حكايه اغرب من الخيال ( حكايه حقيقيه في منطقتنا )

[romeo_6887]

و الله العظيم انا كنت حاسس اني هتشل لما سمعت الحكايه
اسمعوا و اتشلو معايا
واحد مصري بورسعيدي ( عم ابراهيم ) اعرفه معرفه شخصيه شغال بقاله 25 سنين في مصانع الاستثمار و طبعا طلع عينه و اترمط لغايه ما بقي حاجه محترمه ( مش محترمه اوي ) وبرضه مرتبه مش مكفي 3 عيال و امهم و لسه لحد النهارده قاعد في شقه ايجار في حي شعبي و متمرمط في المواصلات و حامد و شاكر ربنا

واحد بنجلاديشي ............( راسيل ) شغال في نفس المصنع اللي شغال فيه عم ابراهيم بس بقاله شغال نص المده بس و هنا الفجيعه اللي سمعتها
راسيل ده عنده 3 شقق في بورسعيد منهم شقه عندنا في المنطقه ( اقل شنطه في منطقتنا بربع ارنب ) و شقه في نفس الحي الشعبي اللي ساكن فيه عم ابراهيم و شقه تانيه في مشروع ( قشلاق الشاطئ ) و اقل شقه هناك بارنب و نص علي اقل تقدير و كمان عنده شقه في القاهره في المهندسين عشان لما يسافر للشغل ميعدش في فنادق ( عالم بنت ناس اوي ) نيجي بقه للعربيات معاه عربيتين عربيه جولييت وان كوبيه مانيول لونها سيلفر فبريكه جايبها بالطلب من المانيا ايام المنطقه الحره و العربيه التانيه جراند تيريوس 2010 و مترخصه في القاهره ( معرفش ازاي ) يعني ماشي برنس و محدش يقدر يكلمه في المرور
انتوا فاكرين ان ده اللي كان هيشلني
المصيبه انه راح للمحافظه عشان يقدم طلب عشان عايز يبني مصنع و محتاج حته ارض بره بورسعيد معني الكلام ده ان بيلعب في 6 مليون علي الاقل غير كل املاكه ( الشقق و العربيات )

و المعلومات دي انا متأكد منها 100 % من ناس موثوق فيها و موضوع العربيات شوفته بعيني طبعا ده غير اني حضرت موضوع الشقه اللي في منطقتنا و كمان شقه قشلاق الشاطئ
شوفتوا الفرق بين المصري اللي اتمرمط 25 سنه في مصانع الاستثمار و بين البنجلاديشي ........اللي بقي معاه ملايين في نص المده ... عشان تعرفوا بس ان مصر لسه بخير

رجاء مراعاة اداب الحوار
12:53am 21/4/2010
مشرف القسم 9ب

[AlmAhAtmA]

حكايه اغرب من الخيال ( حكايه حقيقيه في منطقتنا )

ماهو عم ابراهيم اسمه عامل مصري اما صاحبك التاني بيسموه خبير اجنبي
و هيه دي مصر و سلم لي علي خبرات ولاد بلدنا

[romeo_6887]

ماهو عم ابراهيم اسمه عامل مصري اما صاحبك التاني بيسموه خبير اجنبي
و هيه دي مصر و سلم لي علي خبرات ولاد بلدنا

معلش يا باشا الموضوع اتكرر و ده الموضوع الاصلي

[أحمد كمال]

واحد بنجلاديشي معفن و جربوع

و بنزعل اما بنسافر برة و بيتقال علينا مصري حرامي و مصري خايس و مصري واطي

انا لسه ممسوح بيا الارض برة عشان مصري ..... صدقني مش شعور ظريف خالص ......

لا حول و لا قوة الا بالله

ايه العنصرية دي

كفاية بقى

البنجلاديشي ده ممكن يبقى احسن مني و منك عند ربنا على فكرة 90% منهم مسلمين

و مالهم البنغال يعني؟؟؟؟؟؟؟؟


اعتراضك على ايه؟ على انه بنغالي و لا على - لا سمح الله - ان ربنا رزقه؟

[ahmed4000]

ليه نوصف شعب كامل بالزبالة

مفكرتش ده بيشتغل اد ايه وده اد ايه؟ تابعوا اى حد من اللى بيشتغل معاهم وشوف فرق الضمير اد ايه بين الاتنين

عارفين ده بيتصرف فى فلوسه ازاى؟ المصرى يموت فى الفشخرة ولو معهوش فى اكله وشربه ولبسه وسكنه ...والتانى بتقول بيشترى شقة علشان يوفر فلوس السفر

يمكن البنجلاديشى بيستثمر فلوسه بطريقة علمية فى حين المصرى بيديها للريان علشان يكسب من الهوا

[romeo_6887]

و بنزعل اما بنسافر برة و بيتقال علينا مصري حرامي و مصري خايس و مصري واطي

انا لسه ممسوح بيا الارض برة عشان مصري ..... صدقني مش شعور ظريف خالص ......

لا حول و لا قوة الا بالله

ايه العنصرية دي

كفاية بقى

البنجلاديشي ده ممكن يبقى احسن مني و منك عند ربنا على فكرة 90% منهم مسلمين

و مالهم البنغال يعني؟؟؟؟؟؟؟؟


اعتراضك على ايه؟ على انه بنغالي و لا على - لا سمح الله - ان ربنا رزقه؟

هو حضرتك داخل فيا شمال ليه كده ؟ انت لو شفت مناظرهم كنت هتقول اكتر من كده و كفايه ان دول نهبين خير بلدي و بلدك و بعدين انا مش عنصري للدرجه دي انا بس متضايق انهم جايين يكسبوا فلوس علي قفانا و في بلدنا و طبعا الرزق بتاع ربنا و حاول تراجع نفسك في الرد الحاد ده

[romeo_6887]

ليه نوصف شعب كامل بالزبالة

مفكرتش ده بيشتغل اد ايه وده اد ايه؟ تابعوا اى حد من اللى بيشتغل معاهم وشوف فرق الضمير اد ايه بين الاتنين

عارفين ده بيتصرف فى فلوسه ازاى؟ المصرى يموت فى الفشخرة ولو معهوش فى اكله وشربه ولبسه وسكنه ...والتانى بتقول بيشترى شقة علشان يوفر فلوس السفر

يمكن البنجلاديشى بيستثمر فلوسه بطريقة علمية فى حين المصرى بيديها للريان علشان يكسب من الهوا

الباشا اللي بتكلم عنه شغال مدير قسم من اقسام المصنع و من يوم ما جه و هو مدير تمام و بعدين شغل ايه ده اللي بيجيب ملايين في 10 سنين ؟ تقدر حضرتك تقولي شغل ايه ؟ انا معرفش و هما يمكن يكون عندهم ضمير عن المصريين بس ميستحقوش المبالغ اللي بيخدوا دي صح و لا انا غلطان ؟

[أحمد كمال]

هو حضرتك داخل فيا شمال ليه كده ؟

عشان ده أخ مسلم و انا عندي غيرة على اخواني ...... انت تغتابه و بتبهته و بتجيب في سيرته و بتتكلم عليه بعنصرية لمجرد انه من جنسية انت شايف انها اقل من جنسيتك !!!!

انت لو شفت مناظرهم كنت هتقول اكتر من كده

إن الله لا ينظر إلى أجسامكم ، ولا إلى صوركم ، ولكن ينظر إلى قلوبكم وأعمالكم

و كفايه ان دول نهبين خير بلدي و بلدك

هو سرق و لا نهب؟ هو بيشتغل بالحلال و بيكسب بالحلال ....

بالمناسبة نفس كلامك بيتقال عن المصري في اي دولة عربية او خليجية ... "مصري شحات جاي ياكل من خيرنا" .....

فيا ريت اللي ما نقبلوش على نفسنا و اهل بلدنا ما نقبلوش على غيرنا .......

و بعدين انا مش عنصري للدرجه دي انا بس متضايق انهم جايين يكسبوا فلوس علي قفانا و في بلدنا

للاسف البوست الأصلي و الرد التاني بتاعك بيدلدقوا عنصرية .... مش عنصري ايه بس يا راجل ..... انت اتهمته انه معفن لمجرد انه بنغالي مع انه ممكن دينيا - و مش بعيد دنيويا - يبقى احسن منك مليون مرة !!!!!

و ما يكسبوا .... فكرك اصحاب المصنع جابوه ليه؟ ماهو عشان العامل المصري بيه و باشا و بيطلسق الشغل و بيغيب كتير و بيتمارض و احيانا ما بتلاقيهوش اصلا و فيه زميل على المنتدى (خالد ايمن) كان مش لاقي عمال مصريين لمصنع والده أصلا !!!!!

و للمرة التالتة ..... الكلام اللي بتقوله بيتقال علينا برضه برة بمنتهى الاحتقار ..... الراجل ده مش جاي ضارب حد على ايده .....

و طبعا الرزق بتاع ربنا و حاول تراجع نفسك في الرد الحاد ده

لما هو الرزق بتاع ربنا و "علمت أن رزقى لا يأخذه غيرى فاطمأن قلبى" .... يبقى باصص للراجل في لقمته ليه لمجرد انه بنغالي؟

[أحمد كمال]

الباشا اللي بتكلم عنه شغال مدير قسم من اقسام المصنع و من يوم ما جه و هو مدير تمام و بعدين شغل ايه ده اللي بيجيب ملايين في 10 سنين ؟ تقدر حضرتك تقولي شغل ايه ؟ انا معرفش و هما يمكن يكون عندهم ضمير عن المصريين بس ميستحقوش المبالغ اللي بيخدوا دي صح و لا انا غلطان ؟

1- ما ييجي مدير من يوم ما جه ..... اكيد مؤهلاته و خبراته تؤهله لكده و صاحب المصنع مش برياله ....... و حتى لو برياله .... من حكم في ماله فما ظلم ..... هو حر مادام ماهواش مال عام !!!!!

2- لا طبعا غلطان .... مش حضرتك اللي تحدد يستحق و لا لأ ..... صاحب العمل اللي يحدد و اولا و اخيرا طبعا ربنا اللي بيحدد رزق عباده .....


يعني اشمعنى لعيبة الكورة اللي مالهمش 30 لزمة و الممثلين و المطربين و غيرهم ماحدش بيتكلم عليهم !!!!!!!

[romeo_6887]

لا معلش لما واحد مصري مش لاقي ياكل لمجرد ان في واحد بنغولي جايبينه بيه باشا ملو هدومه الغاليه عشان يشتغل مدير يبقي ده مش حرام ؟ و بعدين بحسبه بسيطه الراجل البنغولي ده عنده شقق ب 2 مليون جنيه و في ناس عايشه علي الارصفه و ملايين الشباب و انا منهم مش لاقيين شقق يتجوزوا فيها و اللي من بره البلد عنده شقق بملايين و بعدين غير الشقق الفلوس اللي متعبيه في البنوك مش اقل 8 مليون جنيه عشان يتكلم في مصنع في بلدنا يعني عمل 10 مليون في 10 سنين و هما اصلا لا عندهم علم و لا يحزنون هو لو هندي اقلك ماشي معديه لكن بنغولي لا و بعدين خش كده علي جوجل و بص عليهم في بلدهم عاملين ازاي ؟ عايشين في فقر مدقع فمنين جاب الخبرات المهوله عشان يبقي مدير و كمان يقبض مليون جنيه في السنه ؟ و كمان جاب الفلوس دي منين ؟

[أحمد كمال]

لا معلش لما واحد مصري مش لاقي ياكل لمجرد ان في واحد بنغولي جايبينه بيه باشا ملو هدومه الغاليه عشان يشتغل مدير يبقي ده مش حرام ؟

لا مش حرام ..... لان اول مين قال ان المصري مش لاقي ياكل بسبب البنغالي؟ و مين قال ان ده زي ده؟ و فكرك هما جابوه مدير ليه؟؟؟؟؟؟ عشان سواد عيونه ؟؟؟؟؟

و بعدين بحسبه بسيطه الراجل البنغولي ده عنده شقق ب 2 مليون جنيه و في ناس عايشه علي الارصفه و ملايين الشباب و انا منهم مش لاقيين شقق يتجوزوا فيها و اللي من بره البلد عنده شقق بملايين

نفس الكلام ينطبق على لاعبي الكرة و الممثلين و غيرهم من الطبقات اللي مالهاش اي لازمة اصلا

في المقابل ده واحد بشقاه و عرقه عمل كده ...... انت مستكتر عليه رزقه ليه ؟؟؟؟؟؟ و مين قال انه لو ماكانش خد كده كان الرزق ده راح لغيره؟

و بعدين غير الشقق الفلوس اللي متعبيه في البنوك مش اقل 8 مليون جنيه عشان يتكلم في مصنع في بلدنا يعني عمل 10 مليون في 10 سنين و هما اصلا لا عندهم علم و لا يحزنون هو لو هندي اقلك ماشي معديه لكن بنغولي لا و بعدين خش كده علي جوجل و بص عليهم في بلدهم عاملين ازاي ؟ عايشين في فقر مدقع فمنين جاب الخبرات المهوله عشان يبقي مدير و كمان يقبض مليون جنيه في السنه ؟ و كمان جاب الفلوس دي منين ؟

يعني لو كان سعودي و لا كويتي كنت هتبقى مبسوط مثلا

حضرتك بتقسم الارزاق بكيفك ؟؟؟؟؟

و مين قال لك ماعندوش علم و لا يحزنون

مش يمكن عنده علم

مش يمكن داخل جامعات في اوروبا مثلا !!!

ماهو المصري في بلاد كتيرة الصورة المتاخدة عنه هي العامل ابو جلابية و زلعة مش و اما تقول لهم مصري دكتور و مصري مهندس يضحكوا عليك و يقول لك فين ده

و برضه احنا في فقر مدقع يبقى برضه احنا ما نستاهلش

و نفس الشئ ما فيه مصريين في الخليج عملت ملايين و لو حد قال له انت مصري و فقير في بلدك يبقى غلطان

و على فكرة خش على جووجل هتلاقي اغلب الحاجات عن مصر مش ظريفة خالص

[human]

و الله العظيم انا كنت حاسس اني هتشل لما سمعت الحكايه
اسمعوا و اتشلو معايا :i_angr1[1]:

سلامتك من الشلل و شكرا على الدعوه الكريمه

واحد بنجلاديشي معفن و جربوع ( راسيل ) شغال في نفس المصنع اللي شغال فيه عم ابراهيم بس بقاله شغال نص المده بس و هنا الفجيعه اللي سمعتها :i_angr1[1]:

شوفتوا الفرق بين المصري اللي اتمرط 25 سنه في مصانع الاستثمار و بين البنجلاديشي المعفن اللي بقي معاه ملايين في نص المده ... عشان تعرفوا بس ان مصر لسه بخير

حضرتك بتحكم عليه ازاى انه معفن؟!
يعنى ايه مؤهلاتك انك تحكم على انسان انه جربان؟ ده واحد متغرب و اتعامل مع ناس زى حضرتك بيبوصولوا بصه دونيه و قدر انه يحقق اللى لا حضرتك ولا عم ابراهيم قدر يحققه

يبقى مين اللى فاشل فى القصه ديه؟؟

هوه من امتى الناس بنحكم عليهم بأعراقهم و بلونهم و جنسيتهم؟

انت لو رحت اشتغلت فى السعوديه و يقولوك يا مصرى كأنها شتيمه هتبقى مبسوط؟؟

و ليه ده انت من بورسعيد لو جيت تشتغل فى القاهره ممكن يهروك عشان بورسعيدى ديه من اول ابو العربى لكلام ماسخ بيقولوه!!

ليه العنصريه و ياريت مثلا مصرى ديه كلمه هتعملك قيمه لو سافرت بره ديه مصرى ديه تجيبلك وجع القبلب يعنى مصرى و من بورسعيد و بيتريق على بنجلاديشى

لا معلش لما واحد مصري مش لاقي ياكل لمجرد ان في واحد بنغولي جايبينه بيه باشا ملو هدومه الغاليه عشان يشتغل مدير يبقي ده مش حرام ؟ و بعدين بحسبه بسيطه الراجل البنغولي ده عنده شقق ب 2 مليون جنيه و في ناس عايشه علي الارصفه و ملايين الشباب و انا منهم مش لاقيين شقق يتجوزوا فيها و اللي من بره البلد عنده شقق بملايين و بعدين غير الشقق الفلوس اللي متعبيه في البنوك مش اقل 8 مليون جنيه عشان يتكلم في مصنع في بلدنا يعني عمل 10 مليون في 10 سنين و هما اصلا لا عندهم علم و لا يحزنون هو لو هندي اقلك ماشي معديه لكن بنغولي لا و بعدين خش كده علي جوجل و بص عليهم في بلدهم عاملين ازاي ؟ عايشين في فقر مدقع فمنين جاب الخبرات المهوله عشان يبقي مدير و كمان يقبض مليون جنيه في السنه ؟ و كمان جاب الفلوس دي منين ؟

انت فاكر اصحاب الشغل دول بيوزعوا بوزو ولا كاراتيه
ده بيزنس - الراجل ده لو مايستحقش كل قرش بياخده يمشوه من الصبح و اكيد قادر يعمل اللى انت مش قادر تعمله انت و الشباب العاطلين اللى مش لاقيين شغل - المصنع مش مؤسسه خيريه يلاقوا ناس من غير شغل يقولك تعالى خدلك اتنين تلاته مليون مانت مصر و حبيبنا و انت ماعندكش اى حاجه تفيد المصنع مثلا
انت لو مش هتكسبوا اكتر من اللى بتاخده 100 مره يبقى مالوش لازمه

شوف ده جاى من بنجلاديش اللى انت شوفتها فى جوجل و شوف قدر يعمل ايه
وشوف انت عمال تحسد و تعد اللى بياخده و تشتمه

لا فضل لعربي على عجمي إلا بالتقوى

بجد حاجه تجيب اكتئاب و شلل (شكرا يا استاذ روميو اديك وصلتنا ليه)

[هيثم]

ما اظنش ان فى مجال للمقارنه بين عامل بسيط و مدير
لو عايزين نقارن المدير الاجنبى ده لازم نقارنه بمن يعادله
فى الوظيفه و الدخل .................. الخ

[romeo_6887]

خلاص انا اسف يا جماعه اني عملت الموضوع ده
و انا غلطان اني شايف ان احنا اولي بالفلوس و المناصب دي
و ارجو غلق الموضوع عشان الردود الحاده

[lonedoctor]

والله انا شايف يا جماعة انه الموضوع دخل فى جدل عقيم وكل واحد امسك طرف من اطراف المشكلة وترك الجزء المحورى الاساسى
خلينا نبص للموضوع بشكل حيادى ومنصف وموضوعى
اولا لايمكن ابدا وصف اى انسان بانه جربوع او شئ من هذا القبيل وخاصة لو كان انسان مسلم فيكون الخطب عظيم لان المسلم اخو المسلم لا يظلمه ولا يحقره ولا يسلمه كل المسلم على المسلم حرام دمه وماله وعرضه كما قال صلى الله عليه وسلم ويجب على الاخ الفاضل صاحب الموضوع الاعتذار عن هذه الالفاظ لا محالة
الامر الثاتى وهو محور الموضوع واظن ان الاخ صاحب الموضوع له الحق تماما فى ان يعترض وهو كيف وصل هذا الرجل الى هذا المستوى المادى المرتفع فى خلال فترة وجيزة بالرغم من انه ليس من ابناء البلد؟ وبغض النظر عن الشهادات التى حصل عليها ومركزه العلمى هل هذا امر معقول؟
وهل لا يوجد فى مصر من الكفاءات التى لا تستطيع القيام بالمهمة التى يقوم بها هذا الرجل؟
ليست هذه عنصرية ابدا وانما هذا واقع وله اصول فى الشريعة ايضا فكل بلد وكل ولى امر يجب عليه ان يهتم بابناء بلده اولا وتحتسين احوال معيشتهم وامور حياتهم قبل ان يهتم بمن هو من دولة اخرى بل ومن قارة اخرى وبنجلاديش هى دولة من افقر دول العالم وممستوى التعليم فيها منحط الى اقصى مدى ولا يحاول ان يقنعنى احد ان هذا الرجل خبير استراتيجى وعالم فى تخصص نادر ولذلك تم التعاقد معه لكى يقدم هذه الخبرة العظيمة لابناء وحكومة جمهورية مصر العربية وانا هنا اعمل فى السعودية طبيب استشارى من 10 سنوات والسعودية من اكثر دول العالم توظيفا للاجانب فى شتى المجالات ولا اجد البنجلاديش الا عمال نظافة براتب 200 ريال شهريا
هذا الموضوع يعبر تعبيرا واقعيا عن الماساة التى نعيشها كمصريين فى بلادنا التى اصبح خيرها لغيرنا وقد نفضت الحكومة يدها تماما من تحمل المسؤلية تجاه مواطنيها وابناءها واصبحنا مواطنين بالانتساب ولا يربطنا ببلدنا الا خانة الجنسية فى جواز السفر فقط
لك الله يامصر
لك الله