استشاره قانونيه

[shiko85]

السلام عليكم ورحمة الله وبركاته
بسم الله الرحمن الرحيم
بعد وفاة جدى تم حصر التركه و تقسيمها و اللى كان متولى عمليه الحصر ابن خالت والدتى بأعتباره اكتر واحد عارف التركه علشان كان شغال مع جدى فالمقاولات, المهم عمل عقود التنازل و المعروف ان كل واحد من الورثه بيمضى للتانى, هو حط ورقه بيضاء وسط العقود و خلى والدتى تمضى عليها من غير ماحد ياخد باله و بعد كده راح عمل عقد بيع ابتدائى على الورقه دى و راح المحكمه و عمل قضيه صحه توقيع و الطب الشرعى حكم بصحه التوقيع
العقد من صوره واحده فقط و من غير شهود و العقد فالمحكمه من سنه 95 الى الأن
و نصحنا المحامى فى ذلك الوقت بعمل عقد بيع و تنازل عن المحل لى و لاخى و والدى هو الوصى علينا, ايه المفروض نعمله دلوقتى بعد ماعدينا الــ 21 سنه ؟؟ و هل بعد 15 سنه يسقط الحكم بصحه التوقيع ؟
ارجوا الأفاده و جزالكم الله خـــــــــــير

[أحمد كمال]

ربنا ينتقم منه شر انتقام .... آمين

[shiko85]

ربنا ينتقم منه شر انتقام .... آمين

اميــــــــــــــــــــــن و حسبنا الله ونعم الوكيل
انا متشكر لحضرتك والله

[أحمد كمال]

الواحد لو اشترى حاجة من مكان بعيد و رجع لقى غلطة في الحساب في جنيه و لا اتنين جنيه عليه بيبقى هيتجنن و يرجع يدفعهم

تقول لي يمضي واحدة قريبته وثقت فيه على بياض و ياكل حقها

بكرة يندم بس بعد فوات الاوان

[shiko85]

الواحد لو اشترى حاجة من مكان بعيد و رجع لقى غلطة في الحساب في جنيه و لا اتنين جنيه عليه بيبقى هيتجنن و يرجع يدفعهم

تقول لي يمضي واحدة قريبته وثقت فيه على بياض و ياكل حقها

بكرة يندم بس بعد فوات الاوان

الدين هو الى بيمنع الواحد من انه ياكل حق حد علشان عارف ان فى حساب و عقاب و ساعتها مش هتنفعه الحقوق اللى خدها
انا متأكد ان ان شاء الله ربنا هيرجعلنا حقنا و مش لازم فالدنيا و ان شاء الله هيعوضنا بأحسن منه 100 مره علشان احنا مش بنقول غير يا رب

[elassar2010]

اية علاقة الطب الشرعى بصحة التوقيع؟؟؟؟؟
هو والدتك طعنت بالتزوير على الامضاء؟

[shiko85]

اية علاقة الطب الشرعى بصحة التوقيع؟؟؟؟؟
هو والدتك طعنت بالتزوير على الامضاء؟

اه طعن بالتزوير علشان الأول كنا فاكرين انه زور الأمضاء

[elassar2010]

اه طعن بالتزوير علشان الأول كنا فاكرين انه زور الأمضاء

هو المفروض المحامى كان يلعب فى حتة الغش والتدليس بس الواضح ان المحامى ماعملش كدة
كدة خلاص الى خدة بقى بتاعة قانونا وماينفعش انك تطعن باى طريقة

وبرضة استى المحامين الاكثر خبرة منى

[shiko85]

هو المفروض المحامى كان يلعب فى حتة الغش والتدليس بس الواضح ان المحامى ماعملش كدة
كدة خلاص الى خدة بقى بتاعة قانونا وماينفعش انك تطعن باى طريقة

وبرضة استى المحامين الاكثر خبرة منى

هو مخدش المحل كل اللى عمله خد حكم بصحه التوقيع فقط من غير نفاذ و كمان العقد من صوره واحده و موجوده فالمحكمه و من غير شهود خالص و هو عقد بيع ابتدائى و مفيش تسجيل فالشهر العقارى ولا حاجه خالص و مش معاه اى نسخه ولا حاجه خالص غير العقد نفسه اللى فالمحكمه, القضيه من 95 هل صحيح حكم صحه التوقيع بيسقط بعد 15 سنه و لازم يعمل قضيه جديده ؟؟

[elassar2010]

هو القضيه من 95 هل صحيح حكم صحه التوقيع بيسقط بعد 15 سنه و لازم يعمل قضيه جديده ؟؟

بالنسبة لحكم صحة التوقيع مش بيسقط نهائى
بالنسبة لصورة العقد هو معاة العقد طبعا لانى لما برفع صحة توقيع بحط العقد فى القضية ولما يتحكم بالقبول باخد العقد الاصلى ومصدق علية بصحة التوقيع
يعنى مافيش حاجة اسمها ماعهوش العقد

[shiko85]

بالنسبة لحكم صحة التوقيع مش بيسقط نهائى
بالنسبة لصورة العقد هو معاة العقد طبعا لانى لما برفع صحة توقيع بحط العقد فى القضية ولما يتحكم بالقبول باخد العقد الاصلى ومصدق علية بصحة التوقيع
يعنى مافيش حاجة اسمها ماعهوش العقد

طيب احنا عملنا طعن فالحكم و كل شويه كان المحامى بيأجل القضيه, يبقى كده هو مش معاه عقد صح ؟؟
طيب لو معاه عقد يقدر يعمل بيه ايه ؟؟ هو عقد ابتدائى و مش مسجل و لا شهود ولا حاجه خالص
طيب احنا المفروض نعمل ايه دلوقتى ؟؟