أكل سمك فين فى الأسكندرية؟

[Abdo_Eldesokey]

:)

البرج........هو فى زى البرج !!!!!!!!!!!!!!!!!!!!

أنا كلت هناك أكتر من بس فى مرة منهم كان معايا واحد صاحبى على معرفة كويسة جداً بأبن صاحب البرج......و مش عاوز أقولكم أن الأكل فضل ينزل على الترابيزة حتى بعد ما خلصنا أكل :)

عنده أختراع كويس برضه.....وقار محشى جمبرى
عبارة عن وقار فيليه طبقتين و بينهم جمبرى

هيييييييييييييه أياااااااااااااااام

الوقار المحشي جمبري ده مجرم لأقصى درجة ، ده دايماً طلبي الأساسي مش بقدر أغيره ، وكل مرة بجرب حاجة جنبه

[pro_samir]

يا جماعة جوندل ده للمرمرمين فقط انما مزاج و اكل نضيف مستحيل طبعا
انا كنت زبون عنده قبل الجواز و بعد الجواز بقيت اروحله للطوارئ يعني مثلا المدام تفاجئني بتليفون و انا ماشي في امان الله و طلعت من زنقة البلد و سعيد جدا القيها تقولي - بالله عليك ظبطلنا اكلة سمك سريعة عشان ما لحقتش اعمل غدا النهاردة - اجري علي جوندل لانه ملك السمك الجاهز و اقوم مظبط الواد اللي هناك حتة بخمسة جند يبقي الواد من فرحته عايز يلفني في ورقة فويل بس يظبط المواضيع و يغلف التغليف المتين و شوربة السي فود يحطها في علبة شيك مش كيس نايلون زي ما بيعمل مع باقي الزباين و القصة دي كلها ما تعديش 75 جنيه و مراتي بتبقي طايرة من الفرحة لثقتها الشديدة في زوقي لانها كانت لسه ما شافتش الوجه المرمرم بتاعي لغاية ما جت في مرة كنا معديين قدام الازرايطة وقت الظهر كده و فاجئتني بأنها نفسها في اكلة سمك عند حودة جوندل ..طبعا انا وشي جاب الوان الطيف كلها في وقت واحد - قلتلها خلاص يا روحي خليكي انتي في العربية و انا طيارة اروح و اجيبلك احسن اكلة سمك - فأصرت و الحت انها تاكل في الرستوران - قلتلها بلاش ..أصرت اكتر بدأت اغير اسلوبي و قولتلها اصله مطعم شعبي شوية قالتلي انها بتموت في المطاعم الشعبية - خدتها من قصيرها و دخلنا المنور الملعون بتاع جوندل و صاحبتنا اللي صابها صابها ..تتنيح لكل جزء في المكان و نظرة ثاقبة لاعلي المنور و قوايم الصرف الصحي اللي مبهدلة الدنيا و الصراصير اللي بتتفرج علي المفاجيع اللي بتاكل مرورا بقي بالبنات اللي شغالين هناك و شكل هدومهم عامل ايه و اللي ماسكة (كوز) بتعبي بيه شوربة السي فود اللي في الفونتاظ المهبب داخل اكياس بلاستيك للعملاء
صاحبتنا سألتني علي التواليت ووشها احممممر و زنهر و انا موت علي نفسي من الضحك علي كلمة التواليت في المكان ده و فجأة بركان انفجر من بطنها و بهدلت الدنيا - و ما بقتش مصدقة نفسها انها اكلت وجبات كتيرة من المكان ده - ففكرتها ان انا قولتلها بلاش و قعدت اديها محاضرات انها ما تاخدش الامور بظاهرها و تهتم بالجوهر - انما الحسنة الوحيدة في الموضوع انها بطلت تقولي هاتلنا اكلة سمك سريعة مرة تانية - و طبعا صدمتها فيا كانت كبيرة لاني كنت علطول بعزمها سواء فترة عقد القران او بعد الجواز في مطاعم من شاكلة السلاملك و ابو شقرة و ابو فارس السوري و طربوش لكن طبعا دي مطاعم مرة في الاسبوع او مرتين في الشهر علي اقصي تقدير

معلهش طولت عليكم بس اعذورني افتكرت القصة دي لما بسكوتة قالت ان جوندل ما ينفعش و من ساعتها و انا واحشني جوندل جدا جدا

مش جندل دة اللي كلتو من عندة في عيد ميلاد المنتدي السنة اللي فاتت يا جماعة ؟ حبيبي يا شنوري يا مظبطهم شكلنا هنسحب منك الثقة وكفاية علينا دكتور بحري

[M_Nabil]

على فكرة اللى انتوا بتتكلموا فيه ده مش كويس خالص كدة هاتخلونى اتجنن وانزل اسكندرية بكرة ولا بعده :)

[2faster]

انا عن نفسى افضل شعبان اللى فى المنشية خلف سينما ركس مباشرةً.خطير جدا واسعارة حلوة قوى مقارنة بكل المطاعم اللى الاخوة الافاضل ذكروها .وشهرته<هو دا شعبان بتاع السمك اللى بيقولوا عليه>.جربه ومش هاتندم وهاتدعيلى.بس خلى بالك القعدة عنده شعبية شوية لكن اكله ممتاز

+999999999999999

[Samah AbdAllah]

يا جماعة جوندل ده للمرمرمين فقط انما مزاج و اكل نضيف مستحيل طبعا
انا كنت زبون عنده قبل الجواز و بعد الجواز بقيت اروحله للطوارئ يعني مثلا المدام تفاجئني بتليفون و انا ماشي في امان الله و طلعت من زنقة البلد و سعيد جدا القيها تقولي - بالله عليك ظبطلنا اكلة سمك سريعة عشان ما لحقتش اعمل غدا النهاردة - اجري علي جوندل لانه ملك السمك الجاهز و اقوم مظبط الواد اللي هناك حتة بخمسة جند يبقي الواد من فرحته عايز يلفني في ورقة فويل بس يظبط المواضيع و يغلف التغليف المتين و شوربة السي فود يحطها في علبة شيك مش كيس نايلون زي ما بيعمل مع باقي الزباين و القصة دي كلها ما تعديش 75 جنيه و مراتي بتبقي طايرة من الفرحة لثقتها الشديدة في زوقي لانها كانت لسه ما شافتش الوجه المرمرم بتاعي لغاية ما جت في مرة كنا معديين قدام الازرايطة وقت الظهر كده و فاجئتني بأنها نفسها في اكلة سمك عند حودة جوندل ..طبعا انا وشي جاب الوان الطيف كلها في وقت واحد - قلتلها خلاص يا روحي خليكي انتي في العربية و انا طيارة اروح و اجيبلك احسن اكلة سمك - فأصرت و الحت انها تاكل في الرستوران - قلتلها بلاش ..أصرت اكتر بدأت اغير اسلوبي و قولتلها اصله مطعم شعبي شوية قالتلي انها بتموت في المطاعم الشعبية - خدتها من قصيرها و دخلنا المنور الملعون بتاع جوندل و صاحبتنا اللي صابها صابها ..تتنيح لكل جزء في المكان و نظرة ثاقبة لاعلي المنور و قوايم الصرف الصحي اللي مبهدلة الدنيا و الصراصير اللي بتتفرج علي المفاجيع اللي بتاكل مرورا بقي بالبنات اللي شغالين هناك و شكل هدومهم عامل ايه و اللي ماسكة (كوز) بتعبي بيه شوربة السي فود اللي في الفونتاظ المهبب داخل اكياس بلاستيك للعملاء
صاحبتنا سألتني علي التواليت ووشها احممممر و زنهر و انا موت علي نفسي من الضحك علي كلمة التواليت في المكان ده و فجأة بركان انفجر من بطنها و بهدلت الدنيا - و ما بقتش مصدقة نفسها انها اكلت وجبات كتيرة من المكان ده - ففكرتها ان انا قولتلها بلاش و قعدت اديها محاضرات انها ما تاخدش الامور بظاهرها و تهتم بالجوهر - انما الحسنة الوحيدة في الموضوع انها بطلت تقولي هاتلنا اكلة سمك سريعة مرة تانية - و طبعا صدمتها فيا كانت كبيرة لاني كنت علطول بعزمها سواء فترة عقد القران او بعد الجواز في مطاعم من شاكلة السلاملك و ابو شقرة و ابو فارس السوري و طربوش لكن طبعا دي مطاعم مرة في الاسبوع او مرتين في الشهر علي اقصي تقدير

معلهش طولت عليكم بس اعذورني افتكرت القصة دي لما بسكوتة قالت ان جوندل ما ينفعش و من ساعتها و انا واحشني جوندل جدا جدا

هههههههههههههههه
معاها حق
انا نصحت ناس اصدقاء بيه كاوا جايين اليكس يغيروا جو من كتر كلام الناس هنا فى المنتدى عنه
واجارك الله على اللى سمعته منهم لدرجة انهم فكروا يقطعوا علاقتهم بيا
بس سامحونى عشان انا مروحتش هناك قبل كده
وطبعا هم ماأكلوش
وطلعوا على شيراتون المنتزة مباشرة فى محاولة لمحو الذاكرة
بس وصفولى وصف كرهت بعده السمك كله

[Moh.Fahmy]

مش جندل دة اللي كلتو من عندة في عيد ميلاد المنتدي السنة اللي فاتت يا جماعة ؟ حبيبي يا شنوري يا مظبطهم شكلنا هنسحب منك الثقة وكفاية علينا دكتور بحري

مش عارف بالظبط يا محمد باشا لاني روحت بعد الغدا و يدوب لحقت حتة من التورتة بس ما اعتقدش ان شنوري له في الرمرمة

هههههههههههههههه
معاها حق
انا نصحت ناس اصدقاء بيه كاوا جايين اليكس يغيروا جو من كتر كلام الناس هنا فى المنتدى عنه
واجارك الله على اللى سمعته منهم لدرجة انهم فكروا يقطعوا علاقتهم بيا
بس سامحونى عشان انا مروحتش هناك قبل كده
وطبعا هم ماأكلوش
وطلعوا على شيراتون المنتزة مباشرة فى محاولة لمحو الذاكرة
بس وصفولى وصف كرهت بعده السمك كله

كويس انك كرهتيه من الوصف و ما شوفتيش المصايب اللي بتحصل هناك لان علي فكرة معظم الستات بيتخدعوا في حودة جوندل عشان برضه زوجة خالي كانت فاكرة جوندل ده يا ما هنا و ياما هناك و كانت بتفتخر قوي انها بتاكل من عند جوندل و ان جوزها اللي هو خالي ما بيستخسرش فيها اي حاجة لغاية ما سمعت المفاجأة الكبيرة مني و من مراتي و حلفت انها مش حتسيب خالي و لازم تظبطه متلبس لانه بصراحة كان مزودها قوي و كان بيقولها علي الطبق ابو 25 جنيه ان سعره 90 جنيه غير السلاطات و شوربة السي فود و احنا كنا بنهدي النفوس بس

[Colin Chapman]

سمك وشيبس

بص مهما رحت أو جيت مفيش زي سمك بورسعيد ، البرج وكاستن لا يعلى عليهم