اماكن ملاعب كره قدم -- نجيله --

[Yarisawy]

السلام عليكم ,

حد يا جماعه من هواه لعب الكره يعرف ملاعب نجيلة كويسه يتلعب فيها بالتحديد فى المعادى , عايزين نلعب انا واصحابى ومش لاقيين غير فى مدرسة البشائر والساعة ب 100ج بس للأسف مفيش مواعيد مناسبه خالص

ياريت اى حد يعرف ملاعب كويسه للإيجار يفيدنا

شاكرين يا رجاله

[Amrrr]

جاردينيا - على اول طريق السويس بعد اربعة ونص

[ihabchina]

ملعب القوات المسلحة اللى جنب سيتى استارز امتداد مكرم عبيد.. ملعب نجيلة صناعى واضواء كاشفة عالية جدا.. الساعة 200 جنية

[karioky]

المدرسة الفندقية فى نركو 2 الملاعب نجيلة صناعى و نضيفة أوى بس الساعة ب 150

[E30power]

انا عن نفسى بحب اللعب فى الخماسى اكتر من النجيلة .......
عموما فى مدينة نصر ..فى الوفاء والامل ملاعب نجيلة وخماسى ...النجيلة هناك روعة الخماسى زبالة بمعنى الكلمة ...الساعة للنجيلة ب 150 ....

وللخماسى 30 ج

و فى الزهراء ساحة 1 حوالى 4 ملاعب وساحة 2 تلت ملاعب بس صغيرين كلو تاجير ملاعب خماسى ونضيف جداا ودة على طول الى بنروحة والساعة فى الاتنين ب 30ج

وفى الى جمب ستى استاز دة برضك نجيلة ويعتبر انضفهم بس غالى شوية

وفى جمب نادى الدفاع الجوى ساحة خماسى برضك الساعة ب 40

وفى فى الشيراتون ملعبين بس معرفش المكان اووى بس لو عايز اجيبلك الوصف


وساعات بناجر ملاعب المدارس ههههههه ولما الدنيا بتكون مزنقة بننزل سوق السيارات ونعيش حياتنا ودية يعتبر اكبر ارض بنلعب فيها وغالبا بننزل نلاعب فرق ماليزية او صومالية واعانك وبيكرهو حياتهم مننا .....بيقولو اننا لعب المصريين خشن ههههههه

[Yarisawy]

شكرا ليكوا كلكوا يا الردود يا رجاله ... بس ياريت لو الافاده اكثر فى ملاعب بمنطقة المعادى

المدرسة الفندقية فى نركو 2 الملاعب نجيلة صناعى و نضيفة أوى بس الساعة ب 150

ممكن تقول مكانها فين بالضبط او تليفونهم

شكرا ليكوا مرة تانيه وفى انتظار باقى الاعضاء

[karioky]

و أنتا ماشى فشارع الزهرأ الرئيسى من ناحية المعادى تانى شارع يمين قبل النفق

[Yarisawy]

و أنتا ماشى فشارع الزهرأ الرئيسى من ناحية المعادى تانى شارع يمين قبل النفق

جزاك الله خيرا وان شاء الله اعدى عليها واشوف نظامهم ايه

ياريت لو حد يعرف ملاعب تانيه فى المعادى يبلغنا يا رجاله

[عباد الرحمن]

ملعب كرة قدم

انا اعرف ملعب كرة قدم خماسىة , نجيل صناعى , مطابقة لمواصفات الفيفا للإيجار بالساعة جمب كارفور
ودا رقمهم 01221400140

[Screenplays]

فكرتوني بايام وقوفي كجول كيبر ... كان بشرب شويه اجوان ايه عنب ههههههههههههههه و لا اوليفر كان في زمانه

[Ahmed_Ramadan]

فى عندك ملعب eazy sport عند مطلع المقطم من الأوتوستراد

[aif]

فى عندك ملعب eazy sport عند مطلع المقطم من الأوتوستراد

ايوا ده بتاع شركة العبد وعملوه نادي دلوقت
وفيه كمان في المقطم بردو في الطريق الصاعد بين الهضبة الوسطى والهضبة العليا باشوف ملعي خماسي لسة معمول جديد

[dede_dodo88]

في ملعب نجيلة أسمه "الملعب" ناحية كارفور المعادي الناحية التانية على الأوتوستراد ورا بنزينة وطنية غالباً (مش متأكد هي وطنية وللا حاجة تانية).. بس مش عارف الصراحة بكام لأني لما بروح مش أنا اللي بحجز..

[khaled_bibo]

السلام عليكم ,

حد يا جماعه من هواه لعب الكره يعرف ملاعب نجيلة كويسه يتلعب فيها بالتحديد فى المعادى , عايزين نلعب انا واصحابى ومش لاقيين غير فى مدرسة البشائر والساعة ب 100ج بس للأسف مفيش مواعيد مناسبه خالص

ياريت اى حد يعرف ملاعب كويسه للإيجار يفيدنا

شاكرين يا رجاله

مدرسة. البشاير. ديه بتاعت. مدرس. ال
ه math بتاعي ل و اسمه أحمد. رشاد

[Nistelrooy]

فية قبل طلعة الدائري المعادي من المريوطية بعد اولاد رجب الجديد
وانا بعلب علطول في مركز التنمية الرياضية امام مساكن الشيراتون مصر الجديدة