى و راسى لكن لغايه انها انها تحدث ضرر مثل خبط او اتلاف العرببه فأنا آسف جداً : لغايه هنا و ستوب
اذا كان الشرع بيقول ان المرأه التى تعصى زوجها فى اى حاجه بتسقط حقها فى النفقه الشرعيه فما بالك بمن تسبب له الضرر المباشر ؟!

طيب وهيا كانت عاوزة تخبطها ماهى حادثة بتحصل مع اى انسان




لو الزوجه جايبه العربيه من فلوسها يبقى انت مالكش دعوه بالموضوع ده خالص و هى تتولى مسأله العربيه من الناحيه الماليه بالكامل لانها خرجت عن نطاق ما تلزم انت به


يعنى لما انت تكسر كوباية شاى وتكون هيا الى جايباها فى جهازها ..هاتيجى تقولك انت الى طلبت الشاى وكسرت الكوباية بتاعتى ..يبقى تجيبلى واحدة تانى و انا مش باشرب شاى يبقى انت الى تتحمل الكوباية ...

و لو حضرتك راجل مقتدر و جايب لمراتك عربيه و انت اللى متولى المسأله كلها يبقى انت ملزم تصلح العربيه و لو هى دشدشتها هتجيبلها واحده تانى لان العقد شريعه المتعاقدين و محدش ضربك على ايدك و قالك اشتريلها عربيه (هى مش عربيه سيادتك اللى هى عربيه الاسره يعنى موجوده و اللا مأجرها لمتعهد افراح !!)

الكلام دة لا ينطبق على حد اطلاقاااا

فية ناس بتشتغل هما وزوجاتهم

وفية الى عندة مسؤليات سواء انة بيراعى مريض او حد من اهلة

وفية ام بتوصل اولادها المدارس وتجيبهم ودة بيتعارض مع مواعيد عمل الزوج

...وظروف كتييييييييييير

مش معقول هاتوقف مصالحها علشان مستنية عربية جوزها

الا لو مش فى مقدورتهم انهم يجيبوا عربية تانية دى حاجة تانية خالص

مع خالص تحياتى ,,

[Eng_Mostafa_89]

بس اهم حاجة ميحصلهاش حاجة ولا لاى حد
وكمان ميكونش البنى ادم التانى اللى خبطها ضايقها
غير كدة العربية فى دهية

واحد قريبى مراتة متعهدة خبطات
كانت فى بنزينة وعربية نص نقل واقفة فى حالها ولها قطرة من ورا
هى الدنيا ضاقت بيها قوى وراحت وخدة ظهر العربية النص نقل بجن عربيتها ومكتفتش بكدة لا من كتر مهارتها دخلت الخطاف جوة الباب بتاعها وطبعا الصاج بتاع الباب اتقطع

المهم بتتصل بجوزها وهى فى غاية السعادة العربى اتقطعت اعمل فيها اية

قالها وديها للترزى

[eng.octooo]

وعموما انا مش متجوز ...بس الموضوع دة ممكن يحصل مع امك او اختك او قريبتك اوصديقتك او جارتك او زميلتك فى الشغل

وفى كل الحالات دى هيا ماكانتش قاصدة ...والرجالة ياما عملوا حوادث قضت على عائلات كاملة

ف الى حصل حصل ..والمهم ان ام اولادك بخير
(على الاقل اعتبرها روح مسؤلة منك) وكفاية عليها القلق والموقف الى كانت فية وسط الحادثة ...

دول فى الاول والاخر سيدات مش رجالة فى الجيش

[Samah AbdAllah]

برضه مستغرب ردك ده لاني اصراحه مش فاهم حضرتك فهمت اصلا كلامي ازاي

ونيجي طيب لنقطه نقطه



حضرتك انا مجبتش سيرة اني باخد من مراتي حاجه او باخد من فلوسها

فاصراحه مش عارف كلامك ده اساسا بناءا علي ايه



يعني حضرتك هيا متعمده الضرر ده وهيا فعلا يعني نويهالك وليها تار بايت عندك؟؟

وبرضه مش عارف علي اساس ايه القياس الي حضرتك ذكرته

لانه بعيد كل البعد عن موضوع نقاشنا



هيا العربيه دي جايباها يعني علشان تتفسح بيها؟؟

ما هيا بتقضيلك مشاويرك ومشاوير عيال حضرتك

وعربيتها دي بتريحك قبل ما بتريحها لان طول ما الست ارتاحت بتريح البيت كله فده اساسا هينعكس عليك



انا جبتلها العربيه علشان اريحها لان ده هيعود عليا انا كمان بالراحه

وبالنسبه لعربيتي هيا العربيه يعني واقفه تحت البيت وجبتلها عربيه تانيه؟؟

عربيتي معايا في شغلي وبتحرك بيها طول النهار بخلص شغل

مين هيقضي المشاوير دي



باستثناء موضوع زياد ده وخليه (قرايبهم)



اخيرااا

بطلب منك تتكلم معايا باسلوب احسن من كده

(وبالمناسبه اسلوبك ده فكرني بواحد اعرفه بياكل هوا في طبق ومراته في طبق علشان محدش يتعدي علي نصيب التاني)

A.Yakout

هو انت اتجوزت يا نابستر
كل واحد عنده قناعاته اللى بيلاقيلها ما يؤيدها وبيشكلها من القوانين ما يتلاءم معها ويتماشى مع اهوائه

[nabaster]

المهم بتتصل بجوزها وهى فى غاية السعادة العربى اتقطعت اعمل فيها اية

قالها وديها للترزى

هههههههههههههههههههههههههههههههههههههههههه بجد جوزها ده تحفه

هو انت اتجوزت يا نابستر
كل واحد عنده قناعاته اللى بيلاقيلها ما يؤيدها وبيشكلها من القوانين ما يتلاءم معها ويتماشى مع اهوؤه

شكلك عايزه توديني ورا الشمس :)

وعلي فكره اهوائه كده ههههههههههه

A.Yakout

[مواطن مصرى]

حضرتك انا مجبتش سيرة اني باخد من مراتي حاجه او باخد من فلوسها

فاصراحه مش عارف كلامك ده اساسا بناءا علي ايه

a.yakout

انا فهمت من كلام حضرتك ان الفلوس الموجوده فى البيت سواء فلوس الزوج او الزوجه الاثنين يعتبروا واحد باعتبارها فلوس البيت و مفيش فرق فحبيت اوضح وجهه نظرى ان فيه فرق بين فلوس الزوج و فلوس الزوجة

يعني حضرتك هيا متعمده الضرر ده وهيا فعلا يعني نويهالك وليها تار بايت عندك؟؟

a.yakout

طبعاً هى مش متعمده لكن لو من اول مره عملت كده (حملتها تكلفه التصليح) بعد كده هتاخد بالها المره الجايه و مستواها كمان فى السواقة هيتحسن و هتمشى مركزة فى الطريق و هتحاول تفادى اى حاجه تحصل او على الاقل تخرج بأقل خساره ممكنه لانها عارفه ان الخساره عليها و اكيد طبعا الطرفين هيستفيدوا من الموضوع ده

وبرضه مش عارف علي اساس ايه القياس الي حضرتك ذكرته

لانه بعيد كل البعد عن موضوع نقاشنا

a.yakout

القياس اللى ذكرته هو تطبيق لمبدأ فى الشريعه الاسلاميه يقول ان الزوجه التى تعصى اوامر زوجها او الناشز او الزوجه التى تسبب ضرر لزوجها معنوى او مادى تسقط عنها النفقه (يعنى مالهاش عند حضرتك فلوس حتى اكلها و شربها) و اكيد طبعاً خبط او اهلاك العربيه ضرر كبير خصوصاً لو مكانش عندك غيرها و مش معاك فلوس تجيب عربيه تانى

هيا العربيه دي جايباها يعني علشان تتفسح بيها؟؟

ما هيا بتقضيلك مشاويرك ومشاوير عيال حضرتك

وعربيتها دي بتريحك قبل ما بتريحها لان طول ما الست ارتاحت بتريح البيت كله فده اساسا هينعكس عليك

a.yakout

لنفرض جدلاً الراجل ده غلبان زى حالاتى كده و يادوب قادر يصرف على عربيه واحده بس و الست قالتله عايزه عربيه و هو قالها مش معاه فلوس يجيب العربيه فقامت هى جابت العربيه من فلوسها الخاصه يبقى الراجل مالوش دعوه

طيب اقولك على حاجه كمان : اعرف واحد مراته عندها عربيه و هو معندوش عربيه و بيروح الشغل بالميكروباص و الاوتوبيس العام كمان مع انه يقدر يقول لمراته هاتى العربيه اروح بيها الشغل او وصلينى فى سكتك لان ده مبدأ : طالما الزوجه لها ذمه ماليه مستقله يبقى انت مالكش دعوة

انا رأييى الشخصى : الست لو بتشتغل و معاها فلوس و اشترت لنفسها اى حاجه هى حره تجيب اللى هى عايزاه و الراجل مالوش دعوه طالما لم تطلبها منه و لو طلبت منه الحاجه دى و هو قادر يجيبها و قالها اشتريها انتى من فلوسك يبقى اسف فى الكلمه : بخيل و جلده

انا جبتلها العربيه علشان اريحها لان ده هيعود عليا انا كمان بالراحه

وبالنسبه لعربيتي هيا العربيه يعني واقفه تحت البيت وجبتلها عربيه تانيه؟؟

عربيتي معايا في شغلي وبتحرك بيها طول النهار بخلص شغل

مين هيقضي المشاوير دي

a.yakout

و الله كل انسان يعيش على قدر ظروفه و طالما انت ربنا مقدرك يبقى تحمد ربنا و متلومش على اللى ربنا مش مقدرهم

اخيرااا

بطلب منك تتكلم معايا باسلوب احسن من كده

a.yakout

انا اسف جداً لو كان اسلوبى او كلامى مش عاجب حضرتك
احنا كلنا هنا اخوات و زملاء بنتناقش فى موضوعات حلوة و الخلاف فى الرأى لا يفسد للود قضية

(وبالمناسبه اسلوبك ده فكرني بواحد اعرفه بياكل هوا في طبق ومراته في طبق علشان محدش يتعدي علي نصيب التاني)

a.yakout

معلهش انا اسف فى السؤال : هو انا باين من كلامى انى مفجوع قوى او هاموت على القرش ؟!

انا كل فكرتى او مبدأى هو ان فيه حاجات معينة مينفعش الراجل يسكت عليها او يتسامح فيها زى موضوع العربيه او المناسبات الاجتماعيه اللى مالهاش لزمه (زى عيد ميلاد بنت طنط مش عارف مين او خطوبة ابن خاله عمتها مثلاً) او موضوع تدليع الاطفال زياده عن اللزوم و إلا البيت هيبقى بتمشيه الست مش الراجل

[مواطن مصرى]

واحد قريبى مراتة متعهدة خبطات
كانت فى بنزينة وعربية نص نقل واقفة فى حالها ولها قطرة من ورا
هى الدنيا ضاقت بيها قوى وراحت وخدة ظهر العربية النص نقل بجن عربيتها ومكتفتش بكدة لا من كتر مهارتها دخلت الخطاف جوة الباب بتاعها وطبعا الصاج بتاع الباب اتقطع
المهم بتتصل بجوزها وهى فى غاية السعادة العربى اتقطعت اعمل فيها اية
قالها وديها للترزى

لا تعليق سوى كلمه واحده فقط : الرجاله ماتت فى حرب 73

[eng.octooo]

لا تعليق سوى كلمه واحده فقط : الرجاله ماتت فى حرب 73

انت مصرى صح !!! واسمك مواطن مصرى
يعنى حرب 73 كانت فى بلدك صح !!!!

...بجد لا تعليق