حادثة جامدة في شارع شبرا و موقف ربنا لا يكتبة علي حد

[M.Mosaad]

اللي دماغه تعباه وعايز يجري هايجري في اي حتة.........والحادثة كانت باليل والشارع بيكون فاضي الي حد ما من العربيات.........بس ساعة القدر بأه........

ما هي مشكله ان في ناس غشيمه كتير بتفتكر ان الجري هو ضغط علي البنزين و خلاص و لو الطريق فاضي يبقي الواحد يطير علشام كدة يوميا في علي موبري اكتوبر حادثة الصبح بدري علشان الناس اللي بتلاقي الكوبري فاضي يقوم طايرو لما الطريق يلف فجأة الدركسيون يروح منه او يلاقي عربيه واقفه عطلانه و يوقف حال الناس وراه في حادصة في توقيت المفروض الطريق يكون رايق

[ahmed88hassan]

المكان : شارع شبرا امام كلية الهندسة

الزمان : الساعة 2 مساء
كنت قاعد بتكلم مع m_ghazaly علي الميل و مرة وحدة سمعت صوت خبطة جااامدة جدااا
جريت علي البلكونة اشوف في ايه لقيت الناس كلها بتجري و انا ال view بتاع البلكونة مش مبينلي حاجة
طلعت جري علي السطح اشوف فيه اول ما بصيت علي العربية لقيت نورها ضارب في وشي فوق السطح " الدور الخامس" يعني متخلين العربية كانت في زاوية عاملة ازاي
نزلت جري علي الشارع احاول اساعد لقيت تاكسي شاهين طالع فوق الرصيف الفاصل بين الاتجاهين و داخل في عمودنور و كلمة متدمر دي قليلة عليه التابلوة طالع في الكبينة و القوايم متكسرة و الكبوت و الماتور و الكابوت داخل علي الكبينة وجسم العربية نفسة بقي علي شكل رقم 8 بالعربي
و الكنبية الي وا طايرة في الشارع بالراكب الي كان قاعد عليه" راجل كبيرحوالي 55 سنة"
و قدام كان راكب واحد كمان غير السواق
الراكب الامامي دة ربنا يرحمة لو كان مات لان شكلة كان متبهدل خالص مفيش عضمة فيه سليمة و دماغة كانت بتجيب دم
و التابلوة كان طالع في وشة و السواق كان مخبوط في وشة و كدمات او كسور بسيطة
و ورا التاكسي الشاهين كانت في عربية تانية 128 طالعة برضة علي الرصيف الفاصل بين الاتجاهين و دي كان الناس الي فيها سلام بس الرفرف القدماني يمين ضايع و اظن المقصات برضة
المهم جريت علي الراجل الي كان قاعد علي الكنبة الورا الي طار بيها في الشارع
الناس كانو قوموه و قعدوه علي كرسي لقيته الحمد لله مفيش كسور بس راسة كانت وارمة جدااا من الخبطة في الاسفلت
و كان فايق بس مدروخ جامد بس قعدت اكلمة و اشاورلة بارقام و الحمد لله جاوب صح و كان واعي سالتة اذا كان عندة السكر قالي لا سالتة علي رقم تليفون حد من قرايبة او اولادة قالي مش فاكر طب معاك موبايل يا حج قالي لا طب بطاقة لا برضة سالتة علي عنوان بيتة الحمد لله طلع فاكرة و كان الحمد لله قريب اوي
في الوقت دة كان الناس بتحاول تخرج الراجل التاني كان في العربية زعتلقهم و مخلتش حد يحاول يطلعة لان ممكن الناس تشدة غلط تسبب في مضاعفات اكتر و في الوقت دة الناس اتصلت بالاسعاف و لاول مرة اشوفهم بيوصلو بسرعة جدااا كانو في 7 دقايق بالظبط وصلو و معاهم بوكس و ظابط شرطة المهم خدو المصابين و طلعو علي المستشفي و الظابط جة اتكلم معايا و مع واحد تاني الي كان موجود جنب الحادث و شافه كلة
الي حصل بقي
التاكسي دة ماشي في الشمال و وراة ال 128 في النص علي اليمين كان في عربية راكنة
الاوبل جة ياخد غرزة كان غشيم اوي العربية حدفت منة خلا ال 128 يخبط في التاكسي الشاهين و يحصل الي حصل
المصيبة بقي ان بتاع الاوبل ربنا يحرقة بجاز جري و مفكرش حتي يقف يساعد الناس الي بتموت دي
حسبي الله و نعم الوكيل
المهم قلت للظابط انا عرفت عنوان اهل المصاب الي ورا
اداني رقم تليفونة قالي بعد ما اوديهم المستشفي اخليهم يكلموه عشان يعملو محضر
خدت واحد جاري عشان نروح نبلغ اهل المصاب و تطوع شباب بكيا سيراتو انهم يوصلونا و يروحو معانا
طبعا اول ما وصلت خلاص كانت اعصابي باظت و مش قادر اقف علي رجلي و شايل هم ازاي هبلغ اهله
رحت و خبط طلعتلنا مراتة و بنتة
من لبختي و بوظان اعصابي انا نسيت اسم الراجل ايه
قلتها حضرتك جوز حضرتك عمل حادثة و حاليا هو في مستشفي الساحل طبعا الست انهارت و بنتة نفس الكلام طلعنا ابنة قلتلة هو والد حضرتك شكلة كذا كذا
قالي اه قلتله هو عمل حادثة و هو موجود في مستشفي الساحل
و اديتة رقم الظابط و هما راحو علي المستشفي و انا رجعت تاني علي مكان الحادثة
لقيت سواق التاكسي موجود هناك و صاحب ال 128
و المصيبة ان سواق التاكسي عايز يشيل صاحب ال 128 الليلة
يعني مفيش اتعاظ انك كنت بينك و بين الموت خطوات و احتمال يكون الي معاك مات اصلا
و الناس كلها الي كانو موجودين و شاهدين الحادث كدبوه
و حسبي الله و نعم الوكيل في صاحب الاوبل الي اتسبب في المصيبة دي و هرب
النقط الايجابية في الموضوع
الاسعاف في 7 دقايق بالظبط كانت موجودة هي و الشرطة
الشرطة حاليا عاملة كاردون حوالين الحادثة و عاملة حراسة حوالين العربيات
النقط السلبية
كل المعدي علي الجانبين واقف يتفرج لدرجة ان الاسعاف مكنتش عارفة تخش
محدش حاول رضي يروح المستشفي او يتكلم حتي مع الظابط غيري و واحد تاني بس

في النهاية ربنا يستر طريقنا كلنا
و ادي نهاية السرعة و تهور في القيادة
و حسبي الله و نعم الوكيل في صاحب الاوبل
الا

ربنا يستر علينا كلنا ... ولازم نكون مسئولين شوية ونتحترم حقوق الغير

بس انا ليا رجاء صغير عند حضرتك انت وصديقك العزيز (غزالي)
((((((ابوس ايديكوا غير نوع الخط اللي بتكتبوا بيه ده لأني خلاص بحس اني هتعمي ونا بقراه او لو مش عايزيين تغيروه كبروا الحجم شوية عشان بجد متعب اوي ))))))))))))
وشكرا للتعاون...انا عارف اني بتعبكوا معايا

[AhMeD EzZ]

عزت انا ليا طلب صغير منك ومنك غزالى من غير زعل
ياريت تغيير خط الكتابة لانه مرهق جدا فالقراءة لدرجة انى بعانى وغالبا مش بقدر اكمل قراءة مشاركتكم بسبب الخط ده
ربنا يستر علينا من الحوادث

علم و جاري التنفيذ

[AhMeD EzZ]

قدر الله وما شاء فعل
إذن هناك مشكلة في السيارة الشاهين
كان عندي سيارة شاهين موديل 1999 وكنت شريها زيرو وفي يوم الجمعة 2002/8/16 كان يقودها أخي الكبير ومعه والدي يرحمه الله رحمة واسعة
وفي طريق بني سويف اصتدم أخي بسيارة ميكروباص ونفس الوصف تقريباُ حدث في السيارة .
كسر القوائم الامامية خلع القوائم الوسطى من الأسفل ( هجوم ) الفتيس والموتور على الكرسي الأمامي يمين إنفصال ظهر الكرسي عن المقعد
وبالنسبة للسائق كان من حظه الدريكسيون .
والنتيجة ؟؟
وفاة والدي يرحمه الله بعد الحادث بأقل من ساعة من شدة ما ألم به من إصابات ( والأعمار بقدر ربنا ) و إنا لله وإنا إله راجعون .
أما أخي فقد أصابه ما أصابه ( كسر بعظمة الفخذ وتم تثبيته بشريحة و 16 مسمار وكسر بمفصل الحوض وتم تثبيته ب 2 مسمار وكسر بعظمة الساعد وتم تثبيته بشريحة و8مسمار وهذا بفعل الدريكسيون
أما المصيبة الكبرى ففقدانه إحدى عينيه بسبب الزجاج الامامي ( فقدانها للرؤيا ولكن الشكل العام لها سليمة ) ولله ما أعطى ولله ما أخذ ولا نقول إلا ما يرضي ربنا إنا لله وإنا إليه راجعون .
والسبب في كل هذه المصائب أن سائق الميكروباص كان يقود سيارته بسرعة عالية وكان يتخطى سيارة اخرى على يمينة في طريق أسيوط الزراعي ( طريق رايح جاي عرضه لا يتخطى ال10 أمتار )
رعونة

ربنا يرحم والدك و يغفرلة
و يتم شفاء اخوك علي خير

[hazemhassan]

يا حولا ولا قوة الا بالله
ربنا يكفينا الشرررر
والله انت كترررر خيرك على وقفتك مع الناس
ودى عند بيتنا اللى فى شبرا انا ساكن فى شارع الخزندارة
وفى بين التوحيد والنور والكلية الطريق ممموج ومش مظبوط فى الشمال
ممكن تكون بردو قصرت على بتاع 128 ورما اكتر على التاكسى ومع السرعة حصل اللى حصل
ربنا يكفينا الشررررررررر

[AhMeD EzZ]

يا حولا ولا قوة الا بالله
ربنا يكفينا الشرررر
والله انت كترررر خيرك على وقفتك مع الناس
ودى عند بيتنا اللى فى شبرا انا ساكن فى شارع الخزندارة
وفى بين التوحيد والنور والكلية الطريق ممموج ومش مظبوط فى الشمال
ممكن تكون بردو قصرت على بتاع 128 ورما اكتر على التاكسى ومع السرعة حصل اللى حصل
ربنا يكفينا الشررررررررر

فين يا باشا في شارع الخازندارة ؟
انا عند عمارة الاوقاف

[romeo_6887]

ربنا يكفينا شر الحوادث
و نفسي الناس تبطل جري

[hazemhassan]

فين يا باشا في شارع الخازندارة ؟
انا عند عمارة الاوقاف

لو تعرف مدرسة الشهيد جلال او فراشة بربرى او قهوة فلفل
انا فى الحتة دى بالظبط وبروح مرتين فى الاسبوع

[ghost1900]

ربنا يستر على كل الناس من شر الحوادث أنا بشوف كل يوم بلاوى على الدائرى.

[gomangy]

في النهاية ربنا يستر طريقنا كلنا

[AhMeD EzZ]

لو تعرف مدرسة الشهيد جلال او فراشة بربرى او قهوة فلفل
انا فى الحتة دى بالظبط وبروح مرتين فى الاسبوع

اكيد طبعا اعرفهم كلهم و ان شاء الله اقابل حضرتك في مرة

[AhMeD EzZ]

للاسف شفت الحاادثة وكاانت بشعة وفعلا الشاهين زي ما قلت واخدة رقم 8 من اليمين وتقريبا مش نافعة لان النص الامامي بالجنب اليمين بالسقف ضااااااااااايع بمعني الكلمة..........

وسواق الشاهين كان بيزعق بعد الحادثة وقفش مع الراجل غالبا بتاع ال 128....بس سكت وماعملش حاجة.......

فعلا الناس كانت بتتفرج وع اليمين والناحية التانية سواقين التاكسي نزلوا يتفرجوا غير اللي معدي


وحصل حاجة بعد الحادثة :

الناس كانوا حوالين العربية وفجاة سمعنا صوت بنبص فوق ع العمود اللي التاكسي حاضنه لقينا الاعلان اللي في العمود من فوق وقع ( مش الحديد اللي ماسك الاعلان...لأ البلاستيك اللي مكتوب عليه اللي بيتغير مع تغيير الاعلانات ) بس الحمد لله ماحدش حصله حاجه........

ربنا يستر طريقنا جميعا

علي كدة بقي حضرتك من المنطقة ؟

[nasr-eldeen]

ربنا يرحم والدك و يغفرلة
و يتم شفاء اخوك علي خير

الله يكرمك
الحادثة دي من 8 سنوات
وتقبل الله منك الدعاء

[ابوهاشم]

معقوله فى شارع شبرا وفى تسارع بالشكل
المخيف ده
ربنا يسترها معانا جميعا

[الغزالى]

عزت انا ليا طلب صغير منك ومنك غزالى من غير زعل
ياريت تغيير خط الكتابة لانه مرهق جدا فالقراءة لدرجة انى بعانى وغالبا مش بقدر اكمل قراءة مشاركتكم بسبب الخط ده
ربنا يستر علينا من الحوادث

ولا زعل ولا حاجة يا باشا انت تا مر بس حلو كدة الخط دة :b4_007::b4_007::b4_007::b4_007: