طيب فكر شويه

[محمد السكري]

مجموعه اخري من الاسئله ولكن المره دي بجد وجاوبوا انتم عليها

- أنت مكلف بحذف حرف من حروف اللغة العربية .. أيها ستختار ولماذا ؟

- على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟

- أخترمنصباً واتخذ قرارا !

- لو قدر لك أن تدخل السجن فما هي القضية التي تتمنى ان تدخل بها إليه؟

- نحن لا نعيش حياتنا بل نتعلم فيها كيف نعيش» ما تعليق.؟

- ألاحلام ابيض واسود ولا الوان..؟

س 2: ما هو وجه التشابه بين الكمبيوتر والتاكسي والحفرة ؟

[Abonora]

أنت مكلف بحذف حرف من حروف اللغة العربية .. أيها ستختار ولماذا ؟
سؤال مستحيل الاجابه عليه
لان حذف اى حرف مش حيخلينا غير قادرين على قراءه القرآن الكريم
و حندخل فى مشاكل تحريف ووو
لا اجرؤ على اجابه السؤال ده و لو على سبيل الهزار


على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟
حتجه لليسار


أخترمنصباً واتخذ قرارا !
منصب وزير الصحه
اعدام عدد كبير من الاطباء المعدومين الضمير - المتاجرين بالآم المرضى
و اعدام جمييييييع موظفى وزاره الصحه و على غرارهم اى موظفين فى اى مصلحه حكوميه



لو قدر لك أن تدخل السجن فما هي القضية التي تتمنى ان تدخل بها إليه؟
قضيه قتل اى انسان يقوم بشتم سيدنا محمد عليه افضل الصلاه و السلام


نحن لا نعيش حياتنا بل نتعلم فيها كيف نعيش» ما تعليق.؟
للاسف اعتقد اننا مش عايشين حياتنا و لا سعداء بها
و لا حتى قادرين نتعلم نعيشها ازاى و نتعامل معاها ازاى
اعتقد ان الروتين و مراره الايام خلتنا عباره عن اشباح بتاكل و تشرب و تنام و تشغل بالجسد بلا روح




ألاحلام ابيض واسود ولا الوان..؟
سوداااااااااااااااء

[hazem_khidr]

[-

أنت مكلف بحذف حرف من حروف اللغة العربية .. أيها ستختار ولماذا ؟

و لا حرف

- على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟

اختار الجهه اليمني

- أخترمنصباً واتخذ قرارا !

مممم مش بحب المناصب انا عاجبني نفسي كده
-

لو قدر لك أن تدخل السجن فما هي القضية التي تتمنى ان تدخل بها إليه؟

دفاع عن الشرف او اسير لدي دوله تانيه لاني بدافع عن بلدي

- نحن لا نعيش حياتنا بل نتعلم فيها كيف نعيش» ما تعليق.؟

كلام غلط احنا بنعيش حياتنا و في ادينا نخليها احسن حياه لاننا بنعيش مره واحده .

- ألاحلام ابيض واسود ولا الوان..؟

لو بطلنا نحلم نموت :)

س 2: ما هو وجه التشابه بين الكمبيوتر والتاكسي والحفرة ؟

قديمه اوي الكمبيوتر حاسب الي و التاكسي حاسب يا اسطي و الحفره حاسب لا تقع

[PRO-DRIVE]

أنت مكلف بحذف حرف من حروف اللغة العربية .. أيها ستختار ولماذا ؟

طيب ليه احذف اساسا :)

على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟

علي حسب معلومات الطريق الايسر :)


اذا كان يناسبني اذا Sacrifice

أخترمنصباً واتخذ قرارا !

مش عاوز ولا منصب

بس كل الاماكن عاوزه قرارات :)

لو قدر لك أن تدخل السجن فما هي القضية التي تتمنى ان تدخل بها إليه؟

ابقي زي BURZUM لكن عن قضايا تانيه اكيييييييددد :)

نحن لا نعيش حياتنا بل نتعلم فيها كيف نعيش» ما تعليق.؟

بنتعلم عشان نعيش :) لو الاطباء متعلموش نص البشريه كانت حتموت عند دور برد :)

ألاحلام ابيض واسود ولا الوان..؟

اعتقد اللي شايف الاحلام سودا يروح ينتحر اسهله :)

لأن الاحلام هي اللي بتحركك :) اذا مفيش بنزين العربيه عمرها ما حتتحرك

[Xpert]

خد دوول

- أنت مكلف بحذف حرف من حروف اللغة العربية .. أيها ستختار ولماذا ؟

هاشيل .. ال"ذ" عشان في اخر الدنيا علي الكيبورد

- على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟

الي حلمي ... عشان ده حلمي و انا ارف اللي انا عاوزه ..

- أخترمنصباً واتخذ قرارا !

اختار ... رئاسه الاتحاد الاوروبي و هاطرد كل الاجانب من اوروبا

- لو قدر لك أن تدخل السجن فما هي القضية التي تتمنى ان تدخل بها إليه؟

رئاسه مؤسسات غير شرعيه (المافيا)

- نحن لا نعيش حياتنا بل نتعلم فيها كيف نعيش» ما تعليق.؟

محدش بيتعلم ببلاش

- ألاحلام ابيض واسود ولا الوان..؟

الحلم تلونه براحتك

س 2: ما هو وجه التشابه بين الكمبيوتر والتاكسي والحفرة ؟

حاسب الي .. حاسب ياسطي .. و حاسب لا تقع .. و حط معاهم كمان الريستورانت .. حاسب انت و انا ماشي :D

[Ahmed Samy]

احذف حرف الـــــــــــــــــــــــــــــــ اعتبره اتحذف

أختار حلمي أنا و على فكرة أنا كتير من أحلامي (لم يحلم بها البشر)

المنصب : القائد الأعلى لتحالف الجيوش الاسلامية و المنسق العام لمنظومة الدفاع و التصنيع العسكري العربى
القرار : أكيد انت عارف هاعمل ايه

السجن :
اود ان اسجن ((مظلوما))

الحياة :
هذا البلد يعلمنا كيف لا نعيش حياتنا . و أعيشها بداخلى و في قلبى و اتعلم دوما كيف أعيشها أفضل عند اتاحة كل فرصة

الأحلام :
في أحلام اليقظة , دي هيا اللي حلوة و بتهون مصاعب العمل و تحديات النجاح - انني احلم بيوم ارتااااح فيه و ابص ورايا و اقول لنفسي (ولد والله) -.

أما أحلام النوم فهيا زي ما قالت السندريلا اسود X اسود , انعكاس لمسئوليات و اعباء و مجهود اليوم . بس في الأجازات لما أكون في يخت في البحر في العين السخنة الوضع بيتغير : باحلم بتسونامي

[Abonora]

اعتقد اللي شايف الاحلام سودا يروح ينتحر اسهله :)

لأن الاحلام هي اللي بتحركك :) اذا مفيش بنزين العربيه عمرها ما حتتحرك

لا لسه مش حنتحر - حستنى لما استلم اليارس ان شاء الله

بص يا سيدى عن نفسى الاحلام هى الامنيات اللى الانسان نفسه يحققها - ممكن نسميها احلام اليقظه
بتكون ملونه و بالجليتر كمان - بترسم البسمه على الشفاه
و بتضفى سعاده فى القلب

لكن لما تلاقى ان تحقيقها مستحيل
بتبقى خلاص بقت سودا لانها خلاص اصبحت صعبه المنال

او ممكن تكون بيضا - لانها ماتت و لابسه الكفن الابيض

[bassemali]

أنت مكلف بحذف حرف من حروف اللغة العربية .. أيها ستختار ولماذا ؟
ولا حرف لأني مقتنع أنها أحسن لغه في العالم لغة القرأن وكمان مابحبش الكلام بلأنجليزي وسط العربي للمنظره من غير لازمه وموبايلي حتى عربي

- على مفترق طريق لافتاتان ، اليمنى تقول ( إلى حلمك ) واليسرى تقول : ( إلى مالم يحلم به بشر ) ، أي الطرق ستسلك ؟
اليمين

- أخترمنصباً واتخذ قرارا !
رئيس الجمهوريه وهعمل لجنه أشرف عليها وأتحرى عنها بنفسي لمراجعة كل حسابات المؤسسات الحكوميه في العشرين سنه الأخيره وبجد مش هيكون في حد فوق القانون سواء مصري أو أجنبي حتى.

- لو قدر لك أن تدخل السجن فما هي القضية التي تتمنى ان تدخل بها إليه؟
أقتل كلب شتم بلدي أو غلظ فيها ولو في سره حتى.

- نحن لا نعيش حياتنا بل نتعلم فيها كيف نعيش» ما تعليق.؟
إنت اللي بتختار تعيش إزاي وأنت المسؤل ماحدش بيفرض عليك حاجه لا الحكومه ولا أي حد

- ألاحلام ابيض واسود ولا الوان..؟
أبيض طبعا

س 2: ما هو وجه التشابه بين الكمبيوتر والتاكسي والحفرة ؟
حسبي الله ونعم الوكيل