Tweet
وعندك ابو صابر في ك21
-
-
انا كنت بروح حلقة الماكس
دى لو انت ماشى ورايح العجمى ومعدى على الدخيلة
بس لازم تكون بتعرف تشترى علشان فيه مزارع وفيه عادى
واشويه هناك
واطير على الفندق
وانسى اى حد
ممكن تجيب من حلقة بحرىA.SaadComment
-
السلام عليكم
انا مش من اسكندرية بس من محبيها.
انا كلت قبل كده عند Fish Market و هو زيه زي اللي في القاهرة في نوعية الأكل.
كمان كلت عند عروسة البحر اللي بجوار المرسي ابو العباس و هو مكانه مش عالى قوي و اكله اصناف اصناف.
الأسعار بتاعتهم ما اقدرش اتكلم عليها لأني كنت معزوم في المرتين
اما لما بيكون الحساب عليّ بانزل المنشية فيه سوق هناك و فيه سماكين تشتري اللي انت عايزه و تعمله زي ما انت عايز و تاكل مطرح ما انت عايز و بالهنا و الشفا.
مرة كنت رحت الحلقة اللي جنب قلعة قايتباي و اتخانقت هناك علشان انا باحب الفصال و هم ما يحبوش فماكررتهاش تاني
و سوق المكس ده اعتقد انه للسياح و اسعاره سياحية و مهما فاصلت فيه فانت مضحوك عليك.
بس سؤال للأخوة اللي اتكلموا على سي جل.
كنت سمعت عنه من زمان ان اسعاره معدية خالص فبالتالي ما باحطوش في حساباتي.
طيب هو اخبار اسعاره ايه مقارنة بالفيش ماركت؟
مع تحياتي
د.عيد[CENTER][SIZE=4][COLOR=Blue]مع تحياتي[/COLOR][/SIZE]
[SIZE=4][COLOR=Blue] د.عيد[/COLOR][/SIZE]
[SIZE=4][COLOR=Blue]قال رسول الله صلى الله عليه وسلم:
(([I]من بات آمنا في سربه[/I] معافى في بدنه عنده قوت يومه فكأنما حيزت له الدنيا بحذافيرها))[/COLOR][/SIZE][/CENTER]Comment
-
المشاركة الأصلية كتبت بواسطة بحري مشاهدة المشاركة
الراجل ده بيقول كلام زي الفل , ومافيش كلام بعدهComment
-
بص مهما رحت أو جيت مفيش زي سمك بورسعيد ، البرج وكاستن لا يعلى عليهم
[CENTER]الي مدخلش QNET .. مدخلش دنيا
http://www.nilemotors.net/Nile/244377-a.html
[/CENTER]Comment
-
جوعـــ... قصدي وحشتونا والله يا رجالة اسكندرية[RIGHT][B][I]Mohamed Samir[/I][/B]
:sleeping:
[CENTER]'
[/CENTER]
[/RIGHT]Comment
-
أبورقية....لك وحشة يا زعيم وياعم مستنيين إضافاتك ده إنت راجل خبرة جامدة في موضوع السمك وأكيل من النوع المحترف
محمد سمير...واحشني فعلا...اخطف نفسك لاسكندرية كلها ساعتين وإن شاء الله ترجع منشكح سمكيا فوق ما تتخيل..شد حيلك انت بس وتنورنا...وبالمرة نشوف الحتة الماكنتوش بتاعتك عشان إنت عارف الكيف
ربنا يبارك فيك وياريت فعلا نشوفك في أقرب فرصة ولو تقدر تيجي كام يوم أعملك جولة خاصة حتعجبك مش سمك وكلام من ده...حاجة تانية تخليك تشبع بجدالمشاركة الأصلية كتبت بواسطة ahmadalaaeldin مشاهدة المشاركة
ما هي دي المشكلة فعلا وده اللي كان مغلي أسعار السمك عند الخليج (البحر الميت) لأن كانت في مستويات مادية جامدة جدا بتيجي فكانوا بيطمعوا بتوع المطاعم..وفي الحقيقة مصطلح مطاعم ده مصطلح مجازي لأنها عبارة عن شوية كراسي قش وترابيزات مخلعة...تنور في أي وقت وأنا تحت أمرك إن شاء اللهالمشاركة الأصلية كتبت بواسطة hany_mohamed مشاهدة المشاركة
حبيب قلبي..لك وحشة بجد واللهالمشاركة الأصلية كتبت بواسطة kh_talaat مشاهدة المشاركة
شوف يا صديقي
الأماكن اللي ممكن تشتري منها سمك بحر طازجة هي: حلقة الأنفوشي- حلقة أبوقير
حلقة المكس (كده وكده)
لأن عيب في حلقة السمك إنهم يبيعوا سمك مزارع (لغاية دلوقتي وربنا يستر على الأيام الجاية)
الحلقات دي الشراء بيكون فيها الصبح بدري جدا يعني بالكتير بتكون مشطبة الساعة ٩ والناس اللي بتفضل بعد كده بتكون أسعارهم أغلى لأن لهم قصة كده مش حاطول عليك بيها
المهم بالنسبة للعزومات والكميات الكبيرة والأنواع المعتبرة يبقى الحلقة
للكميات الأقل ومشي الحال عندك سوق أبوقير والشغل اللي بيفضل في الأنفوشي بعد الحلقة
سوق أبوقير بيشتغل لغاية المغرب وفيه ناس بتجهز زي ما إنت عاوز وبرضه ده متاح في بحري
لما الوقت يتأخر وتطلب معاك سمك بالليل بتلاقي كام محل شغالين في الحلقة في أبوقير ودول بيبعوا سمك غالي نسبيا بس محترم لأن التعامل غالبا مع الباشوات والإقطاعيين وأثرياء الحرب
لما الوقت يتأخر ومش عارف توصل أبوقير أو مستبعد المشوار يبقى مفيش قدامك غير المطاعم الأخرى المذكورة في المشاركات السابقة
وفي حل وسط وهي بعض المحلات الموجودة في شارع خالد بن الوليد عند منتصفه تماما في المنطقة التي يطلق عليها (سينما المنتزة)..دي كانت سينما قديمة درجة تالتة واتقفلت...المهم في كام محل هناك وأحسن واحد فيهم اسمه (سعد)
كل المحلات المنتشرة في ميامي وسيدي بشر وبقية مناطق اسكندرية بتبيع سمك وجمبري مزارع وده بيبقى واكل عيش وبيض لما قايل بس فالأوفر بدل متروح تشتري كيلو سمك بأربعين جنيه تروح تجيب تلات أربع بيضات وتقليهم وتحبشهم ومش حتحس بفرق كبير
الميزة في سمك أبوقير والأنفوشي (بحري) إنك لما تسمع كلمات زي (قاروص- مياس-دنيس) فدي لا تعني إلا سمك بحر يعني سمك بجد...بالإضافة طبعا إلى عشرات الأنواع الأخرى يعني اختيارات وبدائل واسعة جدا وكل حاجة لها طعم غير التانية
عموما لو في حد جاي اسكندرية وعاوز سمك سواء كتير أو قليل يقولي وإن شاء الله نعملوا معاه الواجب...وفي واحد مهندس صاحبي ورفيق كفاح شغال بنفسه في موضوع السمك وعلى فكرة هو اللي عمل أكل المقابلة اللي فاتت ..فده ممكن يجهز أكلات وعزومات لأى عدد وبأحسن أنواع السمك بمقابل معقول جدا والترتيب بالتليفون فلو حد عاوزه يقول وأنا ابعتله رقم تليفونه يرتب معاه....(وياريت السطر الأخير ده ميعتبرش فقرة إعلانية)
ملحوظة أخيرة..من أول شهر مايو الصيد في البحر حيقف لمدة شهرين تقريبا والتوقيف ده دوري بقاله كام سنة..السبب المعلن عشان تكاثر الزريعة والبيئة والكلام ده...السبب الحقيقي إننا بنشوف في البحر مراكب كبيرة تبع دول أجنبية عبارة عن مصانع بتصطاد كميات مهولة من السمك وترجع بيه
النتيجة...السمك في الشهرين دول بيقل جدا وبيغلى جدا والكلمة العليا بتكون لسمك المزارع
ولما الشهرين بيخلصوا بيكون السمك اللي في البحر بح....ولا تعليق[B][CENTER][SIZE="4"][COLOR="Navy"][CENTER]قال الله عزوجل في محكم آياته
[/CENTER][/COLOR][/SIZE][/CENTER][/B]
[CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)
(إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]Comment
-
والله يابوحميد وانت واحشني جدا وكل رجالة اسكندرية ابو رقية وميسو وشنوري لأالمشاركة الأصلية كتبت بواسطة بحري مشاهدة المشاركة
ربنا ييسر الحال واحاول اجيلكم في اقرب فرصة وبالمرة اعمل شوبينج سمك :)) الصراحة كان نفسي اشتري سمك للجماعة يوم المقابلة بس مرضيتش اتقل عليكم كنت عارف انكم محتاسين ، وبسأل ابو رقية قالي مقولتش لية خلاني ندمت اني مجيتش معاكم وانتو بتجهزو الأكل :)[RIGHT][B][I]Mohamed Samir[/I][/B]
:sleeping:
[CENTER]'
[/CENTER]
[/RIGHT]Comment
-
أقول انا ليهالمشاركة الأصلية كتبت بواسطة Ahmed A.Maksoud مشاهدة المشاركة
ههههههههههههههههههههههه
بلاش احسن
بس انت مين اللى ضحك عليك ووداك هناك
بص حضرتك هو ياريت حضرتك توضح عاوز تاكل سمك وخلاص
ولا عاوز رستوران شيك يستاهل انك تروح تاكل فيه وتنزل من البيت
ولو انى بضم صوتى لصوت أحمد بيك عبدالمقصود وبقول جوندل لالالالالالالالالالا
جوندل لو حد عاجبه السمك بتاعه يبقا يشترى السمك من عنده وياخده وياكل فى بيته افضل
لكن عاوز تاكل سمك بجد وتحس بمتعة انك بتاكل سمك فى رستوران
وسايب بيتك ونازل يبقا راقودة... زفير.. وطبعا سي جل
وبغض النظر عن مطعم جوه جو السمك حسنى بيعمل سمك حلو جدا[CENTER][URL]https://www.facebook.com/NMTechShop/[/URL] [/CENTER]Comment
-
يا جماعة جوندل ده للمرمرمين فقط انما مزاج و اكل نضيف مستحيل طبعا
انا كنت زبون عنده قبل الجواز و بعد الجواز بقيت اروحله للطوارئ يعني مثلا المدام تفاجئني بتليفون و انا ماشي في امان الله و طلعت من زنقة البلد و سعيد جدا القيها تقولي - بالله عليك ظبطلنا اكلة سمك سريعة عشان ما لحقتش اعمل غدا النهاردة - اجري علي جوندل لانه ملك السمك الجاهز و اقوم مظبط الواد اللي هناك حتة بخمسة جند يبقي الواد من فرحته عايز يلفني في ورقة فويل بس يظبط المواضيع و يغلف التغليف المتين و شوربة السي فود يحطها في علبة شيك مش كيس نايلون زي ما بيعمل مع باقي الزباين و القصة دي كلها ما تعديش 75 جنيه و مراتي بتبقي طايرة من الفرحة لثقتها الشديدة في زوقي لانها كانت لسه ما شافتش الوجه المرمرم بتاعي لغاية ما جت في مرة كنا معديين قدام الازرايطة وقت الظهر كده و فاجئتني بأنها نفسها في اكلة سمك عند حودة جوندل ..طبعا انا وشي جاب الوان الطيف كلها في وقت واحد - قلتلها خلاص يا روحي خليكي انتي في العربية و انا طيارة اروح و اجيبلك احسن اكلة سمك - فأصرت و الحت انها تاكل في الرستوران - قلتلها بلاش ..أصرت اكتر بدأت اغير اسلوبي و قولتلها اصله مطعم شعبي شوية قالتلي انها بتموت في المطاعم الشعبية - خدتها من قصيرها و دخلنا المنور الملعون بتاع جوندل و صاحبتنا اللي صابها صابها ..تتنيح لكل جزء في المكان و نظرة ثاقبة لاعلي المنور و قوايم الصرف الصحي اللي مبهدلة الدنيا و الصراصير اللي بتتفرج علي المفاجيع اللي بتاكل مرورا بقي بالبنات اللي شغالين هناك و شكل هدومهم عامل ايه و اللي ماسكة (كوز) بتعبي بيه شوربة السي فود اللي في الفونتاظ المهبب داخل اكياس بلاستيك للعملاء
صاحبتنا سألتني علي التواليت ووشها احممممر و زنهر و انا موت علي نفسي من الضحك علي كلمة التواليت في المكان ده و فجأة بركان انفجر من بطنها و بهدلت الدنيا - و ما بقتش مصدقة نفسها انها اكلت وجبات كتيرة من المكان ده - ففكرتها ان انا قولتلها بلاش و قعدت اديها محاضرات انها ما تاخدش الامور بظاهرها و تهتم بالجوهر - انما الحسنة الوحيدة في الموضوع انها بطلت تقولي هاتلنا اكلة سمك سريعة مرة تانية - و طبعا صدمتها فيا كانت كبيرة لاني كنت علطول بعزمها سواء فترة عقد القران او بعد الجواز في مطاعم من شاكلة السلاملك و ابو شقرة و ابو فارس السوري و طربوش لكن طبعا دي مطاعم مرة في الاسبوع او مرتين في الشهر علي اقصي تقدير
معلهش طولت عليكم بس اعذورني افتكرت القصة دي لما بسكوتة قالت ان جوندل ما ينفعش و من ساعتها و انا واحشني جوندل جدا جدا(وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:
[SIZE=4][COLOR=navy]محمد فهمي[/COLOR][/SIZE]Comment
-
احلى سمك تاكله فى حياتك فى البرج بورسعيد انا كلت فى اسكندريه وفى شرم وفى بورسعيد بس احلى اكله سمك كلتها فى حياتى كانت البرج فى بورسعيد ايه دا دى ناس مجرمه سمك والمفروض يحاكموهم دا مش سمك ولا دى شربه بحر مش ممكن بجد انا وانا باكل وشى كله بيحمر وعنيا بتزغلل فورا من الاكل الفاجر دا اكله سمك هتاكلها وهتحلف بيها ومش مهم الفلوس جمب المتعه دى بصراحه واسعارهم معقوله جدا كمان لا بورسعيد الكبيره فى الموضوع دا ابصم بالعشره على كداالمشاركة الأصلية كتبت بواسطة Abdo_Eldesokey مشاهدة المشاركة
[sor2]http://imageshack.us/a/img585/2103/cqtb.jpg[/sor2]Comment
-
:)المشاركة الأصلية كتبت بواسطة أبو حمزة مشاهدة المشاركةتخيل وانا كمان
بالوزن يا دكتور.....بس مينفعش فيه غير الجمبرى الكبير.....و فى العادى بتلاقى سعر الكيلو فى حدود ال 240 الى 300 جم....حسب الظروفالمشاركة الأصلية كتبت بواسطة بحري مشاهدة المشاركة
أنا عن نفسى لما بروح بطلب نصف كيلو مع طبق رز و شكراً على كده
و خلى بالك أن الأكلة دى بتلكم جامد......و فى " قعر الطبق " هتلاقى زبدة سايحة.....قشر الجمبرى و غمسه فى الزبدة و عييييييييييييييش
لأ بلاش عشان الناس متقرفش :)المشاركة الأصلية كتبت بواسطة BASKOTA مشاهدة المشاركةأقول انا ليه
ههههههههههههههههههههههه
بلاش احسن
بس انت مين اللى ضحك عليك ووداك هناك
كنت دايماً أسمع عنه لحد مرة من 4 سنين كنت أنا و مراتى و واحد صاحبى و مراته فى أسكندرية يومين كده و قولت نجرب مش هنخسر حاجة
رحت أنا و صاحبى جبنا منه و رجعنا البيت عشان ناكل.............كلهم كلو إلا أنا
و مرضيتش أقولهم على حاجة..........قولت يمكن أنا اللى حظى وحش
البرج........هو فى زى البرج !!!!!!!!!!!!!!!!!!!!المشاركة الأصلية كتبت بواسطة kok3 مشاهدة المشاركةاحلى سمك تاكله فى حياتك فى البرج بورسعيد انا كلت فى اسكندريه وفى شرم وفى بورسعيد بس احلى اكله سمك كلتها فى حياتى كانت البرج فى بورسعيد ايه دا دى ناس مجرمه سمك والمفروض يحاكموهم دا مش سمك ولا دى شربه بحر مش ممكن بجد انا وانا باكل وشى كله بيحمر وعنيا بتزغلل فورا من الاكل الفاجر دا اكله سمك هتاكلها وهتحلف بيها ومش مهم الفلوس جمب المتعه دى بصراحه واسعارهم معقوله جدا كمان لا بورسعيد الكبيره فى الموضوع دا ابصم بالعشره على كدا
أنا كلت هناك أكتر من بس فى مرة منهم كان معايا واحد صاحبى على معرفة كويسة جداً بأبن صاحب البرج......و مش عاوز أقولكم أن الأكل فضل ينزل على الترابيزة حتى بعد ما خلصنا أكل :)
عنده أختراع كويس برضه.....وقار محشى جمبرى
عبارة عن وقار فيليه طبقتين و بينهم جمبرى
هيييييييييييييه أياااااااااااااااام[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
عن نفسى مرتاح جداااااااااا عند " زفير " اللى فى المكس
الجو والبحر والأكل نفسه جامد جدا ....
لو رحت عنده ابقى اطلب بطارخ مشويه بالزبده .....على ضمانتى[SIZE=3][COLOR=navy][gdwl]
[SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
[/gdwl][/COLOR][/SIZE][SIZE=4][COLOR=navy][/COLOR][/SIZE]
[SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]Comment
-
وبعديييييييييينالمشاركة الأصلية كتبت بواسطة mido777 مشاهدة المشاركة
أنا بقالي فترة بجاهد عشان أنزل الكوليسترول...الموضوع ده كده حيخليني أتهور
جمبري وبطارخ وزبدة ووقار محشي جمبري.....وبعدين يا ناس[B][CENTER][SIZE="4"][COLOR="Navy"][CENTER]قال الله عزوجل في محكم آياته
[/CENTER][/COLOR][/SIZE][/CENTER][/B]
[CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)
(إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]Comment
-
ومين سمعك يا دوكالمشاركة الأصلية كتبت بواسطة بحري مشاهدة المشاركة
[CENTER]Me on Twitter
@aliabutaleb[/CENTER]Comment
Comment